09/07/2026
ភ្នំពេញ, ថ្ងៃទី 29 ខែមិថុនា ឆ្នាំ 2026 - យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះ លោកស្រី Ann Lim ចំពោះការបរិច្ចាគដ៏សប្បុរសនូវទូរទស្សន៍ឆ្លាតវៃថ្មីមួយគ្រឿង ម៉ាក Samsung ទំហំ 55 អ៊ីញ ដល់សាលាបឋមសិក្សា តាព្រហ្មក្តុល នៅថ្ងៃទី ២៩ ខែមិថុនា ឆ្នាំ ២០២៦ ដើម្បីគាំទ្រដល់ការប្តេជ្ញាចិត្តជាបន្តបន្ទាប់របស់កម្មវិធីទំនួលខុសត្រូវសង្គមរបស់ សម្បត្តិ ហ្វាយនែន ក្នុងការគាំទ្រដល់ការអប់រំ និងការអភិវឌ្ឍសហគមន៍។
ការបរិច្ចាគនេះមានគោលបំណងបង្កើនបរិយាកាសការសិក្សារបស់សិស្សានុសិស្ស និងលក្ខខណ្ឌការងាររបស់គ្រូបង្រៀន ព្រមទាំងកិច្ចការរដ្ឋបាលរបស់សាលារៀន។ ទូរទស្សន៍នេះនឹងប្រើប្រាស់ជាឧបករណ៍ជំនួយការអប់រំ ដែលអនុញ្ញាតឱ្យគ្រូបង្រៀនផ្តល់មេរៀនកាន់តែទាក់ទាញ និងមេរៀនអន្តរកម្មតាមរយៈមាតិកាជាច្រើនប្រភេទ។ ទន្ទឹមនឹងនេះ គ្រឿងសង្ហារឹមការិយាល័យដែលប្រើប្រាស់រួច ដែលបានបរិច្ចាគដោយ គ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន នឹងផ្តល់នូវកន្លែងធ្វើការដែលមានផាសុខភាព និងមានរបៀបរៀបរយជាងមុន ដោយជួយដល់កិច្ចការរដ្ឋបាលពីមួយថ្ងៃទៅមួយថ្ងៃរបស់សាលារៀន។
ពិធីប្រគល់-ទទួលដ៏សាមញ្ញនេះ មានការចូលរួមពី លោកស្រី Ann Lim លោក លោកស្រីតំណាងពី សម្បត្តិ ហ្វាយនែន គណៈគ្រប់គ្រងសាលារៀន និងលោកគ្រូ អ្នកគ្រូ។ ក្នុងអំឡុងពេលនៃកម្មវិធីនេះ សម្បត្តិ ហ្វាយនែន បានបញ្ជាក់ជាថ្មីនូវការប្តេជ្ញាចិត្តរបស់ខ្លួនក្នុងការចូលរួមចំណែកដល់ការអប់រំ និងបង្កើតផលវិជ្ជមាននៅក្នុងសហគមន៍ដែលខ្លួនធ្វើប្រតិបត្តិការ។
ការថ្លែងនៅក្នុងពិធីនោះ លោកស្រី Ann Lim បានមានប្រសាសន៍ថា៖
«ការអប់រំគឺជាមូលដ្ឋានគ្រឹះនៃអនាគតដ៏ភ្លឺស្វាង។ ខ្ញុំមានសេចក្តីសោមនស្សរីករាយក្នុងការជួយគាំទ្រសាលាបឋមសិក្សា តាព្រហ្មក្តុល ដោយផ្តល់ធនធានដែលនឹងជួយបង្កើតបរិយាកាសបង្រៀន និងរៀនឱ្យកាន់តែមានប្រសិទ្ធភាព។ យើងសង្ឃឹមថាការចូលរួមចំណែកនេះនឹងផ្តល់អត្ថប្រយោជន៍ដល់ទាំងសិស្ស និងអ្នកអប់រំជាច្រើនឆ្នាំខាងមុខទៀត»។
នាយកសាលា លោក គឹម សុផល បានសម្តែងការកោតសរសើរយ៉ាងស្មោះស្ម័គ្រចំពោះការបរិច្ចាគនេះ។
«យើងសូមថ្លែងអំណរគុណយ៉ាងជ្រាលជ្រៅចំពោះ លោកស្រី Ann Lim និងគ្រឹះស្ថានមីក្រូហិរញ្ញវត្ថុ សម្បត្តិ ហ្វាយនែន ក្នុងការជួយគាំទ្រដ៏សប្បុរសធម៌នេះ។ ទូរទស្សន៍នេះនឹងពង្រឹងការបង្រៀនក្នុងថ្នាក់រៀន ខណៈដែលគ្រឿងសង្ហារឹមការិយាល័យនឹងធ្វើឱ្យប្រសើរឡើងនូវសម្ភាររដ្ឋបាលរបស់យើង។ ការចូលរួមចំណែកទាំងនេះនឹងពោរពេញទៅដោយអត្ថន័យ និងលទ្ធផលយូរអង្វែងចំពោះសាលារៀនរបស់យើង»។
នៅ សម្បត្តិ ហ្វាយនែន យើងជឿជាក់ថា ការវិនិយោគលើការអប់រំ គឺជាការវិនិយោគនាពេលអនាគត។ តាមរយៈកម្មវិធីគំនិតផ្តួចផ្តើមទំនួលខុសត្រូវសង្គមរបស់យើង យើងនៅតែមានការប្តេជ្ញាចិត្តក្នុងការជួយគាំទ្រសាលារៀន ដឹកនាំសិស្សវ័យក្មេង និងធ្វើឱ្យសហគមន៍ដែលយើងជួយកាន់តែរឹងមាំឡើង។
យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះអ្នកទាំងអស់គ្នាដែលបានចូលរួមចំណែកធ្វើឱ្យកម្មវិធីគំនិតផ្តួចផ្តើមនេះប្រព្រឹត្តទៅដោយជោគជ័យ ហើយយើងនឹងបន្តភាពជាដៃគូរបស់យើងជាមួយសហគមន៍ក្នុងតំបន់ តាមរយៈកម្មវិធីទំនួលខុសត្រូវសង្គម (CSR) ដែលមានអត្ថន័យ និងប្រកបដោយចីរភាព។
#សាលាបឋមសិក្សាតាព្រហ្មក្តុល
