នាយកដ្ឋានថវិកានីយកម្មដែលជាសេនាធិការរបស់អគ្គនាយកដ្ឋានថវិកានៃក្រសួងសេដ្ឋកិច្ចនិងហិរញ្ញវត្ថុ មានតួនាទីសំខាន់ប្រាំគឺ៖ (១) ដឹកនាំនិងសម្របសម្រួលកិច្ចដំណើរការបច្ចេកទេស ដើម្បីរៀបចំសេចក្តីព្រាងច្បាប់ហិរញ្ញវត្ថុសម្រាប់ការគ្រប់គ្រងប្រចាំឆ្នាំតាមប្រតិទិនដែលចែងនៅក្នុងច្បាប់ ស្តីពីប្រព័ន្ធហិរញ្ញវត្ថុសាធារណៈ (២). ដឹកនាំរៀបចំកម្មវិធីចំណូល-ចំណាយប្រចាំត្រីមាសរបស់ក្រសួង ស្ថាប័ន និងមន្ទីរជំនាញរាជធានី ខេត្ត ដើម្បីអនុវ
ត្តច្បាប់ហិរញ្ញវត្ថុសម្រាប់ការគ្រប់គ្រងប្រចាំឆ្នាំ (៣).ដឹកនាំត្រួតពិនិត្យការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងប្រចាំឆ្នាំនៅពាក់កណ្តាលឆ្នាំ (៤).តាមដានដំណើរការអនុវត្តច្បាប់ហិរញ្ញវត្ថុសម្រាប់ការគ្រប់គ្រងប្រចាំឆ្នាំជាពិសេសចលនាឥណទាន និង ការបន្ថែមឥណទាន និង (៥).ដឹកនាំបូកសរុបការអនុវត្តនិងប៉ាន់ស្មានការអនុវត្តថវិកាប្រចាំឆ្នាំ។ក្នុងក្របខណ្ឌនៃតួនាទីនេះ នាយកដ្ឋានថវិកានីយកម្មបាននិងកំពុងបំពេញភារកិច្ចសំខាន់ៗរួមមាន៖(១).ការចូលរួមរៀបចំគោលនយោបាយចំណាយថវិកាជាមួយអង្គភាព/ស្ថាប័នពាក់ព័ន្ធ(២)ការរៀបចំសារាចរណែនាំស្តីពីការរៀបចំផែនការយុទ្ធសាស្រ្តថវិកា (៣).ការរៀបចំសារាចរណែនាំស្តីពីការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងប្រចាំឆ្នាំ (៤).ការរៀបចំសារាចរណែនាំស្តីពីការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងប្រចាំឆ្នាំ (៥).ពិនិត្យនិងផ្តល់មតិជូនថ្នាក់ដឹកនាំក្រសួង លើសំណើសុំចលនាឥណទាននិងសំណើសុំបន្ថែមឥណទានរបស់ក្រសួង ស្ថាប័ន និងមន្ទីរជំនាញ រាជធានីខេត្ត(៦)ពិនិត្យនិងផ្តល់មតិជូនថ្នាក់ដឹកនាំក្រសួងលើសំំណើសុំប្រើឥណទានថវិកាមិនទាន់ បែងចែករបស់រាជរដ្ឋាភិបាលក្រៅពីភារកិច្ចស្នូលខាងលើ នាយកដ្ឋានថវិកានីយកម្មបានបំពេញ ភារកិច្ចសំខាន់ផ្សេងៗទៀតដោយតែងតែចូលរួមផ្តល់យោបល់លើសេចក្តីព្រាងច្បាប់ទូទាត់ថវិកា ពាក់ព័ន្ធនឹងចំណាយរបស់ក្រសួង ស្ថាប័ន និងមន្ទីរជំនាញរាជធានីខេត្តនិងចូលរួមផ្តល់មតិយោបល់លើឯកសារគោលនយោបាយលទ្ធភាពថវិកាក្នុងការឆ្លើយតបនឹងគោលនយោបាយថ្មីៗរបស់រាជរដ្ឋាភិបាលក្របខណ្ឌគតិយុត្តិនិងនីតិវិធីពាក់ព័ន្ធនឹងការគ្រប់គ្រងហិរញ្ញវត្ថុសាធារណៈព្រមទាំងការចូលរួមក្នុងអង្គប្រជុំ សំខាន់ៗផ្សេងៗទៀតទាំងនៅក្នុងក្រសួងសេដ្ឋកិច្ច និងហិរញ្ញវត្ថុ និងនៅតាមក្រសួង ស្ថាប័នពាក់ព័ន្ធជាប្រចាំ។
