What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00 Saturday 08:00 - 12:00

ACON, Phnom Penh (2026)

22/01/2025

Celebrating my 7th year on Facebook. Thank you for your continuing support. I could never have made it without you. 🙏🤗🎉

09/08/2023

ថ្ងៃនេះបរទេសលក់ច្រើនគួរឲ្យកត់សម្គាល់

ពេលផ្សារបិទថ្ងៃនេះ ទំហំជួញដូរនៅលើទីផ្សារសរុប 194,176 ហ៊ុន ជាមួយនឹង តម្លៃជួញដូរភាគហ៊ុនសរុបមានចំនួន 1,637,418,910 រៀល។ ធ្វើឲ្យសន្ទស្សន៍ ផ.ម.ក បានធ្លាក់ចុះ 0.21% ដល់ 489.33 ពិន្ទុ។

វិនិយោគិនឯកត្តបុគ្គលក្នុងស្រុកបានទិញចំនួន 56% និង លក់ចេញចំនួន 69%

បរទេសបានទិញចំនួន 3% និង លក់ចេញចំនួន 31%

នីតិបុគ្គលបានទិញចំនួន 41% នៃទំហំជួញដូរសរុប។

Cr. by: ACS

08/08/2023

ក្រុមហ៊ុនបោះផ្សាយលកមូលបត្រកម្មសិទ្ធិទាំង ១១ នៅក្នុងផ្សារមូលបត្រកម្ពុជា
#គិតត្រឹម_08_សីហា_2023

08/08/2023

ហ៊ុន ៦ ប្រភេទតាម Peter Lynch

ភាពអស្ចារ្យរបស់គាត់គឺ គ្រប់គ្រងមូលនិធិ Magellan តាំងពីឆ្នាំ 1977 នៅពេលដែលវាស្ថិតនៅក្នុងស្ថានភាពលំបាកលំបិនមាន AUM ចំនួនតែ 18 លានដុល្លារ ឲ្យកើនឡើងដល់ 14 ពាន់លានដុល្លារអាមេរិចក្នុងឆ្នាំ 1990 ដែលតំណាងឱ្យការកើនឡើងសរុបចំនួន 29.2%/ឆ្នាំ រយៈពេល 13 ឆ្នាំ ល្អជាងសន្ទស្សន៍ S&P 500 ពីរដង និងជាមូលនិធិដែលដំណើរការបានល្អបំផុតមួយនៅក្នុងពិភពលោក! គាត់បានបែងចែកភាគហ៊ុនទៅតាមទំហំនៃក្រុមហ៊ុននីមួយៗ ក្នុងវិស័យអាជីវកម្មដូចគ្នាជា ៦ ប្រភេទដូចខាងក្រោម៖

3.1 ហ៊ុនកំណើនយឺត (Slow Grower)
ពាក្យថា កំណើនយឺតនៅទីនេះ គាត់កំពុងសំដៅលើហ៊ុនដែមានកំណើនប្រហាក់ប្រហែលនឹង GDP - ក្រុមទាំងនេះធម្មតាជាប្រភេទក្រុមហ៊ុនធំៗ និងក្រុមហ៊ុនចាស់ៗដែលពីមុនធ្លាប់ជាក្រុមហ៊ុនដែលរីកលូតលាស់លឿនពីមុន ហើយបន្ទាប់មកហត់នឿយ ប្រហែលជាដោយសារតែវាធំពេក ឬហត់ពេកក្នុងការរីកលូតលាស់បន្ត ដូចជាភាគហ៊ុននៅក្នុងរោងចក្រថាមពល រថយន្ត ដែកថែប និងវិស្វកម្មគីមីជាដើម។
លក្ខណៈសម្គាល់សំខាន់មួយទៀតគឺ ភាគហ៊ុនដែលលូតលាស់យឺត តែងតែចែកភាគលាភច្រើន និងជាប់លាប់ ដែល Peter Lynch និយាយថាមិនមែនជាស្តាយវិនិយោគរបស់គាត់ទេ។

3.2 ហ៊ុនរឹងមាំ (The Stalwarts)
ដូចជាងក្រុមហ៊ុន Coca-Cola, P&G, Colgate, Bristol meyer, Kelogg ទោះបីជាទាំងនេះជាក្រុមហ៊ុនធំក៏ដោយ ប៉ុន្តែនៅតែរីកចម្រើន តម្លៃភាគហ៊ុនទោះបីជាមិនកើនឡើងលឿនក៏ដោយ ប៉ុន្តែវាមានស្ថេរភាពល្អនិងមិនគួរឲ្យធុញទ្រាន់ទេ។
EPS នៅក្នុងក្រុមនេះជាធម្មតាកើនឡើង 10-12% ក្នុងមួយឆ្នាំ ដូច្នេះតម្លៃភាគហ៊ុននៅក្នុងក្រុមនេះនឹងមិនមានភាពលេចធ្លោជាដុំកំភួនទេ។ ហើយជាការពិតណាស់ការសង្ឃឹមថាទិញហើយឡើងថ្លៃ មូលធន ១០ ដង ក្នុងក្រុមនេះអាចនឹងមិនមានទេ។ ដូច្នេះ ប្រសិនបើតម្លៃភាគហ៊ុនក្នុងវិស័យនេះកើនឡើង 50% ក្នុងរយៈពេលត្រឹមតែ 1-2 ឆ្នាំ អ្នកប្រហែលជាត្រូវគិតថាតើដល់ពេលលក់ឬអត់។ ភាគហ៊ុននៅក្នុងក្រុមនេះត្រូវបាន Peter Lynch ទិញដោយរំពឹងចំណេញ 30-50% នៅពេលដែលលក់ចេញ ហើយនឹងចាប់ផ្តើមជាមួយនឹងភាគហ៊ុនស្រដៀងគ្នាថ្មី ប៉ុន្តែតម្លៃនៅមិនទាន់ឡើង។
ហ៊ុនរឹងមាំ (The Stalwarts) ប្រសិនបើមានក្នុងផលបត្រ (Portfolio) វានឹងជួយជាការការពារក្នុងគ្រាលំបាក និងវិបត្តិសេដ្ឋកិច្ច – ក្នុងគ្រាមានវិបត្តិ ភាគហ៊ុនទាំងនេះនឹងក្លាយជាមិត្តដ៏ល្អ ដោយសារតែអ្នកដឹងថាវានឹងមិនក្ស័យធនទេ ហើយតម្លៃរបស់វានឹងត្រលប់មកវិញ នៅពេលដែលបរិយាកាសកាន់តែប្រសើរ។

3.3 ហ៊ុនកំណើនលឿន (The Fast Growers)
ហ៊ុនកំណើនលឿន ជាក្រុមដែល Peter Lynch ពេញចិត្តបំផុត ក្រុមនេះជាធម្មតាជាក្រុមហ៊ុនខ្នាតតូចដែលមានប្រាក់ចំណេញកើនឡើង 20-25% ក្នុងមួយឆ្នាំ ហើយជាក្រុមដែលនឹងធ្វើឱ្យមានភាគហ៊ុនកំណើនតម្លៃលឿន 10-40 ដង ប្រសិនបើផលបត្ររបស់អ្នកនៅតូច។ ស្វែងរកភាគហ៊ុនប្រភេទនេះបានតែ 1-2 គឺគ្រប់គ្រាន់ហើយ។ ក្រុមហ៊ុនរីកចម្រើនលឿន អ្នកមិនចាំបាច់នៅក្នុងឧស្សាហកម្មដែលរីកចម្រើនលឿននោះទេ។ វាអាចជាភាគហ៊ុននៅក្នុងឧស្សាហកម្មដែលកំពុងលូតលាស់យឺត តែស្វែងរកចន្លោះដើម្បីរីកចម្រើនយ៉ាងឆាប់រហ័សបាន។
ជាការពិតណាស់ ក្រុមហ៊ុនប្រភេទនេះក៏មានហានិភ័យខ្ពស់ដែរ ដោយសារតែក្រុមហ៊ុនដែលទើបតែបង្កើតថ្មីមានទំនោរធ្វើអ្វីប្លែកថ្មីច្រើន និងមានដើមទុនមិនគ្រប់គ្រាន់។ មានហានិភ័យនៃការក្ស័យធន និងហានិភ័យប្រសិនបើវាលូតលាស់យឺតជាងទីផ្សាររំពឹងទុក ធ្វើឲ្យតម្លៃនឹងធ្លាក់ចុះយ៉ាងឆាប់រហ័ស។

3.4 ហ៊ុនវដ្តៈ (The Cyclicals)
ហ៊ុនវដ្ដៈ គឺជាក្រុមហ៊ុនដែលមានការលក់ និងប្រាក់ចំណេញប្រែប្រួលជាប្រចាំ ដូចជាភាគហ៊ុនរបស់ក្រុមហ៊ុនរថយន្ត ក្រុមហ៊ុនអាកាសចរណ៍ សំបកកង់ ដែក ការផលិតអាវុធ។ នៅពេលដែលសេដ្ឋកិច្ចងើបចេញពីវិបត្តិសេដ្ឋកិច្ច និងឈានចូលដល់ស្ថានភាពរីកចម្រើន ភាគហ៊ុនទាំងនេះនឹងកើនឡើង និងដំណើរការលឿនជាងផ្សារហ៊ុនខ្លាំង ជាឧទាហរណ៍ នៅពេលដែលសេដ្ឋកិច្ចល្អ មនុស្សនឹងទិញរថយន្តថ្មីកាន់ច្រើនឡើង ជិះយន្តហោះច្រើនឡើង តម្រូវការផលិតផលដែក និងសារធារុគីមីកើនឡើង។
ចំណុចដែលអ្នកវិនិយោគមានទំនោរខាតបង់ប្រាក់យ៉ាងងាយ គឺចូលទិញវានៅពេលដែលភាគហ៊ុនទាំងនេះដំណើរការល្អ។ ដោយសារតែភាគហ៊ុនវដ្តៈមាននិន្នាការជាភាគហ៊ុនធំ ម៉ាកល្បីៗ ពេលខ្លះអ្នកអាចនឹងច្រឡំពួកគេជាហ៊ុនរឹងមាំ (The Stalwarts) ។ ដូច្នេះហើយចង្វាក់ឫពេលវេលាក្នុងការចូលវិនិយោគមានសារៈសំខាន់ណាស់នៅក្នុងក្រុមហ៊ុនប្រភេទនេះ អ្នកត្រូវស្វែងរកសញ្ញាណឱ្យបានឆាប់ ថាអាជីវកម្មស្ថិតនៅក្នុងដំណាក់កាលណា កំពុងងើបឡើងវិញ ជិតឡើងដល់កំពូលហើយ ហៀបនឹងចុះមកវិញ។

3.5 ហ៊ុនងើបឡើងវិញ (Turn-around)
ហ៊ុនងើបឡើងវិញ គឺជាភាគហ៊ុននៅក្នុងក្រុមហ៊ុនមួយដែលជិតដួលរលំ ជារឿយៗក្រុមហ៊ុនប្រភេទនេះពិបាកគិចផុតពីការក្ស័យធនណាស់។ នេះគឺជាក្រុមនៃភាគហ៊ុនដែលមិនលូតលាស់ ហើយមានឱកាសស្លាប់ពិតប្រាកដ មិនដូចភាគហ៊ុនវដ្តៈដែលសេដ្ឋកិច្ចល្អ វានឹងត្រលប់មកវិញ (ប៉ុន្តែភាគហ៊ុនវដ្តៈដែលគ្រប់គ្រងមិនបានល្អ អាចក្លាយជាក្រុមនៃភាគហ៊ុននេះដែរ)។ អ្វីដែលល្អអំពីភាគហ៊ុននេះគឺ ប្រសិនបើវាពិតជាងើបឡើងវិញ ហ៊ុនប្រភេទនេះនឹងមានទំនាក់ទំនងតិចតួចបំផុតជាមួយនឹងលក្ខខណ្ឌទីផ្សារបើធៀបនឹងប្រភេទទាំង 6 ហើយភាគហ៊ុនក្រុមនេះផ្តល់ផលចំណេញខ្ពស់ណាស់ ប៉ុន្តែវាក៏មានគ្រោះថ្នាក់ខ្លាំងណាស់ដែរ។
ហ៊ុនងើបឡើងវិញមានច្រើនទម្រង់ដូចខាងក្រោម៖
1. (Bail-us-out-or-else)៖ ដូចជាភាគហ៊ុន Lockheed ដែលផលិតអាវុធសម្រាប់រដ្ឋាភិបាលអាមេរិច ហើយជាការពិតណាស់ វាបានបញ្ចប់ដោយការទទួលបានជំនួយពីរដ្ឋាភិបាល។
2. មានបញ្ហាបន្តិចបន្តួច (little-problem-we-didn't-anticipate)៖ ដូចជាភាគហ៊ុនរោងចក្រថាមពលនុយក្លេអ៊ែរ Three Mile Island ដែលមានសោកនាដកម្មតូចមួយ ប៉ុន្តែត្រូវបានគេមើលឃើញថាអាក្រក់ខ្លាំងលើសពីការពិត នៅពេលមនុស្សគ្រប់គ្នាភ្លេច ហើយមានដំណឹងល្អៗជាច្រើនចេញនៅទីនោះ ភាគហ៊ុនបានកើនឡើងយ៉ាងខ្លាំង។ (ទោះយ៉ាងណា ប្រសិនបើព្រឹត្តិការណ៍ដែលមិននឹកស្មានដល់គឺធ្ងន់ធ្ងរ និងពិបាកក្នុងការវាយតម្លៃ គួរតែជៀសវាង)
3. ល្អទាំងអស់ ប៉ុន្តែត្រូវរង់ចាំការក្ស័យធន៖ ដូចហ៊ុន Interstate Department Store គឺជាក្រុមហ៊ុនមេដែលមិនសូវជោគជ័យ ប៉ុន្តែវាមានហ៊ុនបុត្រសម្ព័ន្ធ Toy R Us ដែលដំណើរការបានល្អ។
4. រង់ចាំការរៀបចំរចនាសម្ព័ន្ធឡើងវិញ៖ ពីមុនធ្លាប់បានទិញក្រុមហ៊ុនបុត្រសម្ព័ន្ធសម្រាប់ការធ្វើពិពិធកម្ម ប៉ុន្តែបានក្លាយជាការធ្វើពិពិធកម្មដល់កម្រិតដែលក្រុមហ៊ុនមេស្ទើរតែក្ស័យធន (ដែលបានក្លាយជាឱកាសសម្រាប់ភាគហ៊ុនដើម្បីងើបឡើងវិញ) ហើយបន្ទាប់មកត្រូវរៀបចំរចនាសម្ព័ន្ធឡើងវិញដើម្បីគ្រប់គ្រងផ្នែកដែលមិនទទួលបានផលចំណេញ ហើយបន្ទាប់មកវាអាចត្រឡប់មកជាប្រសើរវិញ។

3.6 ហ៊ុនទ្រព្យសកម្មច្រើន (The Asset Plays)
ហ៊ុនទ្រព្យសកម្មច្រើន គឺភាគហ៊ុនដែលក្រុមហ៊ុនអង្គុយលើអ្វីដែលមានតម្លៃច្រើន ប៉ុន្តែអ្នកជំនាញមានទំនោរមើលរំលងវា។ វាគឺជាក្រុមភាគហ៊ុនដែលប្រជាជនក្នុងតំបន់អាចទាញយកអត្ថប្រយោជន៍ពីវាជាអតិបរមា។ ឧទាហរណ៍៖ ភាគហ៊ុនផ្លូវដែកដែលមានទ្រព្យសម្បត្តិដីច្រើន ភាគហ៊ុនរបស់ក្រុមហ៊ុនដែលមានប៉ាតង់កម្មសិទ្ធបញ្ញាច្រើនជាដើម។

ចំណាំ៖
• ត្រូវចងចាំជានិច្ចថាក្រុមហ៊ុននឹងមិនស្ថិតនៅក្នុងក្រុមតែមួយជារៀងរហូតទេ ឧទាហរណ៍ ហ៊ុនកំណើនលឿនដែលរីកលូតលាស់លឿនក្លាយជាភាគហ៊ុនដែលលូតលាស់យឺត ឬក្លាយជាហ៊ុនវដ្តៈ។ ភាគហ៊ុនស្ទើរតែក្ស័យធន អាចក្លាយជាភាគហ៊ុនងើបឡើងវិញ ភាគហ៊ុនដែលរីកចម្រើនយ៉ាងឆាប់រហ័សអាចក្លាយជាភាគហ៊ុនទ្រព្យសកម្មច្រើនដូចជា Mc.Donald ដែលមានអចលនទ្រព្យជាច្រើននៅជុំវិញពិភពលោក។
• កុំស្វែងរករូបមន្តជោគជ័យក្នុងការជួញដូរភាគហ៊ុន (នៅក្នុងសៀវភៅនេះនិយាយថាជារឿងល្ងង់បំផុត) ឧទាហរណ៍ ប្រើរូបមន្ត ត្រូវលក់ចេញភ្លាមពេលចំណេញ 100% ត្រូវលក់ចេញបន្ទាប់ពីកាន់បាន 2 ឆ្នាំ ត្រូវតែ Cut loss ខាតត្រឹម 10% ព្រោះវាមិនអាចប្រើរូបមន្តទៅបានជោគជ័យគ្រប់ប្រភេទភាគហ៊ុនទេ។ ឧទាហរណ៍ ទិញហ៊ុនហើយ កាន់រាប់ទសវត្សរ៍គឺល្អក្នុងហ៊ុនរឹងមាំ ដូចជាក្រុមហ៊ុនឱសថធំៗ (ក្នុងករណីទិញបានតម្លៃល្អ) ប៉ុន្តែវាពិតជាឆ្កួតលីលាប្រសិនបើអ្នកកំពុងគិតអំពីការកាន់កាប់ហ៊ុនវដ្ដៈជារៀងរហូត ឬមានបំណងលក់ភាគហ៊ុន Walmart ដើម្បីទទួលបានប្រាក់ចំណេញត្រឹម 50% ដែលភាគហ៊ុននៅពេលនោះមានសក្តានុពលកើនឡើងច្រើនដងបន្ថែមទៀត។

Address

Phnom Penh
12357

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00
Saturday	08:00 - 12:00

Telephone

+855967782728

Website

https://www.youtube.com/channel/UCqpBqi7uhZDIVdtDjIkvcUA

Alerts

Be the first to know and let us send you an email when ACON posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ACON:

ACON

22/01/2025

09/08/2023

08/08/2023

08/08/2023

Address

Opening Hours

Telephone

Website

Alerts

Contact The Business

Shortcuts

Share

Category