CBC Information Corner

14/04/2025

21/04/2014

http://www.postkhmer.com/business/business/113199-2014-04-21-01-59-26

ភ្នំពេញ ប៉ុស្តិ៍-សារព័ត៌សេដ្ជកិច្ចឯករាជ្យតែមូយគត់របស់កម្ពុជា The English-language Phnom Penh Post is the oldest and most comprehensive independent newspaper covering Cambodia today.

10/04/2014

ខាងក្រោមនេះ ជាគន្លឹះទាំង៥យ៉ាង ដែលអ្នកអាចយកទៅពិចារណា ក្នុងដំណើរការ អាជីវកម្មខ្នាតតូចរបស់អ្នក ឲ្យបានជោគជ័យ៖

១. គម្រោងយុទ្ធសាស្រ្តវាយលុកទីផ្សារ៖ អ្នកដែលលឺពាក្យថា បើបរាជ័យការរៀបគម្រោង គឺអ្នកកំពុងគ្រោងទៅរកការ បរាជ័យហើយ។ រាល់អ្នកធ្វើអាជីវកម្មខ្នាតតូច គួរតែសួរខ្លូនអ្នកថា តើអ្នកនឹងធ្វើអាជីវកម្មអ្វី ហើយទីផ្សារប្រភេទណា ដែលអ្នកនឹងគ្រោងធ្វើអាជីវកម្មនោះ។ ហើយអ្នកអាចសួរខ្លូនឯងផងដែរថា៖ នរណាគេគឺអតិថិជនគោលដៅរបស់អ្នក? មូលហេតុអ្វីដែលគេត្រូវទិញ និងប្រើប្រាស់ ផលិតផលនោះ? តើអ្វីជាការទាក់ទាញ របស់ផលិតផលអ្នក ចំពោះអតិថិជន? ហើយថាតើ គូប្រកួតប្រជែងអ្នក មានច្រើន ឬដំណើរការអាជីវកម្ម យ៉ាងដូចម្តេចហើយ?

២. មិនចំាបាច់ខ្វល់ខ្លាំងពេកទេពីការលក់៖ អ្នកចាប់ផ្តើមបើកអាជីវកម្ម ខ្នាតតូចភាគច្រើន គឺគិតតែលើផ្លូវមួយប៉ុណ្ណោះ គឺចំណេញ និងខាត ឬ លក់ដាច់ និង មិនដាច់។ អាជីវករភាគច្រើន គិតអំពីចំនួន នៃការលក់តិចឬច្រើន បើលក់ដាច់ថាចំណេញ បើលក់មិនដាច់ ថាខាត តែបើខាតច្រើន គឺឈប់ធ្វើអាជីវកម្ម។ ការពិតអ្នកជោគជ័យ លើអាជីវកម្មមិនមែន គិតតែលើចំណេះដឹង និងលុយទេ តែក៏ពឹងលើជំនាញពិត និងការអត់ធ្មត់ដែរ ។ ដូច្នោះអ្នកធ្វើអាជីវកម្ម មិនគួរគិតលើតែការ លក់ទេ តែត្រូវគិតលើ ដំណើរការអាជីវកម្ម ទាំងមូលដូចជា សេចក្តីពេញចិត្តរបស់អតិថិជន ការផ្តល់មតិរិះគន់ និងព័ត៌មានត្រឡប់ និងការធ្វើជារបាយការណ៍ អតិថិជនជាដើម -ល-។

៣. វិនិយោគលើប្រព័ន្ធបចេ្ចកវិទ្យា៖ អ្នកបើកអាជីវកម្មខ្នាតតូច ទាំងអស់ ត្រូវតែគិតដល់ការប្រើប្រាស់ ប្រព័ន្ធបចេ្ចកវិទ្យា ជំរុញដំណើរការ អាជីវកម្ម ដែលអ្នកអាចធ្វើការប្រាស្រ័យ ទាក់ទងជាមួយអតិថិជនរបស់អ្នក និងទទួលបានព័ត៌មានពីចំនង់ចំណូលចិត្ត របស់អតិថិជន។ ជាក់សែ្តង ដូចជាការបង្កើត Website សំរាប់ក្រុមហ៊ុន និង ផ្សព្វផ្សាយនៅលើបណ្តេញ ទំនាក់ទំនងសង្គម ដូចជាFacebook ឬ ផ្សព្វផ្សាយលើ គេហទំព័រល្បីៗ ដែលមានអ្នកមើលច្រើន ជាដើម ។

៤. ផ្តល់ដល់អតិថិជននូវសេវាកម្មដ៏ល្អឥតខ្ចោះ៖ ជាការពិតណាស់ អ្នកធ្វើអាជីវកម្មណា ក៏អាចផ្តល់ឲ្យអតិថិជន នូវសេវាកម្មល្អដែរ ប៉ុនែ្តប្រសិនបើអ្នកចង់បង្កើត ឲ្យមានជោគជ័យបំផុតនោះ ចាំបាច់ត្រូវធ្វើយ៉ាងណា ការបម្រើសេវាកម្មដល់អតិថិជន ត្រូវតែជាសេវាកម្មមួយ ដែលល្អ ឥតខ្ចោះ ដែលអតិថិជនពេញចិត្ត និងក្លាយជាអតិថិជនផ្តាច់មុខរបស់យើង។

៥. កុំប្រើប្រាស់អារម្មណ៍មកដំណើរការអាជីវកម្ម៖ អ្នកធ្វើអាជីវកម្មមួយចំនួន ប្រើប្រាស់អារម្មណ៍ ហើយជារឿយៗ ធ្វើការសម្រេចចិត្តលើ អាជីវកម្មដោយហេតុផល មិនសមស្រប។ ឧទាហរណ៏ ដូចជាការចំណាយលុយ លើការផ្សព្វផ្សាយពាណិជ្ជកម្មដ៏ថ្លៃ តាមតែចិត្តនឹកឃើញ ដោយមិនគូរ ពីគោលដៅច្បាស់លាស់ ឬក៏ប្រើប្រាស់លុយទិញ សំភារៈដែលឥតប្រយោជន៍ច្រើន ក្នុងអាជីវកម្មជាដើម ៕

23/02/2014

យុទ្ធសាស្ដ្ររកប្រាក់ របស់សេដ្ឋី Grant Cardone

អ្នកនឹងក្លាយជាអ្នកមាន ប្រសិនចេះបោះបង់នូវការយល់ឃើញ ដែលប្រកបដោយភាពក្រក្រី ហើយស្រាវជ្រាវឱ្យបានល្អិតល្អន់ និងធ្វើតាមទម្លាប់របស់អ្នកមាន ទន្ទឹមនឹងនេះ ត្រូវប្ដូរពីការ
ចំណាយ មកជាការវិនិយោគ។

Grant Cardone គឺជាអ្នកជំនាញការមួយរូប ក្នុងវិស័យលក់ដូរ។ លោកគឺជាម្ចាស់សៀវភៅមួយ
ចំនួនដែលលក់ដាច់បំផុត ក្នុងបញ្ចីរបស់ New York Times ដូចជា “លក់ទំនិញដើម្បីវត្តមាន” ឬ
“លក់ ឬមួយត្រូវគេលក់”។ Grant Cardone បានបង្កើតក្រុមហ៊ុនចំនួនបី គឺ Cardone Enterprises, Cardone Real Estate និង Cardone Group ។ ខាងក្រោមនេះ គឺជាអាថ៌កំបាំងនៃការធ្វើមានរបស់ Grant Cardone ដែលត្រូវបានចុះផ្សាយនៅលើទំព័រ Entrepreneur ។

១/ ប្ដេជ្ញាចិត្តដើម្បីក្លាយជាអ្នកមាន
ខ្ញុំបានឈានឡើងពីបាតដៃទទេ ដោយមានតែគំនិត និងការប្រឹងប្រែង ហើយបង្កើតបាននូវទ្រព្យ សម្បត្តិ ដែលមួយជីវិតនេះ មិនអាច “ដួលរលំ” បាន។ កិច្ចការដែលត្រូវធ្វើដំបូងគេ នោះគឺត្រូវប្ដេជ្ញា
ចិត្ត និងកំណត់ទិសដៅ។ ជាច្រើនឆ្នាំមុននេះ ថ្ងៃណា ខ្ញុំក៏សរសេរចេញនូវពាក្យស្លោក ៖ “ខ្លួន មាន តម្លៃជាង ១០០លានដុល្លារ”។

២/ បោះបង់នូវគំនិតក្រីក្រ
នៅលើផែនដីនេះ មិនខ្វះទេប្រាក់ ខ្វះតែមនុស្សដែលមានការយល់ឃើញត្រឹមត្រូវ ចំពោះវា។ ដើម្បីក្លាយជាអ្នកមាន អ្នកត្រូវតែបោះបង់គំនិតប្រកបដោយភាពក្រក្រី ខ្ញុំបានធ្វើដូច្នេះ។ ម្ដាយ របស់ខ្ញុំជាស្ដ្រីមេម៉ាយ គាត់ធ្វើអ្វីគ្រប់យ៉ាងដើម្បីចិញ្ចឹមកូនៗ។ ប៉ុន្ដែ ជួនកាល ការប្រៀនប្រដៅ
របស់ ម្ដាយខ្ញុំ ធ្វើឱ្យខ្ញុំមានអារម្មណ៍ភ័យខ្លាច និងខ្វះខាត ៖ “ញ៉ាំអាហារឱ្យអស់ពីចានទៅ នៅខាង
ក្រៅ មានមនុស្សជាច្រើន កំពុងអត់ឃ្លាន” ឬ “ចូរកុំខ្ជោះខ្ជាយអ្វីៗទាំងអស់” ឬថា “ប្រាក់មិនដុះនៅ លើដើមឈើទេ”។ របស់របរពិត នឹងមិនដែលត្រូវបានបង្កើតឡើងដោយការគិតបែបនេះឡើយ។

៣/ ចាត់ទុកការធ្វើមាន ជាភារកិច្ច
ក្រុមសេដ្ឋី ដែលធ្វើមានដោយបាតដៃទទេ មិនត្រឹមតែធ្វើការដើម្បីប្រាក់ប៉ុណ្ណោះទេ ពួកគេថែម ទាំងមានបំណងឱ្យទីផ្សារ ទទួលស្គាល់នូវការរួមចំណែករបស់ពួកគេ។ ខ្ញុំតែងតែចូលចិត្តភាព ជា អ្នកមានទ្រព្យច្រើន ប៉ុន្ដែខ្ញុំក៏រំពឹងថា នឹងបានបង្ហាញនូវសមត្ថភាពទាំងស្រុងរបស់ខ្លួន។ អ្នកមាន គេមិនដែលបោះបង់ ឬបន្ទាបគោលដៅ នៅពេលជួបឧបសគ្គ។ ផ្ទុយទៅវិញ ពួកគេលើកកម្ពស់ក្ដី សង្ឃឹម ដោយសារតែយល់ឃើញថា ខ្លួនអាចបង្កើតភាពខុសប្លែក សម្រាប់គ្រួសារ ក្រុមហ៊ុន និង សង្គម។

៤/ ដាក់ខ្លួនទៅក្នុងបរិយាកាសរបស់អ្នកមាន
តាំងពីមានអាយុ ១០ឆ្នាំ ខ្ញុំបានអានសៀវភៅស្ដីអំពីអ្នកមាន ទម្លាប់របស់អ្នកមាន និងវិធីរកប្រាក់ របស់ពួកគេ។ អ្នកមិនអាចរៀននូវវិធីធ្វើមានពីមនុស្សដែលមិនមានទ្រព្យ។ អ្នកណាគេថា “ប្រាក់
មិន អាចធ្វើឱ្យមនុស្សមានសុភមង្គល”? ឬ “អ្នកមានជាមនុស្សលោភ”? អ្នកនិយាយបែបនេះ គឺជា មនុស្សមិនមានទ្រព្យ ចំណែកអ្នកមាន គេនឹងមិននិយាយបែបនេះ។ អ្នកត្រូវតែដឹងថា ពួកគេធ្វើអ្វី ដើម្បីរកបានប្រាក់ អានសៀវភៅប្រភេទណា និងវិនិយោគទៅលើអ្វី ដើម្បីរកវិធី ធ្វើតាមអ្នកមាន។

៥/ ធ្វើការដូចទៅនឹងអ្នកមាន
ការយល់ឃើញរបស់អ្នកមាន អំពីពេលវេលា គឺមានភាពខុសគ្នាស្រឡះ ពីអ្នកក្រ ដោយក្រុមអ្នក មានទិញពេលវេលា ចំណែកអ្នកក្រវិញ គឺលក់ពេលវេលា។ អ្នកមានដឹងថា ពេលវាលា មានតម្លៃ ថ្លៃជាងប្រាក់កាស់ ដូច្នេះ ពួកគេជួលបុគ្គលិកមកធ្វើការងារ ដែលពួកគេមិនអាចធ្វើបាន ឬធ្វើមិន
ល្អ។ ប៉ុន្ដែ ចូរកុំគិតថា អ្នកមានមិនប្រឹងប្រែង។ អ្នកជោគជ័យផ្នែកហិរញ្ញវត្ថុ តែងតាមប្រមាញ់ នូវ គោលដៅ ហើយធ្វើការរហូតដល់ពេលគេយល់ថា ខ្លួនទទួលបានជ័យជំនះ។

៦/ ប្ដូរពីការចំណាយ ទៅជាការវិនិយោគ
អ្នកមានមិនចាយប្រាក់ គឺពួកគេគ្រាន់តែវិនិយោគ។ នៅពេលអ្នកទិញផ្ទះដើម្បីនៅ អ្នកមានបែរជា ទិញផ្ទះដើម្បីជួលឱ្យអ្នកដទៃដើម្បីរកប្រាក់មួយរយៈពេល ក្រោយមក ពេលដឹងថា បានចំណេញ
ច្រើន ពួកគេលក់ផ្ទះនោះទៅវិញ។ នៅពេលអ្នកទិញរថយន្ដដើម្បីបង្អួតញាតិ អ្នកមានទិញរថយន្ដ សម្រាប់បម្រើការដល់ក្រុមហ៊ុន រួចលក់វាចេញ នៅពេលវាលែងបង្កើតប្រាក់។

៧/ បង្កើតប្រភពចំណូលច្រើន
អ្នកមានពិតប្រាកដ គឺមិនដែលរំពឹងទៅលើតែប្រភពចំណូលមួយនោះទេ។ ដំបូង ខ្ញុំបង្កើតក្រុមហ៊ុន បម្រើសេវាកម្មប្រឹក្សាផ្នែកជំនួញ។ នៅពេលកំពុងរកបានប្រាក់ចំណេញរាប់លានដុល្លាររាល់ឆ្នាំ ខ្ញុំក៏ វិនិយោគទៅលើអចលនព្រព្យ។ ក្រោយមក ពេលការងារទាំងពីរនេះ ដំណើរការល្អ ខ្ញុំក៏ចាប់ផ្ដើម បង្កើតក្រុមហ៊ុនផ្នែកទន់ (software) ។

អ្នកប្រហែលជានឹងត្រូវភ្ញាក់ផ្អើល នៅពេលបានដឹងថា អ្នកមានក៏ចង់ឱ្យអ្នក មានទ្រព្យច្រើនដូច
ពួកគេ។ មូលហេតុសាមញ្ញបំផុត ៖ ទីមួយ អ្នកអាចមានលទ្ធភាពទិញសេវាកម្ម ឬផលិតផល របស់ពួកគេ។ ទីពីរ ពួកអ្នកមាន ក៏ចង់មានទំនាក់ទំនងជាមួយអ្នកមានដទៃ ដោយពួកគេដឹងថា ខ្លួន មិនមែនជាមនុស្សអស្ចារ្យ ហើយប្រាក់កាស់នឹងត្រៀមខ្លួនជានិច្ច ដើម្បីចូលមករកអ្នកដែលមាន គោលដៅ និងមានការព្យាយាមខ្ពស់៕
http://camnews.com.kh/News/Detail/48730/grant-cardone-%E1%9F%96-the-rich-people-buy-time-but-the-poor-peop

29/01/2014

ន្លឹះ ១០ យ៉ាងសម្រាប់ជោគជ័យពេលសម្ភាសរកការងារ និងការទទួលបានប្រាក់ខែខ្ពស់


តើធ្វើដូចម្តេចដើម្បីទទួលបានជោគជ័យក្នុងពេលសម្ភាសរកការងារ និងការចរចាប្រាក់ខែ?

វាអស្ចារ្យណាស់នៅពេលដែលយើងត្រូវបានគេអញ្ជើញទៅសម្ភាសរកការងារ។ ប៉ុន្តែ ឱកាសនៃការធ្វើខុសនឹងកើតមានឡើងដូចជាការស្លៀកពាក់ ការរៀបចំអត្តចរិតជាដើម។ ការត្រៀមខ្លួនត្រូវតែមានភាពឥតខ្ចោះ បើពុំដូចនេះទេអ្នកនឹងមិនទទួលបានការងារ និងទទួលបានប្រាក់ខែដែលអ្នកសមនឹងទទួលបាននោះឡើយ។

ដើម្បីជួយអ្នកឲ្យទទួលបាននូវភាពជោគជ័យ LIFT បានសម្ភាសជាមួយ អ្នកស្រី ស៊ុយ សុខា អ្នកគ្រប់គ្រងផ្នែកជ្រើសរើសបុគ្គលិកមកពីក្រុមហ៊ុន HRInc. Cambodia និងលោក ចាន់ រដ្ឋា ប្រធានផ្នែកលក់នៃក្រុមហ៊ុនធានារ៉ាប់រងជីវិត ManuLife។ អនុវត្តនូវចំណុចគន្លឹះទាំង ១០ នេះដើម្បីទទួលបានឱកាសជាច្រើនក្នុងការទទួលបានការងារក្នុងក្តីសុបិនរបស់អ្នកយ៉ាងអស្ចារ្យបំផុត។

១. គួរដឹងឲ្យច្បាស់ពីចំណាប់អារម្មណ៍របស់អ្នកចំពោះការងារនិងហាត់រៀនឆ្លើយសំណួរជាមុន

លោក រដ្ឋា បាននិយាយថា៖ «ដំបូង អ្នកត្រូវតែចូលចិត្តនូវអ្វីដែលអ្នកនឹងត្រូវធ្វើ។ បន្ទាប់មក អ្នកត្រូវតែមានជំនាញ និងចំណេះដឹងដែលគេត្រូវការសម្រាប់ធ្វើការងារនេះឲ្យបានល្អ។ អ្នកត្រូវជឿជាក់ថា អ្នកនឹងធ្វើការងារនោះបានល្អ។ អ្នកត្រូវអនុវត្តឆ្លើយរាល់សំណួរដែលអ្នកគិតថា គេនឹងសួរអ្នកក្នុងពេលសម្ភាសរហូតទាល់តែចម្លើយនោះមានលក្ខណៈចេញពី ធម្មជាតិ និងមាន ភាពស្មោះត្រង់»។

២. និយាយស្ដីឲ្យបានសមរម្យនៅពេលក្រុមហ៊ុនទូរស័ព្ទហៅទៅសម្ភាស

អ្នកស្រី សុខា បានផ្តល់ជាយោបល់ថា៖ «នៅពេលយើងទទួលទូរស័ព្ទពីក្រុមហ៊ុន កុំទម្លាប់និយាយ «អាឡូ ពួកម៉ាក ឬក៏អាឡូអត់ក្បាល អត់កន្ទុយ» នោះ។ ត្រូវបញ្ជាក់ថា តើយើងត្រូវទៅជួបអ្នកណា នៅម៉ោងប៉ុន្មាន នៅឯណាក្នុងការសម្ភាស។ ជួនកាលគេមិនប្រាប់យើងច្បាស់ទេ ដោយគ្រាន់តែប្រាប់ពីទីកន្លែង និងពេលវេលាណាត់ជួបប៉ុណ្ណោះ ដូច្នេះយើងត្រូវសួរគេបញ្ជាក់ឲ្យបានច្បាស់»។

៣. ត្រូវដឹងពីទីតាំងដែលអ្នកនឹងត្រូវទៅសម្ភាសជាមុន

អ្នកស្រី សុខា បានលើកឡើងថា៖ «បើការសម្ភាសធ្វើឡើងនៅថ្ងៃស្អែក អ្នកគួរស្វែងរកទីតាំងក្រុមហ៊ុននោះឲ្យហើយនៅថ្ងៃនេះដើម្បីឲ្យដឹងច្បាស់ពីទីតំាងរបស់វា។ អ្នកមិនអាចទៅសម្ភាសយឺតម៉ោងបានទេ»។

៤. ស្លៀកសម្លៀកបំពាក់អ៊ុតស្អាត និងតុបតែងខ្លួនឲ្យសមសួន

អ្នកស្រី សុខា បាននិយាយថា៖ «តាំងពីក្បាលដល់ចុងជើង ត្រូវប្រាកដថា វាឲ្យសមរម្យ (មានវិជ្ជាជីវៈ)។ សក់ត្រូវសិតឱ្យបានស្រួលបួល។ ខោ អាវត្រូវអ៊ុតឲ្យស្អាត ឲ្យមានភ្លី ដើម្បីទៅសម្ភាស។ មិនសំខាន់ថា ខោអាវអ្នកថ្មី ឬចាស់ទេ សំខាន់ត្រូវចេះអ៊ុតវាឲ្យអ្នកសម្ភាសយើងមើលទៅដឹងថា យើងជាអ្នកអាជីពតែម្ដង»។ បើជាស្ត្រី គួរតុបតែងមុខមាត់ឲ្យសមរម្យ មិនមែនតុបតែងមុខដូចពេលទៅចូលរួមពិធីជប់លៀងនោះទេ។ កុំសិចស៊ីពេក។ សូមអត់ធ្មត់។

៥. សង្កេតមើលបរិស្ថានការងាររបស់ក្រុមហ៊ុន

អ្នកស្រី សុខា ផ្តល់ជាដំបូន្មានថា៖ «ត្រូវទៅដល់មុនម៉ោងឲ្យបានកន្លះម៉ោង ឬ ១៥ នាទី។ ខណៈពេលអង្គុយរង់ចាំ យើងគួរសង្កេតមើលឥរិយាបថរបស់បុគ្គលិកនៅទីនោះផង។ លើសពីនេះ យើងត្រូវសង្កេតមើលនៅតាមជញ្ជាំងដើម្បីរកមើលថា តើគេមានសរសេរពាក្យស្លោកណា ឬក៏តម្លៃក្រមសីលធម៌ការងារណា ឬក៏អត់ ពីព្រោះយើងអាចយកអ្វីដែលយើងសង្កេតមើលនេះទៅនិយាយក្នុងពេល សម្ភាសដើម្បីបង្ហាញពីចំណាប់អារម្មណ៍ដំបូងរបស់យើង»។

៦. គោះទ្វារមុនចូល និងការសម្ដែងការគួរសម

អ្នកស្រី សុខា បានលើកឡើងថា៖ «មុនពេលចូល យើងត្រូវគោះទ្វារ ដោយគោះកុំឲ្យខ្លាំង ឬច្រើនដងពេក។ កុំទៅដល់បើកទ្វាររុញទៅតែម្ដងដោយមិនបានគោះនោះ។ ប្រសិនបើពេលដែលចូលទៅអត់មានអ្នកណាស្វាគមន៍យើងមុនទេនោះ យើងត្រូវស្វាគមន៍គេមុនតាមបែបខ្មែរ បើមើលទៅគេជាខ្មែរ។ ត្រូវចងចាំថា កុំលូកដៃ (ចាប់ដៃ) មុនពេលដែលអ្នកសម្ភាសរបស់យើងហុចមករកយើង (ហុចចាប់ដៃ)។

៧. អង្គុយឲ្យបានសមរម្យ

អ្នកស្រី សុខា បានគូសបញ្ជាក់ថា៖ «ពេលខ្លះគេអត់ហៅយើងអង្គុយទេ គេចាំមើលថា យើងធ្វើយ៉ាងម៉េចប្រសិនបើគេមិននិយាយអ្វីនោះ ឬព្រោះគេជាប់រវល់។ ដើម្បីចៀសវាងករណីនេះ យើងអាចសួរគេថា អត់ទោសខ្ញុំអាចអង្គុយបានទេ? ចៀសវាងអង្គុយផ្ដេកផ្ដួលទៅលើកៅអី ឬក៏ដាក់ដៃមួយចំហៀងច្រត់លើកៅអី។ ត្រូវអង្គុយដាក់ដៃលើភ្លៅរួចអង្គុយឲ្យត្រង់ខ្លួន ឬក៏យើងអាចដាក់ដៃលើតុអាស្រ័យលើមួយណាដែលយើងយល់ថា វាងាយស្រួលជាង»។

៨. ឥរិយាបថក្នុងពេលសម្ភាស

អ្នកស្រី សុខា បាននិយាយថា៖ «កុំបង្ហាញទៅអ្នកសម្ភាសយើងថា អ្នកអស់កម្លាំង ឬធុញទ្រាន់នោះ។ ទំនាក់ទំនងតាមក្រសែភ្នែក ការញញឹមគឺជាការចំាបាច់ ពីព្រោះវាបង្ហាញថា យើងបានត្រៀមខ្លួនរួចរាល់ និងជាបេក្ខជនល្អដែលគេត្រូវការ។ កុំភ័យពេក ហើយកុំមានជំនឿហួសពេក។ បើភ័យពេក អ្នកមិនអាចនិយាយពីអ្វីដែលអ្នកបានត្រៀម។ បើអ្នកមានជំនឿជ្រុលពេក អ្នកអាចនឹងមិនបានត្រៀមខ្លួនឲ្យបានដិតដល់»។

៩. ការចេះមើលទឹកមុខ

អ្នកស្រី សុខា បានបង្ហើបប្រាប់ថា៖ «នៅពេលឆ្លើយសំណួរ អ្នកគួរតែសម្លឹងមើលមុខអ្នកសម្ភាស។ ប្រសិនបើអ្នកមើលឃើញថា ពួកគេអារម្មណ៍ធុញទ្រាន់ដោយសារតែយើងនិយាយច្រើនពេក ត្រូវបន្ថយឲ្យឆាប់បញ្ចប់សេចក្ដី។ តែបើមើលទៅគេដូចជាចង់ដឹងបន្ថែមពីយើងដោយគេសួរសំណួរបន្ថែម យើងត្រូវនិយាយឲ្យបានច្រើនបន្តិច។

១០. សំណួរចុងក្រោយដែលត្រូវសួរទៅអ្នកសម្ភាស

អ្នកស្រី សុខា បានពោលថា៖ «នៅមុនពេលបិទបញ្ចប់ការសម្ភាស អ្នកសម្ភាសអាចសួរយើងថា មានសំណួរអ្វីឬអត់។ យើងអាចបង្ហាញពីចំណាប់អារម្មណ៍របស់យើងលើក្រុមហ៊ុនគេ។ យើងអាចសួរគេថា តើក្រុមហ៊ុនដែលយើងនឹងទៅធ្វើការជាមួយនោះយ៉ាងម៉េចដែរ? ហើយយើងក៏អាចសួរដែរថា តើបុគ្គលិកលក្ខណៈបែបណាដែលគេគិតថាត្រូវនឹងការងារនេះ? នៅពេលដែលគេពន្យល់មក យើងអាចដឹងដោយប្រយោលថាយើងត្រូវ ឬក៏មិនត្រូវនឹងការងារនោះ»។

ការចរចាប្រាក់ខែ

អ្នកស្រី សុខា បានលើកឡើងថា៖ «អ្នកត្រូវគិតឲ្យបានច្បាស់អំពីប្រាក់ខែដំបូង។ ខ្ញុំមិនណែនាំឲ្យយុវជនមើលឃើញតែប្រាក់ខែច្រើននៅពេលចាប់ផ្ដើម ធ្វើការងារឡើយ។ ពួកគេគួរតែផ្ដល់តម្លៃលើបទពិសោធជាងប្រាក់ខែ»។ អ្នកស្រី ក៏បានណែនាំអ្នកឲ្យសួរទៅកាន់អ្នកផ្ដល់ការសម្ភាសអំពីភារកិច្ច គោលការណ៍នៃការងារ ថ្ងៃឈប់សម្រាក និងឱកាសផ្សេងៗដែលជួយពួកគេឲ្យអភិវឌ្ឍបន្ថែម។

លោក រដ្ឋា បានបន្ថែមថា៖ «ត្រូវតែស្មោះត្រង់។ អ្នកគួរតែដឹងអំពីចំនួនប្រាក់ខែប៉ុន្មានដែលសមនឹងសមត្ថភាពរបស់អ្នក រួចសឹមចរចាបន្ថែមនៅពេលក្រោយ។ សូមធ្វើជាអ្នកចរចាដ៏ចំណានជាមួយនឹងចំណេះដឹង និងសមត្ថភាពពិតប្រាកដរបស់អ្នក៕

http://www.postkhmer.com/lift/42-lift/109833-2014-01-28-07-39-25
គន្លឹះ ១០ យ៉ាងសម្រាប់ជោគជ័យពេលសម្ភាសរកការងារ និងការទទួលបានប្រាក់ខែខ្ពស
www.postkhmer.com
ភ្នំពេញ ប៉ុស្តិ៍-សារព័ត៌សេដ្ជកិច្ចឯករាជ្យតែមូយគត់របស់កម្ពុជា The English-language Phnom Penh Post is the oldest and most comprehensive independent

ភ្នំពេញ ប៉ុស្តិ៍-សារព័ត៌សេដ្ជកិច្ចឯករាជ្យតែមូយគត់របស់កម្ពុជា The English-language Phnom Penh Post is the oldest and most comprehensive independent newspaper covering Cambodia today.

08/01/2014

តើធ្វើដូចម្តេចដើម្បីដោះស្រាយ ភាពតានតឹងនៅពេលសិក្សាបាន?

តើអ្នកធ្លាប់មានអារម្មណ៍ ថាធុញធប់ពេលទៅរៀនដែររឺទេ? វាជាការពិតណាស់មនុស្សគ្រប់គ្នា អោយតែមានឈ្មោះថាសិស្សតែងតែ ទទួលសម្ពាធភាពតានតឹងបែបនេះដោយជួនកាលកើតឡើង ពីគ្រួសារ មិត្តភក្តិនិង សូម្បីតែខ្លួនឯង។ ប៉ុន្តែក៏មានវិធីខ្លះដែលជួយ អ្នកអាចបន្ថយការធុញធប់ ក្នុងពេលសិក្សាបានដែរ។

១) រៀបចំកាលវិភាគមួយ៖ វាអាចជួយអ្នក អោយដោះស្រាយឧបសគ្គពេលកំពុងសិក្សានិងអ្នក ក៏មិនសូវមាន អារម្មណ៍ស្មុគស្មាញថែមទៀត ។ ជាពិសេសអ្នកអាចរៀបចំកាលវិភាគជាមួយ ពេលវេលាអោយបានច្បាស់ ។ ដូច្នេះវាមិនបង្កអោយមានភាពតប់ប្រមល់ ក្នុងមុខវិជ្ជាសិក្សានោះទេ។

២)គេងអោយគ្រប់គ្រាន់៖ អ្នកគួរតែគេងអោយបានពី ៧ ទៅ៨ ម៉ោងក្នុងមួយថ្ងៃ។ វាជួយអោយមា អារម្មណ៍ល្អពេលទៅសិក្សា ប្រសិនបើអ្នកគេងបានតិចតួចនៅពេលយប់នោះដល់ពេលព្រឹកអ្នក នឹងឆាប់ម៉ួរម៉ៅ ឆាប់ខឹង និងគ្មានអារម្មណ៍ក្នុងការសិក្សា។

៣)ហាត់ប្រាណ៖ អ្នកអាចហាត់ប្រាណយ៉ាងហោចណាស់៣០នាទីក្នុងមួយថ្ងៃ អាចជួយថាមពលខួរក្បាល មានដំនើរការល្អ។

៤) មានពេលវេលាសម្រាក៖ ដូចជាការស្តាប់តន្ត្រី មើលខ្សែភាពយន្ដមនោសញ្ចេតនា រឺសមាធិត្រឹមតែមួយម៉ោង។ វានាំអោយការសិក្សាអ្នក មានភាពស្រស់ថ្លាថែមមួយកំរិតទៀត បន្ទាប់ពីអ្នកបានយកពេលវេលាសំរាកខ្លះ។

៥) មានភាពសប្បាយរីករាយ៖ ការសប្បាយរីករាយជាមួយនឹងក្រុមមិត្តភក្តិ វាអាចមានប្រយោជន៍ដល់អ្នក អោយមានកម្លាំងចិត្តនៅពេលសិក្សាបាន ។

ជាការពិតណាស់វាពិបាកនៅពេល អ្នកសិក្សាតែងតែតម្រូវ អោយទទួលមុខវិជ្ជាជាច្រើនវានឹងបង្កការ តានតឹងដល់អារម្មណ៍ អ្នកជាក់ជាមិនខាន ។ ប៉ុន្តែប្រសិនអ្នក ចំនាយពេលយកវិធីទាំង៥នេះមកអនុវត្ត វាក៏អាចជួយអ្នក អោយបំបាត់ការធុញធប់ នៅក្នុងសាលាពេលសិក្សាបាន។

03/01/2014

១០គន្លឹះគ្រប់គ្រងអាជីពការងារឲ្យជោគជ័យក្នុងឆ្នាំថ្មី

ដើម្បីគ្រប់គ្រងអាជីពការងាររបស់លោកអ្នកនៅពេលបច្ចុប្បន្នឲ្យមានប្រសិទ្ធភាព និងល្អប្រសើរជាងមុន គឺជារឿងដែលសំខាន់បំផុតក្នុងឱកាសចូលឆ្នាំថ្មីនេះ។ ក៏ប៉ុន្តែ វាមិនមែនជារឿងងាយស្រួលនោះឡើយ ពោលគឺវាទាមទារឲ្យមានគម្រោងច្បាស់លាស់ ប្រើប្រាស់វិធីសាស្ត្រ ឬ គន្លឹះសំខាន់ៗជាច្រើនទៀត និងការប្ដេជ្ញាចិត្តមួយខ្ពស់សម្រាប់ខ្លួនឯង។
ខាងក្រោមនេះគឺជាចំណុច១០យ៉ាងដែលមិត្តអ្នកអានគូរធ្វើចាប់ពីថ្ងៃនេះតទៅ ដើម្បីគ្រប់គ្រង ក៏ដូចជាការបង្កើនគុណភាពការងារបច្ចុប្បន្នឲ្យមានភាពប្រសើរឡើង៖

១ បង្កើតជម្រើសចំពោះអាជីពការងារបច្ចុប្បន្ន
អ្នកអាចសួរខ្លួនឯងថា តើការងារបច្ចុប្បន្នសមស្របទៅនឹងសមត្ថភាព និងជំនាញវិជ្ជាជីវៈរបស់អ្នកហើយឬ នៅ? តើលោកអ្នកអាចមានសក្ដានុពលស្វែងរកប្រាក់ខែជាងនេះដែរឬទេ? តើអ្នកពេញចិត្តការងារបច្ចុប្បន្នដែរឬ ក៏អត់? ប្រសិនបើចម្លើយថា ឆ្លើយថា “ទេ” នោះមានន័យថា អ្នកត្រូវតែធ្វើអ្វីម្យ៉ាងដែលថ្មីសម្រាប់ការងារដែលអ្នកពេញចិត្ត។

សូមចុចអាន៖ ៥យ៉ាងធ្វើឲ្យទំនាក់ទំនងស្នេហារបស់អ្នកស្អិតល្មួត

២ ដុសខាត់ជំនាញរបស់អ្នក
ប្រសិនបើលោកអ្នកពេញចិត្តនឹងការងារបច្ចុប្បន្នហើយ តើនៅចាំអីទៀតមិនប្រញាប់ដុសខាត់វាឲ្យខ្លាំងជាងនេះទៀតទៅ? ត្រង់ចំណុចនេះអ្នកត្រូវឆ្លៀតឱកាសតាមអ្វីដែលខ្លួនអាចធ្វើបាន ចាកចេញពីបុគ្គលិកសាមញ្ញម្នាក់ទៅជាអ្នកសហគ្រិនវ័យក្មេងមួយដ៏ឆ្លាតវៃ ដោយស្វែងរកការបណ្ដុះបណ្ដាលទាំងឡាយណាដែលផ្ដល់គុណតម្លៃមានភាពស៊ីចង្វាក់នឹងការងារបច្ចុប្បន្ន។

៣ ប្រឹក្សាជាមួយចៅហ្វាយនាយ
ដើម្បីជៀសវាងភាពមន្ទិលសង្ស័យណាមួយលើចំណុចខ្លាំង និងចំណុចខ្សោយរបស់ខ្លួន អ្នកមិនត្រូវអង្គុយយល់សប្ដិទាំងកណ្ដាលថ្ងៃនោះឡើយ។ ដូច្នេះ អ្នកអាចយកអាកាសដ៏ល្អណាមួយជាញឹកញាប់ ដូចជាទៅញាំអាហារ ឬ ទទួលទានកាហ្វេជាមួយចៅហ្វាយនាយ ឬអ្នកគ្រប់គ្រង ដើម្បីប្រឹក្សាលើការអនុវត្តការងាររបស់អ្នកនៅពេលបច្ចុប្បន្ន។

៤ បង្កើតគោលដៅឲ្យប្រាកដលើការងារបច្ចុប្បន្ន
អ្នកត្រូវកំណត់គោលដៅដែលលោកអ្នកចង់សម្រេចបាននៅក្នុងឆ្នាំ២០១៤នេះ និងកត់ត្រាទុកតាមអាទិភាព។ គោលដៅនេះអាចរួមបញ្ចូលទាំងការបង្កើនសមត្ថភាពការងារបច្ចុប្បន្ន ការដំឡើងមុខតំណែង និងតួនាទីសមស្របទៅនឹងគុណភាពការងារ ឬ សម្រេចភាពជោគជ័យលើអាជីពបច្ចុប្បន្ន។ ក៏ប៉ុន្តែ អ្នកត្រូវចងចាំថា ដើម្បីសម្រេចបានគោលដៅទាំងនេះ ដាច់ខាតលោកអ្នកត្រូវច្បាស់លាស់ និង អនុវត្តវាជានិច្ចតាមបែបផែនដែលបានគ្រោងទុក។

៥ ស្វែងរកវិធីសាស្ត្រអនុវត្តលើគម្រោង
ចំណុចនេះអ្នកអាចចាប់ផ្ដើមរិះគិតលើមធ្យោបាយតូចៗចាំបាច់ជាច្រើន ដើម្បីសម្រេចគោលដៅឆ្នាំ២០១៤របស់អ្នកឲ្យបាន និងកត់ត្រាទុក។ បន្ទាប់មកត្រូវកំណត់ពេលវេលា និង ចាប់ផ្ដើមអនុវត្តវា ក៏ប៉ុន្តែវាទាមទារឲ្យមានភាពប្រាកដនិយមបំផុត។

៦ ត្រូវចាប់ផ្ដើមត្រៀមខ្លួនពីឥឡូវនេះទៅ
ត្រូវសិក្សា និងត្រៀមខ្លួនជានិច្ចសម្លឹងមើលនូវឧបសគ្គទាំងឡាយដែលកើតមាននៅចំពោះមុខការងារដែលត្រូវធ្វើ និងកំណត់បញ្ហាទាំងនោះទុក ដើម្បីស្វែងរកដំណោះស្រាយដោយប្រសិទ្ធភាព។ ចូរកុំភ្លេចថា ជំហានដ៏តូចរបស់អ្នកចាប់ផ្ដើមឡើងនៅក្នុងថ្ងៃនេះ អាចធ្វើឲ្យអ្នកជោគជ័យនៅក្នុងឆ្នាំក្រោយបាន។

៧ ត្រូវរៀបចំទុកដាក់ឯកសារឲ្យបានត្រឹមត្រូវ
យកពេលវេលាសម្រាកថ្ងៃចុងសប្ដាហ៍របស់អ្នក រៀបចំឯកសារឡើងវិញ ហេតុដូច្នេះវានឹងមានរបៀបរៀបរយ និងមានប្រសិទ្ធភាព។ ពិនិត្យមើលចំណុចបរាជ័យកាលពីឆ្នាំមុនដែលអ្នកមិនអាចធ្វើបាន ហើយចាប់ផ្ដើមចូលទៅកៀកនឹងវានៅក្នុងឆ្នាំនេះ ដោយមិនបង្អែបង្អង់ និងគ្មានឧបសគ្គកើតមានជាលើកទី២។

៨ ពិនិត្យលើប្រសិទ្ធភាពការងារប្រចាំថ្ងៃ
ឆ្នាំថ្មីនេះ ដល់ពេលដែលលោកអ្នកត្រូវគ្រប់គ្រងពេលវេលាឲ្យមានប្រសិទ្ធភាពបំផុត។ តើអ្នកបានចំណាយពេលធ្វើអ្វីខ្លះ នៅពេលកំពុងធ្វើការងារ? ជជែកគ្នាលេង ឬ ក៏អង្គុយមើលទូរស័ព្ទ? ជៀសវាងកំហុសទាំងនេះ ក្រៅពីបំពេញការងាររបស់អ្នករួចរាល់ គូរចាប់ផ្ដើមកត់ត្រាទុកគម្រោងតូចៗ ដែលត្រូវធ្វើមុននឹងចាក់ចេញពីកន្លែងធ្វើការ ដើម្បីសម្រេចបានភាពជោគជ័យនៅថ្ងៃស្អែក ។

៩ បង្កើនទំនាក់ទំនងក្នុងការងាររបស់អ្នក
ការបង្កើនទំនាក់ទំនងល្អនៅកន្លែងការងារអាចជំរុញឲ្យមានការអភិវឌ្ឍមួយដល់អ្នក ដូចជាការបង្ហាញកាយវិការជាវិជ្ជមានជាមួយមនុស្សដែលធ្វើការជាមួយអ្នក។ ទោះបីជាយ៉ាងណាក៏ដោយ លទ្ធផលការងារប្រកបដោយគុណភាពគឺជាអ្វីដែលអ្នកត្រូវធ្វើ ដើម្បីជោគជ័យនៅក្នុងកន្លែងធ្វើការ។

១០ អនុវត្តគម្រោងរបស់អ្នកដោយមិនងាករេ
ការគ្រប់គ្រងអាជីពការងាររបស់អ្នកឲ្យជោគជ័យបានពិតជាមិនអាចទៅរួចឡើយ ប្រសិនបើអ្នកមិនបានអនុវត្តគម្រោងរបស់អ្នក។ ដូច្នេះ អ្នកត្រូវពិនិត្យមើលសកម្មភាពការងាររបស់អ្នកឲ្យបានទៀងទាត់ និង ត្រូវស្វែងរកជំនួយភា្លមៗ នៅពេលចាំបាច់។ សំខាន់ជាងនេះទៀត អ្នកត្រូវបន្តគោលដៅរបស់អ្នកដោយក្លៀវក្លាបំផុត និងមិនត្រូវបោះបង់វាដោយឧបសគ្គណាមួយនោះឡើយ៕