13/12/2021
ខ្ញុំមិនដែលទុកមិត្តរបស់ខ្ញុំចោលនៅពេលដែលពួកគេលំបាក ខ្ញុំតែងដាក់ភារៈរបស់គេនៅលើស្មា ជួយរែក ជួយសែង ជួយឱ្យកម្លាំងចិត្ត អស់ពីលទ្ធភាពតាមដែលខ្ញុំអាចធ្វើបាន ។
ប៉ុន្តែបើបុគ្គលដែលអាចទុកខ្ញុំចោលបាន ពេលដែលខ្ញុំលំបាក និង ត្រូវការគេបំផុត ច្បាស់ណាស់ថាម្នាក់នោះមិនមែនជាមិត្តល្អ ។
កុំថាឡើយជាអ្នកដទៃនឹងគ្នា សូម្បីសុជីវធម៌ សីលធម៌ សណ្តានចិត្តក្នុងភាពជាមនុស្សក៏គ្មានដែរ ។
បើអ្នកអាចអវត្តមាននៅពេលដែលខ្ញុំដួល ដូចនេះវត្តមានរបស់អ្នកក៏លែងសំខាន់ពេលដែលខ្ញុំងើបឡើង ។
ខ្ញុំដឹងថា ខ្ញុំមិនដែលឱ្យអភ័យទៅអ្នកណាសូម្បីតែម្តង គ្រាន់តែកន្លងមកចំនួននៃការចងចាំនៃសេចក្តីខកបំណង និង ឈឺចាប់មិនទាន់គ្រប់ចំនួនដែលត្រូវបោះបង់ប៉ុណ្ណោះ ។
