Forte Insurance (Cambodia)

28/05/2026

សិក្ខាសាលាស្តីពី «ថាមពលព្រះអាទិត្យ និងការធានារ៉ាប់រង៖ ការការពារការវិនិយោគ និងប្រតិបត្តិការអាជីវកម្ម» ត្រូវបានចុះផ្សាយយ៉ាងទូលំទូលាយនៅលើបណ្ដាញសារព័ត៌មាននានា ដែលបង្ហាញពីសារ:សំខាន់នៃការការពារការវិនិយោគប្រកបដោយនិរន្តភាព និងការកសាងអាជីវកម្មដ៏រឹងមាំជាមួយគ្នា។

សូមអរគុណដល់ដៃគូសហការ វាគ្មិន និងអ្នកចូលរួមទាំងអស់ ដែលបានចូលរួមចំណែកធ្វើឱ្យព្រឹត្តិការណ៍នេះប្រព្រឹត្តទៅដោយជោគជ័យ។

សូមអានព័ត៌មានលម្អិតតាមរយៈតំណភ្ជាប់ខាងក្រោម៖

ThmeyThmey: https://thmeythmey.com/detail/159331

Brandmedia(KH): https://media.brandbodia.com/article/27041/

Brandmedia(Eng):
https://media.brandbodia.com/article/27063/

CAMBODIA INVESTMENT REVIEW: https://cambodiainvestmentreview.com/2026/05/28/forte-and-cambodia-reinsurance-company-launch-cambodias-first-solar-energy-insurance-seminar-as-renewable-investment-accelerates/

Cambonomist: https://cambonomist.com/news/solar-energy-and-insurance---protecting-investments-and-business-operations/

AMS: https://bit.ly/4vfgeY8

Kiripost: https://kiripo.st/zxSst5

CEN News: https://shorturl.at/XBxMX

រាជធានីភ្នំពេញ, ថ្ងៃទី ២៦ ខែឧសភា ឆ្នាំ២០២៦ ៖ ដើម្បីឆ្លើយតបទៅនឹងការរីកចម្រើនយ៉ាងរហ័សនៃវិស័យថាមពលកកើតឡើងវិ.....

27/05/2026

ក្រុមហ៊ុន ហ្វតតេ ជឿជាក់ថាការផ្តល់នូវសន្តិភាពផ្លូវចិត្ត និងភាពកក់ក្តៅផ្នែកហិរញ្ញវត្ថុ ត្រូវតែដើរទន្ទឹមគ្នានឹងការវិវត្តនៃបច្ចេកវិទ្យាឌីជីថល។

យើងមានមោទនភាពដែល លោក ស៊ុយ ចាន់ថារ៉ុង អគ្គនាយកនៃក្រុមហ៊ុនហ្វតតេ អ៊ិនសួរឹនស៍ បានចូលរួមជាវាគ្មិនកិត្តិយសក្នុងកិច្ចពិភាក្សាពិសេសរបស់ EuroCham Cambodia និង គណៈកម្មាធិការថែទាំសុខភាព ស្តីពី «ការផ្លាស់ប្តូរក្នុងការធានារ៉ាប់រង និងហិរញ្ញប្បទានសុខភាពដោយបច្ចេកវិទ្យា Ai»។

នេះជាការរួមចំណែកដ៏សំខាន់ក្នុងការបង្កើតប្រព័ន្ធអេកូឡូស៊ីសុខភាពឌីជីថល (Digital Health) ឱ្យកាន់តែរឹងមាំ និងមានប្រសិទ្ធភាពខ្ពស់សម្រាប់ប្រជាជនកម្ពុជា។

ក្នុងនាមជាក្រុមហ៊ុនធានារ៉ាប់រងទូទៅធំជាងគេនៅកម្ពុជា ដែលទទួលបានចំណាត់ថ្នាក់ AA+ លើស្ថិរភាពហិរញ្ញវត្ថុ ពី GCR Ratings (បុត្រសម្ព័ន្ធរបស់ក្រុមហ៊ុន Moody’s) និងបានក្លាយជាដៃគូវិជ្ជាជីវៈនៃវិទ្យាស្ថាន CII ហ្វតតេ ប្តេជ្ញាចិត្តក្នុងការនាំយកនូវដំណោះស្រាយបច្ចេកវិទ្យាថ្មីៗ ដើម្បីបន្តការពារ និងថែរក្សាសុខុមាលភាពជូនអតិថិជន ប្រកបដោយទំនុកចិត្តខ្ពស់បំផុត។

26/05/2026

[English Below]

ក្រុមហ៊ុនធានារ៉ាប់រង ហ្វតតេ និងក្រុមហ៊ុនធានារ៉ាប់រងបន្ត កម្ពុជារី បានសហការគ្នារៀបចំសិក្ខាសាលាកម្រិតខ្ពស់លើកដំបូងបង្អស់ក្រោមប្រធានបទ «ថាមពលពន្លឺព្រះអាទិត្យ និងការធានារ៉ាប់រង៖ ការពារការវិនិយោគ និងប្រតិបត្តិការអាជីវកម្ម» ដើម្បីគាំទ្រដល់វិនិយោគិនក្នុងស្រុក និងក្រៅស្រុក និងពង្រឹងការគ្រប់គ្រងហានិភ័យទៅជាស្តង់ដាអន្តរជាតិ ។

កម្មវិធីដ៏មានសារៈសំខាន់នេះ បានប្រព្រឹត្តទៅក្រោមវត្តមានដ៏ខ្ពង់ខ្ពស់របស់ ឯកឧត្តម រស់ សីលវ៉ា រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ រួមជាមួយថ្នាក់ដឹកនាំជាន់ខ្ពស់មកពីនិយ័តករធានារ៉ាប់រងកម្ពុជា ក្រុមហ៊ុនធានារ៉ាប់រង ហ្វតតេ ក្រុមហ៊ុនធានារ៉ាប់រងបន្ត កម្ពុជារី គ្រឹះស្ថានហិរញ្ញវត្ថុ ធនាគារក្នុងស្រុក ក្រុមហ៊ុនអភិវឌ្ឍន៍គម្រោង ម្ចាស់រោងចក្រ-សហគ្រាស និងអ្នកម៉ៅការដំឡើងផងដែរ ។ ទន្ទឹមនឹងនេះដែរ សិក្ខាសាលាក៏បានអញ្ជើញអ្នកជំនាញអន្តរជាតិឈានមុខគេមកពីក្រុមហ៊ុន AON Reinsurance Solutions, Swiss Re Asia និងតំណាងមកពី China Belt and Road Reinsurance Pool (CHINA RE P&C) និង CPIC ដើម្បីមកចែករំលែកបទពិសោធន៍ ។

សិក្ខាសាលានេះផ្តល់ជូនអ្នកចូលរួមនូវចំណេះដឹងស៊ីជម្រៅពីលក្ខខណ្ឌនៃការវាយតម្លៃហានិភ័យពីទស្សនៈរបស់អ្នកធានារ៉ាប់រង (Underwriter’s View) ដោយផ្តោតលើការវាយតម្លៃវិស្វកម្មហានិភ័យ ស្តង់ដាឯកសារ និងប្រតិបត្តិការ វដ្តនៃទីផ្សារធានារ៉ាប់រង ទិដ្ឋភាពទូទៅនៃទីផ្សារធានារ៉ាប់រងថាមពលក្នុងកម្រិតតំបន់ និងសកលលោក ព្រមទាំងបទពិសោធន៍នៃការបាត់បង់កន្លងមក។

កិច្ចសហការនេះគឺជាស្ពានចម្លងដ៏សំខាន់ក្នុងការជួយឱ្យវិនិយោគិនក្នុងស្រុក និងក្រៅស្រុក អាចផ្ទេរហានិភ័យទៅកាន់ទីផ្សារធានារ៉ាប់រងបន្តអន្តរជាតិ (Global Reinsurance Pools) សំដៅបង្កើនភាពជឿជាក់ខ្ពស់សម្រាប់ធនាគារក្នុងការផ្តល់ឥណទាន (Bankability) និងរួមចំណែកដល់ការអភិវឌ្ឍថាមពលបៃតងប្រកបដោយនិរន្តរភាពនៅកម្ពុជា ។

======================================

Forte Insurance and Cambodia Reinsurance Company (Cambodia Re) have co-hosted the first-ever high-level seminar on "Solar Energy and Insurance: Protecting Investments and Delivery" to support local and international investors and strengthen risk management to international standards.

This milestone event was presided over by H.E. Ros Seilava, Secretary of State of the Ministry of Economy and Finance, alongside senior leadership from the Insurance Regulator of Cambodia, Forte Insurance, and Cambodia Re. The seminar also welcomed executives from financial institutions, local banks, project development firms, factory and enterprise owners, and installation contractors.

Additionally, the seminar invited leading international experts from AON Reinsurance Solutions, Swiss Re Asia, and representatives from China Belt and Road Reinsurance Pool (CHINA RE P&C) and CPIC, to share their expertise. This seminar helped participants gain a comprehensive understanding of risk assessment criteria from an Underwriter’s View, focusing on risk engineering assessments, documentation and operating standards, insurance market cycles, a global and regional overview of the energy insurance market, and historical loss experiences.

This collaboration serves as a crucial bridge, enabling local and international investors to transfer risks to Global Reinsurance Pools, which is key to enhancing 'bankability' and contributing to Cambodia's journey toward sustainable green energy.

#ថាមពលពន្លឺព្រះអាទិត្យ #ការធានារ៉ាប់រង

20/05/2026

ទិដ្ឋភាពទូទៅនៃកម្មវិធី "Forte Breakfast Talk & Networking" ក្រោមប្រធានបទ «កំណើនប្រកបដោយភាពធន់ ឆ្នាំ ២០២៦៖ សុខុមាលភាព កិច្ចការពារ និងទស្សនវិស័យសេដ្ឋកិច្ច»។

ហ្វតតេ សូមសម្តែងនូវសេចក្តីដឹងគុណយ៉ាងជ្រាលជ្រៅជូនចំពោះអតិថិជន និងដៃគូយុទ្ធសាស្ត្រទាំងអស់ សម្រាប់ការផ្តល់ទំនុកចិត្តយ៉ាងមុតមាំក្នុងដំណើររួមគ្នាជាង ២៧ ឆ្នាំ នៅកម្ពុជា។

យើងខ្ញុំសូមថ្លែងអំណរគុណយ៉ាងជ្រាលជ្រៅជូនចំពោះ លោក Casey Barnett នាយកវិទ្យាស្ថានខេមអេដ និងជាទីប្រឹក្សាពិសេស (លើគោលនយោបាយសាធារណៈ) នៃសភាពាណិជ្ជកម្មអាម៉េរិកនៅកម្ពុជា (AmCham) សម្រាប់បទបង្ហាញគន្លឹះស្តីពីទស្សនវិស័យសេដ្ឋកិច្ចឆ្នាំ ២០២៦ និង លោក សែម ផល្លា នាយកបច្ចេកទេសគណៈកម្មការម៉ារ៉ាតុងនៅកម្ពុជា សម្រាប់ការចែករំលែកពីការលើកកម្ពស់សុខុមាលភាព និងភាពធន់ផ្នែករាងកាយ និងស្មារតី ឆ្ពោះទៅកាន់ ទិវារត់ប្រណាំងម៉ារ៉ាតុងចក្រភពអង្គរ នាថ្ងៃទី២ ខែសីហា ខាងមុខ ដែលក្រុមហ៊ុន ហ្វតតេ មានមោទនភាពក្នុងនាមជាដៃគូសហការឧបត្ថម្ភផ្លូវការ។

14/05/2026

សូមក្រាបបង្គំទូលថ្វាយ
ព្រះករុណា ព្រះបាទសម្តេចព្រះបរមនាថ នរោត្តម សីហមុនី
ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត!

ក្នុងឱកាសដ៏មហានក្ខត្តឫក្ស នៃព្រះរាជពិធីបុណ្យចម្រើនព្រះជន្មគម្រប់ ៧៣ យាងចូល ៧៤ ព្រះវស្សា របស់ព្រះករុណាជាអម្ចាស់ជីវិតលើត្បូង ទូលព្រះបង្គំយើងខ្ញុំទាំងអស់គ្នាជាថ្នាក់ដឹកនាំ និងបុគ្គលិកគ្រប់ជាន់ថ្នាក់នៃ ក្រុមហ៊ុនធានារ៉ាប់រង ហ្វតតេ សូមលំឱនកាយវាចាចិត្ត បួងសួងដល់វត្ថុស័ក្តិសិទ្ធិក្នុងលោក និងបារមីនៃអតីតព្រះមហាក្សត្រខ្មែរគ្រប់ព្រះអង្គ សូមជួយប្រោះព្រំសព្ទសាធុការពរជ័យថ្វាយ ព្រះអង្គឱ្យមានព្រះរាជសុខភាពល្អបរិបូរណ៍ ព្រះកាយពលមាំមួនខ្លាំងក្លា ក្រោយពេលដែលព្រះអង្គបានសះស្បើយពីព្រះរោគ។

យើងខ្ញុំទាំងអស់គ្នាមានសេចក្តីជ្រះថ្លាឥតឧបមា ដែលបានទទួលដំណឹងអំពីព្រះរាជសុខភាពដ៏ល្អប្រសើរឡើងវិញរបស់ព្រះអង្គ ក្រោយពីព្រះអង្គបានទទួលព្រះរាជកិច្ចព្យាបាលដោយជោគជ័យ។

សូមព្រះករុណាជាអម្ចាស់ជីវិតលើត្បូង ទ្រង់មានព្រះជន្មាយុយឺនយូរជាងរយព្រះវស្សា គង់ប្រថាប់ក្នុងព្រះបរមសិរីរាជសម្បត្តិ ជាម្លប់ដ៏ត្រជាក់ត្រជំសម្រាប់ជាតិមាតុភូមិ និងប្រជានុរាស្ត្រជានិច្ចនិរន្តរ៍តរៀងទៅ។

សេចក្តីគួរពុំគួរ សូមទ្រង់ព្រះមេត្តាប្រោសព្រះរាជទានទោស។
ក្រាបបង្គំទូលថ្វាយ នៅរាជធានីភ្នំពេញ ថ្ងៃទី១៤ ខែឧសភា ឆ្នាំ២០២៦។
ថ្នាក់ដឹកនាំ និងបុគ្គលិកគ្រប់ជាន់ថ្នាក់នៃ ក្រុមហ៊ុនធានារ៉ាប់រង ហ្វតតេ

11/05/2026

នៅក្រុមហ៊ុន ហ្វតតេ យើងជឿជាក់ថាការទទួលបានធានារ៉ាប់រង គឺមានអត្ថន័យលើសពីបណ្ណសន្យារ៉ាប់រង ប៉ុន្តែវាគឺជាការផ្ដល់នូវភាពកក់ក្តៅផ្នែកហិរញ្ញវត្ថុ សន្តិភាពផ្លូវចិត្ត និងលទ្ធភាពទទួលបានសេវាថែទាំកម្រិតពិភពលោក។

យើងមានមោទនភាពដែលបានសហការជាមួយ មជ្ឈមណ្ឌលវេជ្ជសាស្ត្រ Sunway ក្នុងកម្មវិធី "Health Talk Series" ស្តីពីមហារីកសុដន់ ដើម្បីផ្តល់ចំណេះដឹងដល់សហគមន៍របស់យើងស្របតាមពាក្យខ្មែរបុរាណបានពោលថា៖ «ការពារ ប្រសើរជាងព្យាបាល»។ ព្រោះថាអ្វីដែលយើងគប្បីការពារចាំបាច់បំផុតក្នុងជីវិត នោះគឺចាប់ផ្តើមពីការការពារសុខភាពរបស់លោកអ្នក។

ក្នុងនាមជាក្រុមហ៊ុនធានារ៉ាប់រងទូទៅធំជាងគេនៅកម្ពុជា ដែលមានស្ថិរភាពហិរញ្ញវត្ថុចំណាត់ថ្នាក់ AA+ ពីស្ថាប័ន GCR Ratings, ហ្វតតេ សូមថ្លែងអំណរគុណយ៉ាងជ្រាលជ្រៅចំពោះអតិថិជន ដែលតែងតែជឿជាក់លើសេវាកម្មរបស់យើងក្នុងរយៈពេល ២៧ឆ្នាំ មកនេះ។ យើងមានមោទនភាពដែលបានផ្ដល់ការការពារ និងថែរក្សាសុខុមាលភាពជូនលោកអ្នក និងក្រុមគ្រួសារ តាមរយៈផលិតផលធានារ៉ាប់រងសុខភាព ប្រកបដោយទំនុកចិត្ត និងឧត្តមភាព៕

#ធានារ៉ាប់រង #សុខភាព

04/05/2026

អបអរសាទរ ព្រះរាជពិធីច្រត់ព្រះនង្គ័ល ( Royal Ploughing Ceremony ) ថ្ងៃទី៥ ឧសភា ឆ្នាំ២០២៦!🌾🌱

ព្រះរាជពិធីច្រត់ព្រះនង្គ័ល មិនត្រឹមតែជាការប្រកាសបើកទំព័រថ្មីនៃរដូវដាំដុះប៉ុណ្ណោះទេ ប៉ុន្តែជាការរក្សាប្រពៃណីជាតិ និងដង្ហើមនៃសេដ្ឋកិច្ចជាតិ ពិសេសភាពជឿជាក់របស់កសិករខ្មែរគ្រប់រូប។

ក្រុមហ៊ុន ហ្វតតេ ពិតជាមានមោទនភាពបំផុតដែលបានក្លាយជាផ្នែកមួយជួយអភិវឌ្ឍន៍វិស័យកសិកម្មជាតិឱ្យកាន់តែរឹងមាំ និងប្រកបដោយចីរភាព ពិសេសកិច្ចគាំពារផ្នែកស្ថិរភាពហិរញ្ញវត្ថុ និងសន្តិភាពផ្លូវចិត្តដល់បងប្អូនប្រជាកសិករ តាមរយៈដំណោះស្រាយធានារ៉ាប់រងខ្នាតតូច និងកសិកម្ម ដែលជាខ្នងបង្អែកការពារនូវរាល់ហានិភ័យដែលនឹងអាចកើតឡើងដោយធម្មជាតិ។

ហ្វតតេ សូមជូនពរបងប្អូនប្រជាកសិករទទួលបានភោគផលយ៉ាងត្រចះត្រចង់ពេញមួយរដូវកាល!

01/05/2026

[English below]

ទិវាពលកម្មអន្តរជាតិ គឺជាព្រឹត្តិការណ៍ប្រវត្តិសាស្ត្រសកលដែលតំណាងឱ្យសិទ្ធិ និងសេចក្តីថ្លៃថ្នូររបស់កម្មករនិយោជិតគ្រប់រូប។

រាជរដ្ឋាភិបាលកម្ពុជាតែងតែប្រារព្ធទិវានេះជារៀងរាល់ឆ្នាំ ដើម្បីរំលឹកដល់តម្លៃនៃកម្លាំងពលកម្មក្នុងការកសាងសង្គមជាតិ ចាប់តាំងពីឆ្នាំ១៩៧៩ មក។ ឆ្នាំ ២០២៦ នេះ កម្ពុជាចូលរួមអបអរសាទរខួបអនុស្សាវរីយ៍លើកទី ១៤០ នៃទិវាពលកម្មអន្តរជាតិ ក្រោមប្រធានបទ «រួមគ្នាកសាងភាពធន់ ដើម្បីការងារសមរម្យ»។

ហ្វតតេ សូមសម្តែងនូវការកោតសរសើរ និងអរគុណយ៉ាងជ្រាលជ្រៅចំពោះបុគ្គលិកគ្រប់រូប និងប្រជាពលរដ្ឋកម្ពុជាដែលបានខិតខំប្រឹងប្រែងបំពេញការងារតាមជំនាញ ឯកទេសក្នុងវិស័យរបស់ខ្លួនយ៉ាងមមាញឹក និងយ៉ាងសកម្ម ដែលជាកម្លាំងចលករមិនអាចខ្វះបានក្នុងការជំរុញសេដ្ឋកិច្ចជាតិឱ្យរីកចម្រើន៕

International Labour Day is a historic global event representing the rights and dignity of every worker worldwide. In Cambodia, the Royal Government has observed this day annually since 1979 to honor the invaluable contribution of labor in nation-building. This year, the 140th anniversary is celebrated under the national theme: "Together Building Resilience for Decent Work".

At Forte, we express our profound appreciation and gratitude to our dedicated staff and all Cambodian citizens for their hard work and commitment across their respective fields. Your tireless efforts and professionalism serve as the essential driving force behind our nation's economic growth and prosperity.

01/05/2026

[English below]

បុណ្យវិសាខបូជា គឺជាបុណ្យដ៏សំខាន់បំផុតមួយដែលត្រូវបានអង្គការសហប្រជាជាតិទទួលស្គាល់ជាអន្តរជាតិ។

ហ្វតតេ សូមចូលរួមអនុមោទនាប្រកបដោយសេចក្តីជ្រះថ្លា នៃពិធីបុណ្យវិសាខបូជា ដែលជាពិធីបុណ្យដ៏វិសេសវិសាលរំលឹកដល់ការប្រសូត ការត្រាស់ដឹង និងបរិនិព្វានរបស់ព្រះសម្មាសម្ពុទ្ធនៃយើង។

សូមរីករាយជ្រះថ្លាថ្ងៃឈប់សម្រាកជាមួយគ្រួសារ និងមនុស្សជាទីស្រឡាញ់៕

Visak Bochea is one of the most significant observances in the Buddhist calendar, internationally recognized by the United Nations. It is a time to reflect on the three holiest events in the life of the Buddha: His Birth, Enlightenment, and Passing.

At Forte, we join the nation in observing this sacred day with deep reverence. May the teachings of peace and compassion bring harmony and prosperity to you and your families.

Wishing you a peaceful and blessed holiday with your loved ones.

#វិសាខបូជា

29/04/2026

ហ្វតតេ ពិតជាមានមោទនភាពដែលបានរួមដំណើរក្នុងនាមជាអ្នកឧបត្ថម្ភធំ នៃ «ទិវាធានារ៉ាប់រងកម្ពុជា ២០២៦» នៅលើទឹកដីអង្គរដ៏ស័ក្តិសិទ្ធិ។

វីដេអូនេះ មិនត្រឹមតែជាកម្រងអនុស្សាវរីយ៍នៃសកម្មភាពជារួមប៉ុណ្ណោះទេ ប៉ុន្តែគឺជាសក្ខីភាពនៃសាមគ្គីភាព និងការប្តេជ្ញាចិត្តឥតងាករេរបស់យើង ក្នុងការនាំមកនូវស្នាមញញឹម និងបង្កើនភាពជឿជាក់លើវិស័យធានារ៉ាប់រងសម្រាប់ប្រជាជនកម្ពុជាគ្រប់រូប។