BNKC Cambodia MFI Plc.

17/08/2026

អគ្គនាយកប្រតិបត្តិ អាណត្តិ​ថ្មី ដែលតែងតាំងដោយក្រុមហ៊ុនមេ នៃគ្រឹះស្ថានមីក្រូហិរញ្ញវត្ថុ ប៊ីអេនខេស៊ី (ខេមបូឌា) ភីអិលស៊ី លោក KIM YUNSHIK បានអញ្ជើញទទួលជំនួបសម្តែងការគួរសម និងពិភាក្សាការងារជាមួយ​ ឯកឧត្តមបណ្ឌិត ម៉ៅ ធនិន អភិបាល នៃគណៈអភិបាលខេត្តកំពត។​

ជាមួយគ្នានោះដែល លោកអគ្គនាយកប្រតិបត្តិ ក៏បានរៀបចំអំណោយមនុស្សធម៌​ជា អង្ករចំនួន ៥តោន ប្រគល់ជូនសាលាខេត្តកំពត ដើម្បីចូលរួមចំណែកជាមួយរដ្ឋបាលខេត្ត ក្នុងការទ្រទ្រង់ដល់សកម្មភាពមនុស្សធម៌ ព្រមទាំងជួយសម្រួលដល់ជីវភាព ប្រជាពលរដ្ឋដែលមានជីវភាពខ្វះខាត និងងាយរងគ្រោះក្នុងភូមិសាស្ត្រ ខេត្តកំពត។

On the afternoon of Saturday, August 15, 2026, Mr. KIM YUNSHIK, the newly appointed Chief Executive Officer (CEO) of BNKC (Cambodia) Microfinance Institution Plc. appointed by the parent company, paid a courtesy call and held a business discussion with His Excellency Dr. Mao Thonin, Governor of the Kampot Provincial Board of Governors.

On that occasion, the CEO also presented a humanitarian donation of 5 tons of rice to the Kampot Provincial Hall to contribute to the provincial administration’s humanitarian activities and help ease the livelihood challenges of poor and vulnerable citizens within Kampot province.

03/08/2026

ចំណាយតិច ចំណេញច្រើន! ជាមួយលក្ខខណ្ឌងាយៗ លោកអ្នកនឹងទទួលបានម៉ូតូកង់បីថ្មីពីBNKC!
✅ មិនត្រូវការអ្នកចូលរួមកម្ចី
✅ មិនត្រូវការអ្នកធានា
✅ មិនត្រូវការទ្រព្យធានា
✅ រយៈពេលខ្ចីរហូតដល់ 48 ខែ
✅ ការបង់ប្រាក់ត្រឹមតែជាង៥ដុល្លារប៉ុណ្ណោះក្នុង១ថ្ងៃ
✅ អតិថិជននឹងទទួលបានការបញ្ចុះតម្លៃសម្រាប់ការធ្វើស្លាកលេខចាប់ពី៥០% រហូតដល់ ១០០%

ស្នើសុំកម្ចីឥឡូវនេះ៖ https://bnkcmfi.com/kh/loan-request?branch=01&referral_code=BNKC-DEALER

BNKC MFI ជាដៃគូអាជីវកម្មដ៏ល្អរបស់លោកអ្នក!
🚖 កម្ចីម៉ូតូកង់បី ដើម្បីអនាគតគ្រួសាររីកចម្រើន!
📩 Inbox ឥឡូវនេះ ដើម្បីទទួលព័ត៌មានបន្ថែម
📞 087 555 652/087 555 021/081 333 571
#កម្ចីម៉ូតូកង់បី

🚨🎉 ប្រូម៉ូសិនពិសេស! កោសភ្លាម ឈ្នះភ្លាម! 🛺💥

🎊 ឱកាសឈ្នះរង្វាន់ដ៏ច្រើនសន្ធឹកសន្ធាប់ ពីក្រុមហ៊ុន TVS Tuk Tuk Cambodia ជាមួយរង្វាន់ធំរហូតដល់ ១,០០០,០០០ រៀល!

👉 គ្រាន់តែជាវម៉ូតូកង់បី TVS 1 គ្រឿង លោកអ្នកនឹងទទួលបាន សន្លឹកឆ្នោតកោស 1 សន្លឹកភ្លាមៗ ដើម្បីកោសយករង្វាន់
🎁 រង្វាន់រួមមាន៖
🥇 សាច់ប្រាក់ 1លាន រៀល
🥈 សាច់ប្រាក់ 50 មុឺន រៀល
🥉 សាច់ប្រាក់ 20 មុឺន រៀល
💵 សាច់ប្រាក់ 10មុឺន រៀល
💰 សាច់ប្រាក់ 5មុឺន រៀល
🪙 សាច់ប្រាក់ 2មុឺន រៀល
🎟 Voucher 15$ សម្រាប់គ្រឿងបន្លាស់ ឬប្តូរប្រេង
🧥 ឈុតអាវភ្លៀង TVS និងរង្វាន់ជាច្រើនផ្សេងៗទៀត

📅 ចាប់ពីថ្ងៃទី 1-31 ខែសីហា ឆ្នាំ2026
✨ បញ្ជាក់!
✅ គ្រប់សន្លឹកកោសសុទ្ធតែមានរង្វាន់!
*លក្ខខណ្ឌផ្សេងៗត្រូវបានអនុវត្ត។*
✍️ ម៉ូតូកង់បីម៉ាក TVS ជាផលិតផលពិតពីក្រុមហ៊ុន និង ផលិតក្នុងប្រទេសឥណ្ឌា
--------------------------------------------------
ទីតាំងទី 1 : ដីឡូតិ៍លេខ 1218. ផ្លូវហាណូយ (1019) ភូមិឃ្មួញ ខណ្ឌសែនសុខ រាជធានីភ្នំពេញ
📍https://maps.app.goo.gl/os4jTmc2Xa8McVxg8
ទីតាំងទី 2 : ផ្ទះលេខ 10 ផ្លូវលេខ 163 សង្កាត់វាលវង់ ខណ្ឌ7មករា រាជធានីភ្នំពេញ
📍 https://maps.app.goo.gl/15k33u7BQghQfgyz8
📲 ពត៌មានបន្ថែមសូមខលទៅលេខ : 069 341 777

30/06/2026

ដំណើរកម្សាន្តសិក្សានៅ សារមន្ទីរ ព្រះស្រីឦសានវរ្ម័ន (ស.ស.រ) ✨

កាលពីថ្ងៃទី២៦ ខែមិថុនា ឆ្នាំ២០២៦ កន្លងទៅនេះ ថ្នាក់ដឹកនាំ និងបុគ្គលិកនៃ គ្រឹះស្ថានមីក្រូហិរញ្ញវត្ថុ ប៊ីអេនខេស៊ី (ខេមបូឌា) ភីអិលស៊ី ពិតជាមានកិត្តិយសយ៉ាងក្រៃលែង ដែលបានទទួលការអញ្ជើញទៅធ្វើទស្សនកិច្ចសិក្សានៅ សារមន្ទីរ ព្រះស្រីឦសានវរ្ម័ន (ស.ស.រ)។

ដំណើរទស្សនកិច្ចនេះ មិនត្រឹមតែនាំមកនូវចំណេះដឹងថ្មីៗ និងស៊ីជម្រៅអំពីប្រវត្តិសាស្ត្រសេដ្ឋកិច្ច នយោបាយ និងការវិវត្តនៃរូបិយវត្ថុខ្មែរតាំងពីសម័យបុរាណរហូតមកដល់បច្ចុប្បន្នប៉ុណ្ណោះទេ ប៉ុន្តែវាក៏ជាឱកាសដ៏វិសេសវិសាលសម្រាប់បុគ្គលិកគ្រប់ផ្នែកក្នុងការជួបជុំគ្នា បង្កើតភាពស្និទ្ធស្នាល និងទទួលយកបទពិសោធន៍ល្អៗរួមគ្នា ប្រកបដោយបរិយាកាសរីករាយ និងចំណងសាមគ្គីភាពយ៉ាងរឹងមាំ។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះការស្វាគមន៍យ៉ាងកក់ក្តៅ និងការរៀបចំយ៉ាងយកចិត្តទុកដាក់ពីសំណាក់ក្រុមការងារគ្គុទ្ទេសក៍នៅសារមន្ទីរ ព្រះស្រីឦសានវរ្ម័ន ដែលបានធ្វើឱ្យដំណើរទស្សនកិច្ចសិក្សាមួយនេះទទួលបានជោគជ័យ និងពោរពេញដោយស្នាមញញឹម! 🙏💙

27/06/2026

គ្រឹះស្ថានមីក្រូហិរញ្ញវត្ថុ ប៊ីអេនខេស៊ី សូមចេញផ្សាយ របាយការណ៍ប្រចាំឆ្នាំ ២០២៥ ជាផ្លូវការ!

គ្រឹះស្ថានមានសេចក្តីរីករាយក្នុងការចែករំលែកនូវសមិទ្ធផលសំខាន់ៗ ភាពរីកចម្រើន និងបរិវត្តកម្មឌីជីថលរបស់គ្រឹះស្ថានក្នុងរយៈពេលពេញមួយឆ្នាំកន្លងមកនេះ។

សូមថ្លែងអំណរគុណយ៉ាងជ្រាលជ្រៅចំពោះអតិថិជន ដៃគូអាជីវកម្ម និងបុគ្គលិកទាំងអស់ដែលតែងតែគាំទ្រ និងរួមដំណើរកន្លងមកក្នុងការជំរុញសេវាកម្មហិរញ្ញវត្ថុប្រកបដោយបរិយាបន្ន និងទំនួលខុសត្រូវ។

📖 សូមចុចតំណភ្ជាប់ខាងក្រោមដើម្បីអានរបាយការណ៍ពេញលេញ៖ [ https://www.bnkcmfi.com/en/annual-report ]
BNKC 2025 Annual Report is Officially Published!

We are pleased to share our key achievements, growth milestones, and digital evolution from the past year.

A heartfelt thank you to our valued clients, partners, and dedicated staff for your continued trust and commitment as we advance responsible financial inclusion across Cambodia.

📖 Click the link below to read the full report: [ https://www.bnkcmfi.com/en/annual-report ]

24/06/2026

គ្រឹះស្ថានមីក្រូហិរញ្ញវត្ថុ ប៊ីអេនខេស៊ី (ខេមបូឌា) ភីអិលស៊ី មានមោទនភាព និងស្វាគមន៍យ៉ាងកក់ក្តៅបំផុត ចំពោះដំណើរទស្សនកិច្ចផ្លូវការរបស់ លោក Bin Dae-In ប្រធានក្រុមប្រឹក្សាភិបាលនៃ BNK Financial Group

ថ្នាក់ដឹកនាំ និងបុគ្គលិកគ្រប់ជាន់ថ្នាក់នៃ គ្រឹះស្ថានមីក្រូហិរញ្ញវត្ថុ ប៊ីអេនខេស៊ី (ខេមបូឌា) ភីអិលស៊ី មានមោទនភាព និងសេចក្តីសោមនស្សរីករាយងខ្លាំង ដែលបានចូលរួមទទួលស្វាគមន៍យ៉ាងកក់ក្តៅ និងប្រកបដោយកិត្តិយសដ៏ខ្ពង់ខ្ពស់បំផុត ចំពោះដំណើរទស្សនកិច្ចផ្លូវការរបស់ លោក Bin Dae-In ប្រធានក្រុមប្រឹក្សាភិបាល និងជានាយកប្រតិបត្តិក្រុមហ៊ុនមេ BNK Financial Group ព្រមទាំងគណៈប្រតិភូជាន់ខ្ពស់មកពីសាធារណរដ្ឋកូរ៉េ មកកាន់ប្រទេសកម្ពុជា កាលពីថ្ងៃទី ២២ - ២៣ ខែមិថុនា ឆ្នាំ ២០២៦ កន្លងទៅនេះ។

នៅក្នុងអំឡុងពេលនៃដំណើរទស្សនកិច្ចដ៏ឧត្តុង្គឧត្តមនេះ លោក Bin Dae-In រួមជាមួយគណៈគ្រប់គ្រងជាន់ខ្ពស់របស់ BNKC MFI Plc. បានអញ្ជើញចូលជួបសម្តែងការគួរសម និងពិភាក្សាការងារជាមួយ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា។ នៅក្នុងជំនួបនេះ លោកប្រធានបានពាំនាំនូវចក្ខុវិស័យដ៏វែងឆ្ងាយ និងបានសង្កត់ធ្ងន់ពីការប្តេជ្ញាចិត្តយ៉ាងមុតមាំរបស់ BNK Financial Group ក្នុងការបន្តគាំទ្រ និងពង្រីកការវិនិយោគរយៈពេលវែងនៅកម្ពុជា។ លោកប្រធានក៏បានលើកឡើងពីមោទនភាពចំពោះវឌ្ឍនភាពប្រតិបត្តិការប្រកបដោយស្ថិរភាព និងការរីកចម្រើនរបស់ក្រុមហ៊ុនបុត្រសម្ព័ន្ធ BNKC MFI Plc. នៅកម្ពុជា ដែលជាកម្លាំងចលករដ៏សំខាន់ក្នុងការកសាងទំនុកចិត្ត និងទាក់ទាញវិនិយោគិនកូរ៉េបន្ថែមទៀត ឱ្យមកបណ្តាក់ទុននៅក្នុងប្រទេសកម្ពុជា នាពេលអនាគត។

ជាកិច្ចបន្ទាប់ពីជំនួបពិភាក្សាការងារផ្លូវការដ៏មានសារៈសំខាន់ជាមួយ លោកជំទាវបណ្ឌិត ទេសាភិបាល រួចមក លោកប្រធាន ប៊ីន ដេអ៊ីន និងគណៈប្រតិភូជាន់ខ្ពស់ បានអញ្ជើញទៅធ្វើទស្សនកិច្ចបន្តនៅសារមន្ទីរ ព្រះស្រីឦសានវរ្ម័ន (ស.ស.រ) (សារមន្ទីរ សសរ - Sosoro Museum) ដើម្បីឈ្វេងយល់បន្ថែមអំពីប្រវត្តិសាស្ត្រសេដ្ឋកិច្ច និងការវិវត្តនៃរូបិយវត្ថុរបស់កម្ពុជា។ ដំណើរទស្សនកិច្ចនៅសារមន្ទីរនេះ មិនត្រឹមតែស្តែងឱ្យឃើញពីការយកចិត្តទុកដាក់ និងការផ្តល់តម្លៃយ៉ាងស៊ីជម្រៅរបស់លោកប្រធាន ចំពោះបេតិកភណ្ឌវប្បធម៌ និងឫសគល់សេដ្ឋកិច្ចរបស់កម្ពុជានោះទេ ប៉ុន្តែថែមទាំងជាការឆ្លុះបញ្ចាំងពីការកសាងទំនាក់ទំនងហិរញ្ញវត្ថុមួយដែលផ្អែកលើការយល់ដឹង និងការគោរពគ្នាទៅវិញទៅមកយ៉ាងពិតប្រាកដ។

ដំណើរទស្សនកិច្ចរបស់លោកប្រធាន និងគណៈប្រតិភូជាន់ខ្ពស់មកកាន់កម្ពុជានាពេលនេះ គឺជាសក្ខីកម្មដ៏រឹងមាំ និងជាកាលានុវត្តភាពដ៏វិសេសវិសាល ដែលផ្តល់នូវកម្លាំងចិត្ត និងការណែនាំតម្រង់ទិសដ៏មានតម្លៃមិនអាចកាត់ថ្លៃបាន ដល់យើងខ្ញុំទាំងអស់គ្នាជាបុគ្គលិកនៃ BNKC MFI Plc. ក្នុងការបន្តប្តេជ្ញាចិត្តផ្តល់នូវសេវាកម្មហិរញ្ញវត្ថុប្រកបដោយគុណភាព តម្លាភាព និងទំនួលខុសត្រូវខ្ពស់បំផុត ស្របតាមពាក្យស្លោក៖ «ប៊ីអេនខេស៊ី ជាដៃគូអាជីវកម្មល្អបំផុតរបស់អ្នក» និងស្របតាមចក្ខុវិស័យសកលរបស់ BNK Financial Group ជានិរន្តរ៍៕

23/06/2026

លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអនុញ្ញាតឱ្យគណៈប្រតិភូសម្ព័ន្ធក្រុមហ៊ុន BNK Financial Group នៃសាធារណរដ្ឋកូរ៉េ ដឹកនាំដោយលោក Bin Daein ប្រធាន និងនាយកប្រតិបត្តិ ចូលជួបសម្តែងការគួរសម និងពិភាក្សាការងារ នាថ្ងៃទី២៣ ខែមិថុនា ឆ្នាំ២០២៦ នៅធនាគារជាតិនៃកម្ពុជា អគារវត្តភ្នំ។
ក្នុងជំនួបនេះ លោក Bin Daein បានលើកឡើងពីការកត់សម្គាល់របស់លោកចំពោះវឌ្ឍនភាពនៃការអភិវឌ្ឍរបស់កម្ពុជា និងបានបង្ហាញការវាយតម្លៃជាវិជ្ជមានចំពោះបរិយាកាសអំណោយផលសម្រាប់ការវិនិយោគ និងទេសចរណ៍នៅកម្ពុជា បន្ទាប់ពីបានមកបំពេញទស្សនកិច្ចដោយផ្ទាល់។ ក្នុងឱកាសនេះ លោកក៏បានជម្រាបជូនអំពីវឌ្ឍនភាពនៃប្រតិបត្តិការគ្រឹះស្ថានមីក្រូហិរញ្ញវត្ថុ ប៊ីអេនខេស៊ី (ខេមបូឌា) ភីអិលស៊ី ដែលជាក្រុមហ៊ុនបុត្រសម្ព័ន្ធរបស់ BNK Financial Group នៅកម្ពុជា និងបានបញ្ជាក់ពីការប្តេជ្ញាចិត្តក្នុងការវិនិយោគរយៈពេលវែងផងដែរ។ លោករំពឹងថា ការរីកចម្រើននៃប្រតិបត្តិការរបស់ក្រុមហ៊ុននៅកម្ពុជា នឹងរួមចំណែកលើកកម្ពស់ការយល់ដឹង និងការចាប់អារម្មណ៍របស់វិនិយោគិនកូរ៉េបន្ថែមទៀតចំពោះសក្តានុពលវិនិយោគនៅកម្ពុជា។ ជាមួយគ្នានេះ លោកក៏បានជម្រាបពីគម្រោងរៀបចំដំណើរទស្សនកិច្ចសម្រាប់ដៃគូអាជីវកម្មពីសាធារណរដ្ឋកូរ៉េ មកកម្ពុជានាពេលខាងមុខផងដែរ។
ជាការឆ្លើយតប លោកជំទាវទេសាភិបាល បានស្វាគមន៍ និងថ្លែងអំណរគុណចំពោះការយល់ឃើញជាវិជ្ជមានអំពីប្រទេសកម្ពុជា ព្រមទាំងបានគូសបញ្ជាក់ពីកិច្ចខិតខំប្រឹងប្រែងរបស់រាជរដ្ឋាភិបាល និងធនាគារជាតិនៃកម្ពុជា ក្នុងការបន្តពង្រឹងបរិយាកាសអំណោយផលសម្រាប់វិនិយោគិន។ បន្ថែមលើនេះ លោកជំទាវក៏បានជម្រាបជូនអំពីការអភិវឌ្ឍប្រព័ន្ធទូទាត់ឌីជីថល ដែលបានរួមចំណែកលើកកម្ពស់ប្រសិទ្ធភាព សុវត្ថិភាព និងបរិយាបន្នហិរញ្ញវត្ថុ ព្រមទាំងបានលើកទឹកចិត្តឱ្យបន្តស្វែងរកឱកាសពង្រីកការវិនិយោគនៅកម្ពុជាបន្ថែមទៀត ផងដែរ។

17/06/2026

ក្នុងឱកាសដ៏មហានក្ខត្តឫក្ស ប្រកបដោយក្តីសោមនស្សរីករាយនៃព្រះរាជពិធីបុណ្យចម្រើនព្រះជន្មវស្សា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល គម្រប់ ៩០ ព្រះវស្សា យាងចូល ៩១ ព្រះវស្សា។

ទូលព្រះបង្គំយើងខ្ញុំទាំងអស់គ្នាជាថ្នាក់ដឹកនាំ និងបុគ្គលិកនៃ គ្រឹះស្ថានមីក្រូហិរញ្ញវត្ថុ ប៊ីអេនខេស៊ី (ខេមបូឌា) ភីអិលស៊ី សូមលំឱនកាយក្រាបបង្គំទូលថ្វាយនូវព្រះសព្ទសាធុការពរជ័យ បវរសួស្តី វិបុលសុខមហាប្រសើរគ្រប់ប្រការថ្វាយព្រះអង្គ សូមទ្រង់មានព្រះរាជសុខភាពល្អបរិបូរណ៍ ព្រះកាយពលមាំមួន និងព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំសម្រាប់ប្រជានុរាស្ត្រខ្មែរគ្រប់រូប ជានិរន្តរ៍តរៀងទៅ។
ក្រាបបង្គំទូលថ្វាយពីទូលព្រះបង្គំយើងខ្ញុំទាំងអស់គ្នាពី BNKC (Cambodia) Microfinance Institution Plc.

13/05/2026

ក្នុងឱកាសដ៏មហានក្ខត្តឫក្ស ប្រកបដោយក្តីសោមនស្សរីករាយនៃព្រះរាជពិធីបុណ្យចម្រើនព្រះជន្មវស្សា ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា គម្រប់ ៧៣ ព្រះវស្សា យាងចូល ៧៤ ព្រះវស្សា។

ទូលព្រះបង្គំយើងខ្ញុំជាថ្នាក់ដឹកនាំ និងបុគ្គលិកទាំងអស់នៃ គ្រឹះស្ថានមីក្រូហិរញ្ញវត្ថុ ប៊ីអេនខេស៊ី (ខេមបូឌា) ភីអិលស៊ី សូមលំឱនកាយក្រាបបង្គំទូលថ្វាយនូវព្រះសព្ទសាធុការពរជ័យ បវរសួស្តី វិបុលសុខមហាប្រសើរគ្រប់ប្រការ ថ្វាយព្រះអង្គ សូមទ្រង់មានព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា និងព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំសម្រាប់ប្រជានុរាស្ត្រខ្មែរគ្រប់រូប ជ្រកកោនជាដរាបតរៀងទៅ។

សូមព្រះករុណាជាអម្ចាស់ជីវិតលើត្បូង ទ្រង់ប្រកបដោយព្រះពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ក្រាបបង្គំទូលថ្វាយពីទូលព្រះបង្គំយើងខ្ញុំទាំងអស់គ្នាពី BNKC (Cambodia) Microfinance Institution Plc.

04/05/2026

រីករាយព្រះរាជពិធីច្រត់ព្រះនង្គ័ល! 🌾✨

ថ្ងៃអង្គារ ៤រោច ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៥ ខែឧសភា ឆ្នាំ២០២៦ នេះ ក្នុងឱកាស ព្រះរាជពិធីច្រត់ព្រះនង្គ័ល គ្រឹះស្ថានមីក្រូហិរញ្ញវត្ថុ ប៊ីអិនខេស៊ី (ខេមបូឌា) ភីអិលស៊ី សូមជូនពរដល់បងប្អូនប្រជាពលរដ្ឋទាំងអស់ ទទួលបាននូវភាពត្រជាក់ត្រជុំ សុភមង្គល និងទទួលបានទិន្នផលខ្ពស់ក្នុងការបង្កបង្កើនផល!

#ព្រះរាជពិធីច្រត់ព្រះនង្គ័ល២០២៦ #វប្បធម៌ខ្មែរ

30/04/2026

អបអរសាទរទិវាពលកម្មអន្តរជាតិ ១ ឧសភា! 💼

រាល់សមិទ្ធផលធំៗ តែងកើតចេញពីការតស៊ូ និងការលះបង់របស់កម្លាំងពលកម្ម។ ក្នុងឱកាសដ៏វិសេសវិសាលនេះ គ្រឹះស្ថានមីក្រូហិរញ្ញវត្ថុ ប៊ីអេនខេស៊ី (ខេមបូឌា) ភីអិលស៊ី សូមចូលរួមអបអរសាទរ និងលើកកម្ពស់តម្លៃនៃរាល់ការងារទាំងអស់។
យើងខ្ញុំសូមជូនពរចំពោះ បងប្អូនកម្មករ និយោជិត និងអតិថិជនទាំងអស់ សូមមានសុខភាពល្អបរិបូរណ៍ ទទួលបានជោគជ័យក្នុងគ្រប់ភារកិច្ច និងសូមឱ្យថ្ងៃឈប់សម្រាកនេះ ពោរពេញដោយភាពរីករាយ និងសុភមង្គលក្នុងក្រុមគ្រួសារ! 😊🙌

Happy International Labour Day! 🌍✨
Great achievements are built on the foundation of hard work and dedication. On this special day, BNKC (Cambodia) Microfinance Institution Plc. joins the world in celebrating and honoring the value of every profession.
We wish all workers, employees, and our valued customers good health, great success in every endeavor, and a joyful holiday filled with happiness! 💪