19/10/2025
នារសៀលថ្ងៃសុក្រ ១០ រោច ខែអស្សុជ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី១៧ ខែតុលា ឆ្នាំ២០២៥ ក្រុមហ៊ុន ប្ល៊ែកវែល គ្លូប៊ល អ៊ិនវេសម៉ិន (ខេមបូឌា) ឯ.ក និងសមាគមអ្នកវិនិយោគមូលបត្រកម្ពុជា បានរៀបចំកម្មវិធីចុះហត្ថលេខាលើអនុស្សរណៈនៃការយោគយល់គ្នា។ ខណៈកម្មវិធីនេះមានការអញ្ចើញចូលរួមក្រោមអធិបតីភាព ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា អមដោយឯកឧត្តមបណ្ឌិត វិន ភក្តី អគ្គនាយករងនៃនិយ័តករមូលបត្រកម្ពុជា លោក សុខលេង អគ្គនាយកក្រុមហ៊ុន ប្ល៊ែកវែល គ្លូប៊ល អ៊ិនវេសម៉ិន (ខេមបូឌា) ឯ.ក លោក យឿង វីរបុត្រ ប្រធានសមាគមអ្នកវិនិយោគមូលបត្រកម្ពុជា ព្រមទាំងសមាជិកសមាគម និង ភ្ញៀវកិត្តិយសជាច្រើនរូបទៀត។
សម្រាប់ការចុះអនុស្សរណៈនៃការយោគយល់គ្នានេះដែរគឺមានគោលបំណងផ្តល់នូវកម្មវិធីគាំទ្រផ្នែកបណ្តុះបណ្តាលចំណេះដឹងពាក់ព័ន្ធនឹងការវិនិយោគ, ការជួញដូរ និងឱកាសនៃការស្វែងរកប្រាក់ចំណេញនៅក្នុងវិស័យមូលបត្រនៅក្នុងព្រះរាជាណាចក្រកម្ពុជា។
ថ្លែងនៅក្នុងកម្មវីធីនោះ ឯកឧត្តម ស៊ូ សុជាតិបានមានប្រសាសន៍លើកឡើងថា “ការចុះអនុស្សរណៈនៃការយោគយល់គ្នានៅថ្ងៃនេះ គឺស្របទៅនឹងគោលការណ៍ស្នូលរបស់និយ័តករមូលបត្រកម្ពុជា គឺការបណ្តុះបណ្តាល ការបង្កើនចំណេះដឹងដល់វិនិយោគិន ដែលជាយន្តការមួយនៃការការពារវិនិយោគិនផងដែរ”។
លោក សុខ លេង បានបង្ហាញនូវក្តីរីករាយដែលបានចុះអនុស្សរណៈនៃការយោគយល់គ្នានេះព្រោះការចុះអនុស្សរណៈនេះពិតជាមានសារៈសំខាន់ដោយសារស្របទៅតាមនិតិវិធីរបស់និយ័តករមូលបត្រកម្ពុជា ហើយអ្វីដែលសំខាន់គឺមានភាពទុកចិត្តគ្នាទៅវិញទៅមកទៅលើការវិនិយោគនៅក្នុងវិស័យមូលបត្រ រវាងសមាគម និងក្រុមហ៊ុន។
ដោយឡែក លោក យឿង វីរបុត្រ បានបញ្ចក់ថា មូលហេតុដែលសមាគមសម្រេចសហការជាមួយនឹងក្រុមហ៊ុនដោយសារក្រុមហ៊ុនមួយនេះមានបទពិសោធន៍ច្រើនឆ្នាំក្នុងការផ្តល់សេវាកម្មវិនិយោគ និងកម្មវិធីជួញដូរ ក្នុងវិស័យមូលបត្រ ហើយក្រុមហ៊ុនក៏មានចក្ខុវិស័យវែងឆ្ងាយផងដែរ។
សូមជម្រាបថា ក្រុមហ៊ុន ប្ល៊ែកវែល គ្លូប៊ល អ៊ិនវេសម៉ិន (ខេមបូឌា) ឯ.ក គឺជាក្រុមហ៊ុនឈ្មួញជើងសារឧបករណ៍និស្សន្ទ ត្រូវបានបង្កើតឡើងនៅឆ្នាំ២០១០។ ក្រុមហ៊ុនេះមានផ្តល់សេវាកម្មជួញដូរទៅលើលោហៈធាតុមានតម្លៃដូចជា មាស ប្រាក់ និងរូបិយប័ណ្ណអន្តរជាតិ ព្រមទាំងផលិតផលលើកិច្ចសន្យាគម្លាតថ្លៃផ្សេងទៀតតទៅឲ្យអតិថិជនរបស់ខ្លួនទាំងរូបវន្តបុគ្គល និងនីតិបុគ្គល។ បច្ចុប្បន្នក្រុមហ៊ុនមានការិយាល័យនៅក្នុងតំបន់អាស៊ី និងអឺរ៉ុប ហើយក៏កំពុងពង្រីកបន្ថែមទៀតផងដែរ។ នាប៉ុន្មានឆ្នាំមកនេះក្រុមហ៊ុនបានផ្តល់សេវាកម្មជូនអតិថិជនជាង១លាននាក់ នៅក្នុង១៨០ប្រទេសជាងជុំវិញពិភពលោក។
ប្ល៊ែកវែល គ្លូប៊ល អ៊ិនវេសម៉ិន គឺជាក្រុមហ៊ុនឈ្មួញជើងសារដ៏ធំដែលមានការិយាល័យកណ្តាលនៅចក្រភពអង់គ្លេស។ បច្ចុប្បន្នក្រុមហ៊ុនមានអាជ្ញាប័ណ្ណចេញពីស្ថាប័ននិយ័តការល្បីៗជាច្រើនជូចជា៖ FCA នៅចក្រភពអង់គ្លេស SFC នៅទីក្រុងហុងកុង SCB នៅប្រទេសបាហាម៉ាស ជាពិសេសនៅក្នុងព្រះរាជាណាចក្រកម្ពុជា ក្រុមហ៊ុនទទួលបានអាជ្ញាប័ណ្ណស្របច្បាប់ពីនិយ័តករមូលបត្រកម្ពុជា SERC លេខ ០០៥ ។ ក្រៅពីនោះក្រុមហ៊ុនក៏ទទួលបានពានរង្វាន់ជាង ៨០ ដែលទទួលស្គាល់ពីស្ថាប័នឯករាជ្យជុំវិញពិភពលោកជាពិសេសនៅក្នុងព្រះរាជាណាចក្រកម្ពុជា គឺទទួលបានការសារទរជាខ្លាំងទៅលើគុណភាពនៃសេវាកម្ម ឧត្តមភាពបម្រើសេវាកម្មជូនអតិថិជន និងបច្ចេកវិទ្យាជួញដូរដ៏ទំនើប។
សម្រាប់លោកអ្នកដែលចង់បានគណនីវិនិយោគ ឬជួញដូរ នៅក្នុងទីផ្សារជាមួយក្រមហ៊ុន សូមទាក់ទងទៅកាន់តេឡេក្រាម https://t.me/Blackwell_Cambodia ឬទៅកាន់ទីតាំងការិយាល័យក្រុមហ៊ុនផ្ទាល់ Google Maps: https://maps.app.goo.gl/avbcGCw3ZKrNKebP8 ៕
