25/07/2024
ជំងឺផ្តាសាយ
(INFLUENZA/FLU )
1. អ្វីជាំងឺផ្តាសាយ?
ជំងឺផ្តាសាយ ជាជំងឺផ្លូវដង្ហើម បង្កដោយសារវីរុស ដែលបណ្តាលឱ្យ៖
-ក្តៅខ្លួន អស់កម្លាំង
-ឈឺចាប់ពេញខ្លួន
-ឈឺក្បាល
-និងពិបាកដកដង្ហើម។
2. ផលវិបាកនៃជំងឺផ្តាសាយ ៖
រោគសញ្ញា នៃជំងឺផ្តាសាយជាទូទៅមានរយៈពេល ២ទៅ៣ថ្ងៃ យ៉ាងយូរតិចជាង ២សប្តាហ៌ ។
ប៉ុន្តែមានករណីពិសេសខ្លះ ជំងឺផ្តាសាយមានរយៈពេលយូរជាងធម្មតា ឫកើតឡើងធ្ងន់ធ្ងរភ្លាមៗ អាចបណ្តាលឱ្យអ្នកជំងឺស្លាប់បាន ។ ដូចជាអ្នកជំងឺផ្តាសាយបក្សី កើតជំងឺផ្តាសាយថ្មី (ជំងឺផ្តាសាយជ្រូក) ។
ផលវិបាកសំខាន់ៗនៃជំងឺផ្តាសាយអាចបណ្តាលឱ្យកើត៖
- ជំងឺរលាកសួត
- ជំងឺរលាកទងសួត
- ជំងឺរលាកច្រមុះ
- ជំងឺរលាកត្រចៀក
ជំងឺទាំងនេះ ក៏អាចបណ្តាលឱ្យមានភាពរ៊ំាុរ៉ៃ និងធ្វើឱ្យប៉ះពាល់សុខភាពធ្ងន់ធ្ងរ ជាពិសេសលើអ្នកមានសុខភាពទ្រុឌទ្រោមស្រាប់ ដូចជាអ្នកមានជំងឺ (ហឺត ទឹកនោមផ្អែម លើសឈាម បេះដូង) ជាដើម។
3. រោគសញ្ញា ៖
ជំងឺផ្តាសាយ យើងនិយមហៅថា «ផ្តាសាយធំ» វាអាចស្រាលឫធ្ងន់ ឫអាចវិវត្តន៌ទៅរកការស្លាប់បាន។ ក៏កុំច្រឡំជាជំងឺផ្តាសាយ ជាមួយការរលាកផ្លូវដង្ហើមបណ្តាលមកពីការផ្លាស់ប្តូរអាកាសធាតុ ។
ជំងឺផ្តាសាយប្រភេទណាក៏ដោយ គឺមានរោគសញ្ញាប្រហាក់ប្រហែលគ្នាដូចជា ៖ ក្តៅខ្លួន ឫមានអារម្មណ៌ដូចក្តៅខ្លួន . ឈឺក្បាល រងារ ញាក់ . អស់កម្លាំង ក្អក . ឈឺតាមសាច់ដុំ ហៀរសំបោរ . ជួនកាលមានក្អួត រាគ ភាគច្រើនលើក្មេង។ តឹងច្រមុះ . ឈឺបំពង់ក ។
4. វិធានការ ៖
🏥 ការព្យាបាល :
ជាទូទៅជំងឺផ្តាសាយ មិនមានថ្នាំព្យាបាលណាមួយជាក់លាក់ទេ គឺព្យាបាលតាមរោគសញ្ញា ដូចជាក្តៅខ្លួន ឱ្យ ប៉ារ៉ាសេតាម៉ុល(Paracetamol ) តាមវេជ្ជបញ្ជារបស់គ្រូពេទ្យ លើសពីនេះបើមានសញ្ញាធ្ងន់ធ្ងរ ៖ ពិបាកដកដង្ហើម ឫថប់ដង្ហើម ឈឺណែនដើមទ្រូង ឫចុកពោះ វិលមុខភាមៗ ប្រកាច់ ក្អួតខ្លាំង ឫជាប់ៗគ្នា រោគសញ្ញាផ្តាសាយមានការធូរស្រាល ប៉ុន្តែត្រឡប់មកឡើងកម្តៅ និងក្អកខ្លាំងជាងធម្មតា។រោគសញ្ញាទាក់ទងនឹងផ្តាសាយបក្សី ឫ ផ្តាសាយថ្មី (ផ្តាសាយជ្រូក) ។
🏥ត្រូវបញ្ជូនទៅមន្ទីរពេទ្យបង្អែក👏🥰
🏥ដកស្រង់ចេញពី សេចក្តីណែនាំគ្លីនិចស្តីពី សំណុំសកម្មភាពអប្បរមា រៀបចំដោយ អគ្គនាយកដ្ឋានបច្ចេកទេសសុខាភិបាល_ នាយកដ្ឋានមន្ទីរពេទ្យ ក្រសួងសុខាភិបាល (ទំព័រលេខ៖ 67/393)បោះពុម្ព ខែឧសភា ឆ្នាំ ២០១៨ -បណ្ណាល័យម. គ. ច -៕
