រដ្ឋលេខាធិការដ្ឋានអាកាសចរសុីវិល. State Secretariat of Civil Aviation

06/12/2025

សូមសាធារណៈជន ចូលរួម ការរៀបចំពិធីតាំងពិព័រណ៍អាកាសចរណ៍ សមិទ្ធផលអាកាសចរណ៍ ឲ្យច្រើនកុះករ ៖

ម៉ោង ៣ រសៀល រហូតដល់ម៉ោង ៩ និង ៣០នាទីយប់

រដ្ឋលេខាធិការដ្ឋានអាកាសចរណ៍ស៊ីវិល នឹងរៀបចំពិធីអបអរសាទរទិវាអាកាសចរណ៍ស៊ីវិល លើកទី១ ក្នុងគោលបំណងផ្សព្វផ្សាយទិវាអាកាសចរណ៍ស៊ីវិល ឱ្យបានទូលំទូលាយជូនមហាជនបានស្គាល់ និងផ្សព្វផ្សាយពីវឌ្ឍនភាពការងារវិស័យអាកាសចរណ៍ ដែលនឹងប្រព្រឹត្តទៅថ្ងៃទី៧​ ខែធ្នូ ឆ្នាំ២០២៥ នៅបរិវេណអតីតអាកាសយានដ្ឋានអន្តរជាតិភ្នំពេញ​។

06/12/2025

25/11/2025

ការចុះ ឈ្មោះ បិទត្រឹមថ្ងៃទី​ ២៨ ខែវិច្ឆិកា ឆ្នាំ ២០២៥ ម៉ោង ១២ ថ្ងៃត្រង់។
បើកអាវ និង BiB ធ្វើឡើងនៅថ្ងៃទី 6 ខែធ្នូ ឆ្នាំ2025 ម៉ោង 8:30ព្រឹក ដល់ 5:30ល្ងាច, នៅ VIP Terminal.
ចុះឈ្មោះ https://t.me/+YyMs1Snf6oIzMzBl

ទីតាំង៖ https://maps.app.goo.gl/AUEoP4VRitmXhVEXA

24/11/2025

រដ្ឋលេខាធិការដ្ឋានអាកាសចរណ៍ស៊ីវិល នឹងរៀបចំកម្មវិធីរត់ប្រណាំងលើផ្លូវរត់(RUNWAY FUN RUN) ដើម្បីអបអរសាទរ ទិវាអាកាសចរណ៍ស៊ីវិល៧ធ្នូ នៅព្រះរាជាណាចក្រកម្ពុជា។ កម្មវិធីរត់ប្រណាំងលើផ្លូវរត់នេះ នឹងប្រារព្វធ្វើឡើងនៅថ្ងៃទី៧ ខែធ្នូ ឆ្នាំ២០២៥ វេលាម៉ោង ៦:០០នាទីព្រឹក ខាងមុខនេះ នៅអាកាសយានដ្ឋានអន្តរជាតិភ្នំពេញ។
៥:៣០ (ជួបជុំគ្នា)

23/11/2025

រដ្ឋលេខាធិការដ្ឋានអាកាសចរណ៍ស៊ីវិល មានកិត្តិយសគោរពជូនដំណឹង ដល់សាធារណៈជនពីកម្មវិធីរត់ប្រណាំង នៅលើផ្លូវរត់យន្តហោះលើកទី១ (Runway Fun Run 5Km) នៅព្រះរាជាណាកច្រកម្ពុជា ដើម្បីអបអរសាទរ ទិវាអាកាសចរណ៍សុីវិលកម្ពុជា លើកទី១។ កម្មវិធីរត់ប្រណាំង នៅលើផ្លូវរត់យន្តហោះលើកទី១ នឹងធ្វើឡើង នៅថ្ងៃទី ៧ ខែធ្នូ ឆ្នាំ២០២៥ ចាប់ពីម៉ោង ៥៖៣០ព្រឹក នៅអតីតអាកាសយានដ្ឋានអន្តរជាតិភ្នំពេញ (ពោធិ៍ចិនតុង)។ ការចុះឈ្មោះចូលរួម ចាប់បើកពីថ្ងៃជូនដំណឹងនេះ តទៅ។
Registration and further information , please click the below link

https://t.me/+YyMs1Snf6oIzMzBl

The State Secretariat of Civil Aviation (SSCA) is honored to organize the 1st Runway Fun Run 5Km in order to celebrate the 1st Cambodia Civil Aviation Day 2025 which will be held on 7th December 2025 at 5:30am at Phnom Penh International Airport (Old Airport) Runway. Registration starts from today onwards.

04/12/2022

ក្រុមការងារ ស.ស.យ.ក នៃ
រដ្ឋលេខាធិការដ្ឋានអាកាសចរស៊ីវិល
————————————————

ក្រុមការងារ ស.ស.យ.ក នៃរដ្ឋលេខាធិការដ្ឋានអាកាសចរស៊ីវិលបានចូលរួមរៀបចំពិធីតាំងពិព័រ អបអរសាទរខួបទី ៤៤ ឆ្នាំនៃការបង្កើតសហភាពសហព័ន្ធយុវជនកម្ពុជា (ស.ស.យ.ក.) ។

ពិព័រនេះផងដែរ គឺបានសហការជាមួយក្រុមហ៊ុនអាកាសចរណ៍ Lanmei Airline ដើម្បីរៀបចំនូវទស្សនីយភាពដូចជា ម៉ាស៊ីនយន្តហោះ ឧបករណ៍មួយចំនួនដែលបំពាក់លើយន្តហោះ ទទួលការស្វាគមន៍ដោយបាហុនិកា និងមានការរៀបចំនូវល្បែងកំសាន្តបន្តិចបន្តួច ដែលបាន ប្រព្រឹត្តទៅថ្ងៃទី៣ ខែធ្នូ ឆ្នាំ២០២២នៅ វិមានឈ្នះឈ្នះ។

#៤៤ឆ្នាំនៃស្មារតី២ធ្នូ #រដ្ឋលេខាធិការដ្ឋានអាកាសចរស៊ីវិល #សសយក

18/10/2022

ឯកឧត្តមនាយឧត្តមសេនីយ៍បណ្ឌិត ម៉ៅ ហាវណ្ណាល់ ចូលរួមកិច្ចសន្ទនាអាកាសចរនៃបណ្តាប្រទេសG20 នៅកោះ បាលី ប្រទេសឥណ្ឌូនេស៉ី
———————————————————

តបតាមការអញ្ជើញរបស់ លោក Budi Karya Sumati រដ្ឋមន្ត្រីដឹកជញ្ជូន នៃសាធារណរដ្ឋឥណ្ឌូនេស៉ី នាថ្ងៃទី១៨-១៩ ខែតុលា ឆ្នាំ២០២២ ឯកឧត្តមនាយឧត្តមសេនីយ៍បណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល បានចូលរួមកិច្ចសន្ទនាអាកាសចរនៃបណ្តាប្រទេសG20 ( G20 Aviation Dialogue) ក្រោមប្រធានបទ ៖ « វិធានការហិរញ្ញវត្ថុសម្រាប់ការស្តារអាកាសចរឡើងវិញ »ដែលប្រារព្វនៅកោះ បាលី ប្រទេសឥណ្ឌូនេស៉ី ។

កិច្ចសន្ទនានេះបានប្រព្រឹត្តទៅបន្ទាប់ពីកិច្ចប្រជុំរដ្ឋមន្ត្រីដឹកជញ្ជូនអាស៊ានលើកទី ២៨ ហើយបានលើកឡើងអំពីប្រធានបទ « វិធានការហិរញ្ញវត្ថុសម្រាប់ការស្តារអាកាសចរឡើងវិញ» ដែលពិភាក្សាអំពីបញ្ហាប្រឈមរបស់បណ្តាប្រទេសនានា និងឧស្សាហកម្មអាកាសចរក្នុងការទទួលបានលទ្ធភាពហិរញ្ញប្បទាន និងយន្តការផ្សេងទៀតសម្រាប់ការស្តារឡើងវិញ នៃវិស័យអាកាសចរ ក្រោយពីជំងឺរាតត្បាត COVID-19។

កិច្ចសន្ទនាក៏បង្ហាញពីតួនាទីសំខាន់របស់វិស័យឯកជន និងសាធារណៈក្នុងការគាំទ្រកិច្ចខិតខំប្រឹងប្រែងឆ្ពោះទៅរកការងើបឡើងវិញ ក៏ដូចជាការផ្តល់វេទិកាមួយដើម្បីជួយសម្រួលដល់កិច្ចសហការ និងឱកាសក្នុងការអភិវឌ្ឍក្របខ័ណ្ឌហិរញ្ញប្បទានជាក់ស្តែង និងអាចធ្វើទៅបាន ដើម្បីជំរុញការងើបឡើងវិញនៃអាកាសចរស៉ីវិល។

ឆ្លៀតក្នុងឱកាសនោះដែរ ឯកឧត្តមនាយឧត្តមសេនីយ៍បណ្ឌិត ម៉ៅ ហាវណ្ណាល់ រដ្ឋមន្ត្រី ក៏បានជួបពិភាក្សាជាមួយ លោក Salvatore Sciacchitano ប្រមុខ និងជាអគ្គលេខាធិការរបស់អង្គការអាកាសចរស៉ីវិលអន្តរជាតិ (ICAO) បណ្តារដ្ឋមន្ត្រីដឹកជញ្ជូនអាស៊ាន ដើម្បី ពង្រឹងកិច្ចសហប្រតិបត្តិការ ក្នុងវិស័យអាកាសចរស៉ីវិលនាពេលអនាគត់ រវាងប្រទេសអាស៊ាន និងអង្គការអាកាសចរស៉ីវិលអន្តរជាតិ (ICAO)។

21/09/2022

ឯកឧត្តម បណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៉ីវិលជូនដំណើរ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញទៅចូលរួមកិច្ចប្រជុំមហាសន្និបាតអង្គការសហប្រជាជាតិលើកទី៧៧នៅសហរដ្ឋអាមេរិក
————————————————————
នៅព្រឹក ថ្ងៃពុធ ១១រោច ខែភទ្របទ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២១ ខែកញ្ញា ឆ្នាំ២០២២នេះ ដែលជាថ្ងៃកាន់បិណ្ឌទី១១ នៃពិធីបុណ្យភ្ជុំបិណ្ឌ ឯកឧត្តម បណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៉ីវិលជូនដំណើរ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញដឹកនាំគណ:ប្រតិភូជាន់ខ្ពស់រាជរដ្ឋាភិបាលទៅចូលរួម ៖

- មហាសន្និបាតអង្គការសហប្រជាជាតិលើកទី៧៧ នៅសហរដ្ឋអាមេរិក
-បំពេញទស្សនកិច្ចផ្លូវការនៅសាធារណរដ្ឋគុយបា និង
- ចូលរួមពិធីបុណ្យសពថ្នាក់ជាតិរបស់ ឯកឧត្តម អាបេ ស៊ីនហ្សូ អតីតនាយករដ្ឋមន្ត្រីជប៉ុនពីថ្ងៃទី២១ដល់ថ្ងៃ២៨ ខែកញ្ញាឆ្នាំ២០២២។

21/08/2022

ព្រឹកថ្ងៃ អាទិត្យ ៩ រោច ខែស្រាពណ៍ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី ២១ ខែសីហា ឆ្នាំ ២០២២ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រី ទទួលបន្ទុក រដ្ឋលេខាធិការអាកាសចរស៉ីវិល អញ្ជើញ ថ្វាយព្រះរាជដំណើរ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរជាទីគោរពសក្ការៈដ៏ខ្ពង់ខ្ពស់បំផុត ព្រះសព្វព្រះរាជហឫទ័យយាងទៅកាន់ក្រុងប៉េកាំង ប្រទេសចិន ដើម្បីពិនិត្យ និងព្យាបាលព្រះរាជសុខភាព។

សូមបញ្ជាក់ថា ក្រោមចំណងទំនាក់ទំនងដ៏ស្អិតល្មួតពោរពេញដោយភាពរឹងមាំមិនអាចពុះបំបែកបាន រដ្ឋាភិបាលចិន បានយកចិត្តទុកដាក់ខ្ពស់បំផុតចំពោះព្រះរាជសុខភាពរបស់ព្រះមហាក្សត្រខ្មែរ និងព្រះមហាក្សត្រី។ ការយកចិត្តទុកដាក់របស់ក្រុមគ្រូពេទ្យចិន គឺបានចាប់ផ្តើមឡើងតាំងពីអតីតព្រះមហាក្សត្រ សម្តេច នរោត្តម សីហនុ ព្រះបរមរតនកោដ្ឋ ព្រះវររាជបិតាជាតិខ្មែរ។

ការយកចិត្តទុកដាក់ចំពោះព្រះរាជសុខភាពរបស់ព្រះមហាក្សត្រ ក្រុមវេជ្ជបណ្ឌិតចិន តែងយាងព្រះមហាក្សត្រខ្មែរ និងព្រះមហាក្សត្រី ព្រះវររាជមាតាជាតិខ្មែរ ទៅពិនិត្យព្រះរាជសុខភាពមួយឆ្នាំពីរដង។ មួយដងធ្វើឡើងនៅដើមឆ្នាំ ហើយមួយដងទៀត ធ្វើឡើងចុងឆ្នាំ។

17/08/2022

ឯកឧត្តមបណ្ឌិត ម៉ៅ ហាវណ្ណាល់ ផ្ញើសារគោរពជូនពរ ឯកឧត្តម កិត្តិនីតិកោសលបណ្ឌិត ប៊ិន ឈិន ក្នុងឱកាសចម្រើនជន្មាយុគម្រប់ ៧២ ឈានចូល ៧៣ឆ្នាំ
_________________________________

(ភ្នំពេញ)៖ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល និងលោកជំទាវ ខាន់ ម៉ានីដា ព្រមទាំងថ្នាក់ដឹកនាំ និងមន្ត្រីរាជការទាំងអស់ ផ្ញើសារគោរពជូនពរ ឯកឧត្តម កិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ដ្រីប្រចាំការ និងជារដ្ឋមន្ដ្រីទទួលបន្ទុកទីស្ដីការគណៈរដ្ឋមន្ដ្រី ក្នុងឱកាសដ៏មហាជ័យមង្គលចម្រើនជន្មាយុគម្រប់ ៧២ ឈានចូល ៧៣ឆ្នាំ ដែលប្រព្រឹត្តទៅនៅថ្ងៃពុធ ៥រោច ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៧ ខែសីហា ឆ្នាំ២០២២។

យើងខ្ញុំទាំងអស់គ្នា សូមចូលរួមសម្តែងនូវសេចក្ដីអំណរសាទរយ៉ាងជ្រាលជ្រៅពោរពេញ ដោយសេចក្តីសោមនស្សរីករាយយ៉ាងក្រៃលែង និងសូមគោរពជូនពរយ៉ាងកក់ក្តៅជូនចំពោះ ឯកឧត្តមកិត្តិនីតិកោសលបណ្ឌិត សូមបានសមប្រកបដោយសុខភាពល្អបរិបូរណ៍ កាយពលមាំមួន បញ្ញាញាណវាងវៃ មានជន្មាយុយឺនយូរ និងសូមទទួលបានជោគជ័យការងារថ្មីៗបន្ថែមទៀត។

ឆ្លៀតក្នុងឱកាសដ៏បវរមហាប្រសើរនេះ យើងខ្ញុំសូមសម្តែងនូវការគោរពកោតសរសើរចំពោះ ឯកឧត្តមកិត្តិនីតិកោសលបណ្ឌិត ដែលបានលះបង់កំលាំងកាយចិត្ត ប្រាជ្ញាស្មារតី នៅក្នុងបេសកកម្មដឹកនាំទីស្តីការគណៈរដ្ឋមន្ត្រី សម្រេចបាននូវសមិទ្ធផលជាច្រើនរយៈកាលកន្លងមក និងក្នុងបុព្វហេតុបម្រើជាតិមាតុភូមិ ប្រកបដោយឆន្ទៈដ៏មោះមុតដែលបានខិតខំរួមចំណែកយ៉ាងក្លៀវក្លាក្នុងការដឹកនាំកសាងប្រទេសជាតិ រក្សាបាននូវសុខសន្តិភាព ស្ថិរភាព ព្រមជាមួយនិងការអភិវឌ្ឍលើគ្រប់វិស័យឥតឈប់ឈរ។

ជាថ្មីម្តងទៀត យើងខ្ញុំទាំងអស់គ្នាសូមលើកហត្ថបួងសួងដល់វត្ថុស័ក្តិសិទ្ធិទាំងឡាយក្នុងលោក គុណបុណ្យព្រះរតនត្រ័យ គុណកែវទាំងបី ទេវតាថែរក្សាព្រះមហាស្វេតច្ឆត្រ សូមព្រះអង្គតាមជួយថែរក្សាការពារប្រោះព្រំនូវសព្ទសាធុការពរជ័យគ្រប់ប្រការជូនចំពោះ ឯកឧត្តមកិតិ្ដនីតិកោសលបណ្ឌិត និងលោកជំទាវ ព្រមទាំង បុត្រា បុត្រី ចៅប្រុស ចៅស្រី ជាទីស្រឡាញ់ និងសូមសមប្រកបដោយពុទ្ធពរថ្លៃថ្លាទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕