https://www.facebook.com/109472770449285/

Chem Piseth, Phnom Penh (2026)

10/05/2024

វប្បធម៌ អរិយធម៌ខ្មែរដ៏រុងរឿង
The beautiful of Angkor in Cambodia 🇰🇭💚
❤️🇰🇭Cambodia kingdom of wonder

Golden Banteay Srey Temple Very Beautiful

.

06/05/2021

#គោលការណ៍ជោគជ័យ១០ចំណុច របស់មហាសេដ្ឋី ជែក ម៉ា

១.ទម្លាប់ឱ្យស៊ាំនឹងការបដិសេធ (Get uses to rejection)

-ជែក ម៉ា បានធ្លាក់ការប្រឡងចូលរៀននៅសាកលវិទ្យាល័យចំនួន២ដង និងដាក់ពាក្យស្នើសុំចូលរៀននៅសាកលវិទ្យាល័យ Harvard ត្រូវបានសាកលវិទ្យាល័យ បដិសេធ ចំនួន១០ដង។
-ជែក ម៉ា ដាក់ពាក្យធ្វើការងារត្រូវបានបដិសេធចំនួន ៣០ដង។ សម្ភាសន៍ការងារនៅក្រុមហ៊ុន KFC មានបេក្ខជន ២៤នាក់ ហើយជាប់បានការងារធ្វើ ២៣នាក់ ចំណែកលោកជែក ម៉ា ត្រូវបានគេបដិសេធ។
-ជែក ម៉ា ដាក់ពាក្យចូលធ្វើជានគរបាល មានបេក្ខជន ៥នាក់ ហើយបានជាប់ជានគរបាល ៤នាក់ ចំណែករូបលោក មិនត្រូវបានទទួលយក។
ការទទួលបានការបដិសេធដូច្នោះហើយទើបឱ្យធ្វើ ជែក ម៉ា បានស៊ាំក្លាយជាទម្លាប់ទៅហើយ។ គាត់មានប្រសាសន៍ថា នៅពេលយើងត្រូវបានគេបដិសេធវាគឺជាកត្តាជំរុញផ្លូវចិត្ត ឱ្យកាន់តែប្រឹងប្រែងតស៊ូទៅមុខជានិច្ច មិនត្រូវអស់សង្ឃឹម និងបាក់ទឹកចិត្តឡើយ។

២. រក្សាក្តីសុបិន្តឱ្យរស់ជានិច្ច (Keep Your Dream Alive)

ជែក ម៉ា បានចែករំលែកនៅក្នុងសន្និសិទមួយថាលេខកូដសម្ងាត់ ដើម្បីភាពជោគជ័យរបស់អាលីបាបា គឺដូចគ្នាទៅរឿងនិទានរបស់អាលីបាបា ដែលតួអង្គក្នុងរឿងបានចូលទៅក្នុងរូងភ្នំ ដោយប្រើលេខកូដសម្ងាត់ថា “Open Sesame)។
ជែក ម៉ា បន្តថាវាមានភាពស្រដៀងគ្នាដែរ លេខកូដសម្ងាត់របស់អាលីបាបា គឺ “រក្សាក្តីសុបិន្តរបស់អ្នកឱ្យរស់ជានិច្ច” ។
ដូចនេះ អ្នកត្រូវរក្សាក្តីសុបិន្តរបស់អ្នកឱ្យនៅរស់ ព្រោះថា គង់មានថ្ងៃណាមួយ ក្តីសុបិន្តនោះ នឹងកើតឡើងចំពោះអ្នក ។

៣. ផ្តោតលើកត្តាវប្បធម៌ (Focus On Culture)

Jack Ma បាននិយាយនៅក្នុងបទសម្ភាសន៍មួយថា ភាពជោគជ័យស្នូលរបស់អាលីបាបា គឺវប្បធម៌។ បច្ចេកវិទ្យា គឺជាឧបករណ៍សំខាន់ណាស់ ប៉ុន្តែទោះជាមានការរីកចម្រើនពីគ្នាចំនួន១៨នាក់ ដល់និយោជិកវ័យក្មេង ជាង២ម៉ឺននាក់ក៏ដោយ ក៏យើងមានបេសកកម្ម គុណតម្លៃ និងវប្បធម៌របស់យើងក្នុងការជួយគ្នា។ វប្បធម៌នៃការសាងក្រុមហ៊ុនដ៏អស្ចារ្យមួយនេះ គឺផ្តោតលើវប្បធម៌ជួយគ្នាទៅវិញទៅមក ជាជាងគិតតែរឿងលុយ។

៤. កុំខ្វល់នឹងការបន្ទោសបង្អាប់ ឬរិះគន់ជាន់ពន្លិច
(Ignore The )

នៅពេលដែល ជែក ម៉ា ចាប់ផ្តើមបង្កើតអាលីផេ (Alipay) ដំបូងមានមនុស្សមួយចំនួននិយាយថាជាគំនិតមិនអាចទៅរួច ជាគំនិតឆ្កួតលេលា។ គាត់មិនអើពើខ្វល់នឹងពាក្យសម្តីអវិជ្ជមានទាំងនោះឡើយ គឺគាត់នៅតែបន្តធ្វើវារហូតដល់បានសម្រេចជោគជ័យ។ បច្ចុប្បន្ននេះ Alipay មានមនុស្សប្រើប្រាស់ជាង ៨៧០ លាននាក់ ដែលកំពុងតែរីករាយនឹងការទូទាត់លុយតាមអ៊ីនធឺណេត និងតាមទូរស័ព្ទដៃ ចំណែកអ្នកធ្លាប់រិះគន់កន្លងមក ក៏កំពុងតែប្រើប្រាស់ និងរីករាយជាមួយសេវាកម្មនេះដែរ។

៥. ការលើកទឹកចិត្ត (Get inspired)

លោក ជែក ម៉ា ចូលចិត្តមើលភាពយន្ត និងបានរៀនសូត្រនូវរឿងរ៉ាវ ជាច្រើនពីខ្សែរភាពយន្ត ដូចជារឿង The Bodyguard, The Godfather, និង Forrest Gump។
JackMa បានលើកឡើងថាខ្លួនគាត់ផ្ទាល់ទទួលបានការបំផុសគំនិត និងជំរុញទឹកចិត្តពីតារាសម្តែង និងតារាចម្រៀង នូវរបៀបសម្តែងឬធ្វើអ្វីមួយ ប្រកបដោយថាមពលដ៏អស្ចារ្យ។ លោកបានបន្តថា នៅពេលមនុស្សធ្វើសកម្មភាពណាមួយ ដោយទេពកោសល្យពីធម្មជាតិ និងនិយាយចេញពីបេះដូង ពួកគេ នឹងបង្កើតបាននូវសមិទ្ធផលដ៏អស្ចារ្យ។ ទាំងនេះ គឺជារបៀបដែលលោក ជែក ម៉ា តែងតែប្រើប្រាស់ក្នុងការជំរុញទឹកចិត្តមនុស្សផ្សេងៗទៀត។ មែនទែនទៅសូម្បីតែរបៀបនៃការនិយាយ និងថ្លែងសុន្ទរកថារបស់លោក ជែក ម៉ា ក៏លោករៀនសូត្រពីខ្សែរភាពយន្តដែរ។

៦. រក្សាការផ្តោតលើអ្វីដែលយើងកំពុងធ្វើ (Stay Focused)

អ្នកសារព័ត៌មានម្នាក់បានចោទសួរ ជែក ម៉ា អំពីអាជីវកម្មជាច្រើនដែលលោកធ្លាប់បដិសេធកន្លងមក។
ជែក ម៉ា ថា មានមនុស្សជាច្រើន ដែលបានជួបលោក តែងតែណែនាំលោកឱ្យរកស៊ីនេះ រកស៊ីនោះ ដោយអះអាងថា ទទួលបានផលចំណេញច្រើន ប៉ុន្តែលោកតែងតែមិនចាប់អារម្មណ៍ ចំពោះការលើកឡើងរបស់មនុស្សទាំងនោះទេ គឺលោកផ្តោតតែលើអ្វីដែលលោក កំពុងតែធ្វើប៉ុណ្ណោះ។ ប៉ុន្តែ ជែក ម៉ា ក៏បានបញ្ជាក់ដែរថា ប្រសិនបើការលើកឡើងពីអាជីវកម្ម ដែលស្របគ្នាទៅនឹងអាជីវកម្មដែលគាត់កំពុងតែធ្វើ ដើម្បីឱ្យកាន់តែមានងាយស្រួលនោះលោកនឹងពិចារណា។
ចូរផ្តោតលើអ្វីដែលអ្នកកំពុងតែធ្វើ កុំបែកឆ្វេងខុសគោលដៅរបស់អ្នក។

៧. ត្រូវមានឈ្មោះល្អ (Have A Good Name)

ជែក ម៉ា បានចែករំលែកថា ការជ្រើសរើសយកឈ្មោះ អាលីបាបា គឺមានហេតុផលជាច្រើន។ មួយគឺចាប់តាំងពីអ៊ីនធឺណេត មានលក្ខណៈសកល ហើយកាលនោះ យ៉ាហ៊ូ Yahoo គឺល្បីល្បាញខ្លាំងជាងគេ ហើយលោក ចង់បានឈ្មោះ ដែលល្បីល្បាញដូចអ៊ីចឹងដែរ។ គាត់បានគិតពីរបីថ្ងៃដើម្បីរកឈ្មោះដែលល្បី ហើយលោកក៏នឹកឃើញរឿងនិទានអាលីបាបា។ លោកបានសួរនារីរត់តុក្នុងភោជនីយដ្ឋានមួយដែលចូលទៅញ៉ាំអារហារថា ស្គាល់អាលីបាបាទេ? នារីនោះឆ្លើយថា ស្គាល់ ហើយលោក បន្តសួរមនុស្សប្រមាណជាង៤០នាក់ទៀត នៅតាមដងផ្លូវក្នុងទីក្រុងសាន់ហ្វ្រាន់ស៊ីស្កូ ហើយមនុស្សទាំងអស់នោះ សុទ្ធតែស្គាល់អាលីបាបា ជានរណា។
ម្យ៉ាងទៀត ក៏ជាឈ្មោះមួយដែលចាប់ផ្តើមឡើងដោយអក្សរ “A” ដែលតែងតែជាពាក្យនៅលើគេ។

៨. អតិថិជនតែងតែលេខ១ (Customers Are #1)

ជែក ម៉ា បានកំណត់ជាគោលការណ៍ថា អតិថិជន គឺទី១ គឺជាស្តេច និយោជិកទី២ ហើយម្ចាស់ភាគហ៊ុនទី៣។ អតិថិជន គឺជាអ្នកផ្តល់ប្រាក់ចំណូលដល់ក្រុមហ៊ុន ចំណែកនិយោជិក គឺជាអ្នកដែលជំរុញ និងបង្កើតការច្នៃប្រឌិត។

៩. ចូរកុំរអ៊ូ ត្រូវស្វែងរកឱកាសប្រសើរជាង (Don’t complain, look for opportunities)

ជែក ម៉ា បានផ្តល់ដំបូន្មានថាការរអ៊ូ ការត្អូញត្អែរច្រើន យើងនឹងបាក់ទឹកចិត្ត ខាតបង់ពេលវេលា ការងារមិនទៅមុខ បន្ទាប់មកបែរជា បន្ទោសព្រេងវាសនា បន្ទោសថាគ្មានឱកាស។ ខណៈពេលអ្នកកំពុងតែរអ៊ូ គឺមានមនុស្សជាច្រើន កំពុងតែស្វែងរកបានឱកាសល្អៗជាច្រើន ដូចច្នេះហើយ ចូរកុំរអ៊ូ អ្នកត្រូវតែរកឱកាស ដើម្បីបន្តក្តីសុបិន្តរបស់អ្នក។

១០. មានមហិច្ឆតា ឆន្ទៈមុះមុត (Have Passion)

នៅពេលចាប់ផ្តើមអាលីបាបាដំបូង ជែក ម៉ា បាននិយាយទៅកាន់ក្រុមការងារថាពួកយើងកំពុងតែប្រកួតប្រជែងជាលក្ខណៈសកល មិនមែនប្រកួតប្រជែងនឹងគេហទំព័រចិនទេ។
ជែក ម៉ា បន្តលើកឡើងថា ពួកយើង មិនត្រូវប្រកាន់វប្បធម៌ទម្លាប់ធ្វើការងារ ពីម៉ោង៨ព្រឹកដល់ម៉ោង៥ល្ងាចនោះទេ គឺយើងប្រឹងប្រែងធ្វើការងារឱ្យលើសពីធម្មតា។ ជែក ម៉ា លើកឡើងថា ពួកយើងមានខួរក្បាល មានសមត្ថភាព ដូចពួកអាមេរិកដែរ ដូចនេះ យើងត្រូវតែរួមគ្នាដើម្បីអាលីបាបា ទទួលបានជោគជ័យ។

អត្ថបទដកស្រង់ៈ ជែក ម៉ា អាលីបាបា

26/04/2021

🌷🙏 #សូមអនុមោទនា_បុណ្យវិសាខបូជា🙏🌷
| ប្រសូត | ត្រាស់ដឹង | បរិនិព្វាន |

ថ្ងៃចន្ទ ១៥កើត ខែពិសាខ ឆ្នាំឆ្លូវ ត្រីស័ក ព.ស. ២៥៦៤ ត្រូវនឹង ថ្ងៃទី២៦ ខែមេសា ឆ្នាំ២០២១

វិសាខបូជា គឺជាបុណ្យដ៏ធំមួយ ក្នុងព្រះពុទ្ធសាសនា ដែលប្រទេសកម្ពុជា បានចាត់ទុកជាបុណ្យជាតិ។ ជាងនេះទៀត ប្រទេសជិត២០០ ដែលជាសមាជិកនៃអង្គការសហប្រជាជាតិ បានអនុម័តនិងទទួលស្គាល់ វិសាខបូជា ជាបុណ្យអន្តរជាតិ កាលពីឆ្នាំ១៩៩៩ ។

ការប្រារព្ធពិធីបុណ្យវិសាខបូជា គឺដើម្បីរម្លឹកដល់ព្រឹត្តិការណ៍ដ៏ពិសេសចំនួន៣ ដែលទាក់ទងនឹងព្រះសមា្មសម្ពុទ្ធ។

ព្រឹត្តិការណ៍ទាំងនោះ គឺ៖
១. ការប្រសូត
២. ការត្រាស់ដឹង
៣. ការចូលនិព្វាន។

ព្រះពុទ្ធ មានព្រះនាមដើមថា សិទ្ធត្ថ (អានថា សិត-ធ័ត) ដែលជាព្រះរាជបុត្រារបស់ព្រះនាង សិរិមហាមាយា និងព្រះបាទ សុទ្ធោទនៈ។ ព្រះអង្គ ត្រូវបានគេហៅព្រះនាមជាច្រើនទៀត ដូចជា ព្រះសម្មាសម្ពុទ្ធ, ព្រះសមណគោតម, ព្រះជិនស្រី, ព្រះសក្យមុនី, ព្រះបរមគ្រូ, ព្រះសាស្តា ជាដើម។

+ព្រះអង្គទ្រង់ប្រសូត នៅថ្ងៃសុក្រ ពេញបូណ៌មី ខែវិសាខ ឆ្នាំច មុនគ្រិស្តសករាជចំនួន ៦២៣ ឆ្នាំ។ នៅពេលមានព្រះជន្ម ២៩ព្រះវស្សា ព្រះសិទ្ធត្ថ បានយាងទៅសាងផ្នួស។
+ព្រះអង្គទ្រង់ត្រាស់ដឹង ក្រោយពីក្លាយខ្លួនជាអ្នកបួសអស់រយៈពេល ៦ឆ្នាំ ព្រះអង្គក៏បានត្រាស់ដឹង កា្លយជាព្រះពុទ្ធ នៅថ្ងៃពុធ ពេញបូណ៌មី ខែវិសាខ ឆ្នាំរកា នាវេលាទៀបភ្លឺ។
+ព្រះបរមគ្រូនៃយើង ទ្រង់ចូលបរិនិព្វាន នៅថ្ងៃអង្គារ ពេញបូណ៌មី ខែវិសាខ ឆ្នាំម្សាញ់ នៅពេលដែលព្រះអង្គមានព្រះជន្ម ៨០ ព្រះវស្សា។ រហូតមកដល់ពេលនេះ ព្រះសក្យមុនី បានរលត់សង្ខារអស់រយៈពេល ២៥៦១ឆ្នាំហើយ។

យើងសង្កេតឃើញថា ព្រះសាស្តា ទ្រង់ប្រសូត ត្រាស់ដឹង និងបរិនិព្វាន ក្នុងថ្ងៃ១៥កើត ពេញបូណ៌មី ខែវិសាខ ដូចគ្នា គឺខុសតែឆ្នាំប៉ុណ្ណោះ។ ដូច្នេះ បុណ្យវិសាខបូជា គឺតំណាងឲ្យ «ថ្ងៃទាំងបី» នេះឯឯ៕

អត្ថបទ៖ Wikipedia

26/02/2021

#ខ្លាច_Fearing

ខ្លាចធ្វើអ្វីមួយខុស ឬខ្លាចធ្វើហើយទទួលបានលទ្ធផលមិនល្អ រួចក៏សុខចិត្តបោះបង់ចោល៕
ហេតុអ្វីបានជាខ្លាចថាគ្មានលទ្ធផលអ្វីសោះ?

សូមសាកគិតបែបនេះវិញ៖
✅ បើធ្វើហើយមិនបានផលល្អ > ទុកជាមេរៀន > កែលម្អ > ព្យាយាមម្ដងទៀត > លទ្ធផលប្រសើរជាងមុន៕

❌ មិនហ៊ានធ្វើ > មិនបានរៀន > មិនអាចកែលម្អ > គ្មានឱកាសព្យាយាម > គ្មានលទ្ធផល៕

27/01/2021

#អនុមោទនាពិធីបុណ្យមាឃបូជា 🥰💐🙏
(Meak Bochea)
ថ្ងៃព្រហស្បតិ៍ ១៥ កើត ខែមាឃ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៨ ខែមករា ឆ្នាំ២០២១
ថ្ងៃនេះ ជាថ្ងៃសីល និងពេញបូណ៌មី
January 28, 2021

#គោលបំណងបុណ្យ🤗🤩
១. ដើម្បីរំលឹកនឹកដល់ថ្ងៃព្រះសម្មាសម្ពុទ្ធទ្រង់ធ្វើចតុរង្គសន្និបាត

២. ដើម្បីរំលឹកនឹកដល់ថ្ងៃព្រះសម្មាសម្ពុទ្ធទ្រង់សម្តែងឱវាទបាតិមោក្ខ

៣. ដើម្បីរំលឹកនឹកដល់ថ្ងៃព្រះសម្មាសម្ពុទ្ធទ្រង់ដាក់ព្រះជន្មាយុសង្ខារ

៤. ដើម្បីពង្រឹង និងលើកស្ទួយព្រះពុទ្ធសាសនា

៥. ដើម្បីសម្តែងនូវកតញ្ញូ និងកតវេទិតាធម៌របស់ពុទ្ធសាសនិកជន

៦. ដើម្បីរក្សានូវទំនៀមទម្លាប់របស់ខ្មែរ ដែលជាអ្នកកាន់ព្រះពុទ្ធសាសនា ។
_______________
SENG HAN CO.,LTD
សូមអនុមោទនា🤗🙏

Chem Piseth

10/05/2024

06/05/2021

26/04/2021

26/02/2021

27/01/2021

Address

Telephone

Website

Alerts

Shortcuts

Share

Listing takedown request