https://www.facebook.com/103154948910057/

𝐕𝐢𝐬𝐨𝐥𝐚ツ, Phnom Penh (2026)

04/03/2023

#រឿងខ្មោចក្រមុំចងអាឃាត

មានរឿងពិតខ្លះស្ដាប់ទៅដូចជាល្ខោននិយាយអញ្ចឹង ! នោះក៏ព្រោះតែល្ខោននិយាយ ចេះតែបញ្ចេញបញ្ចូលយករឿងពិតមកលាយឡំច្រើនពេក ។ តែរឿងដែលលើកយកមកនិយាយទាក់ទងទៅនឹងវិញ្ញាណ ចងអាឃាតរបស់ក្រមុំវ័យស្នេហ៍នេះ គឺជារឿងពិត និងមានដំណើររឿង ដូចជាល្ខោននិយាយអញ្ចឹង !..

កាលពីសម័យដើម មានភូមិដាច់ស្រយាលមួយ ត្រូវបានគេជឿជាក់ថាជាភូមិមានមហិទ្ធិឫទ្ធិនោះ ស្ថិតនៅត្រង់គុម្ពចេកមួយគុម្ពធំ ដែលជាកន្លែងរបស់វិញ្ញាណក្រមុំវ័យស្នេហ៍នេះឯង ។ កាលពីជំនាន់នោះ ក្នុងមួយឆ្នាំ ឫទ្ធិនោះនឹងសម្ដែងឲ្យឃើញម្ដង និងបើមិនផ្ដាច់ជីវិតបុរសទេ ក៏បន្លាចឲ្យបះរោមលេងដែរ ។ រហូតមកដល់សព្វថ្ងៃនេះ ទោះបីជាគុម្ពចេកមិនសូវសំដែងឫទ្ធិឲ្យឃើញញឹកក៏ដោយ ប៉ុន្តែអ្នកដែលរស់នៅម្ដុំនោះនៅតែគោរពកោតក្រែងដដែល ។ គេនៅតែធ្វើការសែនព្រេន និងរក្សាគុម្ពចេកនោះទុក មិនហ៊ានកាប់ឬធ្វើឲ្យមានការប៉ះពាល់ឡើយ ។ វិញ្ញាណក្រមុំវ័យស្នេហ៍នៅគុម្ពចេកនោះ មានរឿងនិយាយគ្នាជាបន្តបន្ទាប់ៗមកថា ៖

នៅត្រង់នោះ គឺជាកន្លែណាត់ជួបរបស់កម្លោះក្រមុំមួយគូ ។ បុរសឈ្មោះនាយ អាសុម៉ាណ និងក្រមុំនោះឈ្មោះនាងហ្វាទីមាក់ ។ នាងហ្វាទីមាក់ ស្អាតផុតស្រីៗក្នុងភូមិ ។ មានកូនអ្នកមានៗ ឬកូនប្រធានភូមិ មេក្រុមជាច្រើនស្រលាញ់នាង ប៉ុន្តែនាងហ្វាទីមាក់ គ្មានចិត្តស្រលាញ់វិញទាល់តែសោះ នាងបែរជាចាប់អារម្មណ៍ទៅកម្លោះត្រាច់ចរម្នាក់ ដែលមកស៊ីឈ្នួលធ្វើស្រែឲ្យម្ចាស់ស្រែនៅជិតខាងនាងទៅវិញ ។ កម្លោះនោះ ឈ្មោះនាយ អសុម៉ាណ ។ គេមានទីលំនៅឬញាតិមិត្តឪពុកម្ដាយ នៅទីណាក៏មិនដឹងដែរ ។ ដឹងត្រឹមតែថា គេជាកម្លោះដែលឧស្សាហ៍ព្យាយាម ធ្វើការងារគ្រប់បែបយ៉ាង ។ គេមានរូបរាងសង្ហា និងមានរាងកាយមាំមួន ព្រមទាំងចេះស្គាល់ខ្ពស់ស្គាល់ទាបទៀតផង ។ នាងហ្វាទីមាក់ ក៏បានទៅពិធីបុណ្យនោះ ជាមួយឪពុកម្ដាយរបស់នាងដែរ ។ អាចមកពីបុព្វេសន្និវាស ដែលធ្វើឲ្យនាងហ្វាទីមាក់ ចាប់អារម្មណ៍លើនាយអសុម៉ាណដែលជាកូនឈ្នួលគ្មានពេលទំនេរ ឬមានពេលខ្លះត្រូវនាយអសុម៉ាណមិនបានសម្ដែងអាការ:ខឹង ឬមានប្រតិកម្មណាមួយប្រឆាំងតបតទៅម្ចាស់វិញដែរ ។ នាយនៅតែញញឹមទទួលពាក្យជេរស្ដីពីម្ចាស់ឬសុំទោសម្ចាស់ថែមទៀត ទោះជាខ្លួនខុសក៏ដោយមិនខុសក៏ដោយ ។ រឹតតែជាទីពេញចិត្តដល់នាង ហ្វាទីមាក់ បំផុតនោះ គឺនៅពេលពិធីបុណ្យនោះឯង មានក្របីឡើងកមួយក្បាលបោលចូលមកចំពីមុខផ្ទះ បានបំភិតបំភ័យភ្ញៀវដែលមកចូលរូមក្នុងពិធីបុណ្យនោះឲ្យស្លន់ស្លោរគ្រប់ៗគ្នា ។ សូម្បីតែកម្លោះៗជាច្រើននាក់ដែលកំពុងឈរជជែកចែចង់នាងហ្វាទីមាក់ ក៏នាំគ្នារត់អស់ដែរ នៅពេលដែលឃើញក្របីឡើងក បោលស្លេវចូលមក ។ នាងហ្វាទីមាក់ ភ័យស្លន់ស្លោរ មុខស្លេកស្លាំងឈររឹងខ្លួនឈានជើងរត់មិនរួចចេញ នៅពេលដែលក្របីនោះ កំពុងបោលសំដៅចូលមកយ៉ាងសាហាវ ។ មួយពព្រិចភ្នែកប៉ុណ្ណោះ នាយ អសុម៉ាណ ក៏រត់ចូលទៅព្រមជាមួយនឹងដំបងមួយផងបានឈរស្កាត់ក្របីឆ្កួតនោះ មុននឹងវាមកដល់ខ្លួននាងហ្វាទីមាក់ ។ នៅសល់តែពីរបីជំហានទៀតប៉ុណ្ណោះ ក្របីនឹងមកដល់នាងហ្វាទីមាក់ តែត្រូវនាយអសុម៉ាណមកទាន់ ក៏វាក់មួយដំបងកដៃនោះត្រូវចំក្របីរហូតដល់ដំបងនោះបាក់ផង ! ក្របីសាហាវនោះស្រែកលាន់ដូចជាត្រូវគេយកកាំបិតមកចាក់ក ។ វាដកថយទៅ វិញភ្លាមដែរ ។ ចំណែកនាយអសុម៉ាណ វិញខ្ទាតដោយសារកំលាំងរបស់ក្របីវ័ធប៉ះដំបង ។ ភ្លាមនោះ ម្ចាស់ផ្ទះក៏កេណ្ឌមនុស្សឲ្យមកទប់នឹងក្របីសាហាវនោះដោយប្រើកាំភ្លើងបាញ់សម្លាប់វានៅនឹងកន្លែង ។

REPORT THIS AD

ឪពុកម្ដាយរបស់នាង ហ្វាទីមាក់ប្រញាប់រត់ចូលមកជួយកូនស្រីដឯលត្រូវខ្យល់គដួលជ្រប់នៅទីនោះ ចំណែកនាយអសុម៉ាណ ក៏ត្រូវថ្លោះដៃម្ខាងគេនៅអាចក្រោកឡើងបាន ប៉ុន្តែត្រូវព្យាបាលដៃម្ខាងនោះអស់ច្រើនថ្ងៃ ។ នោះគឺជាចំណុចចាប់ផ្ដើមដែលធ្វើឲ្យនាង ហ្វាទីមាក់ មានអារម្មណ៍នឹកដល់បុណ្យដែលនាយបានជួយជីវិតនាង ។ ជាការពិតណាស់ ប្រសិនបើនាយអសុម៉ាណ មិនប្រថុយស្លាប់ចូលទៅស្កាត់ក្របីឆ្កួតនោះទេពិតជាជីវិតរបស់នាងហ្វាទីមាក់ ត្រូវបញ្ចប់នៅពេលនោះដែរ ។ ការមកសួរសុខទុក្ខនៅពេលដែលនាយអសុម៉ាណត្រូវព្យាបាលដៃថ្លោះ និងការជួបគ្នាជាញឹកញាប់ ក្រោយពីដៃជាហើយនោះ បានធ្វើឲ្យនាងហ្វាទីមាក់ ព្រមទទួលស្គាល់ខ្លួនឯងថា នាងបានសាងស្នេហ៍លើនាយអសុម៉ាណហើយ ព្រោះតែភាពជាកូនប្រុសពេញតួរបស់គេ ។ ចំណែកនាយ អសុម៉ាណវិញ នៅតែមិនទាន់ហ៊ានសម្ដែងចេញមកថា បេះដូងរបស់នាយក៏ពេញចិត្តនាង ហ្វាទីមាក់ សម្បើមនោះដែរ ដោយសារតែនាយគិតថាខ្លួននាយក៏មានឋាន:តូចទាបពេក ។ តែភាពស្និទ្ធស្នាលគ្នាញឹកញាប់ ជាមួយនឹងពេលវេលាដែលកន្លងទៅបានធ្វើឲ្យអ្នកទាំងពីរ មិនអាចនឹងលាក់ទុកនូវអារម្មណ៍ដែលកប់ជ្រៅ នៅក្នុងបេះដូងបានទៀត ។ ទីបំផុតគេ ក៏សារភាពដល់គ្នានឹងគ្នានៅ យប់មួយដែលគេបានណាត់ជួបគ្នា នៅក្រោមដើមឈើក្បែរមាត់ផ្លូវ ។ សេចក្ដីស្នេហាធំធេងរបស់កម្លោះក្រមុំទាំងពីរនាក់ បានធ្វើឲ្យគេណាត់ជួបគ្នាជាញឹកញាប់ ដើម្បីសម្ដែងនូវសេចក្ដីស្នេហាចំពោះគ្នា ។ មិនយូរប៉ុន្មានអាថ៌កំបាំងស្នេហារបស់ពួកគេ ក៏លេចឮទៅដល់ឪពុកម្ដាយរបស់នាង ហ្វាទីមាក់ សេចក្ដីស្រលាញ់ ធ្វើឲ្យឪពុកម្ដាយរបស់នាងហ្វាទីមាក់ បោះពាក្យសម្ដីយ៉ាងដាច់ខាត ដល់ម្ចាស់របស់នាយអសុម៉ាណសុំឲ្យដេញក្បលកូនឈ្នួលកម្លោះនោះចោលទៅ បើមិនដូច្នេះទេនឹងកើតមានរឿងកាប់ចាក់គ្នានោះដែរ ឪពុកម្ដាយរបស់នាង ហ្វាទីមាក់ ក៏បង្ឃាំងកូនស្រីទុក មិនព្រមឲ្យចេញពីផ្ទះជាដាច់ខាត ។ ភាគីខាងម្ចាស់របស់នាយអសុម៉ាណវិញគិតថា ខ្លួននាយក៏ជាមនុស្សម្នាក់ដែររឿងអីដែលត្រូវឲ្យឪពុកម្ដាយរបស់នាងហ្វាទីមាក់បញ្ជាស្រេចតែនឹងចិត្តនោះ ។ ម៉្យាងទៀតនាយកំពុងតែពេញចិត្តពេញថ្លើមនឹងការងាររបស់ខ្លួនផង ដូច្នេះខ្លួនបានសម្រេចចិត្តមិនព្រមដេញនាយ អសុម៉ាណចោលឡើយ ចំណែកនាយអសុម៉ាណ បានព្រាត់ប្រាស់ពីរសជាតិស្នេហ៍ ដ៏ផ្អែមល្ហែម ពីក្រមុំហ្វាទីមាក់ដែលជាទេពធីតាដួងចិត្តកំពូលស្នេហ៍គួរឲ្យអាសូរ ។ ពេលព្រលប់ម្ដងៗ គេតែងទៅរង់ចាំស្រីស្នេហ៍នៅក្រោមដើមឈើធំក្បែរមាត់ផ្លូវនោះជានិច្ច ។ គេព្យាយាមរង់ចាំនាងរាល់យប់មិនដែលខាន ។ ប៉ុន្តែនាយត្រូវខកបំណងរហូត ព្រោះស្រីស្នេហ៍ត្រូវបានបង្ឃាំងទុក គ្មានថ្ងៃលើកលែងឡើយ ។

03/03/2023

រឿង ភ្នាល់គ្នារឿងខ្មោច

មានក្មេងៗ ៤-៥ នាក់ជាសិស្សលោកនៅវត្តមួយ ដែលពេញទៅដោយកន្លែងកប់ខ្មោច ។ ខ្មោចដែលត្រូវយកទៅកប់ទីនោះ មានទាំងឈឺស្លាប់ ចាស់ស្លាប់ និង ស្លាប់តាយហោង…ដែលធ្វើឲ្យសិស្សលោកខ្លះខ្លាចមិនហ៊ានចេញពីវត្តទេនៅពេលយប់ ។

ប៉ុន្តែ មានក្មេងវត្តបីឬបួននាក់ផ្សេងទៀតដែលមិនខ្លាចខ្មោច តែងតែប្រកែកគ្នាជាមួយក្មេងវត្តខ្លាចថា តើខ្មោចមានមែនឬក៏អត់ ? អ្នកដែលខ្លាចខ្មោចនិយាយថា «ប្រាកដជាមាន !» ។ ចំណែកឯក្មេងវត្តដែលមិនខ្លាចខ្មោចប្រឆាំងវិញថា ខ្មោចវាគ្មានទេនៅលើលោកនេះ ។ ក្មេងៗវត្តទាំងអស់នោះ តែងនាំគ្នាជជែកតែពីរឿងមានខ្មោច និងអត់ខ្មោចរាល់ៗថ្ងៃ រហូតដល់ពួកគេមិនអស់ចិត្តរៀងៗខ្លួន ក៏កើតគំនិតមួយចង់ពិសោធន៍រកការពិត ។ ក្នុងការពិសោធន៍នោះ ពួកគេក៏មានភ្នាល់ដាក់លុយថែមទៀតផង គឺថាប្រសិនបើខាងណាចាញ់ ត្រូវអស់លុយម្នាក់ ១០០០ រៀល ។

ពេលដែលយល់ព្រមគ្នា រៀបរយហើយ យប់នេះគេរង់ចាំ ព្រះសង្ឃសូត្រមន្តចប់ និងនិមន្តឡើងលើកុដិអស់ ពួកក្មេងវត្ត ៤ នាក់ បាននាំគ្នាសំដៅទៅវាលកប់ខ្មោចដែលពេលនោះ ម៉ោងប្រហែលជាង ១០ ហើយ ។ លក្ខខណ្ឌរបស់ពួកគេ គឺគេឲ្យអ្នកដែលនិយាយថា «ខ្មោចមិនមាននៅក្នុងលោកនេះ !» យកដុំថ្មគ្រវែងទៅលើផ្នូរខ្មោច ហើយត្រូវស្រែកថា «ខ្មោចអើយ ! នៅឯណាចេញមកវើយ !» រួចហើយឲ្យឈរបែរខ្នងដាក់ផ្នូរខ្មោច ។ ចំណែកឯបីនាក់ទៀត ក៏ស្រែកឡើងព្រមគ្នាថា «អេ ! ខ្មោចងាប់ ! ខ្មោចតាយហោងចេញមកវើយ ! អើតក្បាលចេញមកវើយ !» ក្រោយពីស្រែករួចហើយ អ្នកទាំងបី ត្រូវរត់ទៅវត្តវិញ ទុកឲ្យអ្នកមិនខ្លាចខ្មោចនៅម្នាក់ឯង ១០ នាទី ។ គេធ្វើដូច្នេះ ៣ ថ្ងៃ លុះដល់ថ្ងៃទី ៣ គឺជាថ្ងៃសិល ១៥ កើត អ្នកទាំង ៤ ក៏មកធ្វើពិធីរបស់ពួកគេដូចសព្វមួយដង ។ តែយប់នេះ អ្នកដែលគ្រវែងដុំថ្ម គប់ផ្នូរខ្មោច ត្រូវឈរនៅទីនោះឲ្យយូរបន្តិច ចំណែកបីនាក់ទៀត រត់ទៅវត្តរង់ចាំលទ្ធផល ។

ពេលក្មេងវត្តចិត្តហ៊ានបង្កជំលោះជាមួយខ្មោច មកដល់ផ្នូរខ្មោចហើយ ក៏សំឡឹងរកមើលដុំថ្ម រួចចាប់គ្រវែងទៅលើផ្នូរខ្មោចស្រែកថា «ខ្មោចអើយ ! ខ្មោចតាយហោងចេញមកវើយ អញចង់ឃើញណាស់ !» ពេលដែលស្រែកហើយ ក៏ឈរបែរខ្នងដាក់ផ្នូរខ្មោចដូចពីដំបូងដែរ ។ ប៉ុន្តែ យប់នេះ ក្រៅពីស្ងាត់ខុសធម្មតា ស្រាប់តែសុខៗសូរសម្លេងក្អែកក៏លាន់ឮឡើងកាកកាកថែមទៀត ។ ក្មេងវត្តចិត្តហ៊ាន ឱនក្បាលចុះសំលឹងតាមចន្លោះជើងរបស់គេ មើលទៅផ្នូរខ្មោច ពេលនោះគេក៏ឃើញរបស់ដែលគេមិនធ្លាប់ឃើញតាំងពីមុនមក ធ្វើឲ្យចិត្តរបស់គេញាប់ញ័រជាពន់ពេក ។ គេបានឃើញ មនុស្សខ្លះអង្គុយ ខ្លះឈរពាសពេញផ្នូរខ្មោច ។ មានខ្លះបក់ដៃហៅគេឲ្យចូលទៅរក និងខ្លះទៀតកំពុងតែដើរមករកគេ ទាំងមុខមាត់គួរឲ្យខ្លាចទាំងមុខមាត់ និងជះក្លិនស្អុយចង់ក្អួត ។

ដល់ពេលនេះ ក្មេងវត្តចិត្តក្លាហានដឹងភ្លាមថា អ្វីដែលវាបានឃើញពេលនេះ គឺគ្មានស្អីក្រៅពី ខ្ម ដាក់ស្រ:អោ ទេ ! ក្មេងវត្តចិត្តក្លាហានព្យាយាមងើបមុខឡើង តែវាងើបមិនរួចសោះ ដូចជាមានអ្វីមកសង្កត់កជាប់ ប្រុងស្រែកហៅគេឲ្យមកជួយ តែស្រែកមិនរួច ។ ភ្នែកវានៅតែសំឡឹងឃើញច្រមុះធំៗ ក្លិនស្អុយចង់ដាច់ខ្យល់ស្លាប់ ហើយខ្លាចក៏ខ្លាចទៀត ។ ហ្វូងខ្មោចកាន់តែដើរមកជិតបន្តិចម្ដងៗ ឃើញទឹកឈាម និងទឹកលឿងៗហូរស្រោចស្រពពាសពេញដងខ្លួន ។ មុននឹងវាដួលសន្លប់ ក្មេងចិត្តក្លាហានចាំបានជាប់នឹងភ្នែកថា ឃើញជើងខ្មោចមានតែឆ្អឹងសស្គុះ ឈរព្រោងព្រាតក្បែរៗខ្លួនវា ព្រមទាំងសើចលាន់ទ្រហឹងអឹងអាប់ ។

ពេលដឹងស្មារតីឡើងនៅម៉ោង ១២ វាបើកភ្នែកព្រឹមៗ ឃើញព្រះសង្ឃ ព្រមទាំងក្មេងវត្ត ជាច្រើននាក់ ឈរចោមរោមមើលមកវា ។ ម្ដងនេះ វាអស់ទាំងលុយភ្នាល់ ១០០០ រៀល ថែមទាំងភ័យទាល់តែសន្លប់ថែមទៀត ៕

11/12/2022

ការឈឺចាប់ដែលអ្នកមិនអាចយល់:
-គាត់បានបាត់បង់កូនស្រីជាទីស្រឡាញ់
-គាត់ត្រូវបានក្លិប Manu បញ្ចប់កិច្ចសន្យា
-គាត់ត្រូវបានដាក់បម្រុង សម្រាប់ជម្រើសជាតិរបស់គាត់
-គាត់ត្រូវបានបណ្ដាញ Media ផ្សាយរឿងអាក្រក់ៗរាល់ថ្ងៃ
-ក្ដីស្រមៃរបស់គាត់មិនអាចក្លាយជាការពិត
💔 You don't deserve to end this way

01/11/2022

Real Madrid football ⚪⚪

31/10/2022

Football club PSG💪⚫⚪

𝐕𝐢𝐬𝐨𝐥𝐚ツ

04/03/2023

03/03/2023

11/12/2022

01/11/2022

31/10/2022

Address

Website

Alerts

Shortcuts

Share

Category