FWD Cambodia

29/09/2026

អបអរសាទរខួប 5 ឆ្នាំនៃការគាំទ្រប្រជាជនកម្ពុជា រស់នៅដោយភាពរីករាយជាមួយក្រុមហ៊ុនធានារ៉ាប់រងអាយុជីវិត FWD Cambodia។

យើងខ្ញុំ សូមសម្តែងនូវការថ្លែងអំណរគុណចំពោះ ទំនុកចិត្ត និងការគាំទ្ររបស់លោកអ្នក កន្លងមកនេះ ដែលនេះគឺជាកម្លាំងចិត្តដ៏ធំធេងសម្រាប់ក្រុមការងារយើងខ្ញុំ ឱ្យនៅតែប្រឹងប្រែងបន្តគាំទ្រ ប្រជាជនកម្ពុជារស់នៅដោយភាពរីករាយ។

ជាពិសេស យើងខ្ញុំក៏សូមអរគុណផងដែរដល់ដៃគូអាជីវកម្ម និងនិយ័តករធានារ៉ាប់រងកម្ពុជាដែលតែងតែផ្ដល់ការគាំទ្រយ៉ាងពេញទំហឹងក្នុងការផ្តល់បទពិសោធន៍ថ្មីលើសេវាធានារ៉ាប់រងជូនប្រជាជនកម្ពុជា។

26/09/2026

អបអរសាទរខួប 5 ឆ្នាំក្រុមហ៊ុនធានារ៉ាប់រងអាយុជីវិត FWD Cambodia ក្នុងការគាំទ្រប្រជាជនកម្ពុជារស់នៅដោយភាពរីករាយ

រាជធានីភ្នំពេញ ថ្ងៃទី២៣ ខែកញ្ញា ឆ្នាំ២០២៦៖ ក្រុមហ៊ុនធានារ៉ាប់រងអាយុជីវិត FWD Cambodia បានប្រារព្ធខួប ៥ ឆ្នាំនៃប្រ....

25/09/2026

នៅថ្ងៃទី 23 ខែកញ្ញា ឆ្នាំ 2026 ក្រុមហ៊ុនធានារ៉ាប់រងអាយុជីវិត FWD Cambodia បានប្រារព្ធខួប 5 ឆ្នាំនៃប្រតិបត្តិការនៅកម្ពុជា ដើម្បីអបអរសាទរសមិទ្ធផលសំខាន់ៗដែលសម្រេចបាន និងបញ្ជាក់ពីការប្តេជ្ញាចិត្តក្នុងការបន្តរួមចំណែកអភិវឌ្ឍវិស័យធានារ៉ាប់រងអាយុជីវិតនៅកម្ពុជា។

ព្រឹត្តិការណ៍នេះ គឺជាឱកាសដ៏មានអត្ថន័យសម្រាប់យើងខ្ញុំក្នុងការរំលឹកដល់ដំណើររយៈពេល 5 ឆ្នាំ និងថ្លែងអំណរគុណចំពោះនិយ័តករ ដៃគូអាជីវកម្ម អតិថិជន និងបុគ្គលិក ដែលបានផ្តល់ទំនុកចិត្ត ការគាំទ្រ និងកិច្ចសហការដ៏រឹងមាំដល់ FWD Cambodia កន្លងមក។

ជាពិសេស យើងខ្ញុំសូមថ្លែងអំណរគុណចំពោះ ឯកឧត្តម ប៊ូ ច័ន្ទភីរូ អគ្គនាយកនៃនិយ័តករធានារ៉ាប់រងកម្ពុជា ដែលបានអញ្ជើញចូលរួមអបអរសាទរខួប 5 ឆ្នាំរបស់ FWD Cambodia និងបង្ហាញការគាំទ្រចំពោះការរីកចម្រើននៃវិស័យធានារ៉ាប់រងអាយុជីវិតនៅកម្ពុជា។

ខួប 5 ឆ្នាំនេះ មិនត្រឹមតែជាការអបអរសាទរសមិទ្ធផលដែលសម្រេចបានប៉ុណ្ណោះទេ ប៉ុន្តែជាការចាប់ផ្តើមនៃជំពូកថ្មីមួយសម្រាប់ FWD Cambodia ក្នុងការបន្តផ្តល់បទពិសោធន៍ថ្មីលើសេវាធានារ៉ាប់រង និងជួយឱ្យប្រជាជនកម្ពុជាអាចសាទរជីវិត និងរស់នៅដោយភាពរីករាយ។

22/09/2026

អបអរសាទរ 5 ឆ្នាំ នៃការរួមដំណើរជាមួយ FWD Cambodia 🧡

សូមអបអរសាទរ កញ្ញា បៅ ពេជ្រច័ន្ទបូរមី ដែលបានរួមដំណើរ និងរួមចំណែកជាមួយ FWD Cambodia អស់រយៈពេល 5 ឆ្នាំ។

ក្នុងរយៈពេល 5 ឆ្នាំនៅ FWD កញ្ញាបានចាប់ផ្តើមការងារដោយផ្តោតលើប្រតិបត្តិការហិរញ្ញវត្ថុ ការរាយការណ៍ និងការគ្រប់គ្រងផ្ទៃក្នុង។ ពីមួយជំហានទៅមួយជំហាន តួនាទីរបស់កញ្ញាបានពង្រីកទៅកាន់ការសហការជាមួយផ្នែកអាជីវកម្ម ការកែលម្អដំណើរការ និងការដឹកនាំក្រុមការងារ។

ការចូលរួមក្នុងគម្រោងសំខាន់ៗ ដូចជា ប្រព័ន្ធ Oracle ការធ្វើស្វ័យប្រវត្តិកម្ម និងការអនុវត្តស្តង់ដាររបាយការណ៍ហិរញ្ញវត្ថុ IFRS 17 បានផ្តល់ឱ្យកញ្ញានូវបទពិសោធន៍ និងមេរៀនថ្មីៗជាច្រើន ទាំងក្នុងការងារ និងការអភិវឌ្ឍខ្លួនឯង។

“សម្រាប់ខ្ញុំ ការរីកចម្រើន គឺការដឹងថាគោលដៅរបស់អ្នកនៅទីណា យល់ថាអ្នកកំពុងឈរនៅទីណា ហើយបន្តបោះជំហានទៅមុខ ទោះបីផ្លូវខាងមុខមិនតែងតែងាយស្រួលក៏ដោយ។” 🧡

FWD Cambodia សូមអរគុណចំពោះការប្តេជ្ញាចិត្ត ការខិតខំប្រឹងប្រែង និងការរួមចំណែកដ៏មានតម្លៃរបស់កញ្ញា ក្នុងរយៈពេល 5 ឆ្នាំកន្លងមក។ 🧡

19/09/2026

នៅថ្ងៃទី 17 ខែកញ្ញា ឆ្នាំ 2026 ក្រុមហ៊ុនធានារ៉ាប់រងអាយុជីវិត FWD Cambodia និង មន្ទីរសម្រាកព្យាបាល ឈួ អ៉ីសេង បានបង្កើតភាពជាដៃគូ តាមរយៈការចុះហត្ថលេខាលើអនុស្សរណៈនៃការយោគយល់គ្នា ក្នុងគោលបំណងរួមគ្នាជំរុញការថែទាំសុខភាព ពង្រឹងសុខុមាលភាព និងលើកកម្ពស់គុណភាពជីវិតរបស់ស្ត្រី និងកុមារកម្ពុជា។

ពិធីចុះហត្ថលេខានេះ បានប្រព្រឹត្តទៅនៅការិយាល័យកណ្តាល FWD Cambodia ដោយមានវត្តមានរបស់ លោក ជីម គង់ហ៊ុយ អគ្គនាយកក្រុមហ៊ុន FWD Cambodia និងលោកស្រី លាង ធារី នាយិកាប្រតិបត្តិការ នៃមន្ទីរសម្រាកព្យាបាល ឈួ អ៉ីសេង ព្រមទាំងគណៈគ្រប់គ្រង និងតំណាងនៃស្ថាប័នទាំងពីរ។

តាមរយៈភាពជាដៃគូនេះ FWD Cambodia និងមន្ទីរសម្រាកព្យាបាល ឈួ អ៉ីសេង នឹងរួមគ្នាលើកកម្ពស់ការយល់ដឹងអំពីសុខភាព និងការទទួលបានសេវាថែទាំសុខភាព។ ជាមួយគ្នានេះ បុគ្គលិក និងអតិថិជន FWD Cambodia ក៏នឹងទទួលបានការផ្តល់ជូនពិសេសលើសេវាពិគ្រោះ និងសេវាព្យាបាលពីមន្ទីរសម្រាកព្យាបាល ឈួ អ៉ីសេង ផងដែរ ដើម្បីរួមចំណែកគាំទ្រប្រជាជនកម្ពុជាឱ្យរស់នៅដោយភាពរីករាយ និងមានសុខុមាលភាពកាន់តែប្រសើរ។

18/09/2026

អបអរសាទរ 5 ឆ្នាំ នៃការរួមដំណើរជាមួយ FWD Cambodia
សូមអបអរសាទរ លោក ឃៀម ប៊ុនឡេង ដែលបានរួមដំណើរ និងរួមចំណែកជាមួយ FWD Cambodia អស់រយៈពេល 5 ឆ្នាំ។

ក្នុងរយៈពេល 5 ឆ្នាំកន្លងមក លោក ឃៀម ប៊ុនឡេង បានសាងបទពិសោធន៍ការងារដ៏មានតម្លៃ និងចូលរួមជំរុញការរីកចម្រើនរបស់ក្រុមហ៊ុនតាមរយៈតួនាទីផ្សេងៗ។ ដោយចាប់ផ្តើមពីមុខតំណែងជាអ្នកជំនាញផ្នែកច្បាប់ និងអនុលោមភាព លោកបានរួមចំណែកលើសពីតួនាទីមុខងាររបស់ខ្លួន តាមរយៈការគាំទ្រដល់អភិបាលកិច្ចក្រុមហ៊ុន ការងារផ្នែកនិយ័តកម្ម និងគំនិតផ្តួចផ្តើមអាជីវកម្មជាយុទ្ធសាស្ត្រ។ ការសហការជាមួយក្រុមការងារចម្រុះ និងអ្នកពាក់ព័ន្ធជាច្រើន បានជួយពង្រឹងទាំងជំនាញវិជ្ជាជីវៈ និងការយល់ដឹងអំពីសារៈសំខាន់នៃកិច្ចសហការ ភាពបត់បែន និងការអភិវឌ្ឍខ្លួនជាបន្តបន្ទាប់។

"សម្រាប់ខ្ញុំ ការរីកចម្រើនកើតចេញពីភាពក្លាហានក្នុងការទទួលយកការផ្លាស់ប្តូរ ការបើកចិត្តរៀនសូត្រពីបទពិសោធន៍ថ្មីៗ និងការបន្តអភិវឌ្ឍខ្លួនឱ្យកាន់តែប្រសើរ។ មនុស្សដែលខ្ញុំបានជួប ក្រុមការងារដែលខ្ញុំបានសហការ និងបទពិសោធន៍ដែលខ្ញុំបានឆ្លងកាត់រួមគ្នា សុទ្ធតែជាផ្នែកដ៏មានអត្ថន័យនៃដំណើរ 5 ឆ្នាំរបស់ខ្ញុំនៅ FWD Cambodia។"

FWD Cambodia សូមថ្លែងអំណរគុណចំពោះការប្តេជ្ញាចិត្ត ការខិតខំប្រឹងប្រែង និងការរួមចំណែកដ៏មានតម្លៃរបស់លោកក្នុងរយៈពេល 5 ឆ្នាំកន្លងមក និងសូមជូនពរឱ្យលោកបន្តទទួលបានភាពជោគជ័យក្នុងដំណើរការអាជីពនាពេលខាងមុខ។

16/09/2026

នៅថ្ងៃទី 15 ខែកញ្ញា ឆ្នាំ 2026 ក្រុមហ៊ុនធានារ៉ាប់រងអាយុជីវិត FWD Cambodia និងមន្ទីរពហុព្យាបាល អ៊ែរ ផ្លឹស បានចុះហត្ថលេខាលើអនុស្សរណៈយោគយល់ ស្តីពីកិច្ចសហប្រតិបត្តិការ ក្នុងគោលបំណងរួមគ្នាពង្រឹងបទពិសោធន៍ និងអត្ថប្រយោជន៍បន្ថែមសម្រាប់អតិថិជន។

ពិធីចុះហត្ថលេខានេះប្រព្រឹត្តទៅក្រោមវត្តមាន លោកវេជ្ជបណ្ឌិត វ៉ា ម៉េង នាយកប្រតិបត្តិនៃមន្ទីរពហុព្យាបាល អ៊ែរ ផ្លឹស និងលោក ជីម គង់ហ៊ុយ អគ្គនាយកក្រុមហ៊ុនធានារ៉ាប់រងអាយុជីវិត FWD Cambodia នៅមន្ទីរពហុព្យាបាល អ៊ែរ ផ្លឹស។

កិច្ចសហប្រតិបត្តិការនេះ គឺជាជំហានមួយបន្ថែមទៀតក្នុងការរួមគ្នាបង្កើតបទពិសោធន៍កាន់តែប្រសើរ និងផ្តល់តម្លៃបន្ថែមជូនអតិថិជន តាមរយៈការភ្ជាប់សេវាកម្ម និងជំនាញរបស់ស្ថាប័នទាំងពីរ ដើម្បីគាំទ្រអតិថិជនឱ្យរស់នៅដោយភាពរីករាយ ក្នុងគ្រប់ដំណើរជីវិត។

15/09/2026

អបអរសាទរ 5 ឆ្នាំ នៃការរួមដំណើរជាមួយ FWD Cambodia 🧡

សូមអបអរសាទរ លោកស្រី ថៃ សុច័ន្ទណា ដែលបានរួមដំណើរ និងរួមចំណែកជាមួយ FWD Cambodia អស់រយៈពេល 5 ឆ្នាំ។

ក្នុងរយៈពេល 5 ឆ្នាំនៅ FWD លោកស្រី ថៃ សុច័ន្ទណា បានឆ្លងកាត់បទពិសោធន៍ជាច្រើន ដែលជួយឱ្យលោកស្រីបានរៀនសូត្រ រីកចម្រើន និងសម្របខ្លួនទៅនឹងការផ្លាស់ប្តូរ។ ការងារក្នុងផ្នែកហិរញ្ញវត្ថុ និងប្រតិបត្តិការ បានពង្រឹងការយល់ដឹងរបស់លោកស្រីអំពីសារៈសំខាន់នៃការសហការជាក្រុម យកអតិថិជនជាស្នូល និងការប្រឈមមុខនឹងបញ្ហាដោយភាពក្លាហាន។

“សម្រាប់ខ្ញុំ ការរីកចម្រើន គឺការមានភាពក្លាហានក្នុងការទទួលយកការផ្លាស់ប្តូរ រៀនសូត្រពីគ្រប់បទពិសោធន៍ និងបន្តដំណើរទៅមុខដោយមានគោលបំណងច្បាស់លាស់។ វាគឺជាការមើលឃើញបញ្ហាប្រឈមជាឱកាស និងជួយឱ្យអ្នកដទៃរីកចម្រើន និងទទួលបានភាពជោគជ័យ ដើម្បីរីកចម្រើនជាមួយគ្នា។”

FWD Cambodia សូមអរគុណចំពោះការប្តេជ្ញាចិត្ត ការខិតខំប្រឹងប្រែង និងការរួមចំណែកដ៏មានតម្លៃរបស់លោកស្រី ក្នុងរយៈពេល 5 ឆ្នាំកន្លងមក។ 🧡

14/09/2026

ការរស់នៅដោយភាពរីករាយ និងមានភាពកក់ក្តៅក្នុងចិត្ត កាន់តែងាយស្រួល នៅពេលអ្នកដឹងថា អនាគតរបស់អ្នកត្រូវបានរៀបចំយ៉ាងល្អ។ 🧡

ជាមួយផលិតផល FWD សាទរជីវិត លោកអ្នកអាចរៀបចំបានទាំងគម្រោងសន្សំសម្រាប់សម្រេចគោលដៅហិរញ្ញវត្ថុនាពេលអនាគត និង ការការពារអាយុជីវិតក្នុងកញ្ចប់តែមួយ។

ទទួលបានការការពាររហូតដល់ 100% នៃទឹកប្រាក់ធានារ៉ាប់រង ដើម្បីជួយការពារអ្នក និងមនុស្សជាទីស្រលាញ់ ព្រមទាំងរៀបចំផែនការហិរញ្ញវត្ថុសម្រាប់ថ្ងៃអនាគត។

រៀបចំអនាគតឱ្យកាន់តែមានភាពកក់ក្តៅ និងរស់នៅដោយភាពរីករាយជាមួយ FWD សាទរជីវិត។

📞 078 339 988 | 087 33 99 82
🌐 www.fwd.com.kh

11/09/2026

សូមអបអរសាទរ លោក ថុង សុខណា ដែលបានរួមដំណើរ និងរួមចំណែកជាមួយ FWD Cambodia អស់រយៈពេល 5 ឆ្នាំ។

ក្នុងរយៈពេល 5 ឆ្នាំកន្លងមក លោកបានរីកចម្រើនតាមរយៈបទពិសោធន៍ការងារជាច្រើនក្នុងផ្នែកសេវាកម្មលើបណ្ណសន្យារ៉ាប់រង ការលើកកម្ពស់បទពិសោធន៍អតិថិជន និងគម្រោងឌីជីថលនៅក្នុងផ្នែកប្រតិបត្តិការ។ ការចូលរួមក្នុងការកែលម្អដំណើរការការងារ និងការអភិវឌ្ឍប្រព័ន្ធ បានជួយពង្រឹងជំនាញ និងរួមចំណែកផ្តល់នូវលទ្ធផលកាន់តែប្រសើរសម្រាប់ទាំងអតិថិជន និងអាជីវកម្ម។

«សម្រាប់ខ្ញុំ ការទទួលយករាល់បញ្ហាប្រឈម គឺជាឱកាសសម្រាប់ការរៀនសូត្រ ការរីកចម្រើន និងការក្លាយជាមនុស្សដែលប្រសើរជាងម្សិលមិញ»។

FWD Cambodia សូមអរគុណចំពោះការប្តេជ្ញាចិត្ត ការខិតខំប្រឹងប្រែង និងការរួមចំណែកដ៏មានតម្លៃរបស់លោកក្នុងរយៈពេល 5 ឆ្នាំកន្លងមក។