28/08/2026
តំណាងបុគ្គលិកការិយាល័យចល័តខេត្តកំពង់ធំចូលរួមសិក្ខាសាលាស្តីពី "ការផ្សព្វផ្សាយហិរញ្ញប្បទានខ្សែច្រវាក់តម្លៃកសិកម្មដល់កសិធុរកិច្ច សហគមន៍កសិកម្ម និងកសិពាណិជ្ជកម្ម នៃគម្រោង ACSEP " .....................................................................
ខេត្តកំពង់ធំ៖ កាលពីថ្ងៃទី២៧ ខែសីហា ឆ្នាំ២០២៦, ដោយទទួលបានការអនុញ្ញាត ដ៏ខ្ពង់ខ្ពស់ពីឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជា អគ្គនាយកធនាគារអភិវឌ្ឍន៍ជនបទ និងកសិកម្ម (ARDB) ក្រុមការងារធនាគារ ARDB ការិយាល័យចល័តខេត្តកំពង់ធំ បានចូលរួមសិក្ខាសាលាស្តីពី " ការផ្សព្វផ្សាយ ហិរញ្ញប្បទានខ្សែច្រវាក់តម្លៃកសិកម្មដល់កសិធុរកិច្ច សហគមន៍កសិកម្ម និងកសិពាណិជ្ជកម្ម នៃគម្រោង ACSEP ៉ និងធ្វើបទបង្ហាញស្តីពីផលិតផលឥណទាន និងលក្ខខណ្ឌ ទទួលបានឥណទានក្រោមគម្រោងប្រកួតប្រជែងខ្សែច្រវាក់តម្លៃ និងលើកកំពស់ សុវត្ថិភាពកសិកម្ម (ACSEP)។
សិក្ខាសាលានេះរៀបចំឡើងក្នុងគោលបំណង ផ្សព្វផ្សាយឱ្យបានទូលំទូលាយអំពីការ ផ្តល់ប្រាក់កម្ចីជាមួយនឹងលក្ខខណ្ឌអនុគ្រោះរបស់គម្រោង ACSEP ដល់កសិធុរកិច្ច សហគមន៍កសិកម្ម អ្នកផ្គត់ផ្គង់ធាតុចូលសម្ភារកសិកម្ម និងកសិករចិញ្ចឹមមាន់ព្រមទាំងបង្ហាញអំពីនីតិវិធីដែលអាចទទួលបានឥណទានពីគម្រោង ACSEP សម្រាប់ពង្រីកមុខរបរអាជីវកម្មលើវិស័យកសិកម្ម ក៏ដូចជាផ្សារភ្ជាប់ទំនាក់ទំនងរវាងគ្រឹះស្ថានហិរញ្ញវត្ថុថ្នាក់ខេត្ត-ស្រុក-ឃុំ ដល់ក្រុមគោលដៅទទួលផលផងដែរ។
កម្មវិធីនេះរៀបចំឡើងនៅទីតាំងសណ្ឋាគារកំពង់ធំរ៉ូយ៉ាល់ ក្រុងស្ទឹងសែន ខេត្តកំពង់ធំ ។ បានការអញ្ជើញចូលរួមពីអង្គភាពអនុវត្តគម្រោង និងទីប្រឹក្សាសមាសភាគទី១, មន្រ្តីមន្ទីររុក្ខាប្រមាញ់ និងនេសាទ ខេត្តកំពង់ធំ,ខេត្តកំពង់ចាម, ខេត្តត្បូងឃ្មុំ ,តំណាងធនាគារ ARDB ,តំណាងធនាគារ ស្ថាបនា ,តំណាងសហគមន៍កសិកម្ម និងអតិថិជនអញ្ជើញមកពីខេត្តកំពង់ធំ ខេត្តកំពង់ចាម និងខេត្តត្បូងឃ្មុំ សរុបចំនួន ៩៥នាក់ ។
