CSCD Association Kh

CSCD Association Kh ជាស្ថាប័នហិរញ្ញវត្ថុហាឡាល ជាជម្រើសដើម្បីបញ្ជៀស មូស្លឹមពីស្ថាប័នហិរញ្ញវត្ថុការប្រាក់ (الربا)

alhamdulillah.ក្នុងវិហាឥស្លាម ជាកន្លែងថ្វាយបង្គំអល់ឡោះជាម្ចាស់ និងផ្ដល់ដំបូន្មានល្អៗ។ រីឯបរិវេណខាងក្រៅអាចជួបជុំពិភាក្សា ...
23/07/2023

alhamdulillah.ក្នុងវិហាឥស្លាម ជាកន្លែងថ្វាយបង្គំអល់ឡោះជាម្ចាស់ និងផ្ដល់ដំបូន្មានល្អៗ។ រីឯបរិវេណខាងក្រៅអាចជួបជុំពិភាក្សា ដោះស្រាយវិបត្តិគ្រួសារ សហគមន៍ សង្គមជាតិ ឬសហការធ្វើជំនួញរកប្រាក់កម្រៃរួម ដើម្បីទ្រទ្រង់សេដ្ឋកិច្ចម៉ូស្លីម។

. កម្មវិធីនៃវេទីការ ស្ដីពី ភាពជាដៃគូរវាងរាជរដ្ឋាភិបាល និងអង្អការស៊ីវិល(លើកទី៥)ថ្ងៃទី១០ មករា ២០២៣ នៅសណ្ឋាគា សុខាភ្នំពេញ។...
12/01/2023

. កម្មវិធីនៃវេទីការ ស្ដីពី ភាពជាដៃគូរវាងរាជរដ្ឋាភិបាល និងអង្អការស៊ីវិល(លើកទី៥)ថ្ងៃទី១០ មករា ២០២៣ នៅសណ្ឋាគា សុខាភ្នំពេញ។

#សន្ទរកថាបើករបស់សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ដែលមានខ្លឹមសារថា÷
+ដើម្បីរក្សាសន្តិសុខសង្គម និងការអភិវឌ្ឍសេដ្ឋកិច្ចជាតិ។ អង្អការ សមាគមត្រូវធ្វើសកម្មភាពស្របតាមលក្ខខ័ណ្ឌដែលបានតម្កល់ទុកនៅក្រសួង។ សហការជាមួយអាជ្ញាធម៌ដែនដី មុនពេលចុះផ្សព្វផ្សាយគោលការណ៍អ្វីមួយ ឬអប់រំប្រជាពលរដ្ឋតាមមូលដ្ឋាន។ ត្រូវចេះស្វែងរកជំនួយ រកដៃគូវិនិយោគគ្រប់ប្រភេទ ទោះបីតូច ឬធំ សម្រាប់បង្កើតឱកាសការងារដល់សហគមន៍។ មិនត្រូវជ្រកក្រោមស្លាកអង្អការ សមាគម តែរកផលប្រយោជន៍ផ្ទាល់ខ្លួន លាងលុយខ្មៅ កេងប្រវ័ញទ្រព្យអ្នកដទៃ។ កាតព្វកិច្ចគណនេយ្យ និងសវនកម្មសម្រាប់អង្គភាពមិនស្វែងរកប្រាក់ចំណេញ ត្រូវមានតម្លាភាព។ និយោជក បុគ្គលិកដែលមានប្រាក់បៀវត្សខ្ពស់ជាប់ពន្ធ ត្រូវរាយការណ៍ដល់ថ្នាក់ដឹកនាំ។ ចូលរួមដោះស្រាយវិបត្តិសង្គម ប្រកបដោយយុត្តិធម៌ សមធម៌ជានិច្ច។

#រ៉ស៊ូលុលឡោះﷺមានប្រសាសន៍ថា ៖
قال رسول الله ﷺ : « اثنان يعجلهما الله في الدنيا البغي وعقوق الوالدين » . صحيح الجامع : 137
#មានន័យថា « បាបកម្មពីរប្រភេទដែលអល់ឡោះនឹងដាក់ទណ្ឌកម្មវិញភ្លាមៗនៅក្នុងលោកិយគឺ ទង្វើអយុត្តិធម៌ និងទង្វើអកតញ្ញូចំពោះឪពុកម្តាយ » ។

#ក្រសួងមហាផ្ទៃ ជាអាណាព្យាបាលរបស់អង្គការ សមាគម អនុញ្ញាតិឲ្យបញ្ចេញមតិ សកម្មភាពផ្សេងៗ។ ដូចនេះយើងត្រូវគោរពប្រតិបត្តិ នូវអនុសាសន៍ដ៏ថ្លៃថ្លាខាងលើ ស្របតាមច្បាប់ឥស្លាមផងដែរ។

#យេីងសហការគ្នាបង្កេីតអាជីវកម្មតាមច្បាប់ឥស្លាម សម្រាប់ខ្លួនឯង ក្រុមគ្រួសារ និងទុកជាមរតកឲ្យអ្នកជំនាន់ក្រោយៗ (إن شاء الله)] 💝ម៉ូស្លីម🌴

💝السلام عليكم ورحمة الله وبركاته🌹 . សូមជំរាបជូនដំណឹងដល់ សមាជិកនៃសមាគម CSCD ឲ្យបានជ្រាបថា÷ កាលពីថ្ងៃទី២៣.ខែធ្នូ.២០២២.។ លោ...
02/01/2023

💝السلام عليكم ورحمة الله وبركاته🌹
. សូមជំរាបជូនដំណឹងដល់ សមាជិកនៃសមាគម CSCD ឲ្យបានជ្រាបថា÷ កាលពីថ្ងៃទី២៣.ខែធ្នូ.២០២២.។ លោក រួន ការីម និងលោក យ៉ាន រ៉សាលី បានធ្វើដំណើរទៅហាត់យ៉ៃ ប្រទេសថៃ។ ទទូលភារកិច្ច ណាត់ជួបក្រុមហ៊ុន Icorp រយ:ពេលពីរអាទិត្យ។ ដើម្បីបកប្រែ ប្រព័ន្ធគ្របគ្រង់ទិន្នន័យសមាគម ពីភាសារថៃ មកជាភាសារខ្មែរ និងកែសម្រូលចំណុចខ្វះខាត ដើម្បីឲ្យគណនេយ្យ ហិរញ្ញវត្ថុរបស់យើងមានតម្លាភាព។

# រ៉ស៊ូលុលឡោះﷺមានប្រសាសន៍ថា ៖
قال رسول الله صلى الله عليه وسلم : « رحمَ اللهُ رجلًا ، سَمْحًا إذا باعَ ، وإذا اشترى ، وإذا اقْتضى » . رواه البخاري من حديث جابر بن عبدالله رقم 2076
#មានន័យថា (អល់ឡោះអាណិតស្រលាញ់ដល់បុរសម្នាក់ដែលមានការអធ្យាស្រ័យ នៅពេលលក់ដូរ នៅពេលទិញ និងពេលទារបំណុល)។

#អ៊ីបនូ ហាចើរ បានពន្យល់ថា៖ រ៉ស៊ូលុលឡោះ(ﷺ)បួងសួង សុំពីអល់ឡោះឲ្យផ្តល់នូវ ក្តីមេត្តា ករណា ចំពោះបុគ្គលណាដែលមានចិត្តសប្បុរ។ មានទំនាក់ទំនងល្អជាមួយអ្នកផ្គត់ផ្គង់ទំនិញ សេវាកម្មដោយមិនតថ្លៃច្រើន មិនបន្តុះបង្អាប់ឲ្យចុះថោក។ ហើយលក់ជូនអតិថិជនវិញ ក្នុងតម្លៃសមរម្យ។ អនុគ្រោះដល់កូនបំណុល មិនគំរាម ឬបង្ខំអ្នកមានចំណូលទាប ឲ្យសងលុយភ្លាមៗនោះដែរ។

#នេះជាយុទ្ធសាស្ត្រទីផ្សារដ៏អស្ចារ្យ និងមានសក្ដានុពលបំផុត។ ចំពោះអ្នកផលិត អ្នកលក់ដុំ អ្នកលក់រាយ ជាមួយអ្នកប្រើប្រាស់។ បង្កើនផលិតកម្ម ជំរុញការនាំចេញ នាំចូល។ ដោះដូរទំនិញ សេវាកម្ម ប្រកបដោយមនោសញ្ចេតនា។ បង្កើតពាណិជ្ជកម្មជាតិ និងអន្តរជាតិ ដើម្បីកំណើនសេដ្ឋកិច្ចក្នុងតំបន់។

#សមាគមយើង ផ្ដោតទៅលើអាជីវកម្ម រកប្រាក់ចំណេញរួមគ្នា។ ដូចនេះ ត្រូវការអ្នកមានចំណេះ ជំនាញ និងបទពិសោធន៍មកសហការ។ ជាពិសេស អ្នកម៉ូស្លីមទូទៅដែលមានឆន្ទ: ពង្រីកអាជីវកម្មស្របច្បាប់ឥស្លាម និងលើកស្ទួយ(ហ្សាកាត់)។ អាស្រ័យហេតុនេះ សូមបង ប្អូនខ្មែរឥស្លាមរួមសាមគ្គីជាធ្លុងមួយ និងជួយសុំពីអល់ឡោះជាម្ចាស់ ឲ្យផ្ដល់ភាពងាយស្រូល ដល់ក្រុមការងារបានជោគជ័យគ្រប់ភារកិច្ច អាមីនៗ យ៉ារ៉បពិលអាឡាមីន...👐។

#យេីងសហការគ្នាបង្កេីតអាជីវកម្មតាមច្បាប់ឥស្លាម សម្រាប់ខ្លួនឯង ក្រុមគ្រួសារ និងទុកជាមរតកឲ្យអ្នកជំនាន់ក្រោយៗ (إن شاء الله)] 💝ម៉ូស្លីម🌴

.ក្នុងវិហាឥស្លាម ជាកន្លែងថ្វាយបង្គំអល់ឡោះជាម្ចាស់ និងផ្ដល់ដំបូន្មានល្អៗ។ រីឯបរិវេណខាងក្រៅអាចជួបជុំពិភាក្សា ដោះស្រាយវិបត...
23/12/2022

.ក្នុងវិហាឥស្លាម ជាកន្លែងថ្វាយបង្គំអល់ឡោះជាម្ចាស់ និងផ្ដល់ដំបូន្មានល្អៗ។ រីឯបរិវេណខាងក្រៅអាចជួបជុំពិភាក្សា ដោះស្រាយវិបត្តិគ្រួសារ សហគមន៍ សង្គមជាតិ ឬសហការធ្វើជំនួញរកប្រាក់កម្រៃរួម ដើម្បីទ្រទ្រង់សេដ្ឋកិច្ចម៉ូស្លីម។

#គម្ពីរអាល់គួរអាន (ជំពូក៩៨ អាល់ហ្ពៃយីណះ)
وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ ٥

#មានន័យថា [ហើយពួកគេ(មនុស្សលោក)មិនត្រូវបានគេបញ្ជាឱ្យធើ្វអ្វីក្រៅពីឱ្យពួកគេគោរពសក្ការៈចំពោះអល់ឡោះ ដោយចិត្ដស្មោះស និងត្រឹមត្រូវចំពោះទ្រង់ និងប្រតិបត្ដិសឡាត ព្រមទាំងបរិច្ចាគហ្សាកាត់នោះឡើយ។ ហើយនោះគឺជាសាសនាដ៏ត្រឹមត្រូវ]។ [អាយ៉ះទី(5)]

#ប្រតិបត្ដិសឡាត គឺថ្វាយបង្គំអល់ឡោះ បើយើងចង់ឲ្យសាសនិកឥស្លាមចេះថ្វាយបង្គំ ត្រូវបង្រៀនគាត់ តាំងពីចាប់ផ្ដើម រហូតដល់បញ្ចប់។

#បរិច្ចាគហ្សាកាត់ គឺជាច្បាប់ពន្ធដាក្នុងសាសនាឥស្លាម ត្រូវតែគោរព។ បើយើងចង់ឲ្យអ្នកម៉ូស្លីមបរិច្ចាគហ្សាកាត់ ត្រូវបង្រៀនគាត់ឲ្យមានជំនាញផ្ទាល់ខ្លួន អាចរកប្រាក់ចំណូលបានច្រើន។ ដូចជា អាជីពកសិកម្ម ឧស្សាហកម្ម ពាណិជ្ជកម្ម និងបង្កើតទីផ្សារសម្រាប់ដោះដូរផលិតផលនានា។ ពីព្រោះច្បាប់ឥស្លាមបានកំណត់ចំនួនទ្រព្យធន និងពេលវេលាជាក់លាក់ក្នុងការបរិច្ចាគ (الزَّكَاةَ) ឲ្យអ្នកក្រីក្រ អ្នកធ្វើដំណើរដាច់ស្បៀងជាដើម...។

# #យេីងសហការគ្នាបង្កេីតអាជីវកម្មតាមច្បាប់ឥស្លាម សម្រាប់ខ្លួនឯង ក្រុមគ្រួសារ និងទុកជាមរតកឲ្យអ្នកជំនាន់ក្រោយៗ (إن شاء الله)] 💝ម៉ូស្លីម🌴

🌏Alhamdulillah. ឥស្លាម ជាសាសនាអប់រំមនុស្សឲ្យមានចិត្តសប្បុរស ជាមាគា៌ផ្ដល់ថ្លៃឱកាសពីរក្នុងពេលតែមួយសម្រាប់អ្នកម៉ូស្លីមគ្រប់...
14/12/2022

🌏Alhamdulillah. ឥស្លាម ជាសាសនាអប់រំមនុស្សឲ្យមានចិត្តសប្បុរស ជាមាគា៌ផ្ដល់ថ្លៃឱកាសពីរក្នុងពេលតែមួយសម្រាប់អ្នកម៉ូស្លីមគ្រប់រូប។

#រ៉ស៊ូឡុលឡោះ(ﷺ)មានប្រសាសន៍ថា:
وعن ابنِ عمرَ رضيَ اللَّه عنهما قال :
قالَ رسولُ اللَّه صَلّى اللهُ عَلَيْهِ وسَلَّم : *[ بُنِيَ الإِسَلامُ عَلَى خَمْسٍ : شَهادَةِ أَنْ لَا إِلَهَ إِلاَّ اللَّه ، وأَنَّ مُحَمَّداً رَسُوْلُ اللَّهِ ، وَإِقَامِ الصَّلَاةِ ، وَإِيْتَاءِ الزَّكَاةِ ، وَحَجِّ الْبَيْتِ ، وَصَوْمِ رَمَضَانَ...]
#មានន័យថា: ការស្ថាបនាសាសនាឥស្លាមត្រូវឈរលេីមូលដ្ឋានគ្រឹះ៥យ៉ាងគឺ:
១. អះអាងថា (គ្មានម្ចាស់ដែលត្រូវគោរពសក្ការ: ក្រៅពីអល់ឡោះ ហេីយណាពីម៉ូហាំម៉ាត់ ជារ៉សូលរបស់អល់ឡោះ)។
២. សំហ្ពះយ៉ាង គឺ(ថ្វាយបង្គំអល់ឡោះជាម្ចាស់ មួយថ្ងៃ មួយយប់ប្រាំពេល ជាការថ្លែងអំណរគុណ ដែលទ្រង់បានបង្កើតរូបរាង ផ្ដល់ជីវិត និងលាភសក្ការ:ច្រើនឥតគណនាដល់សត្វលោក)។
៣. ហ្សាកាត់ គឺ(ពន្ធដាឥស្លាម ដែលត្រូវដកលើវិស័យកសិកម្ម ឧស្សាហកម្ម ពាណិជ្ជកម្ម លុយកាក់ មាស ប្រាក់ លើសពីច្បាប់ឥស្លាមតម្រូវឲ្យប្រើប្រាស់ ឬរក្សាទុក)។
៤.ហាជ្ជី គឺ(ធ្វើធម្មយាត្រាទៅទីក្រុងម៉ាកាស មួយឆ្នាំម្ដងសម្រាប់អ្នកមានលទ្ធភាព ជំរុញវិស័យទេសចរណ៍ ឬទស្សនកិច្ចសិក្សា ទាំងក្នុង និងក្រៅប្រទេស)។
៥. បូសខែរ៉ម៉ាហ្ទន គឺ(តមអាហារពេលថ្ងៃរយ:ពេលមួយខែ ជាការលុតដំុអត្តចរិក បន្ថយមហិច្ចតាលោភលន់កេងប្រវ័ញ្ញ បណ្ដុះព្រហ្មវិហាធម៌ ចំពោះអ្នកក្រខ្សត់)។

#ខ្លឹមសារស្នូល÷ សូត្រពីរកាលីម៉ះ សំហ្ពះយ៉ាង និងបូស (គឺជាវិធីសាស្រ្ត ផ្សាភ្ជាប់ទំនាក់ទំនងរវាងយើង និងម្ចាស់បង្កើតចក្រវាឡ)។ រីឯហ្សាកាត់ និងហាជ្ជី (គឺជាមធ្យោបាយ បង្កើតចរន្តសេដ្ឋកិច្ចឥស្លាម ដើម្បីបង្កើនរំហូរសាច់ប្រាក់ក្នុងទីផ្សារជាតិ និងអន្តរជាតិ។ កាត់បន្ថយគម្លាតរវាងអ្នកមាន និងអ្នកក្រ ទិសដៅលើកស្ទួយជីវភាពគ្រួសារខ្សត់ខ្សោយ)។

#បច្ចុប្បន្ន យើងមានស្ថាប័នបង្រៀនសូត្រពីកាលីម៉ះ សំហ្ពះយ៉ាង និងបូសជាច្រើន។ តែហាក់ដូចមិនទាន់មានស្ថាប័ន អង្គការ សមាគម ជួយបង្រៀនជំនាញអាជីព លើវិស័យកសិកម្ម ឧស្សាហកម្ម ពាណិជ្ជកម្ម ស្របច្បាប់ឥស្លាមឡើយ។ យើងគួរសហការគ្នាបង្កើតក្រុមប្រឹក្សាយោបល់ ស្ដីអំពីវិស័យសេដ្ឋកិច្ចម៉ូស្លីម ដើម្បីពង្រឹងហ្សាកាត់ និងហាជ្ជី។ ពីព្រោះសសរកន្លោងទាំងប្រាំត្រូវតែរឹងមាំជានិច្ច មិនអាចខ្សោយមួយណាបានឡើយ។

#បទវិភាគ: បើគ្រួសារម៉ូស្លីមអាចដក់ហ្សាកាត់ ទៅធ្វើហាជ្ជី និងអ៊ុំម៉ារោះមានភាគរយខ្ពស់ជាលំដាប សរឲ្យឃើញថា ស្តង់ដាជីវិតពីមធ្យម ទៅល្អប្រសើរ និងផ្ទុយមកវិញ។

#និយមន័យពន្ធដារ គឺជារូបភាពនៃការបែងចែកឡើងវិញនូវចំណូលជាតិ ដែលរដ្ឋាលភិបាលប្រើប្រាស់។ ដើម្បីប្រមូលចំណូលមួយផ្នែក ពីគ្រប់សមាសភាពសេដ្ឋកិច្ច ក្នុងការផ្សារភ្ជាប់ជាមួយនឹងសិទ្ធិអំណាចនយោបាយ និងជាវិភាគទានទាំងរូបវ័ន្ដបុគ្គល និងនីតិបុគ្គល។
#កាតព្វកិច្ចបង់ពន្ធ: គឺ​ជា​ការ​ចូលរួម​ចំណែក​ក្នុង​ថវិកា​ជាតិ ដើម្បី​ឲ្យ​រដ្ឋ​មាន​ប្រាក់យក​ទៅ​ចំណាយ ដោយ​មិនចាំបាច់​បោះពុម្ពលុយ​ ​បង្ក​ឲ្យ​មាន​អតិផរណា។ ​ពន្ធ​​បាន​ផ្ដល់ប្រយោជន៍​ជាច្រើន​ដោយ​ផ្ទាល់ ឬ​​ប្រយោល។ ពីព្រោះ​​ចំណាយ​​​បើក​ប្រាក់​បៀវត្ស​​ដល់​មន្រ្តី​រាជការ​ ស៊ីវិល និង​កងកម្លាំង​ប្រដាប់អាវុធ។ ​ជា​អ្នក​ទទួលបន្ទុក​ផ្តល់​សេវារដ្ឋបាល ការពារ​សន្តិសុខសណ្តាប់ធ្នាប់ និង​ការពារ​អធិបតេយ្យភាព បូរណភាព​ទឹកដី​។​ ពលរដ្ឋ​គ្រប់រូបទទួល​បានផលប្រយោជន៍​ពី​ការ​បង់ពន្ធ​ទាំងមិនដឹងខ្លួន។ គឺ​តាមរយៈ​សេវាសាធារណៈ ហេដ្ឋារចនាសម្ព័ន្ធដូចជា ស្ពាន ថ្នល់ សាលារៀន មន្ទីរពេទ្យ។ល។

#និយមន័យទេសចរណ៍: គឺសំដៅដល់សកម្មភាពរបស់បុគ្គល ដែលធ្វើដំណើរចាក់ចេញពីលំនៅដ្ឋាន ដោយចំណាយពេលលើសពី ១យប់ តែតិចជាង១ឆ្នាំ ក្នុងគោលបំណងដើរលេងកំសាន្ត ធ្វើធូរៈកិច្ច ផ្សព្វផ្សាយសាសនា កម្មសិក្សាស្រាវជ្រាវ សិល្ប: កីឡា...។ល។
#ទេសចរមាន២គឺ៖ ទេសចរជាតិ ដើរលេងក្នុងស្រុក និងទេសចរអន្តរជាតិ ដើរលេងក្រៅស្រុក។
#ផលិតផលទេសចរណ៍ សំដៅលើធនធានដែលមានស្រាប់ ឬធនធានដែលកែច្នៃ ដើម្បីបំពេញតម្រូវការរបស់អ្នកទេសចរ។

#ឱបងប្អូនម៉ូស្លីម!! (ហ្សាកាត់=>ពន្ធដា និងហាជ្ជី=>ទេសចរណ៍) គឺជាខឿនសេដ្ឋកិច្ចឥស្លាមទាំងមូល។ បើចង់ឲ្យម៉ូស្លីមរឹងមាំ ត្រូវសហការគ្នាបង្កើតទីផ្សារសម្រាប់ដោះដូរទិន្នផល(حلال)។ ម្យ៉ាងទៀត បើចង់ក្លាយជាអ្នកផលិតទំនិញ សេវាកម្ម(حلال)មានសក្ដានុពល យើងត្រូវបង្កើតសមាគមសាជីវកម្ម។ វាមានរចនាសម្ព័ន្ធចាត់តាំងខុសពីសមាគមឯកកម្មសិទ្ធិ និងសហកម្មសិទ្ធិ។ វាពិបាកស្ថាបនាឲ្យមានជីវិត តែបេីកេីតមានរូបរាង ចុះសហប្រតិបត្តិការហេីយ គឺគ្មាននរណាអាចផ្តូលរំលំបានឡេីយ។ វាជាអង្គភាពដែលរដ្ឋាភិបាលទទូលស្គាល់ (សមាជិកដាក់ភាគហ៊ុនបង្កេីតមូលធន ជាម្ចាស់)។ យើងប្រើប្រាស់ហិរញ្ញវត្ថុរួម ធ្វើការវិនិយោគ ដើម្បីស្វែងរកប្រាក់ចំណេញក្នុងទិសដៅតែមួយ។

#យេីងសហការគ្នាបង្កេីតអាជីវកម្មតាមច្បាប់ឥស្លាម សម្រាប់ខ្លួនឯង ក្រុមគ្រួសារ និងទុកជាមរតកឲ្យអ្នកជំនាន់ក្រោយៗ (إن شاء الله)] 💝ម៉ូស្លីម🌴

. មនុស្សភពផែនដីត្រូវការបរិភោគចំណីអាហារ។ #គម្ពីរអាល់គួរអាន (ជំពូក២ អាល់ហ្ពាករ៉ោះ)يَا أَيُّهَا الَّذِينَ آمَنُوا كُلُوا م...
05/11/2022

. មនុស្សភពផែនដីត្រូវការបរិភោគចំណីអាហារ។
#គម្ពីរអាល់គួរអាន (ជំពូក២ អាល់ហ្ពាករ៉ោះ)
يَا أَيُّهَا الَّذِينَ آمَنُوا كُلُوا مِنْ طَيِّبَاتِ مَا رَزَقْنَاكُمْ وَاشْكُرُوا لِلَّهِ إِنْ كُنْتُمْ إِيَّاهُ تَعْبُدُونَ ٢٧١
#មានន័យថា ឱបណ្ដាអ្នកដែលមានជំនឿ! ចូរពួកអ្នកបរិភោគចំណី អាហារស្អាតស្អំ(ហាឡាល់) ដែលយើងបានប្រទានដល់ពួកអ្នក ហើយចូរពួកអ្នកដឹងគុណចំពោះអល់ឡោះប្រសិនបើពួកអ្នកជាអ្នក ដែលគោរពសក្ការៈចំពោះអល់ឡោះតែមួយគត់នោះ។[អាយ៉ះទី (172)]
#ភាសារ (ហាឡាល= حلال) បានកាត់ចំណែកទីផ្សារក្នុងស្រុក និងក្រៅស្រុកយ៉ាងទូលំទូលាយ។ ជំរុញឲ្យម៉ូស្លីមដើរតួជាអ្នកផលិតទំនិញ សេវាកម្ម(حلال) សម្រាប់ផ្គត់ផ្គង់ពិភពលោក។

#ទ្រឹស្ដីពាណិជ្ជកម្ម: អ្នកផលិតចំណេញទី១ អ្នកលក់ដុំចំណេញទី២ អ្នកលក់រាយចំណេញទី៣ អ្នកប្រើប្រាស់អត់ចំណេញ គ្មានចំណូលផ្គត់ផ្គង់ជីវភាពគ្រួសារ បង្កវិបត្តិដល់សង្គម។

#ទ្រឹស្ដីសេដ្ឋកិច្ច: គឺជាសំណុំនៃផលិតកម្ម ការទិញចូល លក់ចេញ(អាហរ័ណ នីហរ័ណ)។ ការប្រើប្រាស់ទាក់ទង់អតិផរណា មីក្រូសេដ្ឋកិច្ច និងម៉ាក្រូសេដ្ឋកិច្ច សម្រាប់វ៉ាស់កម្រិតជីវភាព (GDP) របស់ប្រជាពលរដ្ឋ។

#គម្ពីរអាល់គួរអាន (ជំពូក២៦ អាល់ស្ហស្ហ៊ូអារ៉ត)
وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْض مُفْسِدِينَ ٣٨١
#មានន័យថា (ហើយចូរពួកអ្នកកុំកេងប្រវ័ពា្ចមនុស្សលោកនូវកម្មសិទ្ធិរបស់ពួកគេ។ ហើយចូរពួកអ្នកកុំបង្កវិនាសកម្មនៅលើផែនដីនេះឱ្យសោះ)។ [អាយ៉ះទី (183)]

#ទ្រឹស្ដីយុទ្ធសាស្ត្រទីផ្សារសេរី គឺការប្រកូតប្រជែងដោយសុក្រិត និងអសុក្រិត។
#ទីផ្សារមានច្រើនប្រភេទដូចជា÷
-Monopoly (ទីផ្សារផ្ដាច់មុខ) -Oligopoly (សហការគ្នាផ្ដាច់មុខ) -Perfect competition (ការប្រកួតប្រជែងដោយស្មោះត្រង់) -Monopolistic competition (ការប្រកួតប្រជែងផ្តាច់មុខ) -Monopsony (ទីផ្សារមានអ្នកទិញតែម្នាក់) -Oligopsony (ទីផ្សារសហការគ្នាទិញផ្ដាច់មុខ) -Natural monopoly (ភាពផ្តាច់មុខធម្មជាតិ)

warfare គឺសង្គ្រាមសេដ្ឋកិច្ច ហ៊ុមព័ទ្ធពាណិជ្ជកម្ម ធ្វើពហិការ ដាក់ទណ្ឌកម្ម រើសអើងពន្ធ បង្កកទ្រព្យសកម្ម ផ្អាកជំនួយ ហាមឃាត់ការវិនិយោគ និងលំហូរមូលធន។

#យេីងសហការគ្នាបង្កេីតអាជីវកម្មតាមច្បាប់ឥស្លាម សម្រាប់ខ្លួនឯង ក្រុមគ្រួសារ និងទុកជាមរតកឲ្យអ្នកជំនាន់ក្រោយៗ (إن شاء الله)] 💝ម៉ូស្លីម🌴

. តាមការសិក្សាស្រាវជ្រាវអំពីទ្រឹស្ដី វិទ្យាសាស្ត្រសេដ្ឋកិច្ចឃើញថា សេដ្ឋវិទូជាច្រើនរូប បានចងក្រងនិយមន័យ ប្រហាក់ប្រហែលនឹង...
23/10/2022

. តាមការសិក្សាស្រាវជ្រាវអំពីទ្រឹស្ដី វិទ្យាសាស្ត្រសេដ្ឋកិច្ចឃើញថា សេដ្ឋវិទូជាច្រើនរូប បានចងក្រងនិយមន័យ ប្រហាក់ប្រហែលនឹងច្បាប់ឥស្លាមដែរដូចជា÷

#គម្ពីរអាល់គួរអាន (ជំពូក១៧ អាល់អុីសរ៉ក)
وَلَا تَجْعَلْ يَدَكَ مَغْلُولَةً إِلَىٰ عُنُقِكَ وَلَا تَبْسُطْهَا كُلَّ الْبَسْطِ فَتَقْعُدَ مَلُومًا مَحْسُورًا ٩٢
#មានន័យថា [ហើយចូរអ្នកកុំធ្វើឱ្យដៃរបស់អ្នកក្ដាប់ជាប់ទៅនឹងករបស់អ្នក(កំណាញ់លើការចាយវាយក្នុងមាគ៌ាអល់ឡោះ)ឱ្យសោះ។ តែអ្នកក៏មិនត្រូវលាឱ្យអស់ពីអ្វីដែលនៅនឹងដៃរបស់អ្នកដែរ ជាហេតុនាំឱ្យអ្នកត្រូវទទួលរងនូវការស្ដីបន្ទោស និងខាតបង់់]។ [អាយ៉ះទី (29)]

#និយមន័យ: សេដ្ឋកិច្ចគឺជាការសិក្សាអំពីយុទ្ធសាស្រ្តប្រើប្រាស់ធនធាន​កម្រ បែងចែកក្នុងសង្គម ដើម្បីផលិតទំនិញ សេវាកម្ម បំពេញបំណងគ្មានព្រំដែនរបស់មនុស្សឲ្យមាននិរន្តភាព។

#គម្ពីរអាល់គួរអាន (ជំពូក១៧ អាល់អុីសរ៉ក)
وَآتِ ذَا الْقُرْبَىٰ حَقَّهُ وَالْمِسْكِينَ وَابْنَ السَّبِيلِ وَلَا تُبَذِّرْ تَبْذِيرًا ٦٢
#មានន័យថា [ហើយចូរអ្នកផ្ដល់ឱ្យញាតិសន្ដាន និងជនក្រីក្រ ហើយនិងអ្នកដំណើរដាច់ស្បៀងនូវសិទ្ធិរបស់គេ។ ហើយចូរអ្នកកុំខ្ជះខ្ជាយ ដោយការចាយវាយខ្ជះខ្ជាយឱ្យសោះ]។ [អាយ៉ះទី (26)]

#ទ្រឹស្ដីសេដ្ឋវិទូ: ជាតិសាសន៍រុងរឿង ​អាស្រ័យ​លើ​សេដ្ឋកិច្ច​លូតលាស់។ ​ការ​គ្រប់គ្រង​ចាត់ចែង​ ទ្រព្យសម្បត្តិ​​ជាតិ ​និងធនធាន​ធម្មជាតិ​បាន​ល្អ​ប្រសើរ មិន​ខ្ជះខ្ជាយ បំផ្លិចបំផ្លាញ​ នាំ​មក​នូវ​ចំណូលថវិកា​ដល់​រតនាគារ​ជាតិ។ សម្រាប់​អភិវឌ្ឍ​សង្គម រក្សា​សន្តិភាព សុខុមាលភាព ស្ថេរភាពការងារ ចំណូលជានិរន្ត។ ជួយ​ឧបត្ថម្ភ​ប្រជាពលរដ្ឋ​អសមត្ថភាពឲ្យ​មាន​ជីវភាព​សមរម្យ ​មានសុភមង្គលប្រហាក់ប្រហែល​គ្នា។

#គម្ពីរអាល់គួរអាន (ជំពូក២១ អាល់អាំពីយ៉ាត)
#وَمَا خَلَقْنَا السَّمَاءَ وَالْأَرْضَ وَمَا بَيْنَهُمَا لَاعِبِينَ ٦١
#មានន័យថា [ហើយយើងមិនបានបង្កើតមេឃ និងផែនដី និងអ្វីៗដែលនៅចន្លោះវាទាំងពីរជាការលេងសើចនោះឡើយ]។ [អាយ៉ះទី (16)]

#សេដ្ឋកិច្ចវិទ្យា គឺបំភ្លឺមនុស្សឲ្យយល់ពីដំណើរវិវឌ្ឍន៍នៃសមាសភាពចូលរួមក្នុងវិស័យសេដ្ឋកិច្ច។ គោលដៅប្រកួតប្រជែង និងឆ្លើយតបសំណួរបីគឺ ត្រូវផលិតអ្វី? ផលិតដោយរបៀបណា? ផលិតឲ្យនរណា?

#ខឿនសេដ្ឋកិច្ច ត្រូវពឹងលើកត្តាផលិត៤យ៉ាងដូចជា÷
១. ទឹកដី: គឺធនធានធម្មជាតិ នៅក្នុងដីមានរ៉ែប្រេង រ៉ែមាស លើដីមានទន្លេ ព្រៃឈើ លើអាកាសមានខ្យល់ ភពនានា។ វាជាវត្ថុធាតុដើមសម្រាប់ប្រើប្រាស់ក្នុងការផលិតនូវទំនិញ និងសេវាកម្ម។
២. ពលកម្ម: គឺជាធនធានមនុស្សដែលត្រូវប្រើប្រាស់ពេលផលិត មានកម្លាំងដៃ ជើង និងប្រាជ្ញា។
៣. មូលធន: បែងចែកជា៣ផ្នែកគឺ÷
>មូលធនរូប: គឺជាសម្ភារៈ មានម៉ាស៊ីន អាគ៌ា។
>មូលធនហិរញវត្ថុ: គឺឧបករណ៏ហិរញវត្ថុ មានសាច់ប្រាក់ សញ្ញាប័ណ ភាគហ៊ុន។
>មូលធនមនុស្ស: ​គឺចំណេះដឹង ជំនាញ បច្ចេកទេសរបស់បុគ្គលិក។
៤. ភាពជាសហគ្រិន: គឺជាប្រភេទធនធានមនុស្សដែលស្ម័គ្រចិត្តទទួលគ្រោះថ្នាក់។ ក្នុងការចូលរួមជាមួយកត្តាដទៃទៀត។ ជាធាតុពិសេស មិនអាចខ្វះបានក្នុងវិស័យ ផលិតកម្ម។

#យេីងសហការគ្នាបង្កេីតអាជីវកម្មតាមច្បាប់ឥស្លាម សម្រាប់ខ្លួនឯង ក្រុមគ្រួសារ និងទុកជាមរតកឲ្យអ្នកជំនាន់ក្រោយៗ (إن شاء الله)] 💝ម៉ូស្លីម🌴

. ការសិក្សាស្រាវជ្រាវបង្កើនចំណេះវិជ្ជា គ្មានថ្ងៃបញ្ចប់ឡើយ។ #គម្ពីរអាល់គួអាន (ជំពូក៩៦ អាល់អាឡឹក) #عَلَّمَ الْإِنْسَانَ م...
19/10/2022

. ការសិក្សាស្រាវជ្រាវបង្កើនចំណេះវិជ្ជា គ្មានថ្ងៃបញ្ចប់ឡើយ។
#គម្ពីរអាល់គួអាន (ជំពូក៩៦ អាល់អាឡឹក)
#عَلَّمَ الْإِنْسَانَ مَا لَمْ يَعْلَمْ ٥
#មានន័យថា [ទ្រង់(អល់ឡោះជាម្ចាស់)បានបង្រៀនមនុស្សលោកនូវអ្វីដែលគេមិនបានដឹង]។ [អាយ៉ះទី(5)]

#ទស្សនវិទូ: (សាស្ត្រាចារ្យអាចបង្រៀនចំណេះ ជំនាញ និងបទពិសោធន៍ តែមិនអាចផ្ដល់(هداية)ភាពឆ្លាត ឈ្លាសវៃ និងគតិបណ្ឌិតដល់និស្សិតបានឡើយ)។
#គម្ពីរអាល់គួអាន (ជំពូក៨៧ អាល់អាត់ឡា)
#وَالَّذِي قَدَّرَ فَهَدَىٰ ٣
#មានន័យថា [និងជាអ្នកដែលបានកំណត់វាសនា និងផ្ដល់ការចង្អុលបង្ហាញ]។ [អាយ៉ះទី(3)]

#រីឯនិស្សិតជ័យលាភីថ្ងៃទី១៧.តុលា.២០២២.គ្រាន់បញ្ជាក់ថា យើងបានសិក្សាជំនាញរយ:ពេល៤ឆ្នាំ. ៦ឆ្នាំ និង៩ឆ្នាំតែប៉ុណ្ណោះ។ សម្រាប់ឯកទេសវិជ្ជាជីវ:ផ្ទាល់ខ្លួន តើយើងអាចប្រើប្រាស់វា ជាអត្ថប្រយោជន៍ដល់សង្គមជាតិ អស់ពីលទ្ធភាព និងសមត្ថភាពដែរ ឬយ៉ាងណា?

#ពីព្រោះបុព្វហេតុនៃការសិក្សាខុសៗគ្នា អ្នកខ្លះចង់ធ្វើមន្ត្រីរាជការ សាស្ត្រាចារ្យ ពាណិជ្ជករ។ល។ សម្រាប់រូបខ្ញុំមានបំណងសហការជាមួយគណកម្មការ សមាជិក សមាជិកានៃសមាមគ CSCD រៀបចំបើកគណនីភាគហ៊ុនម៉ូទរ៉ពាស់ និងវ៉ាទីអាស់បន្ថែមក្នុងឆ្នាំ២០២៣។ ដើម្បីវិនិយោគលើគម្រោងសាងសង់ទីផ្សារតាមភូមិ បញ្ជូនទំនិញ សេវាកម្ម(حلال)ឲ្យជិតដៃអតិថិជ។ បង្កើតឱកាសការងារ គោលដៅអភិវឌ្ឍសហគមន៍ម៉ូស្លីម។
#គម្ពីរអាល់គួអាន (ជំពូក៨៧ អាល់អាត់ឡា)
#فَذَكِّرْ إِنْ نَفَعَتِ الذِّكْرَىٰ ٩
#មានន័យថា [ដូចេ្នះ ចូរអ្នកក្រើនរំលឹកចុះ ប្រសិនបើការក្រើនរំលឹកនោះ មានផលប្រយោជន៍]។ [អាយ៉ះទី (9)]

#ម៉ូស្លីមត្រូវចែករំលែងចំណេះ ជំនាញ បទពិសោធន៍ ដើម្បីពង្រឹងអាជីពលើវិស័យ កសិកម្ម ឧស្សាហកម្ម ពាណិជ្ជកម្ម និងទេសចរណ៍។ ធាតុពិតនៃពិភពលោកអប់អរសាទចំពោះអ្នកជោគជ័យ!!!។

#យេីងសហការគ្នាបង្កេីតអាជីវកម្មតាមច្បាប់ឥស្លាម សម្រាប់ខ្លួនឯង ក្រុមគ្រួសារ និងទុកជាមរតកឲ្យអ្នកជំនាន់ក្រោយៗ (إن شاء الله)] 💝ម៉ូស្លីម🌴

🌳 . សហគ្រិនសង្គម ត្រូវធ្វើខ្លួនឲ្យសាមញ្ញ ស្មោះត្រង់ តស៊ូ ព្យាយាម ដោយទឹកចិត្តមេត្តា ករណា។ ហ៊ានដាក់ទុនវិនិយោគទាំង ចំណេះវិជ...
02/10/2022

🌳 . សហគ្រិនសង្គម ត្រូវធ្វើខ្លួនឲ្យសាមញ្ញ ស្មោះត្រង់ តស៊ូ ព្យាយាម ដោយទឹកចិត្តមេត្តា ករណា។ ហ៊ានដាក់ទុនវិនិយោគទាំង ចំណេះវិជ្ជា ជំនាញ បទពិសោធន៍ លះបង់ពេលវេលា និងថវិកា។ សម្រាប់អភិវឌ្ឍន៍គម្រោងធំជាងសមត្ថភាព ទោះជាមានហានិភ័យខ្ពស់អាចគ្រោះថ្នាក់ បាត់បង់ទ្រព្យសម្បត្តិ និងកិត្តិយសជាយថាហេតុ។ ក៏ពុះពារឧបសគ្គដើម្បីអត្ថប្រយោជន៍រួម គោលដៅកៀរគរធនធានម៉ូស្លីម បង្កើតឱកាសការងារ បង្កើនប្រាក់ចំណូល លើកស្ទួយជីវភាពជូនសហគមន៍ និងពង្រឹង(ហ្សាកាត់ =الزَّكَاةَ )។

#គម្ពីរអាល់គូរអាន (ជំពូក អាល់ហ្ពាឡាត់)
🌏لَقَدْ خَلَقْنَا الْإِنْسَانَ فِي كَبَدٍ (٤)
#មានន័យថា (ជាការពិតណាស់ យើងបានបង្កើតមនុស្សលោកឱ្យស្ថិតនៅក្នុងភាពលំបាក)។ [អាយ៉ះទី (4)]

#កាល:ទេស: ធ្វើឲ្យមនុស្សគិតវិជ្ជមាន និងអវិជ្ជមាន ឆាកជីវិតធម្មតា តែយើងធ្វើឲ្យខ្លួនឯងស្មុគស្មាញ។ សម្រាប់អ្នកជោគជ័យមានកេរ្តិ៍ឈ្មោះល្បីល្បាញ មិត្តភក្ដិអបអរសាទ និងអួតសសើរ។ រីឯអ្នកបរាជ័យអាបអោនកិត្យានុភាព គ្មានញាតិរាបអាន ឯកាទទូលរងសម្ពាធគ្រប់ទិសទី។ ការជួយគាំទ្រ និងផ្ដល់កម្លាំងចិត្តក្នុងគ្រាលំបាក ពិតជាមានគុណតម្លៃឥតគណនាចំពោះអ្នកម៉ូស្លីម។ ឧបសគ្គជាបទពិសោធន៍ជីវិត ចាប់ផ្ដើមធ្វើកិច្ចការលំបាកៗ ទាន់នៅស្រូល។ ចង់សម្រេចភារកិច្ចធំ ត្រូវធ្វើពេលវានៅតូច។ ដំណើរឡើងភ្នំ ១០០០ម គឺឈានម្ដងមួយជំហានៗដោយអត់ធ្មត់ ទើបអាចដល់កំពូល។ អ្នកជំនួញត្រូវប្រឹក្សាយោបល់ ស្រាវជ្រាវពត៌មានវិទ្យា វិភាគភូមិសាស្ត្រ នយោបាយ សក្ដានុពលសេដ្ឋកិច្ច ជីវភាព និងតម្រូវការជាកស្ដែងរបស់ប្រជាពលរដ្ឋ។ រួចបង្កើតគម្រោងមេ បែងចែកតួនាទី ដឹកនាំប្រតិបត្តិ និងត្រួតពិនិត្យសកម្មភាព ទើបអាជីវកម្មមានជំហររឹងមាំ ប្រាក់ចំណូលអតិបរមា។

#ពាណិជ្ជកម្មជោគជ័យពឹងផ្អែកលើកត្តាបីយ៉ាងគឺ÷
១. ចំណេះវិជ្ជា ជំនាញ និងបទពិសោធន៍ (ការគ្របគ្រង់ធនធាន និងយុទ្ធសាស្ត្រទីផ្សារ)។
២. ដើមទុន វិនិយោគ (គម្រោងថវិកា អាជីវកម្ម ឧស្សាហកម្មតូច ធំសម្រាប់ប្រតិបត្តិការក្នុងរយ:ពេលខ្លី ឬវែង)។
៣. ថ្លៃឱកាស (ការប្រកូតប្រជែង និងប្រើប្រាស់ពេលវេលា ទទូលទិន្នផលខ្ពស់)។ មនុស្សលោកមានភាពទន់ខ្សោយ ខ្លះខាត ត្រូវការពីងអាស្រ័យគ្នាជានិច្ច។

# រ៉ស៊ូលុលឡោះﷺមានប្រសាសន៍ថា ៖
قال رسول الله ﷺ : « من نَفَّس عن مؤمن كُرْبة منْ كُرب الدُّنْيا ، نفَّس اللَّه عنْه كُرْبة منْ كُرَب يومِ الْقِيامَةِ ، ومنْ يسَّرَ على مُعْسرٍ يسَّرَ اللَّه عليْه في الدُّنْيَا والآخِرةِ ، ومنْ سَتَر مُسْلِماً سَترهُ اللَّه فِي الدنْيا والآخرة ، واللَّه فِي عوْنِ العبْد ما كانَ العبْدُ في عوْن أَخيهِ » . رواه مسلم
#មានន័យថា [បុគ្គលណាជួយដោះទុក្ខអ្នកមានជំនឿមួយក្នុងបណ្ដាទុក្ខក្នុងលោកិយនេះ អល់ឡោះនឹងជួយដោះទុក្ខគាត់វិញក្នុងបណ្ដាទុក្ខនានានៅថ្ងៃបរលោក។ បុគ្គលណាជួយសំរួលដល់អ្នកមានការលំបាក(អ្នកក្រីក្រ) អល់ឡោះនឹងជួយសំរួលដល់គាត់វិញទាំងក្នុងលោកិយ និងថ្ងៃបរលាក។ បុគ្គលណាជួយលាក់អាថ៌កំបាំង(មិនល្អ)របស់អ្នកឥស្លាម អល់ឡោះនឹងជួយលាក់អាថ៌កំបាំង(មិនល្អ)របស់គាត់ទាំងក្នុងលោកិយ និងថ្ងៃបរលោក]។

#បច្ចុប្បន្ន ម៉ូស្លីមកំពុងពិបាករកប្រភពសេវាកម្មកម្ចីគ្មានការប្រាក់ មកធ្វើដើមទុន ឬពង្រីកអាជីវកម្ម។ ដូច្នេះបើយើងសហការគ្នា បង្កើតគ្រឹះស្ថានមីក្រូហិរញ្ញវត្ថុបាន ពិតជាល្អប្រពៃណាស់។

#យេីងសហការគ្នាបង្កេីតអាជីវកម្មតាមច្បាប់ឥស្លាម សំរាប់ខ្លួនឯង ក្រុមគ្រួសារ និងទុកជាមរតកឲ្យអ្នកជំនាន់ក្រោយៗ (إن شاء الله)។ 💝ម៉ូស្លីម🌴

Address

Svay Krom, Tajeh, Kampongchnnang
Kampong Chhnang
2448

Telephone

+85570700736

Website

Alerts

Be the first to know and let us send you an email when CSCD Association Kh posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CSCD Association Kh:

Shortcuts

Share

Category