26/08/2026
កិច្ចប្រជុំស្តីពីបេសកកម្មរបស់មូលនិធិអន្តរជាតិសម្រាប់អភិវឌ្ឍន៍កសិកម្ម(IFAD)
………....... .... ………….
ខេត្តកំពង់ចាម៖ នាព្រឹកថ្ងៃពុធ ១៣កេីត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែសីហា ឆ្នាំ២០២៦, ដោយទទួលបានការអនុញ្ញាតដ៏ខ្ពង់ខ្ពស់ពី ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាល ទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) បុគ្គលិកធនាគារ ARDB ការិយាល័យចល័ត ខេត្តកំពង់ចាម បានចូលរួមកិច្ចប្រជុំជាមួយក្រុមបេសកកម្មរបស់មូលនិធិអន្តរជាតិសម្រាប់អភិវឌ្ឍន៍កសិកម្ម(IFAD) ដើម្បីគាំទ្រការអនុវត្តកម្មវិធីគាំទ្រសេដ្ឋកិច្ចជនបទ និងពាណិជ្ជកម្មផលិតផលកសិកម្ម(ASPIRE -AT) ដឹកនាំដោយលោកស្រី Elizabeth Ssendiwala (IFAD-Mission Team Leader)ក្នុងគោលបំណងសិក្សាវាយតម្លៃកសិករដែលទទួលបានឥណទាន និងអត្ថប្រយោជន៍ផ្សេងៗពីកម្មវិធី ASPIRE-AT ។ កិច្ចប្រជុំនេះរៀបចំឡេីងនៅឃ្លាំងសហគមន៍កសិកម្មអភិវឌ្ឍន៍ស្រុកយើង និងបានការអញ្ជើញចូលរួមពីលោកស្រី Elizabeth Ssendiwala (IFAD -Mission Team Leader) ព្រមទាំងលោក លោកស្រី តំណាងក្រសួង, ស្ថាប័នរដ្ឋ, វិស័យឯកជន និងកសិករសមាជិកសហគមន៍កសិកម្ម សរុបចំនួន ៣២នាក់ ក្នុងនោះស្ត្រីចំនួន ០៨នាក់។
