13/03/2026
⚠️ ជម្រាបសួរអតិថិជនទាំងអស់ជាទីគោរព
ថ្មីៗនេះមានជនឆបោកជាច្រើន បានបន្លំខ្លួនធ្វើជាបុគ្គលិករបស់ គ្រឹះស្ថានមីក្រូហិរញ្ញវត្ថុ មហានគរ ម.ក ដើម្បីឱ្យអតិថិជនផ្ញើតារាងបង់ប្រាក់, និងឯកសារផ្សេងៗ ក្នុងគោលបំណងអោយទូទាត់កម្ចី (ឥណទាន) តាមរយៈការស្គេន QR Codeរបស់ក្រុមឆបោកនោះ ។
អាស្រ័យដូចនេះ គ្រឹះស្ថានមីក្រូហិរញ្ញវត្ថុ មហានគរ ម.ក សូមបញ្ជាក់ជូនអតិថិជនអោយបានជ្រាបថា៖
គ្រឹះស្ថាន មិនមានគោលការណ៍ណែនាំតម្រូវឱ្យអតិថិជនបង់ប្រាក់តាមរយៈការស្គេន QR កូដ របស់បុគ្គលិកណាម្នាក់ ដើម្បីទូទាត់ប្រាក់កម្ចី(ឥណទាន) ឡើយ។ សូមប្រុងប្រយ័ត្នដើម្បីការពារខ្លួនពីការឆបោក ដែលអាចធ្វើបាត់បង់សាច់ប្រាក់ ។
សូមចងចាំចំណុចងាយៗទាំងនេះ៖
✅ កុំចុចលីង (Link) ដែលមិនមានប្រភពច្បាស់លាស់ ។
🚫 ដាច់ខាត កុំប្រាប់ ឬផ្ញើ ព័ត៌មានគណនី លេខសម្ងាត់ ឬលេខបញ្ជាក់ (OTP) របស់អ្នកទៅជនមិនស្គាល់ឡើយ។
🚫 កុំដោនឡូត ឬទាញយកកម្មវិធី ដែលមិនមានប្រភពច្បាស់លាស់។
បើមានការសង្ស័យសូមប្រញ៉ាប់ទាក់ទងមកគ្រឹះស្ថានភ្លាមៗ តាមរយៈលេខទូរស័ព្ទ 1800-20-6666 / 096-626-2888 ឬបណ្ដាញទំនាក់ទំនងផ្លូវការ ឬមកទីតាំងសាខានៃគ្រឹះស្ថានមីក្រូហិរញ្ញវត្ថុមហានគរ ម.ក ដែលនៅជិតលោកអ្នក ដើម្បីសួរបញ្ជាក់បន្ថែម ។
សូមអតិថិជនទាំងអស់ប្រុងប្រយ័ត្នពីការឆបោកទាំងនេះ។
សូមអរគុណ!