24/09/2013
HANQADHKU HA KU HABSADO!
Wuxuu ahaa berigii h**e nin
dhalinyaraa, xoog iyo lixaad
ilaahay siiyey oo aan lagu dhici
karin, hayeeshee haddii geeriye
ku deyso gabow baan ku deyn..
Ninkii wuu cimriyey, bukaanna
waa noqday, oo macaan iyo lafa
xanuun baa helay, tabartiisi wey
yaraatay, laftiisiina wey jilicday,
shaqadii badnaydna waa gabay..
Wuxuu ahaa nin shaqaysta oo
miyi iyo magaalo u dhexeeya,
haatanna miyiga ayuu ku soo
ururay..
Wuxuu qabaa gabar ay mar h**e
is guursadeen, sagaal Caruura
ayaa ilaahay kala siiyey, 4 wiil iyo
5 gabdhood.. Korriimadooda ayuu
ku dadaalay, cid uma ay baahan
jirin, laakiin hadda reerku inta
badan miyiga ayuu ku soo ururay.
Hadduu Odagu sidaa u tabar
dareeyey oo soo gotey, habartu
weli waa xoog, caruurteeduna in
badan waa hana qaad..
Habarta iyo caruurteedu Odaga
ma daryeelaan, mana u qabtaan
adeeg yada uu u baahan yahay..
Sidaa darteed wuxuu marar
badan ku noolyahay gacanta ay u
fidiyaan kuwa uu adeerka u yahay
ama qaraabada la ah, oo
degaanka reerka ku dhow..
Waxaaba dhacday ama se arrin
lagu sheekaysto noqotey, habarta
iyo caruurteedu iney Odaga sii
takhan takheeyaan, amaba
gacanta u qaadaan..
Maalin maalmaha ka mid ah iyada
oo ay u jeedo haweeney deriska
ah, reerkuna tuula yar oo miyiga
ah yaal, ayuu odagu goor barqa
ah soo hormaray reerka deriska
ah..Wax yar ka dib waa tan
xaaskiisii oo ul dheer la ordeysa,
Odagii ayey ushii labada luguud
kaga dhufatay, wajiga ayuu u
dhacay, ushii ayey la dul istaagtey,
aadna wey u garaacday! Dadka
qaar ayey arrintaasu naxdin ku
abuurtay.. Saa waxaaba lagu yiri:
Habarta iyo Wiilasheedu waa
isugu tagaan oo sidaas ayey u
wada garaacaan..
Gabar uu adeer u yahay ayuu
goor barqa ah kusoo baxay,
iyadoo shalay galab iyo xalayba
roob badan oo Hillaac iyo
Hanqadhba huwani habeenkaa
reerka ku da'ay.. Wexey is
dhaafsadeen hadalada :
Gabadha :Adeer xagee ka timi?
Odaga : Waxaan soo eegayey
Hanqadhkii shalay galab dhcayey
inuu kuwii ku habsadey iyo in
kale!
Gabadhii oo Naxsan: Adeer
maxaad hanqadhka inuu ku
dhoco ugu bariday?
Odaga : Hanqadhku inuu ku
habsado ayaan sugaayey..
Ayaamaha ay garaaceen wax yar
ka dib Odaygii waa
geeriyoodey..Waxaase yaab ku
noqotay dadkii xaaladda reerkaas
la socdey waxa ay ku dambaysey
ciribtii hooyadaas iyo
caruurteedu..
4 tii wiil 2 wey waalatay, midna
qallal iyo gariir ayaa isugu darmay
iyo miyir daboolan, midna wuxuu
noqday ruux sidii waalan
suuqyada meera oo aan shaqo iyo
hawl midna looga fadhin..
Gabdhihiina wax meel maraa
k**a soo bixin.. 9kii caruurta
ahayd wexey noqdeen dambas
aan wax la qaato lahayn..
Habartiina hammi iyo murugo
ayey habeen iyo maalin la
hagoogataa, nolol silicana wey ku
nooshahay.. Waa habartii
Odaygeeda oo da' ah oo jirran
garaaci jirtey iyada iyo
caruurteedu, ayaa meel kasta u
taal, hanqadhkii Odaygu
sheegayana malaha wuu ku
habsadey..
War dadow dulmiga ha layska jiro,
gaar ahaanna dadka qaddarinta
iyo baarrinimada kaa mudan..
Gabdhaha Muslimkaaye ha
ogaadaan wexey waalidkood ama
waalidka ninkooda kula
dhaqmaan ayey ilmohooda ka
helaan, baarrinimo iyo Caaqnimo..
Gabadha Muslimkaaye
nimankooda waa sayidkoodii ee
ha qaddariyaan, hana u
hoggaansamaan wixii daacada
ilaahay ah, Ragguna xaasaskooda
ha u naxariistaan, oo xumaynta
iyo xila gub nimada hayska
ilaaliyaan..Ubadkuna Hooyada iyo
Aabaha waxaan wanaag ahayn
yuu ku dhex gelin, khilaafkoodana
ha ka gaabsado, wixii aan islaax
baarrinimo ahayn..
Qof walbowna ogow waxaad
hormarsato ayaa kuu yaal..
