28/09/2021
للمبتدئين الي بيسألوا كيف يبدو في هذا المجال :
اول اشي بدي احكي انه مجالات الربح من العملات الرقميه واسعه جدا وهذا عالم كبير وبده فهم وتعلم
بالبدايه اشهر طريقه للربح في هذا المجال هي التداول ( الأستفاده في فروقات السعر للعملات )
يعني مثال : انا بشتري ب 100$ عملة البيتكوين وهيي سعرها 10000$ بس يصير سعرها 11000$ هون في ارتفاع 10% انا ببيعها هون ال100$ بتصير 110 $ وبكون ربحت 10$ كمثال
ولو صار سعر البيتكوين 20000$ ال100$ بتصير 200$
طبعا اذا نزل السعر بالمثال السابق وصار 5000$ بكون خسرت 50$
ملاحظه : انت كمية البيتكوين او العملة الي شريتها ثابته بس سعرها تغير
مثال انا معي حبه بيتكوين نزل السعر او طلع بيضل معي حبه بيتكوين بس مثلا بتصير قيمتها بدل 10000$ بتصير 20000$ او 5000$ وهون الربح او الخساره
طبعا ما في مبلغ معين تشتري فيه عادي ممكن تشتري ب 10$ بيتكوين وممكن تشتري ب مليون حتى لو سعر الحبه 30000$
طبعا هسا بنشرح كيف بيتم البيع والشراء :
اول اشي بدك تعمل منصه من منصات التداول وهاي مثل حساب البنك بس مختص بالعملات الرقميه وراح احط رابط اشهر منصه اخر الشرح
اول اشي بتدخل على الرابط وبتسجل دخولك زي كأنك بتعمل اي حساب وبتعبي معلوماتك الي بتنطلب منك
هون انت صار عندك حساب للتداول او مكان بتقدر تخزن فيه البيتكوين او اي عملة رقميه فيها وبتقدر تشوف السعر كيف بيتحرك بكل عمله وشو تاريخ كل عمله ومتى طلعت ومتى نزلت بكبسه زر
الخطوة الثانيه هيي انك تشتري عملات رقميه عشان تصير تتداول فيها او تخزنها وهاي الخدمه احنا موفرينها على الجروب تواصل معنا ومنساعدك بالموضوع والموضوع سهل جدا بتدفع القيمه الي بدك اياها بغض النظر عن طريقه الدفع كاش او تحويل الى اخره وبتوخذ مكانها عملتك وبتتحولك على المنصه وبيصير عندك رصيد
عشان تستقبل على المنصه بدك تختار العملة الي بدك اياها من المنصه عند خيار المحفظه او Wallet وتحط خيار Deposit او ايداع بيطلعلك عنوان محفظه بتنسخه وبترسلة للشخص الي بده يحولك هاض العنوان هوه عنوان محفظتك مثل رقم حسابك بالبنك
العملة الي بنتعامل فيها غالبا اسمها USDT وهي عملة ثابتة ما بيتغير سعرها وقيمتها تساوي واحد دولار وعن طريقها بتقدر تشتري اي عملة بدك اياها زي ما راح نشرح هسا
هيك صار عندك محفظة بأسمك وصار عندك رصيد فيها كيف بدك تشتري عملات وتعمل تداول وتربح
لنفرض معك رصيد من عملة USDT الي هيي الدولار الرقمي الي حكينا عنها بتفوت على خيار تداول او trade بالمنصه بتختار العملة الي بدك تبدلها بعملتك الي هيي USDT
مثلا بدك تشتري بيتكوين بتحط خيار USDT / BTC كل عمله الها رمزها بيصير يعطيك السعر بيتغير قدامك وبعطيك خيارين بيع وشراء sell buy وبيكون عندك مكانين تعبيهم واحد بيكون فيه سعر البيتكوين حاليا وبتقدر تغيره زي ما راح نشرح لاحقا والثاني القيمه الي بدك تشتري فيها انت بتحط كل القيمه الي معك وبتخلي السعر الي بدك تشتري فيها مثل ما هوه كمثال وبتكبس على خيار شراء هون مباشره بتحول رصيدك من عملة ال USDT لعملة البيتكوين وبتصير انت داخل السوق وتغير السعر بيخسرك وبيربحك
لنفرض انت ربحت وصارت قيمة ال100$ بيتكوين 110$ وخفت ينزل السعر وتخسر بترجع على نفس الخيار وبتحط بدل خيار شراء خيار بيع وهون انت بجزء من الثانيه بتبيع البيتكوين الي معك وبيرجع رصيدك بعملة الدولار الرقمي USDT وما بيتأثر بالسعر
وقت ما بدك بتبيع ووقت ما بدك بتشتري واي قيمه بدك اياها واي عمله بدك اياها وبتقدر تكرر الموضوع قد ما بدك بيع وشراء
تمام طيب لنفرض انك كل ما ينزل السعر شريت وكل ما طلع السعر بعت وزاد المبلغ الموجود في محفظتك وبدك كاش
هون بترجع بتعرض القيمه الي معك على الجروب هون او بتتواصل معنا واحنا منوخذها منك مباشره ومنعطيك كاش
ملاحظة مهمه : هاض شرح سريع للعملية بشكل عام فقط ما حبيت اطول اكثر ، الموضوع مش سهل وفي احتماليه خساره كبيره بدك تتعلم وتعرف متى تشتري ومتى تبيع للناس الي داخلة تتداول مش داخلة تحط بالمحفظه للزمن
الموضوع فيه كثير تفاصيل انا اخصرت كثير وحكيت بشكل عام والهدف هوه فهم اليه واحده من طرق الربح من هذا المجال
مجرد ما فهمت بشكل عام كيف الآليه وقدرت تشوف الأسعار وتتابعها هاي اول خطوه لدخول المجال بعد هيك في خيارات ثانيه على المنصه بتتعلمها مع الوقت
مش غلط لو دخلت بمبلغ بسيط تتدرب فيه وتفهم كيف تشتغل
هي رابط منصه binance وحده من اشهر منصات التداول .
https://accounts.binance.com/en/register?ref=96005561
Binance cryptocurrency exchange - We operate the worlds biggest bitcoin exchange and altcoin crypto exchange in the world by volume
