Nasdaq Iceland

08/09/2026

🌟Tveir dagar til stefnu! Lumarðu á góðri hugmynd að verkefni sem getur eflt fjármálalæsi? Það er opið fyrir umsóknir um styrk til vinnunnar til miðnættis 10. september!

Umsóknum má skila á netfangið [email protected], en nánari upplýsingar, umsóknargögn og fréttatilkynningu má finna hér að neðan.👇

⏰ Opið fyrir umsóknir til 10. september!

Við minnum á að opið er fyrir umsóknir í Styrkjaúthlutun Nasdaq Iceland fyrir verkefni sem efla fjármálalæsi.

Nánari upplýsingar, umsóknargögn og fréttatilkynningu má finna í hlekkjum í fyrstu ummælum.👇

27/08/2026

🌟Ásar hf. fær nýtt nafn og auðkenni í viðskiptakerfum Nasdaq Iceland!

Frá og með deginum í dag hefur formleg nafnabreyting félagsins úr Símanum hf. í Ása hf. tekið gildi í viðskiptakerfum Nasdaq Iceland. Samhliða breytist auðkenni hlutabréfa félagsins úr SIMINN í ASAR.

Nafnabreytingin markar nýjan kafla í sögu félagsins og endurspeglar þá umbreytingu sem orðið hefur á starfsemi þess undanfarin ár. Nýja nafnið endurspeglar þróun félagsins og framtíðarsýn þess um leið og það markar upphaf nýs kafla í sögu fyrirtækisins. Til að fagna áfanganum heimsótti María Björk Einarsdóttir, forstjóri Ása okkur í Kauphöllina og hringdi bjöllunni góðu🔔.

Við óskum stjórnendum, starfsfólki og hluthöfum Ása hf. innilega til hamingju með tímamótin og hlökkum til að styðja við áframhaldandi vegferð félagsins á markaði🫶.

24/08/2026

Þann 20. ágúst sl. voru 18 fyrirtæki heiðruð fyrir að vera Fyrirmyndarfyrirtæki í stjórnarháttum. Þar af voru 14 félög skráð félög á hlutabréfamarkaði Nasdaq Iceland eða dótturfélög þeirra. Viðurkenningin er veitt af Stjórnvísi, Viðskiptaráð Íslands, Samtök atvinnulífsins og Nasdaq Iceland.

Markmið viðurkenninganna er að efla traust í íslensku viðskiptalífi með því að hvetja fyrirtæki til að tileinka sér góða stjórnarhætti, skýra ábyrgðarskiptingu og faglegt stjórnarstarf. Góðir stjórnarhættir eru mikilvæg forsenda trausts, ábyrgra ákvarðana og sjálfbærrar verðmætasköpunar til lengri tíma.

Við óskum félögunum innilega til hamingju með þennan árangur og sérstaklega þeim sem hljóta viðurkenninguna í fyrsta sinn. Það er ánægjulegt að sjá sífellt fleiri fyrirtæki leggja metnað í að styrkja stjórnarhætti sína og stuðla þannig að öflugra og traustara atvinnulífi á Íslandi.

Nánari upplýsingar um þau félög sem hlutu viðurkenningu í ár má finna á hlekk í fyrst ummælum.

20/08/2026

⏰ Opið fyrir umsóknir til 10. september!

Við minnum á að opið er fyrir umsóknir í Styrkjaúthlutun Nasdaq Iceland fyrir verkefni sem efla fjármálalæsi.

Nánari upplýsingar, umsóknargögn og fréttatilkynningu má finna í hlekkjum í fyrstu ummælum.👇

10/07/2026

🏛️Skuldabréfamarkaður Nasdaq Iceland: grunnþáttur í fjármögnun samfélagsins.

Á meðan hlutabréfamarkaðurinn fær gjarnan meiri athygli vinnur skuldabréfamarkaðurinn í bakgrunni og sér til þess að fyrirtæki, sveitarfélög, fjármálafyrirtæki og ríkið hafi aðgang að fjármagni þegar á þarf að halda.

Fyrri helmingur ársins 2026 hefur verið góður vitnisburður um styrk íslenska skuldabréfamarkaðarins. Á fyrstu s*x mánuðum ársins voru gefin út ný skuldabréf af fjölbreyttum hópi útgefenda; ríki, sveitarfélögum, fjármálafyrirtækjum og fyrirtækjum úr ólíkum atvinnugreinum, skráðum sem óskráðum á hlutabréfamarkaði, en alls voru tekin til viðskipta 44 skuldabréf og víxlar. Á síðustu 12 mánuðum hefur útistandandi nafnverð skráðra skuldabréfa aukist um 379 milljarða króna.

Jafnframt hefur virkni skuldabréfamarkaðarins verið mikil og svipuð og á síðasta ári. Á fyrri helmingi þess árs námu viðskipti með skuldabréf 7,4 milljörðum króna á dag miðað við 7,5 milljarða á sama tíma í fyrra.

En kannski er stærðin á markaðnum ekki áhugaverðust, heldur áhrifin.

Á bak við hvert skuldabréf er verkefni, fjárfesting eða uppbygging. Verið er að fjármagna rekstur fyrirtækja, húsnæðislán, styðja við fjárfestingar, lána til sveitarfélaga, byggja upp innviði og tryggja aðgengi að fjármagni þegar á þarf að halda.

Skuldabréfamarkaðurinn er þannig einn af burðarásum hagkerfisins og tengir fjárfestingar við þarfir og uppbyggingu í samfélaginu.

08/07/2026

📢 Opið fyrir umsóknir í Styrkjaúthlutun Nasdaq Iceland

Fjármálalæsi er mikilvæg forsenda þess að fólk geti tekið upplýstar ákvarðanir um fjárhagslega framtíð sína. Þess vegna tilkynnum við með ánægju að nú er opið fyrir umsóknir í Styrkjaúthlutun Nasdaq Iceland, sem styður verkefni sem efla fjármálalæsi og auka aðgengi að þekkingu um verðbréfamarkaði.

Á síðasta ári hlutu tvö verðug verkefni styrk úr úthlutuninni sem Dyngja og Fortuna Invest stóðu fyrir og við hlökkum til að sjá hvaða verkefni í ár munu skara fram úr við að leggja sitt af mörkum til að efla fjármálalæsi á Íslandi.

Við hvetjum félög, stofnanir og samtök með metnaðarfull verkefni á þessu sviði til að kynna sér úthlutunina og sækja um.

📅 Umsóknarfrestur er til 10. september 2026 og senda má umsóknir á netfangið [email protected]. Nánari upplýsingar má finna í fréttatilkynningu https://lnkd.in/dJ_hdrjd og á vef Nasdaq Nasdaq Nordic Foundation, sjá hlekk í fyrstu ummælum.

25/06/2026

Við bjóðum Styrkás innilega velkomið á skuldabréfamarkað Nasdaq Iceland en í gær voru fyrstu tveir skuldabréfaflokkar félagsins skráðir í Kauphöllina. Félagið hefur á skömmum tíma byggt upp öflugan rekstur og skapað sér sterka stöðu á markaði, og skuldabréf Styrkás verða áhugaverð viðbót við flóru skráðra skuldabréfa í Kauphöllinni.

22/06/2026

Til hamingju með 5 ára skráningarafmælið, Íslandsbanki!

Skráning bankans á Aðalmarkað þann 22. júní 2021 var mikilvægur áfangi á íslenskum hlutabréfamarkaði og það var einnig hið stóra almenna hlutafjárútboð bankans á síðasta ári. Útboðið var það stærsta í Íslandssögunni, með þátttöku tugþúsunda einstaklinga, og markaði fyrstu skref fjölda nýrra fjárfesta á markaðnum.

Við þökkum Íslandsbanka fyrir frábært samstarf og óskum bankanum og hluthöfum allra heilla á áframhaldandi vegferð.

28/05/2026

Frábær mæting var á viðburðinn "Svona byrjar þú að fjárfesta" í gærkvöldi, sem við héldum í samstarfi við Björn Berg, fjármálaráðgjafa en um 200 manns mættu til leiks í Tónabíó. Baldur Thorlacius, framkvæmdastjóri skráninga hjá Nasdaq Iceland flutti erindi um hvernig fjárfestingar fara fram í Kauphöllinni, frumútboð og fyrirkomulag viðskipta. Björn fór síðan yfir hvernig einstaklingar geta náð sem bestum árangri á verðbréfamarkaði.

Mikill áhugi undirstrikar mikilvægi fjármálalæsis, sem er lykilþáttur fyrir virkari, upplýstari og viðnámsbetri fjárfesta.

27/05/2026

Í dag eru 5 ár síðan Síldarvinnslan var skráð á Aðalmarkað!🥳Skráningardagurinn var bjartur og fallegur, en athöfnin fór fram um borð í togaranum Berki II sem lá við höfn í Nesskaupsstað, þann 27. maí 2021.

Það hefur verið ánægjulegt að fylgjast með vegferð félagsins á markaði frá skráningu og þeim árangri sem hefur náðst. Síldarvinnslan (SVN) hefur styrkt stöðu sína sem eitt af lykilfélögum íslensks atvinnulífs og er mikilvægur þátttakandi á íslenskum hlutabréfamarkaði. Við hlökkum til áframhaldandi samstarfs og að styðja við verðmætasköpun þeirra fyrir hluthafa og samfélagið í heild. Til hamingju öll hjá Síldarvinnslunni🩵!