TM

04/09/2026

Starfsfólk TM tekur þátt í Treyjudeginum 💚

Í dag klæddist starfsfólk TM sínum uppáhaldstreyjum til stuðnings börnum með krabbamein og fjölskyldum þeirra.

Treyjudagurinn er árlegur fjáröflunardagur Styrktarfélags krabbameinssjúkra barna. Á deginum er safnað fyrir mikilvægu starfi félagsins.

Við hjá TM erum stolt af því að leggja málefninu lið 💚

26/08/2026

Það var góð stemning á Menningarnótt þegar við buðum upp á barnaskemmtun og tónleika í Reykjastræti í tilefni af 70 ára afmæli TM og 140 ára afmæli Landsbankans 🎉

Kærar þakkir til allra sem litu við og tóku þátt í gleðinni með okkur! Hér má sjá nokkrar svipmyndir frá frábærum degi. 💚💙

10/08/2026

Sólmyrkvagleraugun okkar eru búin.
Takk fyrir frábærar viðtökur 💚

24/07/2026

Gangi ykkur vel í Houston!

Við hjá TM erum afar stolt af því að styðja við ferð íslenska liðsins á Genuine Cup í Houston, þar sem þau munu keppa sem fulltrúar Íslands ásamt liðum frá um 50 þjóðum. Sérstaklega ánægjulegt er að þetta er í fyrsta sinn sem Ísland sendir lið til þátttöku á mótinu.

Í vikunni náðum við myndum af hópnum á æfingu áður en haldið er af stað á sunnudaginn í þetta einstaka ævintýri.

Við óskum öllum leikmönnunum góðrar ferðar, góðs gengis á mótinu og umfram allt skemmtilegrar og eftirminnilegrar upplifunar.

Áfram Ísland!

14/07/2026

Ert þú týpan sem tekur áhættu með í reikninginn?

Við leitum að tryggingastærðfræðingi sem vill taka þátt í að þróa lausnir sem styðja við verðlagningu, greiningar og mat á áhættu hjá TM.

Í starfinu vinnur þú með flókin gögn og líkön, greinir þróun tjóna og tekur þátt í stefnumótandi verkefnum þar sem aukin sjálfvirkni og betri nýting gagna eru í forgrunni.
Ef þú ert með sterkan fræðilegan grunn í tryggingastærðfræði, stærðfræði, tölfræði eða skyldum greinum og hefur gaman af því að leysa krefjandi verkefni í öflugu teymi, viljum við heyra frá þér.

🕒 Umsóknarfrestur er 2. ágúst.
Nánari upplýsingar og umsókn 👉

Viltu starfa hjá TM?

19/06/2026

Í gegnum árin hafa þúsundir stelpna tekið þátt í TM mótinu í Eyjum. Margar af fremstu knattspyrnukonum landsins skoruðu líklega sín fyrstu keppnismörk einmitt þar.

Við erum stolt af því að styðja við vettvang þar sem ungar knattspyrnustelpur fá tækifæri til að vaxa, dafna og njóta sín. Það snýst ekki bara um mörk og sigra, heldur líka um vináttuna, gleðina og samveruna. Eins og ein stelpan á mótinu sagði:

„Mér finnst skemmtilegast að vera með vinkonum mínum og spila fótbolta“ 💚

Takk fyrir komuna á TM mótið í Eyjum!
Áfram stelpur! 💚⚽

12/06/2026

Fjölskylduhlaup TM á Sjómannadaginn 💚⚓

Það var líf og fjör á Grandanum í Reykjavík síðasta sunnudag þegar fjölskyldur komu saman í Fjölskylduhlaupi TM og Frjálsíþróttasambands Íslands á Sjómannadaginn.

Íbúar Latabæjar sáu um fjöruga upphitun áður en lagt var af stað um Grandann og að hlaupi loknu fengu öll börn glaðning að launum fyrir þátttökuna.

Þar sem hlaupið var haldið í samstarfi við umsjónaraðila Sjómannadagsins gátu fjölskyldur einnig notið fjölbreyttrar dagskrár að hlaupi loknu. Margir nýttu tækifærið til að skoða ísfisktogara, kynnast furðufiskum og taka þátt í þeim fjölmörgu viðburðum sem boðið var upp á á hafnarsvæðinu.

Við hjá TM leggjum ríka áherslu á að styðja verkefni sem hvetja til hreyfingar, samveru og heilbrigðs lífsstíls. Það var því sérstaklega ánægjulegt að sjá svo margar fjölskyldur njóta dagsins saman.

Takk fyrir daginn. Við hlökkum til að sjá ykkur aftur að ári. 💚

10/06/2026

⭐️ Viðskiptavinir TM eru með forskot í Vild Landsbankans ⭐️

Vild er nýtt vildarkerfi Landsbankans. Þar sem TM er hluti af Landsbankanum geta viðskiptavinir TM einnig notið fríðinda í Vild.

Hvernig virkar Vild?

Þú safnar stigum þegar þú nýtir þjónustu Landsbankans. Stigin ráða því í hvaða vildarþrepi þú ert og eftir því sem þú ferð ofar, færðu meiri fríðindi.

Viðskiptavinir í Fjölskylduleið TM fá 3.000 stig í Vild. Það getur hjálpað þér að komast hraðar upp um vildarþrep og opnað á fleiri fríðindi.

Dæmi um fríðindi:

- Hærri vextir á sparnaði hjá Landsbankanum
- Lægri vextir á nýjum íbúðalánum hjá Landsbankanum
- Fleiri Aukakrónur (til viðbótar við 1% endurgreiðslu fyrir þá viðskiptavini sem borga iðgjöldin með korti sem safnar Aukakrónum)

https://www.tm.is/um-tm/frettir/vild-landsbankans

05/06/2026

Til hamingju með sjómannadaginn, sjómenn og fjölskyldur þeirra. ⚓

Saga TM er samofin íslenskum sjávarútvegi allt frá stofnun félagsins og við erum stolt af þeim sterku tengslum sem hafa byggst upp í gegnum árin.

„Það eru forréttindi að vera á sjó en líka mjög erfitt oft að kveðja fjölskyldu og vini.“
– Sigurður Jónsson, skipverji á Viðey

Við hjá TM viljum við færa öllum þeim sem starfa á sjó, og fjölskyldum þeirra, okkar bestu kveðjur og ósk um gleðilega sjómannadagshelgi 💚

05/06/2026

Fjölskylduhlaup TM er á sunnudaginn 7. júní.
Hér er skráning fyrir litla hlaupara. https://netskraning.is/fjolskylduhlaup-tm/

Hlökkum til að sjá ykkur!