Arctica Finance

16/06/2022

Alvotech skráð á Nasdaq New York

Í dag voru hlutabréf Alvotech Holdings skráð á Nasdaq hlutabréfamarkaðinn í New York. Á næstu dögum verður öðrum áfanga náð með samhliða skráningu félagsins á Nasdaq First North Growth markaðinn á Íslandi. Arctica Finance, Landsbankinn og Arion banki voru meðal ráðgjafa Alvotech við hlutafjáraukningu í aðdraganda skráningar.

Við upphaf viðskipta var Alvotech eina íslenska fyrirtækið sem skráð er á markað í Bandaríkjunum. Jafnframt er stefnt að því að bréf í Alvotech verði tekin til viðskipta á NASDAQ First North Growth markaðnum á Íslandi frá og með 23. júní 2022, en það yrði í fyrsta sinn sem bréf í íslensku fyrirtæki eru skráð samtímis til viðskipta í á hlutabréfamarkaði í Bandaríkjunum og á Íslandi.

Frá stofnun Alvotech fyrir áratug, hefur Alvotech byggt upp sérhæfða hátæknimiðstöð með allri aðstöðu á einni hendi til þróunar- og framleiðslu líftæknihliðstæðulyfja á stórum skala. Líftæknihliðstæðulyf hafa sömu klínísku virkni og líftæknilyf, sem hafa reynst vel til meðferðar við fjölda sjúkdóma og eru sá hluti lyfjamarkaðarins sem vex einna hraðast. Þannig vinnur Alvotech að því að auka aðgengi sjúklinga að ódýrari líftæknilyfjum með framleiðslu líftæknihliðstæðulyfja sem geta dregið úr kostnaði við rekstur heilbrigðiskerfa um allan heim.

21/06/2021

PLAY býður til kynningarfundar á morgun, þriðjudaginn 22. júní kl. 8:30 í tengslum við hlutafjárútboð félagsins daganna 24. til 25. júní nk.

Hlutafjárútboð Fly Play hf. munu standa yfir frá kl. 10:00, fimmtudaginn 24. júní nk. og ljúka kl. 16:00 föstudaginn 25. júní.

21/04/2021

Arctica Finance lýkur vel heppnuðu hlutafjárútboði PLAY

Arctica Finance hafði umsjón með lokuðu hlutafjárútboði Fly Play hf. (PLAY) sem fram fór fyrr í þessum mánuði. Alls bárust bindandi áskriftir að 378.093.200 nýjum hlutum í félaginu á genginu ISK 15,875 pr. hlut. Heildarsöluverð hins nýja hlutafjár er því ISK 6.002.229.552. Fyrir hækkunina var heildarfjöldi útgefinna hluta í félaginu 100.000.000 og er heildarfjöldi útgefinna hluta að aflokinni hækkuninni því 478.093.200.

PLAY stefnir á að skrá hlutabréf félagsins á Nasdaq First North Iceland og mun Arctica Finance verða umsjónaraðili skráningarinnar og útboðs sem til stendur að efna til samhliða skráningunni. Undirbúningur að skráningu félagsins er þegar hafinn.

10/03/2021

Íslenskir fjárfestar leggja Alvotech til um tvo milljarða

Líftæknifyrirtækið Alvotech hefur lokið fjármögnun upp á samtals USD 35 milljónir, jafnvirði um ISK 4,5 milljarða, en í þeim hópi sem leggja félaginu nú til nýtt hlutafé eru íslenskir fjárfestar.

Samtals hefur Alvotech sótt sér um USD 100 milljónir í nýtt hlutafé á undanförnum fjórum mánuðum. Auk íslensku fjárfestanna, sem lögðu fyrirtækinu til um USD 15 milljónir, jafnvirði tæplega ISK 2 milljarða, komu inn nýir erlendir strategískir fjárfestar. Með fjármögnuninni er búið að tryggja rekstur fyrirtækisins fram að áformuðu hlutafjárútboði og skráningu á markað erlendis síðar á árinu.

Arctica Finance var ráðgjafi félagsins við hlutafjáraukninguna innanlands.

25/02/2021

Mikill áhugi fjárfesta á þriðja víxlaútboði ÚR

Útgerðarfélag Reykjavíkur hf. hélt lokað útboð á víxlum í tveimur flokkum miðvikudaginn 24. febrúar sl. Þetta er þriðja útboð félagsins á innan við hálfu ári, en það fyrsta á þessu ári. Útboðið heppnaðist mjög vel líkt og áður. Tilboð bárust að fjárhæð 3.500 millj. kr. frá 14 aðilum sem var umtalsvert meira en í síðasta útboði. ÚR ákvað að taka tilboðum fyrir 3.000 millj. kr. á 3,55% meðaltals vöxtum, en álag á Reibor lækkaði um 0,15% frá síðasta útboði. Arctica Finance hf. annaðist útboðið.

ÚR vinnur nú ásamt Arctica Finance að undirbúningi að útgáfu skuldabréfa til lengri tíma sem tilkynnt verður um á næstunni.

ÚR er öflugt sjávarútvegsfyrirtæki sem leggur áherslu á arðsemi og sjálfbæra nýtingu auðlinda. Með stefnumótandi fjárfestingum í aflaheimildum og traustum sjávarútvegsfyrirtækjum á Íslandi og Grænlandi hefur félagið byggt upp eignir að verðmæti um 430 millj. evra. Eiginfjárhlutfall félagsins var 55,7% á miðju ári 2020. Rekstur félagsins er í dag þríþættur. Í fyrsta lagi er ÚR hefðbundið íslenskt sjávarútvegsfyrirtæki, sérhæft í rekstri frystitogara. Í öðru lagi er félagið stærsti hluthafinn í Brim hf. sem er eina skráða sjávarútvegsfélagið á Íslandi og í þriðji lagi vinnur félagið að nýsköpun og vöruþróun í sjávarútvegi í gegnum dótturfélagið ÚR Innovation. ÚR er stofnaðili að samfélagsstefnu SFS en fyrirtæki innan vébanda SFS hafa markað sér stefnu í samfélagsábyrgð sem grundvallast á heimsmarkmiðum Sameinuðu þjóðanna um sjálfbæra þróun.

17/12/2020

Samruni Eldeyjar og Kynnisferða

Eldey og Kynnisferðir hafa undirritað samkomulag um sameiningu félaga í eignasafni Eldeyjar og Kynnisferða. Við það sameinast rekstur Kynnisferða, Arcanum Fjallaleiðsögumanna, Logakórs og Sportköfunarskóla Íslands, auk þess sem sameinað félag mun verða minnihlutaeigandi í Íslenskum Heilsulindum, Lava Center og Raufarhólshelli.

Með sameiningunni verður til eitt stærsta ferðaþjónustufyrirtæki landsins. Markmið sameiningarinnar er að gera samrunaaðila betur í stakk búna fyrir öfluga viðspyrnu greinarinnar þegar ferðalög hefjast af fullum þunga, með auknum krafti í sölu- og markaðsstarfi.

Samkomulagið er gert með fyrirvara um samþykki Samkeppniseftirlitsins og munu samrunaaðilar ekki tjá sig frekar um viðskiptin meðan á málsmeðferð stendur.

Fyrirtækjaráðgjöf Arctica Finance, fyrirtækjaráðgjöf Íslandsbanka, BBA // FJELDCO og Deloitte veittu samrunaaðilum ráðgjöf við viðskiptin.

25/11/2020

Áfram mikill áhugi fjárfesta á útboði ÚR

Útgerðarfélag Reykjavíkur hf. hélt lokað útboð á víxlum í tveimur flokkum þriðjudaginn 24. nóvember sl. fyrir milligöngu Arctica Finance. Þetta er annað útboð félagsins á árinu, en það fyrra fór fram í ágúst sl. Útboðið heppnaðist mjög vel eins og hið fyrra og bárust tilboð að fjárhæð ISK 3.060 m frá 13 aðilum. ÚR ákvað að taka tilboðum fyrir ISK 2.360 m á 3,54% meðaltals vöxtum og voru þeir 0,28% lægri en í fyrra útboðinu.

ÚR er öflugt sjávarútvegsfyrirtæki sem leggur áherslu á arðsemi og sjálfbæra nýtingu auðlinda. Með stefnumótandi fjárfestingum í aflaheimildum og traustum sjávarútvegsfyrirtækjum á Íslandi og Grænlandi hefur félagið byggt upp eignir að verðmæti um EUR 430 m. Eiginfjárhlutfall félagsins var 55,7% á miðju ári 2020. Rekstur félagsins er í dag þríþættur. Í fyrsta lagi er ÚR hefðbundið íslenskt sjávarútvegsfyrirtæki, sérhæft í rekstri frystitogara. Í öðru lagi er félagið stærsti hluthafinn í Brim hf., sem er eina skráða sjávarútvegsfélagið á Íslandi, og í þriðji lagi vinnur félagið að nýsköpun og vöruþróun í sjávarútvegi í gegnum dótturfélagið ÚR Innovation.

Runólfur V. Guðmundsson, framkvæmdastjóri ÚR:
„Árangurinn í þessu öðru útboði staðfestir áhuga fagfjárfesta á íslenskum sjávarútvegi. Öflug íslensk sjávarútvegsfyrirtæki geta boðið fjárfestum frábæra fjárfestingakosti. ÚR hefur stefnt á það lengi að vinna með íslenskum fjárfestum við uppbyggingu á nútímalegum sjávarútvegi í fremstu röð í heiminum. Árangurinn í útboðinu sýnir að ÚR er á réttri leið.“

22/10/2020

Niðurstöður hlutafjárútboðs Reita

Hlutafjárútboði Reita fasteignafélags hf. á alls 120.000.000 nýjum hlutum lauk í gær, en hlutirnir voru boðnir fjárfestum til áskriftar á genginu ISK 43 á hvern hlut. Arctica Finance var umsjónaraðili útboðsins.

Í útboðinu bárust áskriftir fjárfesta fyrir alls ISK 11.813.039.464 eða 274.721.849 nýjum hlutum. Í forgangsréttarhluta útboðsins bárust áskriftir fyrir samtals ISK 10.059.157.657 eða 233.933.899 hlutum og í almennum hluta útboðsins bárust áskriftir fyrir samtals ISK 1.753.881.807 eða 40.787.949 nýjum hlutum. Niðurstaðan er því rúmlega tvöföld eftirspurn eftir nýjum hlutum í útboðinu.

Í samræmi við reglur útboðsins var alls 120.000.000 nýjum hlutum úthlutað til forgangsréttarhafa, en þar er um að ræða áskrift að öllum þeim nýju hlutum sem boðnir voru í útboðinu. Samkvæmt því kemur ekki til úthlutunar nýrra hluta til þeirra fjárfesta sem skráðu áskrift í almennum hluta útboðsins.

Gert er ráð fyrir að fjárfestar geti nálgast upplýsingar um sína úthlutun fyrir lok dags í dag, 22. október, með því að skrá sig inn á vef Arctica Finance: https://www.arctica.is/reitir-utbod/ með sömu auðkennum og notuð voru til áskriftarinnar.

Guðjón Auðunsson, forstjóri:
„Það er ánægjulegt að sjá það mikla traust og þann áhuga sem fjárfestar hafa á Reitum sem niðurstaða útboðsins ber með sér. Þessi niðurstaða hvetur Reiti áfram í þá vegferð sem framundan er, til hagsbóta fyrir hluthafa félagsins, viðskiptavini og aðra hagaðila“.

Útboðið mun standa yfir frá kl. 10:00, þriðjudaginn 20. október nk., til kl. 16:00 miðvikudaginn 21. október