Ég Monika, hef starfað sem löggiltur fasteignasali frá árinu 2012 en það ár stofnaði ég Kaupsýsluna fasteignasölu. Kaupsýslan sameinaðist Landmark fasteignamiðlun árið 2020 og gekk ég þá inn sem meðeigandi og starfa þar í dag með öflugum og samhentum hópi fólks. Ég útskrifaðist sem viðskiptafræðingur frá Háskólanum í Reykjavík árið 2012 og sem löggiltur fasteignasali árið 2007.
Ég Monika, aðstoð
a fólk við að kaupa og selja fasteignir af öllum stærðum og gerðum. Ég vinn með fólki í leit að nýju heimili, ég vinn með fjárfestum og ég vinn með verktökum. Ég leita að tækifærum á markaði með því að beita sérfræðiþekkingu minni á sviði fasteignaviðskipta. Árangur minn næst með vönduðum vinnubrögðum, góðu skipulagi og virkri eftirfylgni. Ég beiti færni minni í mannlegum samskiptum þannig að sem bestur árangur náist fyrir alla aðila. Styrkleiki minn felst í góðri þekkingu og reynslu við sölu fasteigna, samningagerð og skjalafrágang eftir að hafa annast öll stig söluferlisins á íbúðum, atvinnuhúsum og ýmiss konar rekstrareiningum samfleytt frá árinu 2012.
Ég er félagsmaður í Félagi fasteignasala (FF) þar sem ég starfa eftir siðareglum félagsins og viðheld þekkingu minni með því að sækja reglulega metnaðarfulla endurmenntun á vegum félagsins. Ég hef setið í stjórn FF frá árinu 2017 og er formaður félagsins (2023-).
Ég kenni námskeiðshluta um sölu á atvinnuhúsum í námi til löggildingar fasteigna- og skipasala hjá endurmenntun Háskóla Íslands (2019-). Mér finnst starfið mitt ákaflega fjölbreytt og skemmtilegt og ég nýt þess hvern dag að láta verkin tala.
