26/11/2022
احجيلكم قصتي بل تفصيل المملل في سوق الفوركس
قبل حوالي 4 سنوات
شفت منشور على الفيس بوك يخص موضوع التداول والاسهم فكرت انو هذه الموضوع نصب وحتيال وماكو هيج اسواق واذا اكو اكيد متدعم العراق لان. جربت قبلها وفتحت حساب شركة اسهم ايتورو وطلعت متدعم العراق
وماعدنا بايبال ولا بطاقات ماستر مثل ماهسه توفر كلشي عدنا
ف سويت بحث ودخلت دورة مجاني يم شركة التنمية المالية الله يجيزهم كل خير ويوفقهم وضليت بنفس الوقت ابحث منا ومنا وتعلم اكثر عن هاي الاسواق
اول حساب حقيقي الية جان بونص
افتح بي صفقات لوت قليل وشتربح اسد
كاعد بل كوفي طلعت نص دولار اكول هاي مال الجاي
هاي مال الاركيلة دولارين هاي مال عشاء
هههههه
وهكذا ضليت حوالي شهر على هل نمط
بعدها جان اول ايداع 300 دولار صديقي انطانياهن
ف كمت افتح بل داو جاونز خلال 10 ايام سويتهم 2500 دولار
سحبت 20 بقن 5 خسرتهم لل 5
ضليت اداول عل بونص اربح اخسر اربح اخسر
لحد ما عبيت حساب 500 دولار
وصلته حوالي 1200 دولار وخسرتهن
رجعت عبيت هم بفتره خسرتهن
هنا عفت الفوركس لانو من تخسر بهاي الاسواق تحس الحياة انسدت بوجهك + نفسيتك تعبانه نوم ماكو تنام تكعد تنام تكعد 24 ساعة عينك عل جارت شي
ورة فترة رجعت
خسرت ربحت خسرت ربحت.
لحد ما ضربت ضربتي ب 60 الف دولار
غلطتي ونصيحتي لكل متداول لتسوي الي سويتة
بعد ماربحت هل مبلغ ماسحبت وكلت اسويهن 100-200 الف وبديت احلم احلام وردية
+ كمت اصرف بجنون يومية بمكان يومية بدولة بحيث بشهر اني صرفت 15 الف دولار
لانو يومية تجيني 500-700 دولار بتفسي كلت خلص هاي 500 مدى الحياة راح تضل تجيني
لا اني الي سحبت نص المبلغ وخليته احتياط جوه ايدي ولا اني مقلل مخاطرتي.
ف اجه اليوم الي خسرت بي الحساب اباوع على نفسي بيوم وليلة نهاريت لا فلوس لا سيولة عندي ولا الحساب ولا اني الي ضام كم فلس
الناتج النهائي الي وصلتله جان ربحي والسحب اكثر بهواي من الايداع
نصيحتي الكم من وجهه نضري واحترم ارائكم ايضا
مهما وصلت المرحلة لتفتح صفقة بدون هدف وستوب تخلي قبل لا تفتح وتلتزم بي
2- اسحب اسبوعيا فلوس وتضهمه حتى تكون عندك سويلة لليوم الاسود الي يمر بيك بل اسواق
3- التزم بأستراتيجية وحدة وطبق عليها لحد متحترف بيها
4- لتعتمد على توصيات وعلى لكروبات والقنوات هذي اكبر مشتت الك والي يوصلك للفشل بهل مجال
5- تحب تخطر خلي حساب ثانوي وايداع قليل وخاطر بي وخلي الحساب الاساسي حساب ادارة صارمة بي
6- افتح حساب استثماري للصفقات القوية مثلا من وصل الذهب 2070 بيع وعوف الحساب شهر 2-3
او الداو من وصل قبل شهر 28600 لو مشتري 1 لوت من ايداع 1000 خلال شهر ربح 5000 دولار
بعد مامشيت بهاي الخطوات حتى من اخسر. عندي سيولة جوه ايدي اودع وارجع خسارتي واسحب وعوض والحمدلله وصلنه المرحلة حلوة
#
