الاستثـــــــــــمار بلا مروجين ولا اصحاب الشركات الوهميين

05/10/2024

عندما نريد ان نرشد الناس الى الطريق الصحيح
وننصحهم لوجه الله كانت صفحات المروجين تهاجم الصفحة وتتهم صاحبها ب الابتزاز
اتمنى عليكم الاطلاع على التعليقات لكي تعرفوا من هو المروج

بركات النجاح للتجارة العامة والبيع بالتقسيط..
على بركة الله نبدأ
ماهي معلوماتكم عن الشركة وهذا السؤال خاص للمستثمرين
ماهي اعمالهم،، ونسبة الارباح وكيف تدار الشركة.
الامر متروك لكم
وسوف اعطيكم معلومات دقيقة عنها بعد سماع ارائكم..
في منشور لاحق

08/04/2024

السلام عليكم،، بالامس كانت لي زيارة لمقر شركة شركة الإتحاد للاستثمار ،،
وتبين التالي الشركة بكافة فروعها موجودة والعمل بها مستمر،
مدير الشركة سيد ميثاق متواجد يومياً في مقر الشركة،
ما حصل من ازمة مالية اوضحها على شكل نقاط،،

اولاً>> بسبب كثرة السحوبات المفاجأة من قبل المستثمرين
على رأس المال،، جعل من الشركة تتخذ قرار بهذا الخصوص،
وهو ارجاع راس المال وعلى شكل دفعات تبدا من ثلاث اشهر وست اشهر وسنة. لاجل تلافي انهيار الشركة،

ماهي اسباب كثرت السحوبات عليكم،،
الجواب،، بسبب التحريض على الشركة من قبل بيجات على منصات التواصل وداخل الواتساب.. وبعض المحرضين على ارض الواقع..

اين اموال الشركة واعمالها من ذهب ومحطة تربية المواشي ومجمع الصفوه العقاري ومولات وغيرها..
الجواب، كل الاعمال موجودة ولم نخسر شي من هذه الاعمال. لكن وكما تعرف نحن نعمل بالبيع بالاقساط وموالنا موجودة لدى الموطن اكثر منها ما موجودة لدى الشركة.. ولم توجد اي مؤسسة في العالم تتحمل السحوبات المفاجأة. وحتى لو كانت مصارف حكومية ايضا سوف تنهار.. ومصارف دولة لبنان خير دليل،،،

اما بخصوص مجمع الصفوه العقاري.. الى الان لم نستلم كل الاموال التي بذمة الحكومة وهي تتراوح بين اربعين مليار دينار تقريبا
ونعمل على ذلك بكل جهد،،،

لماذا تم تخفيض نسبة الارباح،
الجواب، تخفيض نسبة الارباح وقتي ولم يستمر طويلا
وهذا اجراء مؤقت،،
كون تخفيض نسبة الارباح يجعل من الشركة قادرة على ان يكون لها دوار من الاموال للحالات الطارئة.،

متى تنتهي هذه الازمة.. الجواب
ان شاء الله لم تستمر طويلا.
والان اصبحت الامور تعود الى طبيعتها..
واغلب المستثمرين قد تفهم الوضع الا بعض الاشخاص الذي عددهم افراد..
ماهي نصيحتكم للمساهمين لدى شركة الاتحاد،،
انصح الجميع بالابتعاد عن الاشاعات والدعايات والبيجات المأجورة
كون هذه اموالي قبل ان تكون اموال المساهمين لدى الشركة.
والاموال التي تعود لنا نحن كـ شركة الاتحاد تعادل اضعاف اموال المساهمين.. ومن المحال ان اخذل نفسي اولاً وعائلتي واهلي والمستثمرين وعلى الجميع الصبر.. اموالكم بذمتي ولم يضيع لكم دينار واحد عندي....
هذا ما سمعته من مدير شركة الاتحاد شخصيا..
والله هو من يزكي الانفس سبحانه

05/04/2024

الاخون في شركة الإتحاد للاستثمار
السلام عليكم ترد لنا كثير من الرسائل والاستفسارات بخصوص الازمة المالية التي تخص شركتكم.
مما جعل الشركة تقوم بتخفيض الارباح الى ( ١٠ ) الاف دينار
وما بخصوص سحب رأس المال فيتراوح من ست اشهر الى سنة وعلى شكل دفعات بدون.. ارباح للفترة التي يقدم بها الشخص على سحب رأس المال.. اتمنى منكم الاجابة عن اسئلة واستفسارات الناس.. وحتى لا يفهم هذا المنشور على انه اساءة او تسقيط او ابتزاز. لكم
كون اغلب البيجات والصفحات تغض البصر عن طرح موضوع شركتكم.
الامل كبير بكم لاجل الرد على استفسارات الناس..
وان شاء، الله هذه ازمة وتنتهي قريبا. كونكم الشركة الوحيد التي تملك اعمال حقيقية. ويمتد عملكم الاكثر من 16عام في مجال الاستثمار..
ملاحظة لا اسمح ان يكون تجاوز بالتعليقات
كل من لدية معلومة او فكرة عليها طرحها باحترام
اتمنى التوفيق للجميع ان شاء الله

31/03/2024

السلام عليكم
نصيحة
اخون والقران الكريم اريد لكم الخير. وهدفي ليس تسقيط كما يتصور البعض لكن انا ناصح لكم.. اسحب فلوسك من شركات الاستثمار. صح انت بحاجة دخل ثاني وصح عندك التزامات.. لكن فلوسك بيتك افضل ما تفلس الشركة ويكتلك القهر.. اخون الدولة صار عدها توجه حقيقي اتجاه الشركات وماراح شركة تنجو من هذا التوجه. هذا التوجه ليس من اجل القضاء على الفساد وليس لاجل حصر عمل الشركات داخل قانون الاستثمار،، لا هذا التوجه لاجل احزاب ودول جوار.
الدولة تريد تسحب الكتلة النقدية من المواطن،، المواطن ماعنده ثقة بالمصارف الحكومية حتى يودع أمواله ولا عنده ثقة بالمصارف الاهلية.. الدولة حست بخطر الشركات عليها لذلك.. الصار،، التالي.. مصارف اهلية عليها عقوبات من قبل الخزانة الامريكية هاي المصارف تريد فلوس.. رفعت نسبة ارباح الادخار.. لكن دون جدوى صارت تسوي دعايات وجوائز مغرية ايضا مافادهم الموضوع لذلك صار التالي محاربة كل شركات الاستثمار حتى الشركات التابعة للاحزاب الاسلامية.
حتى المواطن.. يكون مجبور بإيداع أمواله لدى هذه المصارف سوى كانت حكومية او هلية،، لاجل الحفاظ عليها ولاجل الفائدة
يعني بين قوسين.. انت بكل الحالات خسران لكن اسحب اموالك قبل افلاس الشركة التي انت مساهم بها.. وتشتغل بيدك بفلوسك افضل لكون بالله الكريم.. ماكو شركة راح تبقى للعام القادم الكل راح يطيح ويوگع....
انتـــــــــــــــهى
اصحاب البيجات اصحاب الصفحات
اين انتم ايها المنظرين للاستثمار والاقتصاد اين انتم من هذا الانهيار لعملاق شركات الاستثمار.. ليش سابقا ليل ونهار تنشرون وتحرضون الناس على التظاهر والشكاوي والاعتصام امام الشركات ليش صوتكم الان راح ليش الان صفحاتكم مغلقة ليش مالكم لاحس ولا خبر..
وهذا دليل اخر انا ليس تابع لاحد وكل بيجات الاستثمار كانت تابعة لشركات وعصابات الابتزاز و السمسرة...
الان حالكم ( صم بكم عمي فهم لا يفقهون)

30/03/2024

الاســــــــــــتثمار
يحتظر

25/03/2024

الذهب تجارة لا تبور ابداً.
خل احچيلكم شوية عن الذهب وانقل لكم تجربتي عسى ان تنفع بعضكم.
اول شي عليكم معرفة شنو( مثقال ذهب وشگد يساوي
و شنو المثقال.. و شنو اونصة الذهب..
(١)مثقال الذهب= 5 غرام
(٢) أونصة الذهب =(31.1034768) غرام
وهاي وحدة القياس بكثير من البلدان ما يتعامل بيها المواطن
احنه موضوعنا المثقال اللي هو يساوي خمسة غرام..
اكو فرق بالاسعار بين الذهب الخام وبين الذهب المصاغ.. وبين الذهب (الكسر)
وموضوعنا الحصري هو يم الكسر.
الكسر الذهب المستعمل الذهب القديم اللي بي طعجات او مكسور او زنجيل مقطع وغيرها من المجوهرات الذهبية. الخارجة عن الخدمة.. هذا بي فرق بالسعر كلش هواي عن باقي الذهب لكن يبقى ذهب وله قيمة سوقية. تستحق المتجارة بها..
هذا الكسر اذا عندك مبلغ من المال تگدر تراقب البورصة ومن ينزل السعر تشتري ذهب كسر من خلال صاغة معينين في كثير من المحافظات.. اتصور في فترة ليست ببعيدة كان المثقال بسعر 280الف اليوم مثقال الذهب 474الف وكسور بس اتصور الفرق..
وهنا انت تشري ذهب من ينزل السعر وتبيع من يصعد السوق وتجارة الذهب تختلف عن كثير من التجارات كون الذهب دائما يحافظ على السعر. لا يحصل له تلف ابدا وغيرها من الايجابيات

18/03/2024

اكو مرض نفسي اسمه متلازمة.. انت مبتز انت مسقط انت ابن حرام انت ابن بغي.. لا تتفلسف علينا،،،
وهذا المرض موجود عند اصحاب الشركات الوهمية. الشركات التي لا توجد لديها اعمال حقيقية..
بمجرد ما تسأل سؤال او تكتب تعليق داخل منشورات وبيجات الاستثمار. وتذكر شركة ما،، راح يهاجمك الذباب
الإكتروني.. نصيحة الطعن بالاعراض وبشرف الناس هذا ليس من اخلاق المسلم. وليس من اخلاق ابن الاصول.
ترى الناس عدها تسجيلات صوتية عليكم من كانت الامور طيبة قبل سقوطكم وافلاسكم..
لذا خليكم تحملون شرف الخصومة..
والا اضطر الى فتح المنشورات للعامة وخليهم ينزلون ضفائحكم. ويطلعون كل سوالفكم التعبانة..
لذا عليكم الحذر؟؟؟؟

18/03/2024

مــــــــــن تفتح لك محل وتجيب كم ثلاجة وكم طباخ وبعض الحاجيات.. ترى هاي ما يسمونها شركات استثمار.. هذا دكان..
وهاي سالفة العتبة وفلان ضابط وفلان قاضي مستثمر عندي.. بطلها
هذا استجداء..
عملك هو الذي يكلم وغير هذا اكلاوات ونصب واحتيال
عملك هو من يجلب لك المستثمرين

16/03/2024

وذكر فان الذكرى تنفع المؤمنين.

كثير من المستثمرين للاسف اخذهم الطمع والجشع بدون اي حسابات عقلية او منطقية. يفكر فقط بالارباح. لكن النتيجة خسارة راس المال..
حتى لا تخسر مرة اخرى وحتى لا ينصب عليك كل مرة
انــــــــــــت مو تگول الشركة الي مستثمر بيها اني شركة رصينة وتشتغل بالقروض..
راح اعطيك نصيحة ابلاش..
انت مثلا مستثمر على سبيل المثال (4) مليون دينار عند الشركة
روح للشركة گلهم اريد قرض ثلاث مليون دينار والكفيل و الضمان فلوسك الموجودات بالشركة.. مقابل مدة زمنية شوف شلون تتفق عليها
تسديد قرض ثلاث ملايين.. راح يكون من ارباحك مقابل مدة زمنية
الثلاث ملايين الي تاخذها منهم روح استثمر بشركة ثانية
وانت هنا.. اصبحت ضامن جزء من رأس مالك كونك قد اخذت قرض..
والقرض ايضا يشغل بشركة اخرى.. ومستحيل الشركة الاخرى راح تهرب او يحصل لها افلاس في نفس الوقت مع الشركة الثانية
يعني انت بكل الاحوال مسيطر
طبعا ملاحظة هاي عود اذا قبل مدير الشركة الي يشتغل بالقروض🤣