Tabeel - The ARK of Wealth

Tabeel - The ARK of Wealth Tabeel Wealth is a Financial Services Providing Firm,
(AMFI Registered Mutual Distributor)

Had an interesting discussion on forensic accounting---its scope and workings---led by Mr. Aman Kapadia, Investment Asso...
30/03/2026

Had an interesting discussion on forensic accounting---its scope and workings---led by Mr. Aman Kapadia, Investment Associate at WhiteOak Mutual Fund. It was truly insightful.✨✨✨

Had an insightful discussion with UTI’s Fund Manager, Mr. Amit Premchandani, on current market conditions and future pro...
30/03/2026

Had an insightful discussion with UTI’s Fund Manager, Mr. Amit Premchandani, on current market conditions and future prospects.✨✨✨

Dos and don'ts during market downfall
30/03/2026

Dos and don'ts during market downfall

ഒരു മഴയും തോരാതിരുന്നിട്ടില്ല.... ഒരു കാറ്റും അടങ്ങാതിരുന്നിട്ടില്ല....ഒരു മഹാമാരിയുടെ പിൻതുടർച്ചയായി രൂപപ്പെട്ടതും കൂടപ...
27/03/2026

ഒരു മഴയും തോരാതിരുന്നിട്ടില്ല.... ഒരു കാറ്റും അടങ്ങാതിരുന്നിട്ടില്ല....

ഒരു മഹാമാരിയുടെ പിൻതുടർച്ചയായി രൂപപ്പെട്ടതും കൂടപ്പെട്ടതും അറിവുകൾ പരത്തുന്നതും കൂട്ടായ്മ അനുഭവിക്കുന്നതുമായ ഒരു ഗ്രൂപ്പാണ് ഓഹരി വിപണി...
നിസ്വാർത്ഥരായ അനേകം വ്യക്തിപ്രഭാവങ്ങൾ നിസ്സീമമായ അറിവിന്റെ വിതാനമൊരുക്കി നിക്ഷേപത്തിന്റെ പന്ഥാവിൽ പലർക്കും ഒരു തിരിനാളമായ്, ഒരു തണൽ മരചില്ലയായ്‌, ഒരു കൈത്താങ്ങായ്, സമയം അർപ്പിച്ച് വളർത്തിയ ഈ വടവൃക്ഷത്തിന്റെ വേരുകൾ ലോകമെമ്പാടും പടർന്നിരിക്കുന്നു...

ജാതി, മത, വർണ്ണ, വംശ, വർഗ്ഗ, രാഷ്ട്രീയ, ലിംഗ വ്യത്യാസമില്ലാതെ ഒരേയൊരു ലക്ഷ്യത്തോടെ അറിവുകൾ പകരുന്ന ഈ കൂട്ടം എന്തുകൊണ്ടും സമാനതകളില്ലാത്ത ഒരു ഗ്രൂപ്പായി മാറിയിരിക്കുന്നു എന്നതിൽ സംശയമില്ല...

കഴിഞ്ഞ ഏതാനും ആഴ്ചകളായി അമേരിക്കയും ഇറാനും ഇസ്രയേലും കാട്ടിക്കൂട്ടിക്കൊണ്ടിരിക്കുന്ന മനുഷ്യത്വരഹിതമായ വിക്രിയകളുടെ വിന്യാസം കാരണം നാം അനുഭവിക്കുന്ന മാനസികവ്യഥ ഞങ്ങൾക്ക് മനസിലാക്കാവുന്നതിലും അപ്പുറമാണെന്നു അറിയാം...

ഒരു ഫേസ്ബുക് ഗ്രൂപ്പ് മെമ്പർ എന്നതിലുപരി പലരും ഇവിടെനിന്നും തീർത്ത സൗഹൃദങ്ങൾ.. സാഹോദര്യ ബന്ധങ്ങൾ... ബിസിനസ് ബന്ധങ്ങൾ... കാതങ്ങൾക്കകലെ ആണെങ്കിലും ഒരുവിളിപ്പാട് അകലെയന്നപോലെയുള്ള മാനസിക അടുപ്പമുള്ള കൂട്ടുകാർ...
ആത്മാർത്ഥതയുടെ നിറത്തിന് മങ്ങലേൽക്കാതെ കാത്തുസൂക്ഷിക്കുന്ന വ്യക്തിത്വങ്ങൾ... അറിവിന്റെ സഹായഹസ്തങ്ങളും നീട്ടി അഹോരാത്രം സേവനം അനുഷ്ഠിക്കുന്ന പ്രിയപ്പെട്ടവർ... നാം മനസിലാക്കിയ ഒരു കാര്യമുണ്ട്... എല്ലാത്തിനും ഉപരി നമ്മുടെ സിരകളിലൂടെ ഒഴുകുന്നത് ഒരേ ചോരയാണെന്നും...നാമെല്ലാവരും ശ്വസിക്കുന്നത് ഓക്സിജൻ ആണെന്നും!

മണ്ണിനും മാനത്തിനും മഹത്വത്തിനും വേണ്ടിയുള്ള കൊരുത്ത പോരാട്ടത്തിൽ മണ്ണടിഞ്ഞുപോകുന്നത് അവനവൻ തന്നെ കെട്ടിപ്പടുത്ത മഹാസൗധങ്ങളും മണിമാളികകളും, ഒപ്പം മനുഷ്യനും ആണെന്നുള്ള മഹനീയമായ സത്യം മനസ്സിൽ നിനയ്ക്കാതെ, നിരന്തരമായി നിർദ്ദയം പെരുമാറുന്ന ലോകനേതാക്കൾക്ക് ദൈവം ബുദ്ധിനൽകട്ടെ എന്ന് പ്രാർത്ഥിക്കാം...

എന്തായാലും, താൽക്കാലികമായി കുറിക്കപ്പെട്ട ഈ യുദ്ധ-വിരാമം എന്നന്നേക്കുമായി മാറട്ടെ എന്ന് ആശംസിക്കുന്നു, പ്രാർത്ഥിക്കുന്നു...

കാലചക്രത്തിന്റെ സൂചികകൾ നിർവ്വികാരേന ചലിച്ചുകൊണ്ടേ ഇരിക്കും! അതിനു യുദ്ധമെന്നോ, ദുരിതമെന്നോ, മഹാമാരിയെന്നോ, പെരുമഴയെന്നോ, വരൾച്ചയെന്നോ, ക്ഷാമമെന്നോ ഒന്നും തന്നെയില്ല! കൂടെ ഓടുവാൻ വിധിക്കപ്പെട്ടവൻ മനുഷ്യൻ!

ഓഹരിയും സ്വർണ്ണവും വെള്ളിയും റിയൽ എസ്റ്റേറ്റും ഒക്കെ കാലചക്രത്തിന്റെ തിരിവിൽ മേൽകീഴായി കറങ്ങിമറിയുമ്പോൾ ഉണ്ടാകുന്ന ചിന്താകുലതയെ മറികടക്കാൻ തലക്കുമീതെ പായുന്ന ഡ്രോണുകളും മിസൈലുകളും ഉള്ളിന്റെ ഉള്ളിൽ പരത്തുന്ന ഭീതി തന്നെ ധാരാളം...
എന്നിരുന്നാലും
- ഈ സമയവും കടന്നു പോകും... നാമിന്നു കടന്നു പോകുന്ന ഇരുണ്ടു കറുത്ത തുരങ്കത്തിന്റെ മറുഭാഗത്ത് കാണുമെന്നു പ്രതീക്ഷിക്കുന്ന ശുഭാപ്തി വിശ്വാസത്തിന്റെ വെളിച്ചമാണ് ലോകത്തെ മുന്നോട്ടു നയിക്കുന്നതെന്ന അറിവ് ഏവർക്കും ആവശ്യമായിരിക്കുന്നു...
ഇന്നിന്റെ വെല്ലുവിളികളെ നേരിടാൻ ആവശ്യമായ മനധൈര്യവും ശക്തിയും സർവശക്തൻ എല്ലാവർക്കും നൽകട്ടെ....
നിക്ഷേപകരുടെ മനഃശാസ്ത്രം വിശകലനം ചെയ്‌താൽ ഓരോ വ്യക്തിയും "Unique" ആണെന്ന് പറയാം...

Herd Mentality, Fear of Missing Out, Greed, Aggressive, Conservative, "It's NOT for Me" mind-set, Impulsive അങ്ങനെ പലതരം അവസ്ഥാ-വിശേഷങ്ങൾ നമുക്ക് കാണാൻ കഴിയും. എന്നാൽ ഇന്നത്തെ "മാർക്കറ്റ് നിലപാടിൽ" തികച്ചും വേണ്ടത് "സംയമനം" അഥവാ മനസ്സിലുണ്ടാകുന്ന വേലിയേറ്റങ്ങളെ നിയന്ത്രിക്കുക എന്നതാണ്... അവിടെയാണ് ഒരു മെന്ററുടെ അനിവാര്യത മനസ്സിലാകുന്നത്...

"Don't catch a falling knife!" എന്ന ചൊല്ല് എല്ലാവർക്കും സുപരിചതം ആകും... എന്നാൽ അതിന്റെ മറുവശം ആരും ചിന്തിക്കാറില്ല. എരിച്ചുവിട്ട റോക്കറ്റുപോലെ മാർക്കറ്റ് പോയപ്പോൾ ഇടവും വലവും ചാടികേറിയവരിൽ അധികവും മാർക്കറ്റിനൊപ്പം പൊട്ടിച്ചിതറി എന്നത് വാസ്തവം.
86K Sensex ലെവലിൽ നിന്നും പടിയിറങ്ങിവന്ന സൂചികയിൽ ഉണ്ടായിരുന്ന Opportunity ("അവസരം') കാണുന്നതിന് കണ്ണിൽ വെളിച്ചം ഉണ്ടായിരുന്നവർ വളരെ ചുരുക്കം...
താഴേക്ക് പോകുമ്പോൾ അയ്യോ, വീഴുന്നെ എന്ന് പറഞ്ഞുള്ള വിലാപം...മാർക്കറ്റ് മേലോട്ടു കേറുമ്പോൾ "അയ്യോ.. ഇന്നലെ വാങ്ങേണ്ടിയിരുന്നു... ധാ കേറിപ്പോയെ എന്നുള്ള പരിഭവം...
"ഒരാളെന്നല്ല, സാക്ഷാൽ charls ശോഭരാജിന് പോലും മാർക്കറ്റിന്റെ അടിത്തട്ടും അത്യ-ഉയരവും നിർവചിക്കാൻ ആവില്ലെന്ന സത്യം അറിയാവുന്നവർക്ക് ഉള്ളതാണ് ഈ സിസ്റ്റമാറ്റിക് നിക്ഷേപം..

ഒപ്പം അസറ്റ് അലോക്കേഷൻ സ്ട്രാറ്റജിയും റീ ബാലൻസിങ്ങും...

SIP ചെയ്യുമ്പോൾ പോർട്ഫോളിയോയിൽ ലിക്വിഡ് ഫണ്ട് ചേർക്കണം എന്ന് പലപ്പോഴും ഞാൻ എന്റെ കുറിപ്പുകളിൽ പരാമർശിച്ചിട്ടുണ്ട്.

അത്തരത്തിൽ സമാഹരിച്ച പണത്തിൽ നിന്നും ഓരോരുത്തരുടെയും ഫൈനാൻഷ്യൽ ഗോളുകൾക്ക് അടിസ്ഥാനത്തിൽ debt ഫണ്ടിൽ നിന്നും Equity ഫണ്ടുകളിലേക്ക് സ്വിച്ച് ചെയുവാൻ തക്കവണ്ണം ഉള്ള ഒരു സമയം ആണ് / ആയിരുന്നു ഈ ദിവസങ്ങൾ...
ഒട്ടു നിനച്ചിരിക്കാതെയുള്ള ഒരു നിമിഷത്തിൽ ഒരഞ്ചു ദിനത്തേക്കു ആ ഭൂലോക വട്ടൻ പ്രഖ്യാപിച്ച വെടിനിർത്തൽ ആകാം, താൽക്കാലികമായെങ്കിലും സൂചികയുടെ ദിശ തിരിച്ചു വിട്ടിരിക്കുകയാണ്...
ഇനി എന്താണ് നാളെ എന്നറിയില്ല എന്നിരുന്നാലും 75000 ലെവലിലുള്ള സെൻസെക്ക്സിലേക്ക് അല്പാല്പമായി നിക്ഷേപിക്കുന്നത് FOMO അല്ല- മറിച്ച് "സാക്ഷാൽ മിസ്സിംഗ് ഔട്ട്" തന്നെ ഒഴിവാക്കുന്നതിനും അത്യാവശ്യം നല്ല വാല്യൂവേഷനിൽ enter ചെയ്യന്നതിനും സാധിക്കും എന്നാണ് ഞാൻ വിശ്വസിക്കുന്നത്...
ഇനിയും മാർക്കറ്റ് ഇടിയാനുള്ള സാദ്ധ്യതകൾ തള്ളി കളയാൻ പറ്റില്ലെന്ന കാരണം കൊണ്ട് തന്നെ ഒരല്പം പണം ഡെബ്റ് ഫണ്ടിലോ ബാങ്ക് അക്കൗണ്ടിലോ ഫിക്സഡ് ഡെപ്പോസിറ്റിലോ സൂക്ഷിക്കുന്നതും നന്നാവും-(എമർജൻസി ഫണ്ടിന്റെ കാര്യമല്ല - അതിനു മേലെയുള്ള ഫണ്ടിന്റെ കാര്യം ആണ് പറഞ്ഞത്) അത് മാർക്കറ്റ് ഇടിയുമ്പോൾ എടുത്ത് നിക്ഷേപിക്കണം എന്ന് മാത്രം.

Going forward...!
നിങ്ങളുടെ SIP നിക്ഷേപങ്ങളിൽ Debt Fund ഇല്ലെങ്കിൽ ഉടൻ തന്നെ അത് ചേർക്കുക... ഇത്തരം മാർക്കറ്റ് അവസരങ്ങളിൽ, നിങ്ങളുടെ കയ്യിൽ നിക്ഷേപിക്കുവാൻ പണം ഇല്ലെങ്കിൽ പോലും - ആ debt ഫണ്ടിൽ accumulate ആയ പണം, ഇക്വിറ്റി ഫണ്ടുകൾ വാങ്ങുന്നതിനു ഉപയോഗിക്കുവാൻ സാധിക്കണം- അത് തന്നെ ചെയ്യുവാൻ പറ്റില്ല എങ്കിൽ അതിനു പ്രാപ്തരായ നിക്ഷേപക ഉപദേശകരെ തിരഞ്ഞെടുത്ത് അവരിൽ കൂടെ നിക്ഷേപിക്കുക. അല്ലാതെ ഫണ്ട് നിർദ്ദേശം മാത്രം നടത്തിയിട്ട് - Invest & Forget എന്ന് പറയുന്ന കമ്മീഷൻ ഊറ്റുന്ന കച്ചവടക്കാരെ ഒഴിവാക്കുക...
"മാർക്കറ്റ് മേലോട്ടെ പോകൂ" എന്നുള്ള ചിന്തക്കാർ ഇപ്പ ഏറെക്കുറെ കട്ടയും ബോർഡും മടക്കി കാണും... അവർക്കും ഈ അസറ്റ് അലോക്കേഷൻ സ്ട്രാറ്റജി ബാധകമാണ് എന്നുള്ളത് ഓർമ്മപ്പെടുത്തട്ടെ....
ചുവന്നു പഴുത്തു കിടക്കുന്ന പോർട്ഫോളിയോകൾ റിവ്യൂ ചെയ്ത് ക്വാളിറ്റി ഉറപ്പാക്കുക... റീ ബാലൻസിംഗ്/ റീ അലോക്കേഷൻ ചെയ്യേണ്ട ആവശ്യകതയുണ്ടെങ്കിൽ എത്രയും പെട്ടന് ചെയ്യുക. മാർക്കറ്റ് മേലേക്ക് കയറുമ്പോൾ ഒപ്പം തിരിച്ചു കയറാൻ ശക്തിയുള്ള ഫണ്ടുകൾ ആകണം നമ്മുടെ പോർട്ഫോളിയോയിൽ ഉണ്ടാവേണ്ടത്....

ബുദ്ധിപരമായ ഡിസ്ക്ലെയ്‌മേർ : എന്തൊരു നിക്ഷേപവും ട്രമ്പ് റിസ്കിനു ബാധകമാണ്...
*നിയമപ്രക്രമുള്ള ഡിസ്ക്ലെയിമർ : ഇക്വിറ്റി നിക്ഷേപങ്ങൾ മാർക്കറ്റ് റിസ്കിനു വിധേയമാണ്.

സസ്നേഹം...
Binson Mathew

AMFI Registered Mutual Fund Distributor
Disclaimer: Equity Investments are subject to Market Risk.
മ്യൂച്വൽ ഫണ്ട് മേഖലയെ സംബന്ധിച്ച് കൂടുതൽ വിവരങ്ങൾ ലഭ്യമാകുന്നതിനും ആരോഗ്യപരമായ ചർച്ചകളിൽ പങ്കെടുക്കുന്നതിനുമായി, മലയാളികൾക്ക് മാത്രമായി തബീൽ വെൽത്ത് രൂപീകരിച്ചിട്ടുള്ള വാട്സ്ആപ്പ് ഗ്രൂപ്പിൽ പങ്കുചേരുവാൻ താല്പര്യമുള്ളവർ ദയവായി ഈ ലിങ്കിൽ ക്ലിക്ക് ചെയ്യുക https://chat.whatsapp.com/Kr6L9fH60hA0tApTdEMXyW?mode=r_t

📌Mistakes to avoid while investing in Mutual Funds.
13/02/2026

📌Mistakes to avoid while investing in Mutual Funds.

തുച്ഛമായ വിലക്ക് കിട്ടുന്ന മെച്ചമായ നാല്പത്തിഅഞ്ച് കമ്പനികൾ..മേലേപ്പറമ്പിലെ അവറാച്ചായന്റെ പ്രധാന വിനോദമാണ് പോത്തിനെ വളർത...
06/02/2026

തുച്ഛമായ വിലക്ക് കിട്ടുന്ന മെച്ചമായ നാല്പത്തിഅഞ്ച് കമ്പനികൾ..

മേലേപ്പറമ്പിലെ അവറാച്ചായന്റെ പ്രധാന വിനോദമാണ് പോത്തിനെ വളർത്തുക എന്നത്. വല്യപ്പന്മാരായി തുടങ്ങിവച്ച മൂന്നു തലമുറ പഴക്കമുള്ള പരമ്പരാഗതമായ കച്ചവടമായിരുന്നെങ്കിലും ഗൾഫിൽ പോയി മടങ്ങിയ അവറാച്ചന് പോത്തുകളോട് എന്തെന്നില്ലാത്ത സ്നേഹവും ആത്മാർത്ഥതയുമായിരുന്നു...

"ഇന്ന് താൻ അനുഭവിക്കുന്ന സമ്പത്സമൃദ്ധിയും ചുറ്റുപാടും ഒക്കെ പിതാക്കൾ പോത്തിനെ വളർത്തി നേടിയെടുത്തതിനാലാണോ? അതോ ഇയാൾ അറബിയുടെ ഒട്ടകത്തെ മേയ്ക്കുന്ന ജോലി ആയിരുന്നിരിക്കുമോ ഗൾഫിൽ ചെയ്തത്? " അത്രക്ക് ആത്മാർത്ഥതയും നൈപുണ്യവും എരുമയെയും പോത്തിനേയും പരിപാലിക്കുന്നതിൽ കാണിച്ചിരുന്നതിൽ അദ്ദേത്തിന്റെ പത്നി സൂസമ്മക്കു പോലും ഇങ്ങനെ ഓരോ സംശയം മനസ്സിൽ ഉണ്ടായിരുന്നു...

ഒപ്പം. അല്പം മോഡേണായ സൂസമ്മ ആന്റി അവറാച്ചായൻ ജീൻസും ടീഷർട്ടും ഒക്കെയിട്ട് സൂസമ്മയെ കൂട്ടി കറങ്ങാൻ പോകാത്തതിന്റെ ദേഷ്യവും ആന്റിക്ക് പോത്തുകളോടുണ്ട്..! മിണ്ടാപ്രാണികളോട് പറഞ്ഞിട്ടു കാര്യമില്ലെന്ന് വിചാരിച്ച സുസമ്മയാന്റി അവറാച്ചായനെ പലപ്പോഴും തന്റെ ആവശ്യങ്ങൾ പറഞ്ഞു മനസിലാക്കാൻ ശ്രമിച്ചു എങ്കിലും, പോത്തിനോട് വേദം ഓതുകയാണ് അതിലും എളുപ്പം എന്ന് സൂസമ്മ മനസിലാക്കി!
അങ്ങനെയിരിക്കെ അവറാച്ചായന്റെ മൂത്തമകൾ മോളിക്കുട്ടി മെൽബണിൽ നിന്നും വിളിച്ചാ സന്തോഷ വാർത്ത അറിയിച്ചു...
വീണ്ടും അവറാച്ചായനും സൂസമ്മാമ്മയും ഗ്രാൻഡ് പേരന്റ്സ് ആയി! ഇപ്രവാശ്യം മധുരം ഇരട്ടിയാക്കാൻ, ഇരട്ടക്കുട്ടികൾ ആണ് താനും!

വർഷങ്ങളായിട്ടു പിള്ളേർ ഓസ്‌ട്രേലിയയിൽ ആണെങ്കിലും അവറാന്റെ ഈ പോത്ത് പരിപാലനം കാരണം എങ്ങോട്ടും പോകാൻ കഴിയാത്ത അമർഷത്തിൽ - വിസിലടിക്കാൻ പരുവത്തിനു തിളച്ചു നിന്ന പ്രഷർ കുക്കർ പോലെ സൂസമ്മ പൊട്ടിത്തെറിച്ചു!
"നിങ്ങൾ നിങ്ങളുടെ പോത്തിനേയും കെട്ടിപിടിച്ചു ഇവിടെ കിടന്നോ... ഞാൻ പിള്ളേരുടെ അടുത്തു പോവാ.."
തമാശക്കാരനും ലളിത മനസ്കനുമായ അവറാച്ചായൻ പറഞ്ഞു -
"നീ Australia പോയാൽ പിന്നെ അത് എങ്ങനാ സൂസമ്മേ നടക്കുന്നത്?"

കയ്യിലിരുന്ന TV റിമോട്ട് അവറാച്ചന്റെ തലയിൽ തുമ്പയിൽ നിന്നും ബഹിരാകാശത്തേക്ക് പോയ പേടകം പോലെ..."ട്ടപ്പോ!" എന്ന് പതിച്ചു!
ഇനി ഇങ്ങനെ നിന്നാൽ സംഗതി വഷളാകും എന്ന് മനസിലാക്കിയ അവറാച്ചൻ - മരുമകനെ വിളിച്ച് മെൽബണിൽ ഒരു - ഫാം ഹൌസ് സെറ്റപ്പാക്കുന്നതിനെ കുറിച്ച് സംസാരിച്ചു...

ഇവിടെയുള്ള തന്റെ "അരുമ എരുമകളെ" ആർക്കെങ്കിലും വിറ്റിട്ട് ഓസ്‌ട്രേലിയിലേക്ക് കുടിയേറാൻ തീരുമാനിച്ചു!
നാട്ടിൽ അവറാച്ചന്റെ ഫാമിൽ എല്ലാം കൂടെ വലുതും ചെറുതും പാൽ തരുന്നതും, പൊറോട്ടയോടൊപ്പം ജീവിതം തീർക്കാൻ തീരുമാനിച്ചതും ഒക്കെയായി നൂറിൽപരം പോത്ത് - എരുമകൾ ഉണ്ട്.. കൃത്യമായി പറഞ്ഞാൽ 134.

അവറാച്ചന്റെ കുടുംബത്തിൽ പോത്ത് കൃഷിക്ക് താല്പര്യം ഉള്ള വേറെ ഒരാളുപോലും ഉണ്ടായിരുന്നില്ല എന്ന കാരണം കൊണ്ട് തന്നെ പോത്തുകളെ പുറത്ത് വിൽക്കാനുള്ള തീരുമാനത്തിലേക്ക് സ്വയം നിർബന്ധിതനായി എത്തേണ്ടതായി വന്നു!- മനസില്ലാ മനസ്സോടെ...

പോത്തുകളുടെ എണ്ണ-വിവരപ്പട്ടില,,,
വല്യ പോത്ത് - 12
വല്യ എരുമ - 12
പാൽ തരുന്ന എരുമ - 34 ( 2-4 പ്രസവം)
പാൽ തരുന്ന എരുമ - 12 (ആദ്യ പ്രസവം )
വെട്ടാറായ പോത്ത് - 27
എരുമക്കിടാവ് - 16
പോത്ത് കിടാവ് - 21
ആകെ മൊത്തം ടോട്ടൽ 134 എണ്ണം

വിൽക്കാനുള്ള രണ്ട് options ഉം അവറാച്ചൻ നിരത്തി...
1. മൊത്തമായി ഒരു വിലപറഞ്ഞ് എല്ലാം കൂടെ വാങ്ങുക
2. ഇഷ്ടപ്പെടുന്നത് തിരഞ്ഞു പറക്കി- അവറാച്ചൻ പറയുന്ന വില കൊടുത്ത് വാങ്ങുക.
-
ഫാമിൽ വൻ സെയിൽ നടക്കുന്നുണ്ടെന്ന് കേട്ട് വന്ന ഗോപാലൻ അല്പം ലോജിക്കലി ചിന്തിച്ചു.
മൊത്തമായി വാങ്ങിയാൽ... വില കുറവ് ആണെങ്കിലും വളർച്ച മുരടിച്ച ചില പോത്തുകൾ കൂട്ടത്തിൽ ഉണ്ടാകും...
മറിച്ച് നല്ലത് തിരഞ്ഞെടുത്ത് വാങ്ങിയാൽ വില കൂടുതൽ ആകാം... അങ്ങനെ നിൽക്കുമ്പോൾ ആണ് അവറാച്ചൻ പറയുന്നത് -
"എടാ ഗോപാലാ, ഇത് ഒരു ഡിസ്ട്രെസ്സ് സെയിൽ ആണ്- എല്ലാം വിറ്റു പറക്കി ആസ്ട്രേലിയ്ക്ക് പോകാനുള്ള സെയിൽ..."
നിനക്ക് ഇഷ്ടമുള്ളതിനെ നീ തിരഞ്ഞ് എടുക്ക് - അതിൽ കുറച്ച് എണ്ണത്തിന് ഞാൻ നന്നായി വില കുറച്ചു തരാം...."
അങ്ങനെ ഗോപാലൻ വലുതും ചെറുതുമായ തനിക്കിഷ്ട്ടപ്പെട്ട 60 പോത്തിനെ തിരഞ്ഞെടുത്തിട്ട് അവറാച്ചനോട് വില ചോദിച്ചു.

അവറാച്ചൻ ചോദിച്ചതിൽ 45 എണ്ണത്തിന്റെ വില വളരെ ന്യായമെന്ന് ഗോപാലന് തോന്നി... അങ്ങനെ ഗോപാലൻ അവയെ സ്വന്തമാക്കി... ഉടനടി കൊടുക്കാൻ പണം ഇല്ലാത്തതിനാൽ ഒരു രണ്ടു മാസത്തെ അവധിയും പറഞ്ഞു... അവറാച്ചന് വിസ അടിക്കാനും അത്രേമൊക്കെ സമയമെടുക്കും... "ഞാൻ ആസ്ട്രേലിയ്ക്ക് പോകുന്നതിനു മുന്നേ തന്നാൽ മതി ഗോപാലാ..." അവറാച്ചൻ സമ്മതിച്ചു..
ഇന്നത്തെ മാർക്കറ്റിന്റെ അവസ്ഥ എന്നത് ആസ്ട്രേലിയ്ക്ക് പോകാൻ തയാറായി നിൽക്കുന്ന അവറാച്ചന്റെ മനസികാവസ്ഥയുമായാണ്...
ആകെ ഡിസ്ട്രെസ്സ്! വോലറ്റിലിറ്റി! സ്‌മോൾ ആൻഡ് മിഡ്ക്യാപ് സെഗ്മെന്റിൽ ഉണ്ടായ കറക്ഷൻ, ആകെക്കൂടെ സെന്റിമെന്റ്സ് നെഗറ്റീവ്..!
എന്നാൽ, പാലു തരാൻ കഴിവുള്ളതും പ്രായമില്ലാത്തതും പെട്ടന്നുള്ള വളർച്ചക്ക് സാധ്യതയുള്ള കിടാവുകളും, അത്യാവശ്യത്തിന് നാല് കാശു വേണെൽ നേരെ വെട്ടി വിറ്റ് ബീഫ് ആക്കാൻ റെഡി ആയതും ഒക്കെയായി ഗോപാലൻ കണ്ടു പിടിച്ച 60 മൃഗങ്ങളിൽ 45 എണ്ണം ഇന്ന് നല്ല വിലക്കുറവിൽ ലഭിക്കുകയാണ്...
ഇത് NFO യെ Glorify ചെയ്യാൻ ഉള്ള പോസ്റ്റ് അല്ല എന്ന് ആദ്യം തന്നെ പറയട്ടെ...

ഇന്ന് ഒരു എക്സിസ്റ്റിങ് മൂച്വൽ ഫണ്ടിൽ നിക്ഷേപിക്കുമ്പോൾ, ആ ഫണ്ടിൽ നല്ലത് എന്ന് ഗോപാലൻ എണ്ണിയ 60 സ്റ്റോക്കും ഫണ്ട് പോർട്ഫോളിയോയിൽ ഉണ്ടാകും...
എന്നാൽ അതിൽ വിലകുറഞ്ഞ 45 കമ്പനികളിൽ നിക്ഷേപിക്കണം എങ്കിൽ പുതിയ ഒരു പോർട്ഫോളിയോ ചെയ്തേ പറ്റൂ...
ഇത്തരം മാർക്കറ്റ് വേളകളിൽ - ഹൈ വോലറ്റിലിറ്റി, സൈഡ് വേസ് ഉള്ള നീക്കം, കുറേനാളായി റിട്ടേൺ കിട്ടാതെയുള്ള അവസ്ഥ..മേല്പറഞ്ഞ 45 പോത്തുകളെ വാങ്ങണം എങ്കിൽ അതിനു നല്ല മാർഗമാണ് New Fund Offer.

അതായത്, നിക്ഷേപകരിൽ നിന്നും സമാഹരിക്കുന്ന തുക പൂർണ്ണമായും നല്ല വാലുവേഷൻ ഉള്ള കമ്പനികളിൽ നിക്ഷപിയ്ക്കാൻ കിട്ടുന്ന അസുലഭ അവസരം ആണ് ഇപ്പോൾ ഉള്ള ചില NFOകൾ (തീമാറ്റിക്, Sectoral, Index തുടങ്ങിയ കാറ്റഗറി ഫണ്ടുകളെ ഉദ്ദേശിച്ച് അല്ല പരാമർശിച്ചിരിക്കുന്നത്)
Diversified Equity ഫണ്ടുകൾ ആണ് ഇത്തരം സാഹചര്യങ്ങളിൽ പോർട്ടഫോളിയോയിൽ എടുക്കാവുന്നത്.
വിരോധാഭാസം..

പലപ്പോഴും NFOs വരുന്നത് "കാറ്റുള്ളപ്പോൾ തൂറ്റാം" എന്ന സിദ്ധാന്തത്തിൽ നിലയുറപ്പിച്ച് ആണ്.
എന്നാൽ ഇത്തരം മാർക്കറ്റ് സെന്റിമെന്റ്സ് കുറഞ്ഞിരിക്കുന്ന സമയങ്ങളിൽ NFOs പൊതുവെ കുറവായിരിക്കും.

മേലോട്ട് പായുന്ന ഹൈ സെന്റിമെന്റ്സ് ഉള്ള മാർക്കറ്റിൽ ഞാൻ പറഞ്ഞ സിദ്ധാന്തം പാരയാകാൻ ഉള്ള സാധ്യത വളരെ കൂടുതലാണ് എന്ന കാര്യവും ഞാൻ നിഷ്കർഷമായി അറിയിക്കട്ടെ....

ശ്രദ്ധിക്കുക :
NFO തിരഞ്ഞെടുക്കുമ്പോൾ, നല്ല ബ്രാൻഡ്, സാമാന്യം നല്ല number of fund managers ഉള്ള AMC, Sustainable AUM & Business ഉള്ള AMC,
NFO ഫണ്ട് മാനേജ് ചെയ്യുന്ന ആളുടെ എക്സ്പീരിയൻസ് എന്നിവ...

ഫണ്ട് കാറ്റഗറികൾ : Large Mid Small, Flexy Cap, ഇങ്ങനെയുള്ള diversified ഫണ്ടുകൾ
അപ്പോൾ ഈ ഓഫർ എന്ന് വരെ കാണും എന്ന് പറയാൻ പറ്റില്ല... മാർക്കറ്റ് അലമ്പായി കിടക്കുമ്പോൾ വേണം യൂണിറ്റ്സ് വാങ്ങി കൂട്ടാൻ നല്ല സമയം എന്ന് മാത്രം ഓർക്കുക. Make sure your portfolio by monitoring ഇറ്റ് on regular basis
മെൽബണിലെ എരുമക്കച്ചവടക്കാരൻ... അടുത്ത ലക്കത്തിനായി കാത്തിരിക്കുക!
സസ്നേഹം..

Binson Mathew
AMFI Registered Mutual Fund Distributor
Disclaimer: Equity Investments are subject to Market Risk.

കൊള്ളാവുന്ന 45 പോത്തുകളെ വാങ്ങാനായി ഇപ്പോൾ കയ്യിൽ ഉള്ള ഫണ്ടുകളെല്ലാം വിറ്റ് NFO യിൽ നിക്ഷപിക്കുന്നത് നല്ലതാണോ എന്ന ചോദ്യം നിരോധിച്ചിരിക്കുന്നു
Picture Courtesy: World Wide Web!

മ്യൂച്വൽ ഫണ്ട് മേഖലയെ സംബന്ധിച്ച് കൂടുതൽ വിവരങ്ങൾ ലഭ്യമാകുന്നതിനും ആരോഗ്യപരമായ ചർച്ചകളിൽ പങ്കെടുക്കുന്നതിനുമായി, മലയാളികൾക്ക് മാത്രമായി തബീൽ വെൽത്ത് രൂപീകരിച്ചിട്ടുള്ള വാട്സ്ആപ്പ് ഗ്രൂപ്പിൽ പങ്കുചേരുവാൻ താല്പര്യമുള്ളവർ ദയവായി ഈ ലിങ്കിൽ ക്ലിക്ക് ചെയ്യുക https://chat.whatsapp.com/Kr6L9fH60hA0tApTdEMXyW?mode=r_t

2. റിട്ടയർമെന്റിന്റെ "ഡെലൂലൂവും" അതിനുള്ള "സൊലൂലൂവും..!"സീരീസ് -1 Part-2ഇന്നത്തെ ഒരു ശരാശരി "ഡിജിറ്റലൈസ്‌ഡ്‌ ഭാരതീയന്റെ"...
06/02/2026

2. റിട്ടയർമെന്റിന്റെ "ഡെലൂലൂവും" അതിനുള്ള "സൊലൂലൂവും..!"

സീരീസ് -1 Part-2

ഇന്നത്തെ ഒരു ശരാശരി "ഡിജിറ്റലൈസ്‌ഡ്‌ ഭാരതീയന്റെ" സമയത്തിന്റെ ഭൂരിഭാഗവും കവർന്നു തിന്നുന്ന അർബുദമാണ് "റീൽസ്" എന്ന് പറഞ്ഞാൽ നിങ്ങൾ സമ്മതിക്കുമോ?

ഏതെങ്കിലും ഒരു സോഷ്യൽ മീഡിയ നോട്ടിഫിക്കേഷൻ കണ്ട് അതിൽ തോണ്ടി സ്ക്രോൾ ചെയ്തുചെത് താഴേക്കു പോകുമ്പോൾ തുറന്നു വരുന്ന "45 സെക്കന്റ് മാത്രം വലുപ്പമുള്ള ഒരു റീൽ" പാഞ്ചാലിയുടെ സാരിപോലെ - അഴിച്ചു തീരാൻ 45 മിനുട്ട് അടിയറ വെക്കേണ്ടി വരുമെന്ന് സ്വപ്നത്തിൽ പോലും ആരും ചിന്തിക്കില്ല. എയർപോർട്ടിൽ റീല് കണ്ടിരുന്നു സമയം പോയതെറിയാതെ, പെട്ടന്ന് ഞട്ടിത്തരിച്ചു നോക്കിയപ്പോൾ തന്റെ ഫ്ലൈറ്റ് റൺവേയിൽ കൂടെ ഓടിപ്പോകുന്നത് കണ്ട് മൊബൈല് എറിഞ്ഞുപൊട്ടിച്ച റീൽ അഡിക്ടസ് ഈ നാട്ടിൽ ഉണ്ടെന്നു പറഞ്ഞാൽ അതിശയോക്തിക്ക് വഴിയുണ്ടോ?
റിട്ടയര്മെന്റിനേ കുറിച്ച് വർണ്ണിക്കാനായി ലാപ്ടോപ്പെടുത്ത എന്റെ ഒരു മണിക്കൂർ റീലുകളിലൂടേ വ്യർത്ഥമായതിന്റെ വ്യഥയിലായാണ് ഞാൻ മേലെയുള്ള വൃത്താന്തം വാരിയിട്ടത്...
"ഡെലൂലൂവിന്റെ സൊലൂലൂ" ആദ്യഗഡു അധികം ആരും വായിച്ചില്ലയോ...; അതോ ആർക്കും അതത്ര പിടിച്ചില്ലയോ എന്ന് എത്തും പിടിയും കിട്ടുന്നില്ല - കാരണം കുറിപ്പിനടിയിലുള്ള റെസ്പോൺസ് നന്നേ കുറവായിരുന്നു...

എന്തായാലും നമുക്ക് ടോപിക്കിലേക്ക് കടക്കാം!

1. റിട്ടയര്മെന്റ് ഫണ്ട് സമാഹരണത്തിനു പിന്നിലെ ബിഹേവിയറൽ ഫാക്ടർസ്..

കെട്ടാൻ പോകുന്ന ജീവിത പങ്കാളിയെ കുറിച്ചുള്ള സങ്കല്പങ്ങൾ ചോദിച്ചാൽ ഒരു പക്ഷെ 90% ആളുകളും എന്തെവെങ്കിലുമൊക്കെ മറുപടി തന്നുവെന്നിരിക്കും... എന്നാൽ- നിങ്ങളുടെ റിട്ടയർമെന്റ് ലൈഫിനെക്കുറിച്ചുള്ള സങ്കൽപം , അല്ലെങ്കിൽ നിങ്ങളുടെ റിട്ടയർമെന്റ് ജീവിതം എങ്ങനെ ചിലവഴിക്കും എന്ന് മലയാളിയായ ഒരാളോട് ചോദിച്ചാൽ കൃത്യമായ ഉത്തരം കിട്ടുന്നത് 3% താഴെ ആളുകളിൽ നിന്നും ആയിരിക്കും..
WHY ???

അങ്ങനെ ഒരു ശീലം ഇല്ല, അത് തന്നെ!
സമ്പാദിക്കുക എന്നത് മലയാളിയുടെ സാമ്പത്തിക നിഘണ്ടുവിലെ ആദ്യത്തേ പദം ആണെങ്കിലും റിട്ടയർമെന്റ് ലൈഫ് EXPENSES നു വേണ്ടിയുള്ള പണം സമാഹരിക്കുക എന്നതിനെ കുറിച്ച് ആളുകൾ ചിന്തുച്ച് തുടങ്ങിയിട്ട് അധികം ആയില്ല.

അവന്റെ ചിന്താധാരയിൽ ഓടുന്ന ആഗ്രഹ തീവണ്ടിയുടെ ബോഗികളാണ് - "പഞ്ചായത്തിലെ തന്നെ ഏറ്റവും വല്യ വീട് വക്കുക..." അംബാനിയോ ജയലളിതയോ" നടത്തിയ കല്യാണം പോലെ ആയില്ലെങ്കിലും "പിള്ളേരുടെ കല്യാണം" എന്നത് അത്യാവശ്യം ആർഭാടം കാണിക്കാനുള്ള ഒരു വേദി ആക്കുക... ഒട്ടും മോശമല്ലാത്തതും നല്ല വലുപ്പമുള്ള ഒരു SUV വാങ്ങുക... "നീക്കിയിരുപ്പ്" വല്ലതും ഉണ്ടെങ്കിൽ ഒരു യാത്ര പോയി..പടമെടുത്ത് സോഷ്യൽ മീഡിയയിൽ പോസ്റ്റുക." അത്രയും ഒക്കെ ആകുമ്പോഴേക്കും ഏറെക്കുറെ ധന്യമായി ജീവിതം... പിന്നെ റിട്ടയർ ആയി ഏതാനും മാസമോ വർഷമോ ആകുമ്പോഴേക്കും, കയ്യിലുള്ള 'വളർച്ച അസ്തമിച്ച ജോർജുകുട്ടി' വറ്റി തുടങ്ങുമ്പോൾ ഉണ്ടാകുന്ന ഒരു ഉൾവിളി ഉണ്ടല്ലോ... അത് ഒന്നൊന്നര വിളി ആണ് . അപ്പോൾ പിന്നെ വസ്തുക്കച്ചവടം ആണ് അടുത്ത ഉപാധി...

"തൊട്ടുപോയാൽ കാല് തല്ലിയൊടിക്കും" എന്ന അദൃശ്യ ലിപികളാൽ ആലേഖനം ചെയ്യപ്പെട്ടിട്ടുള്ള അലമാരക്ക് അകത്തിരിക്കുന്ന സ്വർണ്ണത്തെ വിറ്റ് retirement corpus ഫണ്ടായി മാറ്റാൻ വളരെ ചിലരൊക്കെയെ തുനിഞ്ഞിട്ടുള്ളു... Plan Prperly!!!

2. കയ്യിൽ ഉള്ളത് ആവശ്യത്തിലും അധികം എന്ന തെറ്റായ ധാരണ...

നാല്പതാം വയസ്സിൽ FIRE എത്തി എന്ന് പ്രഖ്യാപിച്ച് ഇന്ന് ആഘോഷിക്കുന്ന പലർക്കും, ഭാവിയിൽ പല ആഗ്രഹങ്ങളും മുറുക്കിപ്പിടിച്ച് മുനിവര്യൻമാരെപോലെ നടക്കേണ്ടതായി വന്നെന്നിരിക്കും - കൈവിട്ടകളി കളിച്ചാൽ. നാൽപതു-നാല്പത്തഞ്ചു വയസ്സിൽ ആക്റ്റീവ് വരുമാനം നിൽക്കുന്ന ഒരു വ്യക്തിയുടെ പാസ്സീവ് ഇൻകം അത്രക്ക് ശക്തം അല്ല എങ്കിൽ പലപ്പോഴും ശോകം ആകും ഒടുക്കം. പ്രത്യേകിച്ച് കയ്യിൽ ലിക്വിഡബിൾ ആയി പണമിരിക്കുമ്പോൾ അത് ചെലവാക്കാനുള്ള മോഹങ്ങൾ ജനിപ്പിക്കുക എന്നത് മനുഷ്യ മനസ്സിന്റെ ഒരു പ്രത്യേകതയാണ്. ആരോഗ്യം ഉള്ളയിടത്തോളം കാലം പണം ചിലവാക്കാനുള്ള വഴികൾ വന്നുകൊണ്ടേ ഇരിക്കും.. ചുരുക്കം ചില ആളുകൾക്ക് മാത്രേ അതിനെ നേരിടാനുള്ള ഡിറ്റർമിനേഷനും മനോബലവും ഉള്ളു.
ആയതിനാൽ, 45 നു മുന്നേ റിട്ടയർ ആക്കുന്നവർ, അവരുടെ ലൈഫ്‌സ്റ്റൈൽ അനുസരിച്ച് ഒരു 60 വയസ്സ് വരെയെങ്കിലും അപ്ഗ്രേഡ് ചെയ്യാനുള്ള എക്സ്ട്രാ പണം കൂടെ കരുതി വക്കേണ്ടതാണ്. അതായത് "ഇൻഫ്‌ളേഷൻ ഫാക്ടർ" മാത്രം കണക്കാക്കാതെ, ഒപ്പം 65 വയസ്സുവരെ വരാവുന്ന ലൈഫ്‌സ്റ്റൈൽ അപ്ഗ്രഡേഷൻ കൂടെ കണക്കിലെടുത്ത് റിട്ടയർമെന്റ് കോർപ്പസ് കണ്ടുപിടിച്ച് റിട്ടയർ ആകുക.

പാഷൻസ് തുടരാനും ജീവിതം പൊളിക്കാനും തൊട്ടി ലിസ്റ്റ് പൂർണ്ണമാക്കാനും ഉള്ള തുക പ്രത്യേകം വക കൊള്ളിച്ച് കണക്കിൽ ചേർക്കേണ്ടതാണ് എന്നർത്ഥം.

3. റിട്ടയർമെന്റോ.. അതപ്പോൾ നോക്കാം..I am just 30 years young.

തല്ക്കാലം അടിച്ചു പൊളിക്കാം പിന്നെ നിക്ഷേപിക്കാം; പെൻഷൻ പ്ലാനിനെ കുറിച്ച് ചിന്തിക്കാൻ തക്ക പ്രായമായിട്ടില്ലെന്ന് വിശ്വസിക്കുന്ന ഒരു കൂട്ടം. യാഥാർഥ്യങ്ങളെ മനസിലാക്കാതെ, delay കോസ്റ്റിനെക്കുറിച്ച് ധാരണയില്ലാത്ത, "വരുമാനം കിട്ടുന്നത് മുഴുവൻ അന്നന്ന് കാലിയാക്കി" നാളെ പ്രളയം എന്ന നിലയിൽ ജീവിക്കുന്ന "കുട്ടി തുഗ്ലക്കുകൾ!"- എന്നിട്ടു പറയും തഗ് ലൈഫ്!!!
ഒരു നാല്പത്തെത്തുമ്പോൾ കുടവയർ രുപത്തിൽ വരുന്ന മിഡ്‌ലൈഫ്‌ ക്രൈസിസിന്റെ രണ്ടുവശത്തും കയറിയിരിക്കാൻ രണ്ടുപിള്ളേരും, ഒപ്പം ഭാര്യയും മാതാപിതാക്കളും ഒക്കെ കോസ്റ്റ് സെന്ററായി മാറുന്ന സമയത്ത്, ചിലന്തിവലയിൽ കുടുങ്ങിയ പൂമ്പാറ്റയെപോലെ മനസിലേക്ക് കടന്നു വരുന്ന റിട്ടയർമെന്റ് മോഹങ്ങൾക്ക് ചിറകു പണിയാൻ നീക്കിബാക്കി അധികം ഉണ്ടായി എന്ന് വരില്ല...
സൊ, സേവ് ഏർലി ഫോർ റിട്ടയർമെന്റ്...

4. ഇതൊക്കെ എന്ത്...? ഇതല്ല ഇതിനപ്പുറം ചാടിക്കടന്നവനാണീ ഈ KK ജോസഫ് ...!

"കാശുണ്ടാക്കാൻ അറിയാമെങ്കിൽ അത് മാനേജ് ചെയ്യാനും അറിയാമെടാ..." എന്ന് വീരവാദം പ്രഖ്യാപിച്ച് വിദഗ്ധഉപദേശം തേടാതെ, സ്വയം R&D നടത്തിയും സോഷ്യൽ മീഡിയ യൂണിവേഴ്സിറ്റിയിലെ ഗുരുക്കളെ follow ചെയ്തും, അറിവിന്റെ തീഗോളങ്ങൾ ബുദ്ധിയിൽ ആവാഹിച്ച് റിസേർച്ചിന്റെ പരമോന്നത തലത്തിൽനിന്നു കൊണ്ട് ഒരു തീരുമാനത്തിൽ എത്തി, റിട്ടയർമെന്റ് കാലത്തേക്കായി ഒരു "ഗൗരന്റീഡ് ഇൻകം പ്ലാനും", കുറച്ച് ഹൈബ്രിഡ് മൂച്വൽ ഫണ്ടും വാങ്ങി SWP ചെയ്ത് സ്വസ്ഥമായി Retirement ആഘോഷിക്കാൻ...

പ്രതിമാസം രണ്ടുലക്ഷം വീതം 24 ലക്ഷം രൂപ വാർഷികപ്രീമിയം അടക്കുന്ന ഗൗരന്റീഡ് റിട്ടേൺ പ്ലാനിൽ നിന്നും ഭാവിയിൽ തിരിച്ചു കിട്ടുന്ന പണത്തിന് ഉണ്ടാകാവുന്ന മൂല്യച്യുതിയുടെ വ്യാപ്തി മനസിലാക്കിയപ്പോൾ വേറൊരു കാര്യം കൂടെ അദ്ദേഹത്തിന് പിടികിട്ടി. താൻ ചെയ്ത R &D യുടെ ഫുൾഫോം Research & Destruction എന്നായിരുന്നു എന്ന്...
Please understand, you will not get a second chance to plan for your retirement . So, take Professional Assistance. Period.
അപ്പോൾ ഡെലൂലൂ സീരീസിലെ മൂന്നാമത്തെ അധ്യായത്തിൽ വീണ്ടും കാണാം..

സസ്നേഹം..

Binson Mathew
AMFI Registered Mutual Fund Distributor
Disclaimer: Equity Investments are subject to Market Risk.
Picture Courtesy: World Wide Web!
മ്യൂച്വൽ ഫണ്ട് മേഖലയെ സംബന്ധിച്ച് കൂടുതൽ വിവരങ്ങൾ ലഭ്യമാകുന്നതിനും ആരോഗ്യപരമായ ചർച്ചകളിൽ പങ്കെടുക്കുന്നതിനുമായി, മലയാളികൾക്ക് മാത്രമായി തബീൽ വെൽത്ത് രൂപീകരിച്ചിട്ടുള്ള വാട്സ്ആപ്പ് ഗ്രൂപ്പിൽ പങ്കുചേരുവാൻ താല്പര്യമുള്ളവർ ദയവായി ഈ ലിങ്കിൽ ക്ലിക്ക് ചെയ്യുക https://chat.whatsapp.com/Kr6L9fH60hA0tApTdEMXyW?mode=r_t

റിട്ടയർമെന്റിന്റെ "ഡെലൂലൂവും" അതിനുള്ള "സൊലൂലൂവും..!""എല്ലാവർക്കും സ്വർഗ്ഗത്തിൽ പോകണം, എന്നാൽ ആർക്കും മരിക്കേണ്ട!" എന്ന ...
06/02/2026

റിട്ടയർമെന്റിന്റെ "ഡെലൂലൂവും" അതിനുള്ള "സൊലൂലൂവും..!"

"എല്ലാവർക്കും സ്വർഗ്ഗത്തിൽ പോകണം, എന്നാൽ ആർക്കും മരിക്കേണ്ട!" എന്ന ചാൾസ് ഡിങ്കന്റെ മഹത്തായ ഉദ്ധരണികൾ കൊണ്ട് തുടങ്ങാം ഇന്നത്തെ കുറിപ്പ്!

സമ്പാദ്യം... നിക്ഷേപം... വ്യാപാരം... (ട്രേഡിങ്ങ്) എന്നിങ്ങനെ തുടങ്ങി, ബാക്കിവന്നതിനെ പിന്നത്തേക്ക് എങ്ങനെ മാറ്റിവെച്ച് ഉപയോഗിക്കാം എന്ന സമസ്യക്ക് പിന്നിൽ നടത്തപ്പെട്ട കണ്ടുപിടുത്തങ്ങളിൽ ഏറ്റവും വലുത് എന്ന് എനിക്ക് തോന്നുന്നത് അടുക്കളയിലെ റഫ്രിജറേറ്റർ ആണ്!

ബാക്കി വരുന്ന ഭക്ഷണ പാനീയങ്ങളെ കേടുകൂടാതെ സൂക്ഷിക്കാൻ മനുഷ്യൻ തന്റെ ബുദ്ധിയും ശക്തിയും എടുത്ത് കണ്ടുപിടിച്ച ഒരു അത്ഭുതം!
പണത്തിന്റെ കാര്യത്തിൽ പിന്നെ "കടലാസ്സു നോട്ടുകൾക്കും ലോഹനാണയങ്ങൾക്കും "സാധാരണ താപനിലയിലും അന്തരീക്ഷമർദ്ധത്തിലും" കേടുപാടുകൾ ഒന്നും വരാത്തതിനാലാകാം അധികം ആളുകളും "ബാക്കി വരുന്ന പണം എങ്ങനെ പ്രെസെർവ് ചെയ്യാം" എന്നതിനെ കുറിച്ച് അത്ര യാതനപ്പെടാത്തത്...
ഒരു ശരാശരി ഭാരതീയന്റെ പെൻഷൻ പ്ലാൻ എന്നത് "താൻ പഠിപ്പിച്ച് വളർത്തി വലുതാക്കുന്ന കുട്ടികളാണ്" എന്ന അലിഖിത പ്രമാണങ്ങളുടെ അന്തസത്തക്ക് മങ്ങൽ ഏറ്റു കൊണ്ടിരിക്കുന്നു എന്ന യാതാർത്ഥ്യം പറയേണ്ടതില്ലല്ലോ...

കുടിയേറ്റ സംസ്ക്കാരത്തിന്റെ അതിപ്രസരം " കൊണ്ടോ, "എനിക്കെന്റെ ലൈഫ് അടിച്ച് പൊളിക്കണം" എന്ന ആത്യന്തികമായി മനുഷ്യനിൽ ഉണ്ടായിരുന്ന ചിന്ത ആത്മാവിഷ്കാരത്തിനുള്ള സ്വാതന്ത്രലബ്ധിയിൽ പുറത്തു വന്നതിനാലോ...; എന്തായാലും ഇന്നത്തെ മധ്യ-തലമുറ റിട്ടയർമെന്റിന്റെ കാര്യത്തിൽ സ്വയം പര്യാപ്തത കൈ വരിക്കാൻ ഒരു പരിധിവരെ തയാറാകുന്നുണ്ട് എന്നറിയുന്നതിൽ സന്തോഷമുണ്ട്.

എന്നിരുന്നാലും, "ആധികാരികത" യുടെ ആദ്യാക്ഷരം പോലും തൊട്ടുതീണ്ടിയിട്ടില്ലാത്ത പല സ്രോതസ്സുകളിൽ നിന്നും ലഭിക്കുന്ന വികലമായ അറിവുകളുടെ അത്യഗ്രപ്രതിഫലനമാണ് പലരുടെയും റിട്ടയർമെന്റ് പോർട്ട് ഫോളിയോയിൽ എന്ന് പറയുന്നതിൽ ദുഃഖമുണ്ട്.

"കടലാസ്സു നോട്ടുകൾക്കും ലോഹത്തുട്ടുകൾക്കും" കേടു പിടിക്കില്ലെങ്കിലും കാലാകാലങ്ങൾകൊണ്ട് അവക്കുണ്ടാകുന്ന മൂല്യ ച്യുതിയെക്കുറിച്ച് ചിന്തിക്കാതെ 'സ്വർണ്ണനാവിൽ നിന്നും വരുന്ന മധുരമൊഴികളിൽ' പെട്ട് - ഗ്യാരന്റീഡ് റിട്ടേൺ കിട്ടുന്ന ഇൻഷുറൻസ് പദ്ധതികളിൽ ലക്ഷങ്ങൾ പെടുത്തിയിരിക്കുന്നവരും, എത്തികുത്തി നിന്ന് ചാടിയാൽ പോലും ഇൻഫ്ലാഷനെ മറികടക്കാൻ ആവാത്ത വളർച്ചയുള്ള ഫിക്സഡ് ഡെപ്പോസിറ്റുകളിൽ കോടികൾ നിക്ഷേപിച്ചിരിക്കുന്നവരും, റിസ്ക്കോ റിട്ടേണോ മനസിലാക്കാതെ ആരോ പറഞ്ഞ കുറെ Mutual ഫണ്ടിൽ SIP തുടങ്ങിയിട്ട് - Invest & Forget " ഈസ് മൈ ബെസ്ററ് പോളിസി- എന്ന് വിശ്വസിച്ച് കോംപൗണ്ടിങ് ഇന്റെ വിസ്മയം ഉണ്ടാകും എന്ന് അന്ധമായി കരുതിയിരിക്കുന്നവരും... എന്ന് വേണ്ട- കുറച്ച് mutual ഫണ്ട് വാങ്ങി ഇനി SWP തുടങ്ങിയാൽ മാത്രം മതി എന്ന് കരുതിയിരിക്കുന്നവരും...
കൂടാതെ അത്യധികം വല്യ റിയൽ എസ്റ്റേറ്റ് നിക്ഷേപങ്ങൾ നടത്തി അതിന്റെ 2% പോലും വാർഷിക റെന്റൽ ഇൻകം കിട്ടാതെ കഷ്ട്ടപ്പെടുന്നവരും, അപ്പ്രീസിയേഷൻ ഇല്ലാതെ പ്രോപ്പർട്ടി വിൽക്കാൻ പറ്റാതെ നട്ടം തിരിയുന്നവരും.. പണം ലാൻഡിൽ ബ്ലോക്കായി ഇരിക്കുന്നവരും...
ഒപ്പം ഇനി എന്ത് ചെയ്യണം എന്ന് എത്തും പിടിയും ഇല്ലാതെ റിട്ടയർ ചെയ്യാനായി വെമ്പി നിൽക്കുന്ന അനേകരെയും ഇന്ന് നമുക്ക് ചുറ്റും കാണാം...
അയ്യോ.. ആകെ ഡെലൂലൂ ആയല്ലോ! ഇനി ഇപ്പോൾ എന്താ ചെയ്യുക?

വിഷമിക്കേണ്ട.. നമുക്ക് സൊലൂലൂ ഉണ്ടല്ലോ!
റിട്ടർമെന്റിന് വേണ്ടി പണം സമാഹരിക്കുന്നവർ എടുക്കേണ്ട കാര്യം- ഈ മാറ്റിവെക്കുന്ന പണം മറ്റൊരു കാര്യത്തിലേക്ക് എടുത്ത് വകമാറ്റി ഉപയോഗിക്കുകയില്ല എന്ന സത്യാ പ്രതിജ്ഞ എടുക്കൽ ആണ്...

കാരണം താഴെ...
1. Impulsive Decisions on investments...
നല്ലൊരു ഡീൽ ആണ് ബിൻസാ... ഇപ്പൊ വാങ്ങാൻ പറ്റിയില്ലേ പിന്നെ അങ്ങനെ ഒരെണ്ണം കിട്ടില്ല എന്ന് പറഞ്ഞ് mutual ഫണ്ടിൽ കിടന്ന പണം വലിച്ച് കൊണ്ടുപോയി ഫ്ലാറ്റ് വാങ്ങി "മധുരിച്ചിട്ട് തുപ്പാനും മേലാ .. കയ്ച്ചിട്ട് വിഴുങ്ങാനും മേലാ" എന്ന അവസ്ഥയിൽ ഇരിക്കുന്ന ചില ബോംബെക്കാരെ എനിക്ക് അടുത്തറിയാം... മലയാളിയുടെ സ്വഭാവവും ഒട്ടും വേറെ അല്ലാത്ത കാരണം കൊണ്ടാണ് ഇത് എഴുതിയത്...

2. Instant Gratification അഥവാ തൽക്ഷണ സംതൃപ്തി - അതായത് ഒരു കാര്യം കണ്ടു ഇഷ്ട്ടപെട്ടു എങ്കിൽ അതിന്റെ വരുംവരാഴിക (Consequences ) നോക്കാതെ ആ വസ്തുതയെ ആർജിക്കുവാനുള്ള ആക്രാന്തം"
വിലയേറിയ വസ്ത്രങ്ങൾ... വാച്ചുകൾ.. മൊബൈൽ ഫോണുകൾ... വാഹനങ്ങൾ.... അങ്ങനെ ലിസ്റ്റ് നീളും!
അതുകൊണ്ട് ഈ ലേഖനപരമ്പര വായിക്കുവാനും മനസിലാക്കുവാനും താല്പര്യം ഉള്ളവർ Impulsive investment Decisions & Instant Gratification മാറ്റി വച്ചതിനു ശേഷം മാത്രം മുന്നോട്ടു വായിക്കുക...
പിന്നെ സർവ സാധാരണമായ
"എല്ലാവര്ക്കും റിട്ടയർ ആകണം- എന്നാൽ ആർക്കും ഒരല്പം ചെലവ് ചുരുക്കി പണം മിച്ചം പിടിച്ച് നിക്ഷേപിക്കുവാൻ വയ്യാ..." Mind set നും അവധി കൊടുക്കാം...
ഇതൊരു ഇൻട്രോ മാത്രം...

തുടർന്നുള്ള ലേഖനങ്ങളുടെ ഉള്ളടക്കം

1. റിട്ടയര്മെന്റ് ഫണ്ട് സമാഹരണത്തിനു പിന്നിലെ ബിഹേവിയറൽ ഫാക്ടർസ്...

2. ഇൻഫ്‌ളേഷൻ...

3. Ways to build Retirement Corpus...

4. Withdrawal Strategies - Mainly Bucket Strategy.

5 Non-conventional ways to generate regular income after retirement (In Indian Context )

സസ്നേഹം..
Binson Mathew
AMFI Registered Mutual Fund Distributor
Disclaimer: Equity Investments are subject to Market Risk.
Picture Courtesy: World Wide Web!

മ്യൂച്വൽ ഫണ്ട് മേഖലയെ സംബന്ധിച്ച് കൂടുതൽ വിവരങ്ങൾ ലഭ്യമാകുന്നതിനും ആരോഗ്യപരമായ ചർച്ചകളിൽ പങ്കെടുക്കുന്നതിനുമായി, മലയാളികൾക്ക് മാത്രമായി തബീൽ വെൽത്ത് രൂപീകരിച്ചിട്ടുള്ള വാട്സ്ആപ്പ് ഗ്രൂപ്പിൽ പങ്കുചേരുവാൻ താല്പര്യമുള്ളവർ ദയവായി ഈ ലിങ്കിൽ ക്ലിക്ക് ചെയ്യുക https://chat.whatsapp.com/Kr6L9fH60hA0tApTdEMXyW?mode=r_t

വേദന തിങ്ങും സമൂഹത്തിൽ നിന്ന് ഞാൻ വേരോടെ മാന്തിപ്പറിച്ചെടുത്തതാണീ കഥ!സമർപ്പണം!"കഥാപ്രസംഗം" എന്ന് പറഞ്ഞാൽ അത് എന്താണെന്ന്...
06/02/2026

വേദന തിങ്ങും സമൂഹത്തിൽ നിന്ന് ഞാൻ വേരോടെ മാന്തിപ്പറിച്ചെടുത്തതാണീ കഥ!

സമർപ്പണം!

"കഥാപ്രസംഗം" എന്ന് പറഞ്ഞാൽ അത് എന്താണെന്ന് ചോദിക്കുന്ന "ജെൻസി" യുഗത്തിൽ ഒരു ഇനി കഥാപ്രസംഗം നടത്തി "ഫ്ളക്സ്" ആക്കാനൊന്നും...നിൽക്കണില്ല ഗുയ്സ്! കഥാപ്രസംഗ രംഗത്ത് GOAT സാംബശിവന്റെ പിൻഗാമി VD രാജപ്പന്റെ ഒരു "Stan" എന്ന നിലയിൽ അന്യം നിന്നുപൊയ്ക്കൊണ്ടിരുന്ന കഥാപ്രസംഗ കലാരൂപത്തിന് മുന്നിൽ കൂപ്പുകൈകളോടെ....

ജീവിതത്തിന്റെ ഗന്ധമുള്ള കുറിപ്പുകൾക്ക് എപ്പോഴും ഒരു ആത്മാവുണ്ടാകും... അത് അന്തരംഗങ്ങ്ളിൽ അലകൾ ഉയർത്തും... ഹൃദയങ്ങളോട് വിനിമയം നടത്തും... ഓർമ്മകളുടെ ഫലകങ്ങളിൽ നാരായം കൊണ്ടെന്നപോലെ ആലേഖനം ചെയ്യപ്പെടും!
റോഡ്സേഫ്റ്റി യുടെ കാര്യത്തിൽ അത്യുന്നത ശുഷ്കാന്തിയുള്ള നമ്മുടെ സർക്കാരിന്റെ നിയമപ്രകാരം - ഇരുചക്ര വാഹനത്തിലെ പിൻസീറ്റു യാത്രക്കാരനും ഹെൽമറ്റ് നിർബന്ധയമാക്കിയതോടെ, ബൈക്കിൽ ലിഫ്റ്റ് അടിച്ചു പോകുന്ന ആളുകൾക്ക് ഒരു വല്യ പണിയായി...

രണ്ടായിരത്തിൽ ആദ്യപാദങ്ങളിൽ പൂന നഗരത്തിന്റെ, അന്ന് അത്ര വികസിതമല്ലാതിരുന ലുല്ലനഗർ തെരുവീഥി കളിലൂടെ ലിഫ്റ്റ് അടിച്ച് യാത്ര ചെയ്തിരുന്ന ഒരു എന്റെ ഒരു ഭൂതകാലത്തിലേക്ക് ഞാൻ സഞ്ചരിച്ചു... അന്നെങ്ങാനും പില്യൻ (Pillion ) റൈഡർക്കും ഹെൽമെറ്റ് കമ്പൽസറി ആക്കിയിരുന്നെകിൽ, ഞാൻ ഹെൽമെറ്റും വാങ്ങി അത് കയ്യിൽ പിടിച്ചുകൊണ്ടു ഓഫീസിൽ പോകേണ്ടി വന്നേനേം!

ഗുയ്സ്, നോ ക്യാപ്.. ഇത് ജീവിത കഥയാണ്!
ബസ്സു-മിസ്സായ എന്റെ ഒരു സുഹൃത്തിനെ, ബൈക്കിൽ കയറ്റി ഡെസ്റ്റിനേഷനിൽ കൊണ്ടുവിടാൻ പോയ വഴിക്ക്; മിസ്സായ ബസ്സുകണ്ട്‌ സുഹൃത്തിന്റെ ബൈക്ക് ഓടിച്ചു കൊണ്ടിരുന്ന സഹോ പറഞ്ഞു... "നീ എന്നാൽ അടുത്ത സ്റ്റോപ്പിൽ നിന്നും ബസ്സിൽ കയറിക്കോളൂ..." എന്ന്...

ഒന്നും ആലോചിച്ചില്ല, ബസ്സ് അടുത്ത സ്റ്റോപ്പിൽ നിർത്തിയുടനെ തന്നെ overtake ചെയ്തു ബൈക്ക് നിർത്തി, ബൈക്കിന്റെ പിൻസീറ്റിൽ നിന്നും ചാടിയിറങ്ങി നമ്മുടെ സുഹൃത്ത് വിജയശ്രീലാളിതനായി ബസ്സിൽ ചാടിക്കയറി... കിട്ടിയ സീറ്റിൽ കയറിയിരുന്നു. Ticket എടുക്കാൻ വന്നപ്പോൾ കണ്ടക്ടർ എന്തെന്നോ അറിയില്ല, അയാളുടെ മുഖത്ത് ഒരു മോഡറേറ്റ് to ഹൈ ലെവൽ മന്ദഹാസം! അയാൾക്ക് വട്ടാകും എന്ന് മനസിൽ പറഞ്ഞ് തലതിരിച്ചിരുന്ന് ഒരല്പം ഉറങ്ങിയപ്പോൾ ചെവിക്കകത്ത് ഒരു ചൊറിച്ചിൽ! കൈ ഉയർത്തി ചൊറിഞ്ഞപ്പോഴാണ് മനസിലായത്, തിരക്കിനിടയിൽ ഹെൽമെറ്റ് അഴിച്ചു കൊടുക്കാൻ മറന്നു, ഒപ്പം ബസ്സിൽ കയറിയപ്പോൾ തലയിൽനിന്നു ഊരാനും!

ഒരു വിധത്തിൽ ഹെൽമെറ്റും അഴിച്ച്, ചമ്മലിന്റെ superlative ഡിഗ്രിയിൽ ജാള്യതയുടെ vibes സെറ്റ് ചെയ്ത് യാത്രാ ഡെസ്റ്റിനേഷനിൽ ഇറങ്ങി തടി കാലിയാക്കി! പതിവില്ലാതെ, ബസ്സിൽ താൻ നേരിട്ട എല്ലാ വ്യക്തികളുടെയും മുഖത്ത് പടർന്ന പുഞ്ചിരിയുടെ പിന്നിലെ ആത്മാവ് സ്പോൺസർ ചെയ്തത് താനയിരുന്നുവെന്ന തിരിച്ചറിവ് നൽകിയ സസന്തോഷം താൻ തിരിച്ചറിഞ്ഞു!

ഇരുചക്ര വാഹനങ്ങളിൽ സുരക്ഷാ ഉറപ്പു വരുത്താൻ ഹെൽമെറ്റ് ധരിക്കണം എങ്കിൽ, ബഹുചക്ര വാഹനങ്ങളിൽ സീറ്റ് ബെൽറ്റ് ധരിച്ച് സുരക്ഷാ ഉറപ്പാക്കേണ്ടതാണ്. അതെ പോലെ തന്നെ നിക്ഷേപത്തിന്റെ കാര്യത്തിലും തക്കതായ സുരക്ഷാ രീതികൾ തിരഞ്ഞെടുക്കേണ്ടതാണ്...
ഏതൊരു അസറ്റ് ക്ലാസും "പൊട്ടാൻ പോകുന്ന ചൈനീസ് റോക്കറ്റ്സ്" പോലെ കുത്തിക്കുത്തിക്കുന്ന കാലത്ത് അതിൽ ചാടിക്കയറാനുള്ള തിക്കും തിരക്കും ഒന്നൊന്നരയാണ് എന്നതിന്റെ തെളിവാണ് നാം കണ്ടുകൊണ്ടിരുന്നത്... 2023-24 കളിൽ ഇക്വിറ്റി മാർക്കറ്റ് ഉന്നതങ്ങളിലേക്ക് പാഞ്ഞപ്പോൾ കൂടിയ നിക്ഷേപകരുടെ അത്യധികമായി വർദ്ധിച്ച എണ്ണവും, വെള്ളിക്കും സ്വർണ്ണത്തിനും ഇടക്ക് വില പായാൻ തുടങ്ങിയപ്പോൾ കണ്ടു തുടങ്ങിയ preceious മെറ്റൽസിനോടുള്ള കൊരുത്ത പ്രണയവും... പെർഫോം ചെയ്യാതെ കിടന്ന ഇക്വിറ്റി ഫണ്ടുകൾ എല്ലാം തന്നെ വിറ്റ് ഗോൾഡ്ഡിലും സിൽവറിലും നിക്ഷേപിയ്ക്കാൻ ഉള്ള നിർദ്ദേശം പല നിക്ഷേപകരിൽ നിന്നും പല ഇൻവെസ്റ്റ്മെന്റ് അഡ്വൈസറിനും ഈ സമയത്ത് തന്റെ നിക്ഷേപകരുടെ കയ്യിൽ നിന്നും കിട്ടിയിട്ടും ഉണ്ടാകും!

എന്തൊക്കെയായിരുന്നാലും - നിയമങ്ങൾ തെറ്റിക്കുന്നവർ ശിക്ഷിക്കപ്പെടും, ഇന്നല്ലെങ്കിൽ നാളെ...
നിക്ഷേപത്തിലെ സുരക്ഷാ സെറ്റ് ബെൽറ്റും ഹെൽമറ്റും...
1. ഉറച്ച Asset Allocation - Plan ആൻഡ് സ്ട്രാറ്റജി...
2. Proper Diversification
3. റെഗുലർ മോണിറ്ററിങ് & Re-allocation Strategies
4. എല്ലാത്തിനും ഉപരി-ഇൻവെസ്റ്ററുടെ Knowledge, Time, Interest & Energy...
താഴേക്ക് വീഴുന്ന കത്തിയേയും ആകാശത്തേക് കത്തിയെരിഞ്ഞുയരുന്ന കതിനായെയും കൈ കൊണ്ട് പിടിക്കാൻ പാടില്ല എന്നാണു ശാസ്ത്രം...
പ്രോപ്പർ ആയി അസറ്റ് അലോക്കേഷൻ ചെയ്ത ആരും ഇന്നത്തെ വെള്ളിയുടെ ഇടിയിൽ വ്യഥ പൂണ്ടിട്ടില്ല...

Keep Calm and accumulate the equity investments!

സസ്നേഹം
Binson Mathew
AMFI Registered Mutual Fund Distributor
Disclaimer: Equity Investments are subject to Market Risk.

മ്യൂച്വൽ ഫണ്ട് മേഖലയെ സംബന്ധിച്ച് കൂടുതൽ വിവരങ്ങൾ ലഭ്യമാകുന്നതിനും ആരോഗ്യപരമായ ചർച്ചകളിൽ പങ്കെടുക്കുന്നതിനുമായി, മലയാളികൾക്ക് മാത്രമായി തബീൽ വെൽത്ത് രൂപീകരിച്ചിട്ടുള്ള വാട്സ്ആപ്പ് ഗ്രൂപ്പിൽ പങ്കുചേരുവാൻ താല്പര്യമുള്ളവർ ദയവായി ഈ ലിങ്കിൽ ക്ലിക്ക് ചെയ്യുക https://chat.whatsapp.com/Kr6L9fH60hA0tApTdEMXyW?mode=r_t

It was an inspiring day at the Grand Hyatt, Cochin, listening to Ms. Radhika Gupta, MD & CEO, Edelweiss Mutual Fund, and...
02/02/2026

It was an inspiring day at the Grand Hyatt, Cochin, listening to Ms. Radhika Gupta, MD & CEO, Edelweiss Mutual Fund, and Mr. Bhavesh Jain, Fund Manager, Edelweiss Mutual Fund. Their session, “Champions of Chaos: The Indian Mind,” offered deep and thought-provoking insights.

The session served as a powerful reminder of how resilience, flexibility, and optimism continue to shape our collective success.

Address

First Floor, Fusion Centre, Above Federal Bank, Muthoor, M. C Road
Thiruvalla
689101

Telephone

+919768022202

Website

Alerts

Be the first to know and let us send you an email when Tabeel - The ARK of Wealth posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Tabeel - The ARK of Wealth:

Shortcuts

Share

Category