27/05/2026
सभासदांचा विश्वास आणि पारदर्शक कारभार हेच आमचे ब्रीद
- चेअरमन संग्राम कातकाडे
दोडी बु. येथे एसएसके धनलक्ष्मी पतसंस्थेच्या १६ व्या शाखेचे लोकार्पण !!!
सभासदांचा विश्वास, पारदर्शक कारभार आणि ग्रामीण भागातील आर्थिक बळकटी हेच आमचे ब्रीद आहे, असे प्रतिपादन एसएसके धनलक्ष्मी पतसंस्थेचे चेअरमन संग्राम कातकाडे यांनी केले.
एसएसके धनलक्ष्मी नागरी सहकारी पतसंस्था, नायगाव या महाराष्ट्र राज्य कार्यक्षेत्र असलेल्या संस्थेच्या सिन्नर तालुक्यातील दोडी बु. येथील १६ व्या शाखेच्या लोकार्पण सोहळ्यात ते बोलत होते.
चेअरमन कातकाडे यांनी संस्थेच्या प्रगतीचा आढावा घेताना सांगितले की, १५ डिसेंबर १९८८ रोजी केवळ ५१ हजार रुपयांच्या भागभांडवलातून सुरू झालेल्या संस्थेने ३८ वर्षांचा यशस्वी प्रवास पूर्ण केला आहे. सध्या संस्थेच्या १५ शाखा कार्यरत असून २१ मे २०२६ अखेर २७५ कोटी रुपयांच्या ठेवी आणि २२५ कोटी रुपयांचे कर्जवाटप करण्यात आले आहे. त्यापैकी ८५ टक्क्यांहून अधिक कर्ज सोनेतारणावर आधारित असल्याची माहिती त्यांनी दिली. तसेच चास (ता. सिन्नर) व निमोण (ता. संगमनेर) येथे मंजूर झालेल्या दोन नवीन शाखा लवकरच सुरू करण्यात येणार असल्याचे त्यांनी जाहीर केले.
संस्थेच्या मार्गदर्शिका कुसुमताई शिवाजीराव कातकाडे, ब्रम्हानंद स्वामी शिक्षण प्रसारक मंडळ संस्थेचे अध्यक्ष पांडूशेठ केदार व तांदळे, सहकार अधिकारी श्रेणी-२ सिन्नर यांच्या शुभहस्ते शाखेचे उद्घाटन करण्यात आले.
मनोगत व्यक्त करताना सहकार अधिकारी तांदळे तसेच पांडूशेठ केदार, रघुनाथ आव्हाड, नाथामामा आव्हाड, दत्तूभाऊ आंधळे, विनायक नाना शेळके, पी.डी. आव्हाड यांनी संस्थेच्या कार्याचे कौतुक केले. दोडीसह खंबाळे, नांदूरशिंगोटे, दापूर, चास परिसरातील नागरिकांनी नव्या शाखेमुळे आर्थिक व्यवहार अधिक सुलभ होणार असल्याची भावना व्यक्त केली.
दोडी बु. गावचे सुकदेव आव्हाड, राजाराम आव्हाड, बाळासाहेब वाघ, निलेश केदार, रघुनाथ आव्हाड, शंकर आव्हाड, वसंत शेळके, बाळू आव्हाड, शंकर आव्हाड, सिताराम केदार, दत्तू दराडे, ज्ञानेश्वर शेळके, तसेच नांदूरशिंगोटे गावचे सरपंच मा.श्री. दिपक बर्के, उपसरपंच मा.श्री.संजय शेळके,सुदाम आव्हाड, सुदाम भाबड,भारत दराडे,माजी सरपंच श्री.गोपाळ शेळके, नायगावचे नामदेव पानसरे, संदीप जारकड, संदीप पानसरे, विक्रम कापडी, एकनाथ जारकड, इकबाल अत्तार, पंढरीनाथ पानसरे, आण्णा सांगळे, दिलीप कातकाडे, शरद पानसरे, सचिन काकड, शाम कातकाडे आदी मान्यवर उपस्थित होते.
संस्थेचे व्हा. चेअरमन प्रकाश जेजुरकर, संचालक ज्ञानेश्वर लहाने, प्रभाकर जेजुरकर, साहेबराव बोडके, यादव कापडी, संजय कुटे, कुणाल कातकाडे, भिमराव गायकवाड, नर्मदा पानसरे, साधना फुलसुंदर, सुदाम कमोद, लक्ष्मण जेजुरकर, दिलीप लहाने, कैलास गिते, मुख्य कार्यकारी अधिकारी सुनिल भाबड, विभागीय अधिकारी सोमनाथ घुगे, विलास केदार, सचिव जयश्री कातकाडे, दोडी बु. शाखाधिकारी विशाल सांगळे तसेच सर्व शाखांचे शाखाधिकारी व कर्मचारीवृंद यांनी स्वागत केले.
