10/07/2024
എന്താണ് തേർഡ് പാർട്ടി ഇൻഷുറൻസ്
തേർഡ് പാർട്ടി എന്താണെന്നറിയണമെങ്കിൽ
ആദ്യം ഫസ്റ്റ് പാർട്ടിയെ അറിയണം
സെക്കൻഡ് പാർട്ടിയെ അറിയണം
അതറിയാനുള്ള സെൻസുണ്ടാകണം,
സെൻസിബിലിറ്റി ഉണ്ടാകണം
സെൻസർ ബോർഡുണ്ടാകണം
കാര്യത്തിലേക്കു വരാം
ഇൻഷുറൻസിൽ ഒന്നാം പാർട്ടി
ഇൻഷുറൻസ് എടുക്കുന്ന വ്യക്തിയും
രണ്ടാം പാർട്ടി ഇൻഷുറൻസ് കമ്പനിയുമാണ്
ഇതല്ലാതെ റോഡിലുള്ള മറ്റുള്ളവർ ആണ് തേർഡ് പാർട്ടികൾ
ഇവർക്കുള്ള സംരക്ഷണമാണ് തേർഡ് പാർട്ടി ഇൻഷുറൻസ് .
അതായത് - വഴി യാത്രക്കാർ, അവരുടെ വാഹനങ്ങൾ, വസ്തു വകകൾ, ഇലക്ട്രിക്ക് പോസ്റ്റുകൾ , റെയിൽവേ ഗേറ്റ് , വഴിയിലുള്ള വീടുകൾ , മതിലുകൾ മുതലായവയെല്ലാം തേർഡ് പാർട്ടി ഇൻഷുറൻസിൽ പെടും. (ഇൻഷുറൻസില്ലെങ്കിൽ നമ്മളും പെടും)
ഒരപകടം നടന്നാൽ തേർഡ് പാർട്ടിയ്ക്ക് സംഭവിച്ചേക്കാവുന്ന കാര്യങ്ങൾ : -
മരണം , ഗുരുതരമോ അല്ലാതെയോ ഉള്ള പരിക്കുകൾ,
അംഗ വൈകല്യം, കിടപ്പിലാവുക, വസ്തു വകകൾക്കുണ്ടാകുന്ന നാശ നഷ്ടങ്ങൾ.
ഇങ്ങനെയുള്ള കഷ്ട നഷ്ടങ്ങൾക്കുള്ള നഷ്ട പരിഹാരം കോടതി മുഖേന ഇൻഷുറൻസ് കമ്പനി കൊടുക്കും, അതിപ്പോൾ എത്ര ഉയർന്ന തുക ആയാലും.
നടൻ ജഗതി ശ്രീകുമാറിന് ഇൻഷുറൻസ് കമ്പനി കൊടുത്തത് 7 കോടി രൂപയാണ്.
കാറുകാരൻ ഇൻഷുറൻസ് എടുത്തില്ലായിരുന്നെങ്കിൽ അയാളുടെ വീട്ടിൽ നിന്നും എടുത്തു കൊടുക്കേണ്ടി വന്നേനെ, ജയിലിലും കിടക്കേണ്ടി വന്നേനെ.
അപ്പോൾ അദ്ദാണ് . സംഗതി ലേശം ഗൗരവമുള്ളതാണ്. അല്ലാതെ പോലീസിനെ കാണിയ്ക്കാൻ വേണ്ടി മാത്രമല്ല ഇൻഷുറൻസ്.
ഒന്നു കൂടി,
ഇത് നിർബന്ധമായുമെടുത്തിരിക്കേണ്ടതാണ്. ഈ ഇൻഷുറൻസില്ലാതെ വാഹനം നിരത്തിലിറക്കാൻ പാടില്ല എന്നാണ് നിയമം. നമ്മൾ കാരണം ഒരു കുടുംബം ചിലപ്പോൾ വഴിയാധാരമായേക്കാം. അതിനാൽ ഇൻഷുറൻസ് ഒരു കാരണവശാലും മുടക്കരുത്.
ജയൻ
Synergy Fin Associates
