21/07/2026
*“सहकारातून समृद्धीकडे” वाटचाल करत आपला भारत देश ओजस्वी.. तेजस्वी.. तपस्वी.. होणार - किशोर चौहान*
*शालिवाहन पतसंस्थेची ३० वी वार्षिक सर्वसाधारण सभा विक्रमी सभासदांच्या उपस्थितीत उत्साहात संपन्न*
*पैठण* – केंद्र सरकारने “नवीन सहकार धोरण २०२५” जाहीर केल्याने सहकार क्षेत्रातील मरगळ दूर होऊन भविष्यात सहकार क्षेत्राला सुगीचे दिवस येणार आहेत. मा. पंतप्रधान नरेंद्र मोदी व सहकार मंत्री नाम. अमित शहा यांचे संकल्पनेतून साकारलेले हे ऐतिहासिक पाऊल मानले जाते. विश्वगुरु कडे वाटचाल करणाऱ्या भारताला ५ ट्रिलियन डॉलर अर्थव्यवस्थेचे लक्ष्य साध्य करण्यासाठी सहकाराशिवाय पर्याय नाही. सहकाराच्या माध्यमातून “सहकारातून समृद्धीकडे” वाटचाल करत आपला भारत देश ओजस्वी.. तेजस्वी.. तपस्वी.. होणार असा विश्वास शालिवाहन पतसंस्थेचे चेअरमन किशोर चौहान यांनी व्यक्त केला.
पैठण येथील शालिवाहन ना.सह.पतसंस्थेची ३० वी वार्षिक सर्वसाधारण सभा रविवारी दि.१९ जुलाई रोजी महेश्वरी भक्त निवास येथे चेअरमन किशोर चौहान यांचे अध्यक्षतेखाली व विक्रमी सभासदांच्या उपस्थितीत उत्साहपूर्ण वातावरणात संपन्न झाली. चेअरमन किशोर चौहान, उपाध्यक्ष डॉ. जयंत जोशी, सचिव प्रकाश कासलीवाल, दीपक आहुजा, गणेश लोहिया, डॉ. पंडित किल्लारीकर, बाबासाहेब राऊत, सुनील शेळके, ॲड.राजेंद्र गोर्डे, रुपेश चौहान, सुमनताई म्हस्के, ज्योतीताई मैड आदींच्या हस्ते दीपप्रज्वलन करण्यात आले. या वेळी संस्थेचे सर्व शाखा सल्लागार उपस्थित होते. वार्षिक सभेच्या सुरुवातीला सभासदांसाठी आयोजित सहकार प्रशिक्षण कार्यक्रमात छ.संभाजीनगर जि.विकास अधिकारी सुवर्णा सूर्यवंशी व आर.बी.देशमुख यांनी मार्गदर्शन केले. या प्रसंगी सहायक निबंधक बलराम नवथर, सहकार अधिकारी तुषार खिस्ती उपस्थित होते. मुख्य कार्यकारी अधिकारी लक्ष्मन गायके यांनी सूत्रसंचलन केले
#सहकारातून_समृद्धी #सहकारातून_विकास #आत्मनिर्भर_भारत #सहकार_मंत्रालय #अमृत_काळ
#सहकार #सहकाराची_शक्ती #एकमेकांसाठी #सामूहिक_विकास #सहकार्य #चला_सहकार_रुजवूया #समृद्ध_भारत_सहकारातून #स्वावलंबी_भारत #सक्षम_भारत
