27/07/2021
ஆதார் அட்டையில் உள்ள உங்கள் புகைப்படம் பிடிக்கவில்லையா? உடனே மாற்றலாம்……!
ஆதார் அட்டையில் பழைய புகைப்படம் இருப்பதாலும், அல்லது தெளிவான புகைப்படம் இல்லை என்றாலும் சில பிரச்சினைகளை சந்திக்க நேரிடலாம்.அல்லது அதில் உங்கள் புகைப்படம் உங்களுக்கு பிடிக்காமல் இருக்கலாம். அத்தகைய சூழ்நிலையில், நீங்கள் ஆதார் அட்டையின் புகைப்படத்தையும் மாற்ற விரும்பினால், அதனை நொடியில் மாற்றலாம்.
தனது ஆதார் அட்டை படம் நன்றாக இல்லை என்ற மன வருத்தம் பலருக்கு இருக்கும்.அதை பற்றி இப்போது நீங்கள் கவலைப்பட தேவையில்லை.இந்த எளிதான வழிமுறைகளைப் பின்பற்றுவதன் மூலம் உங்கள் ஆதார் அட்டையில் உங்கள் படத்தை மாற்றலாம்.
இந்த செயல்முறை மிகவும் எளிதானது.மிக முக்கியமான விஷயம் என்னவென்றால், இதற்கு உங்களுக்கு எந்தவிதமான ஆவணங்களும் தேவையில்லை.
இதற்காக, ஆதார் சேர்க்கை மையம் செல்வதன் (Aadhaar Enrolment Center) மூலம் உங்கள் புகைப்படத்தை மாற்றலாம்.இதற்காக, முதலில், உங்கள் ஆதார் அட்டையை எடுத்துக்கொண்டு ஆதார் சேர்க்கை மையத்திற்குச் செல்லுங்கள்.
அதன்பிறகு அதற்கான கட்டணத்தை நீங்கள் செலுத்த வேண்டும். இதற்கான வழிமுறையில், நீங்கள் ஒரு படிவத்தை நிரப்ப வேண்டும், இது UIDAI அதிகாரப்பூர்வ இணையதளத்தில் எளிதாக கிடைக்கும்.
இப்போது ஆதார் துறை ஊழியர்கள் உங்கள் புகைப்படத்தை அங்கு கிளிக் செய்வார்கள். இப்போது உங்களுடைய இந்த புதிய படம் ஆதார் அட்டையில் பதிவேற்றப்படும்.