01/06/2026
તા: ૩૧/૦૫/૨૦૨૬ ના રોજ ડૉ.ભીમરાવ ક્રેડિટ કૉઓપરેટિવ સોસાયટી લી., વરધરીની સાતમી વાર્ષિક સાધારણ સભા યોજાઇ.
સભામાં સૌ પ્રથમ મંડળીના સલાહકાર શ્રી આર.કે..પરમારે શાબ્દિક સ્વાગત કરી સૌને આવકાર્યા હતા.
આ સાધારણ સભામાં મંચસ્થ મહાનુભાવોમાં અધ્યક્ષ તરીકે માનવ સેવા મંદિર, વીરપુરના ટ્રસ્ટી શ્રી સી.પી.માયાવંશીએ ઉપસ્થિત રહીને મંડળી અને આયોજકોની પ્રશંસા કરી, મંડળીને ૫૦ સભાસદ અપાવીને મંડળીને પ્રગતિ માટે શુભેચ્છાઓ આપી હતી. અતિથિ વિશેષ તરીકે ગાયત્રી ઇન્ટરનેશનલ સ્કૂલના ટ્રસ્ટી શ્રી હિરેન પટેલ ઉપસ્થિત રહીને મંડળી ઉત્તરોત્તર પ્રગતિ કરે તેવી શુભેચ્છાઓ મંડળીના ચેરમેન ડૉ.પ્રવીણ અમીન અને સેક્રેટરી શ્રી વિનુભાઈ વણકર અને ૧૦૦ સભાસદો ઉપસ્થિત રહ્યા હતા.
આ સભામાં સૌ પ્રથમ વાર્ષિક અહેવાલ અને હિસાબો, ઓડિટ રિપોર્ટ વગેરેનું વાંચન કરવામાં આવ્યું હતું. ત્યાર બાદ કાર્યસૂચિ પ્રમાણે કામગીરી કરવામાં આવી હતી. સભાએ તેને બહાલી આપી હતી.
ત્યારબાદ છેલ્લા એક વર્ષમાં સરકારી નોકરી મેળવનાર અને પીએચ.ડી. થનાર હોનહાર વ્યક્તિઓનું શાલ, ટ્રોફી અને ગુલદસ્તો આપી સન્માન કરવામાં આવ્યું હતું.
વર્ષ ૨૦૨૫-૨૬ માં સામેલ સભાસદોને ડિવિડન્ડ અને નફાની ફાળવણી કરવામાં આવી હતી. ત્યારબાદ સ્ટીલના મગ ભેટ સ્વરૂપે આપવામાં આવ્યા હતા.
આ મંડળીમાં હાલ નોંધાયેલા પ્રમાણે ૧૮૫ સભાસદો દર મહિને પોતાની નિયમિત ઓનલાઈન બચત કરે છે. વર્ષ ૨૦૨૫-૨૬ ના વર્ષના હિસાબો અને અહેવાલ પ્રમાણે ₹૮૧,૦૦,૦૦૦/- નું ટર્નઓવર કર્યું છે. સાત વર્ષના આંકડાઓ જોતા મંડળી એક હરણફાળ ભરી છે.
અંતમાં કારોબારી સદસ્ય શ્રી મુકેશભાઈ જી. વણકરે સૌનો આભાર વ્યક્ત કર્યો હતો. સમગ્ર કાર્યક્રમનું સુચારુ સંચાલન શ્રી નરેન્દ્રભાઈ જે. માયાવંશીએ કર્યું હતું. અંતે સૌ સાથે પ્રીતિ ભોજન લઈ છૂટા પડ્યા હતા.
