Kumarakam Regional SCB Ltd no 315

20/10/2025

14/04/2025

വിഷു ദിനാശംസകൾ ✨

18/01/2025

കുമരകം റീജിയണൽ സർവീസ് സഹകരണ ബാങ്ക് 315-ന്റെ ഒറ്റ തവണ തീർപ്പാക്കൽ പദ്ധതി ജനുവരി 23,25,30തീയതികളിൽ

കുമരകം റീജിയണൽ സർവീസ് സഹകരണ ബാങ്ക് 315- ന്റെ അഭിമുഖ്യത്തിൽ കേരള സർക്കാരിന്റെ നവകേരളീയം കുടിശിക നിവാരണം 2025 - ഒറ്റത്തവണ തീർപ്പാക്കൽ പദ്ധതി : ജനുവരി 23,25,30 തീയതികളിൽ പ്രത്യേക അദാലത്തിലൂടെ നടത്തുന്നു.

ഈ പദ്ധതി പ്രകാരം കുടിശികയായ വായ്പകൾക്ക് പ്രത്യേക ഇളവുകൾ നൽകുന്നു. എല്ലാ വായ്പകളുടെയും പിഴ പലിശ പൂർണ്ണമായും ഒഴിവാക്കുന്നു. മരണപെട്ടവരുടെയും മാരക രോഗം ബാധിച്ചവരുടെയും വായ്പകൾക്ക് പ്രത്യേക ഇളവുകൾ നൽകുന്നുണ്ട്.

ആദാലത്ത് ദിവസങ്ങളിൽ രാവിലെ 11.15 മണി മുതൽ ബാങ്ക് ഭരണ സമിതി അംഗങ്ങൾ, സഹകരണ വകുപ്പ് ഉദ്യോഗസ്ഥർ, ബാങ്ക് ജീവനക്കാർ എന്നിവർ പങ്കെടുക്കുന്നു.

ഈ അദാലത്തിൽ പലിശ ഇളവുകൾ പരമാവധി പ്രയോജനപ്പെടുത്തി ഇടപാടുകൾ തീർത്തു നിയമ നടപടികളിൽ നിന്നു ഒഴിവാക്കണമെന്ന് കുടിശിക ആയിട്ടുള്ള ഇടപെടുകാരോട് ബാങ്ക് അഭ്യർത്ഥിക്കുന്നു.

കൂടുതൽ വിവരങ്ങൾക്ക് : 9567915127

25/12/2024

കുമരകം 315-ാം നമ്പർ റീജിയണൽ സർവീസ്‌ സഹകരണ ബാങ്ക്‌ തുടർച്ചയായ രണ്ടാം വർഷവും ലാഭത്തിൽ

ലാഭവിഭജന പ്രഖ്യാപനം 29ന്‌ പൊതുയോഗത്തിൽ.............

ഭരണസമിതിയുടെയും ജീവനക്കാരുടെയും സഹകാരികളുടെയും പിന്തുണയോടെ ലാഭത്തിലേക്ക്‌ കുതിച്ചുകയറിയ കുമരകം 315–-ാം നമ്പർ റീജിയണൽ സർവീസ്‌ സഹകരണ ബാങ്ക്‌ വീണ്ടും നാടിന്‌ അഭിമാനമാകുന്നു. ഇത്തവണയും 35.47 ലക്ഷം രൂപ ലാഭമാണ്‌ ബാങ്ക്‌ കരസ്ഥമാക്കിയത്‌. 29ന്‌ ഞായറാഴ്‌ച ചേരുന്ന പൊതുയോഗത്തിൽ ലാഭവീതം പ്രഖ്യാപിക്കും. കുമരകം ഗവ. ഹയർസെക്കണ്ടറി സ്‌കൂളിന്റെ മിനി സ്‌കൂളിൽ (പഞ്ചായത്ത്‌ ഓഫീസിന്‌ സമീപം) രാവിലെ പത്തിന്‌ ആണ്‌ പൊതുയോഗം ചേരുന്നത്‌.

മികച്ച പ്രവർത്തനങ്ങളിലൂടെ ബാങ്ക്‌ കഴിഞ്ഞ വർഷവും ലാഭത്തിലെത്തിയിരുന്നു. പത്ത്‌ ശതമാനം ലാഭവിഹിതമാണ്‌ ആ വർഷം ഓഹരിയുടമകൾക്ക്‌ അനുവദിച്ചത്‌. 38 വർഷത്തിനുശേഷമായിരുന്നു ബാങ്ക്‌ ലാഭത്തിലെത്തിയത്‌. നിക്ഷേപങ്ങൾക്ക്‌ സർക്കാർ നിശ്‌ചയിച്ച ഉയർന്ന പലിശ നൽകിയും വായ്‌പ ഇടപാടുകളിലൂടെയും സഹകാരികളുടെ വിശ്വാസ്യതയാർജിച്ചാണ്‌ ബാങ്കിന്റെ പ്രയാണം. സഹകാരികളുടെ നിക്ഷേപങ്ങൾക്കെല്ലാം സർക്കാർ തന്നെ ഗ്യാരന്റിയും ഏർപ്പെടുത്തിയിട്ടുണ്ട്‌. കൂടാതെ മാരകരോഗം ബാധിച്ച അംഗങ്ങൾക്കുള്ള മെമ്പർ റിലീഫ്‌ ഫണ്ട്‌, കുടുംബശ്രീ വായ്‌പകൾ, കർഷകർക്കുള്ള വായ്പകൾ, അംഗങ്ങളുടെ മക്കൾക്കുള്ള സ്‌കോളർഷിപ്പുകൾ, മരിച്ചവരുടെ അവകാശികൾക്കുള്ള ധനസഹായം, 1 മുതൽ 5 ലക്ഷം സല വരെയുള്ള എംഡിഎസ് ( പ്രതിമാസ സമ്പാദ്യ പദ്ധതി), പണമിടപാടിന്‌ ഓൺലൈൻ സംവിധാനം തുടങ്ങിയ സേവനങ്ങളും ബാങ്ക്‌ നൽകി വരുന്നു. 2022ൽ ശതാബ്ദി ആഘോഷിച്ച ബാങ്ക്‌ 102 വയസ്‌ പിന്നിട്ടാണ്‌ വളർച്ചയുടെ പടവുകൾ താണ്ടുന്നത്‌. പൊതുയോഗത്തിൽ ബാങ്ക്‌ പ്രസിഡന്റ്‌ കെ കേശവൻ അധ്യക്ഷത വഹിക്കും. ബാങ്ക്‌ സെക്രട്ടറി വിദ്യ ബി മേനോൻ റിപ്പോർട്ടും ബഡ്‌ജറ്റും അവതരിപ്പിക്കും. ബാങ്ക്‌ ഐഡന്റിറ്റി കാർഡുമായി അംഗങ്ങൾക്ക്‌ പൊതുയോഗത്തിൽ പങ്കെടുക്കാം. പൊതുയോഗത്തിൽ അവതരിപ്പിക്കാനുള്ള ചോദ്യങ്ങളും പ്രമേയങ്ങളും 25ന്‌ മുമ്പായി ബാങ്ക്‌ ഹെഡ്‌ ഓഫീസിൽ നൽകണം.

വിശദവിവരങ്ങൾക്ക്‌
ഫോൺ: 95679 15127.

07/09/2024

കുമരകം 315ാം നമ്പർ സഹകരണ ബാങ്കിൽ
ഓണവിപണി തുടങ്ങി .........
ഇക്കൊല്ലത്തെ ഓണം വിലക്കുറവിൽ ആഘോഷിക്കാൻ കുമരകം 315ാം നമ്പർ റീജിയണൽ സർവ്വീസ് സഹകരണ ബാങ്ക് ഓണ വിപണി ആരംഭിച്ചു. സർക്കിൾ സഹകരണ യൂണിയൻ ചെയർമാൻ കെ എം രാധാകൃഷ്ണൻ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡൻ്റ് കെ വി ബിന്ദു ആദ്യവിൽപ്പനയുടെ
ഉദ്ഘാടനം നിർവ്വഹിച്ചു. ബാങ്ക് പ്രസിഡൻ്റ് കെ കേശവൻ അധ്യക്ഷത വഹിച്ചു. ബോർഡ് അംഗം പി വി പ്രസേനൻ, പഞ്ചായത്ത് അംഗം പി ഐ എബ്രഹാം എന്നിവർ ആശംസയർപ്പിച്ചു. പഞ്ചായത്ത് പ്രസിഡൻ്റും ബോർഡ് മെമ്പറുമായ ധന്യാ സാബു സ്വാഗതവും ബോർഡ് മെമ്പർ കെ കെ രാജപ്പൻ നന്ദിയും പറഞ്ഞു.
12 ഇനം നിത്യോപയോഗ സാധനങ്ങൾ സർക്കാർ സബ്സിഡി നിരക്കിൽ പൊതു മാർക്കറ്റിനേക്കാൾ കുറഞ്ഞ വിലയ്ക്ക് പൊതുജനങ്ങൾക്ക് വാങ്ങാനാകും.

സബ്സിഡി സാധനങ്ങൾ ചുവടെ
വില ബ്രാക്കറ്റിൽ

ജയ അരി 8 KG (232) ,കുത്തരി 8 ( 240), പച്ചരി 2 (52), എണ്ണ 500 ml (55), പഞ്ചസാര 1 (27) , ഉഴുന്ന് 1 (95), വൻപയർ 1 (75), കടല 1 (69) , ചെറുപയർ 1 (92), തുവരപരിപ്പ് 500gm (55), മുളക് 500gm (75), മല്ലി 500 gm (39) .ഇതു കൂടാതെ നോൺ സബ്സിഡി സാധനമടക്കം 1330 രൂപയുടെ പലവ്യഞ്ജന കിറ്റാണ് വാങ്ങാവുന്നത്.
റേഷൻ കാർഡ് നിർബന്ധം. ബാങ്ക് ഹെഡ് ഓഫീസിന് സമീപം രാവിലെ 9 മുതൽ 12 വരെയും ഉച്ചക്ക് ശേഷം 3 മുതൽ 6 വരെയും പ്രവർത്തിക്കും.

05/09/2024

വിലക്കുറവിൻ്റെ ഓണം 315 ബാങ്കിൽ
ഓണവിപണി സെപ്തംബർ 7 മുതൽ.........
ഇക്കൊല്ലത്തെ ഓണം വിലക്കുറവിൽ ആഘോഷിക്കാൻ കുമരകം 315ാം നമ്പർ റീജിയണൽ സർവ്വീസ് സഹകരണ ബാങ്ക് ഓണ വിപണി തുടങ്ങുന്നു. 12 ഇനം നിത്യോപയോഗ സാധനങ്ങൾ സർക്കാർ സബ്സിഡി നിരക്കിൽ പൊതു മാർക്കറ്റിനേക്കാൾ കുറഞ്ഞ വിലയ്ക്ക് വാങ്ങാം. സബ്സിഡി സാധനങ്ങൾ ചുവടെ. വില ബ്രാ'ക്കറ്റിൽ .
ജയ അരി 8 KG (232) ,കുത്തരി 8 ( 240), പച്ചരി 2 (52), എണ്ണ 500 ml (55), പഞ്ചസാര 1 (27) , ഉഴുന്ന് 1 (95), വൻപയർ 1 (75), കടല 1 (69) , ചെറുപയർ 1 (92), തുവരപരിപ്പ് 500gm (55), മുളക് 500gm (75), മല്ലി 500 gm (39) .ഇതു കൂടാതെ നോൺ സബ്സിഡി സാധനമടക്കം 1325 രൂപയുടെ പലവ്യഞ്ജന കിറ്റാണ് വാങ്ങാവുന്നത്.
റേഷൻ കാർഡ് നിർബന്ധം. ബാങ്ക് ഹെഡ് ഓഫീസിന് സമീപം രാവിലെ 9 മുതൽ 12 വരെയും ഉച്ചക്ക് ശേഷം 3 മുതൽ 6 വരെയും പ്രവർത്തിക്കും.
ഓണവിപണിയുടെ ഉദ്ഘാടനം ശനി രാവിലെ 10ന് സർക്കിൾ സഹകരണ യൂണിയൻ ചെയർമാൻ കെ എം രാധാകൃഷ്ണൻ നിർവ്വഹിക്കും. ആദ്യവിൽപ്പന ജില്ലാ പഞ്ചായത്ത് പ്രസിഡൻ്റ് കെ വി ബിന്ദു ഉദ്ഘാടനം ചെയ്യും. ബാങ്ക് പ്രസിഡൻ്റ് കെ കേശവൻ അധ്യക്ഷത വഹിക്കും.

13/08/2024

315 ബാങ്കിൻ്റെ പുതിയ ഭരണ സമിതി ചുമതലയേറ്റു.

കെ കേശവൻ പ്രസിഡൻ്റ്

315-ാം നമ്പർ കുമരകം റീജിയണൽ സർവ്വീസ് സഹകരണ ബാങ്കിൻ്റെ 2024-2029 വർഷത്തെ ഭരണസമിതി ചുമതലയേറ്റു.
പുതിയ ഭരണസമിതിയംഗങ്ങളായി കെ കേശവൻ കദളിക്കാട്ടു മാലിയിൽ, കെ കെ രാജപ്പൻ തുരുത്തേൽ,
കെ കെ രാജപ്പൻ കണിയാമറ്റം,
സിബി ജോർജ് കൊല്ലപ്പള്ളിത്തറ ,ടി ബി രഞ്ജിത്ത് (ജനറൽ വിഭാഗം)
ധന്യാ സാബു അമ്മങ്കരിയിൽ,
രാധിക ബൈജു ചവറേപ്പുരയിൽ (വനിത വിഭാഗം).ജിതിൻ ശശിധരൻ, മേഘല ജോസഫ് (40 വയസിൽ താഴെയുള്ളവരുടെ വിഭാഗം),വാസൻ നമ്പൂതിരി ഗിരീഷ്മഠം (നിക്ഷേപ വിഭാഗം), പി വി പ്രസേനൻ (എസ് സി/എസ്ടി വിഭാഗം)
എന്നിവരാണ് ഭരണസമിതിയംഗങ്ങൾ. ആഗസ്റ്റ് 11 ന് നിശ്ചയിച്ച തെരഞ്ഞെടുപ്പിൽ എതിരില്ലാതെയായിരുന്നു ഇവർ വിജയിച്ചത്. ചൊവ്വാഴ്ച നടത്തിയ പ്രസിഡൻ്റ് തെരഞ്ഞെടുപ്പിൽ ബാങ്കിൻ്റെ പുതിയ പ്രസിഡൻ്റായി കെ കേശവനെ വീണ്ടും തെരഞ്ഞെടുത്തു. 2019- 2024 വർഷത്തെ പ്രസിഡൻ്റായും കെ കേശവൻ സേവനമനുഷ്ഠിക്കുകയായിരുന്നു. തെരഞ്ഞെടുപ്പിന് സഹകരണ വകുപ്പ് യൂണിറ്റ് ഇൻസ്പെക്ടർ ഷെഫീക്ക് വരണാധികാരിയായിരുന്നു. തെരഞ്ഞെടുപ്പിനു ശേഷം ബാങ്ക് ഹാളിൽ
അനുമോദന യോഗം ചേർന്നു. സിപിഐ എം ലോക്കൽ സെക്രട്ടറി എം വി മുരളീധരൻ ഉദ്ഘാടനം ചെയ്തു. പഞ്ചായത്ത് പ്രസിഡൻ്റ് ധന്യാ സാബു അധ്യക്ഷയായി. സിപിഐ ലോക്കൽ സെക്രട്ടറി പി വി പ്രസേനൻ, ഭവന നിർമാണ സഹകരണസംഘം പ്രസിഡൻ്റ് കെ എൻ പ്രസാദ്, മുൻ ബോർഡ് അംഗം പി ഐ എബ്രഹാം, പഞ്ചായത്ത് വികസന സ്റ്റാൻഡിങ് കമ്മിറ്റി ചെയർപേഴ്സൺ ആർഷ ബൈജു, പഞ്ചായത്തംഗം മായാ സുരേഷ്, എന്നിവർ പ്രസംഗിച്ചു. സിപിഐ എം നോർത്ത് ലോക്കൽ സെക്രട്ടറി ടി വി സുധീർ സ്വാഗതവും ലോക്കൽ കമ്മിറ്റിയംഗം പി എസ് അനീഷ് നന്ദിയും പറഞ്ഞു. ഡയറക്ടർ ബോർഡിൽ നിന്ന് കാലാവധി പൂർത്തിയാക്കി ഒഴിവായ പി എസ് അനീഷ്, പി ഐ എബ്രഹാം, എം എൻ അനിൽകുമാർ, യമുന അശോകൻ, അന്നമ്മ തയ്യിൽ എന്നിവർക്ക് ബാങ്കിൻ്റെ സ്നേഹോപകാരം ബാങ്ക് പ്രസിഡൻ്റ് കെ കേശവൻ കൈമാറി. ധന്യാ സാബു, കെ കെ രാജപ്പൻ തുരുത്തേൽ, കെ കെ രാജപ്പൻ, സിബി ജോർജ്, ബാങ്ക് ഇൻ്റേണൽ ഓഡിറ്റർ സിന്ധു പി വി , മുൻ ജീവനക്കാരൻ വി എസ് കൊച്ചുമോൻ, ബാങ്ക് സെക്രട്ടറി വിദ്യ ബി മേനോൻ എന്നിവർ ആശംസകളർപ്പിച്ചു.

⬛◾◼️▪️▪️◼️◾⬛

19/07/2024

SSLC/ PLUS TWO ഉന്നത വിജയികൾക്ക്‌ സ്‌കോളർഷിപ്പ്‌ വിതരണവും
മരണാനന്തര സഹായനിധി അംഗത്വ വിതരണവും നാളെ

കുമരകം 315–-ാം നമ്പർ റീജിയണൽ സർവീസ്‌ സഹകരണ ബാങ്കിലെ അംഗങ്ങളുടെ മക്കളിൽ SSLC/ PLUSTWO ഉന്നത വിജയികളായവർക്ക്‌ ബാങ്ക്‌ മുൻ പ്രസിഡന്റ്‌ പി ആർ ശങ്കരപ്പിള്ളയുടെ നാമധേയത്തിൽ നൽകുന്ന സ്‌കോളർഷിപ്പ്‌ വിതരണം ജൂലൈ 20 ശനിയാഴ്‌ച നടത്തും. പകൽ രണ്ടിന്‌ ബാങ്ക്‌ ഹെഡ്‌ഓഫീസ്‌ ഹാളിൽ ചേരുന്ന അനുമോദനയോഗത്തിൽ ചങ്ങനാശേരി അർബൻ ബാങ്ക് ചെയർമാൻ എ വി റസൽ സ്‌കോളർഷിപ്പ്‌ വിതരണം ഉദ്‌ഘാടനം ചെയ്യും.ബാങ്ക് അംഗങ്ങൾക്ക് 200 രൂപ അടച്ച് മരണാനന്തര സഹായ നിധിയായി 2000 രൂപ അവകാശികൾക്ക്‌ നൽകുന്ന പദ്ധതിയുടെ അംഗത്വ വിതരണം ജില്ലാപഞ്ചായത്ത്‌ പ്രസിഡന്റ്‌ കെ വി ബിന്ദു ഉദ്‌ഘാടനം ചെയ്യും. ബാങ്ക്‌ പ്രസിഡന്റ്‌ കെ കേശവൻ അധ്യക്ഷത വഹിക്കുന്ന ചടങ്ങിൽ ഭരണസമിതിയംഗങ്ങൾ ആശംസകൾ അർപ്പിക്കും.
സ്‌കോളർഷിപ്പിന്‌ തെരഞ്ഞെടുക്കപ്പെട്ട കുട്ടികളും രക്ഷിതാക്കളും കൃത്യം 2 മണിക്ക്‌ എത്തിച്ചേരണമെന്ന്‌ ബാങ്ക്‌ സെക്രട്ടറി വിദ്യ ബി മേനോൻ അറിയിച്ചു.

--

07/07/2024

315 ബാങ്കിൽ സ്കോളർഷിപ്പിന് അപേക്ഷിക്കാം.........................

കുമരകം 315-ാം നമ്പർ റീജിയണൽ സർവ്വീസ് സഹകരണ ബാങ്കിലെ അംഗങ്ങളുടെ മക്കളിൽ 2024 മാർച്ച്, ഏപ്രിൽ മാസങ്ങളിൽ നടന്ന 10, 12 ക്ലാസുകളിലെ പരീക്ഷകളിൽ (സ്റ്റേറ്റ്, സി.ബി.എസ്.ഇ. സിലബസ്) എല്ലാ വിഷയങ്ങൾക്കും 90% ൽ അധികം മാർക്ക് നേടി വിജയിച്ച കുട്ടികൾക്ക് ബാങ്കിൻ്റെ മുൻപ്രസിഡൻ്റ് അന്തരിച്ച ശ്രീ.പി. ആർ. ശങ്കരപ്പിള്ളയുടെ നാമധേയത്തിലുള്ള സ്ക്കോളർഷിപ്പ് നൽകുന്നു. അർഹതയുള്ളവർ സർട്ടിഫിക്കറ്റിൻ്റെ പകർപ്പ്, ഫോട്ടോ എന്നിവ സഹിതം 15.07.2024 ന് മുൻപായി ബാങ്കിൻ്റെ ഹെഡ് ആഫീസിൽ അപേക്ഷ സമർപ്പിക്കണമെന്ന് പ്രസിഡൻ്റ് കെ കേശവനും സെക്രട്ടറി വിദ്യാ ബി മേനോനും അറിയിച്ചു. വിശദവിവരങ്ങൾക്ക് ഫോൺ:94961 15127, 9567915127