Poomaruthikuzhy

14/02/2021

ഇനിയും njagal കൊണ്ടുവരും ❤️❤️❤️❤️❤️

13/10/2020

#മലമുഴക്കികൾ_ഇവിടെയുണ്ടാകും

മലമുഴക്കിയ്ക്ക് (വേഴാമ്പൽ) ജീവിതത്തിൽ ഒരേ ഒരു ഇണയേ ഉണ്ടാകൂ.. ജീവിതകാലം മുഴുവൻ തന്റെ ബന്ധത്തിന്റെ വിശുദ്ധിയും, വിശ്വസ്തതയും കാത്തുസൂക്ഷിക്കുന്ന പക്ഷിയാണ് മലമുഴക്കി.

ഈ പ്രകൃതിസംരക്ഷണ കൂട്ടായ്മയുടെ ചിന്ത ആദ്യം മുളച്ചപ്പോൾത്തന്നെ ഉരുത്തിരിഞ്ഞ പേരാണ് 'മലമുഴക്കികൾ'. അതുകൊണ്ടുതന്നെ മലമുഴക്കികൾക്ക് രാഷ്ട്രീയ ബാദ്ധ്യതകളുടെ വിഴുപ്പു ചുമ്മേണ്ട കാര്യമില്ല. മലമുഴക്കികൾക്ക് പ്രതിബദ്ധതയുള്ളത് ഈ നാടിനോടും, നാട്ടുകാരോടുമാണ്. ഇതിന്റെ പ്രകൃതിപരിസരങ്ങളെ സംരക്ഷിച്ചുനിലനിർത്തുകയും, പ്രകൃതിചൂഷണങ്ങൾക്കെതിരെ പോരാടുകയും ചെയ്യുന്നതിൽ അവസാനത്തോളം വിശ്വസ്തതയും, വിശുദ്ധിയും കാത്തുസൂക്ഷിക്കുവാൻ ഞങ്ങൾ പ്രതിജ്ഞാബദ്ധരാണ്.

പശ്ചിമഘട്ട മലനിരകളുടെ ഭാഗമായതും, മിത്തുകളാലും ആചാരാനുഷ്ഠാനങ്ങളാലും സമ്പന്നമായതും, നമ്മുടെ സംരക്ഷണ കോട്ടകളായി നിലകൊള്ളുന്നതുമായ ഈ നാടിന്റെ പൈതൃക സമ്പത്തിനെ തകർക്കാനുള്ള ഏതു നീക്കങ്ങളേയും എതിർക്കുവാനല്ലാതെ സമരസപ്പെടാൻ ഞങ്ങൾക്കറിയില്ല.

മനസ്സിൽ മുൻകൂട്ടിയെറിഞ്ഞ് പ്രക്ഷോഭങ്ങൾ ആദ്യം തുടങ്ങി കളംപിടിച്ച് അകത്തുനിന്നുകൊണ്ടു തന്നെ സമരത്തെ തകർത്തു കയ്യിൽ കൊടുക്കുന്ന, പ്രകൃതി സ്നേഹത്തിന്റെ മേലങ്കിയണിഞ്ഞ രാഷ്ട്രീയ പോഷക സംഘടനകൾ കേരളത്തിൽ കൂണുപോലെയുണ്ട്. ഒരു പ്രശ്നം വരുമ്പോൾ ഇടപെടാനുള്ള സമയവും സന്ദർഭവും കണിയാനെക്കൊണ്ട് കുറിപ്പിച്ച് കൊട്ടിക്കലാശത്തിന് രംഗത്തിറങ്ങുന്ന സ്വയംപോഷക സംഘടനകളും ഈ കേരളത്തിൽ ധാരാളമുണ്ട്. മലമുഴക്കികൾ വ്യത്യസ്തരാകുന്നത് അവിടെയാണെന്നാണ് ഞങ്ങളുടെ വിശ്വാസം.

മലമുഴക്കികൾക്ക് രാഷ്ട്രീയമില്ല. പ്രകൃതിയുടെ സ്വഭാവികതയുടെ സൗന്ദര്യത്തിലാണ് ഞങ്ങളുടെ രാഷട്രീയം ഉറച്ചിരിക്കുന്നത്. ലക്ഷ്യത്തിൽ നിന്ന് പിറകോട്ട് വലിക്കുന്ന മത-രാഷ്ട്രീയ-രക്തബന്ധങ്ങളുടെ അദൃശ്യ ചരടുകളാൽ മലമുഴക്കികളുടെ കരങ്ങൾ കെട്ടപ്പെട്ടിട്ടില്ല; നിയന്ത്രിക്കപ്പെട്ടിട്ടില്ല.. ഇനിമേലിൽ ഉണ്ടാവുകയുമില്ല.

നാമും, നമ്മുടെ തലമുറകളും ഈ നാട്ടിൽ ജീവിച്ചിരിക്കേണ്ടതിന് ഈ മലനിരകൾ നിലനിൽക്കണം.. കവളപ്പാറയും, പെട്ടിമുടിയും പോലെ ഈ നാട് മുഴുവനായും മണ്ണിലാണ്ടു പോവാതിരിക്കാനായി ഈ മലനിരകൾ നിലനിൽക്കണം.. നമുക്ക് ആവശ്യത്തിന് മഴയും, മഞ്ഞും, വെയിലും, ജലവും, വസന്തവും നൽകാൻ ഈ മലനിരകൾ നിലനിൽക്കണം... നമ്മുടെ കൺമുന്നിൽ നമ്മുടെ പ്രിയപ്പെട്ടവർ അതിമാരകമായ ശ്വാസകോശ രോഗങ്ങളും, ക്യാൻസറും വന്ന് ഇഞ്ചിഞ്ചായി മരിച്ചുകൊണ്ടിരിക്കുന്നത് നിയന്ത്രിക്കാൻ ഈ മലനിരകൾ നിലനിൽക്കണം...

നമ്മുടെ തലമുറകൾക്ക് മുകളിൽ കയറി ഉദയാസ്തമനങ്ങൾ കാണുവാനും, മഞ്ഞിനെയും മേഘപാളികളെയും കൈതൊട്ടു പുൽകുവാനും, വീശുന്ന കാറ്റിൽ ഇഴചേർന്നു നിൽക്കാനും, ബാല്യസന്തോഷങ്ങളുടെ പട്ടം പറത്താനും ഈ മലനിരകൾ ശാശ്വതമായി നിലനിൽക്കണം പ്രിയ ഹൃദയങ്ങളേ.. ഒരിക്കലെങ്കിലും ഒരു സായന്തനത്തിൽ അതിനു മുകളിൽ പോയി ഇരുന്നിട്ടുള്ള ഒരാൾക്കു പോലും മലമുഴക്കികളുടെയീ ഹൃദയസ്പന്ദനം കേൾക്കാതെ പോകാനാവില്ല..

ഈ ഒരൊറ്റ ലക്ഷ്യത്തിനായ് മലമുഴക്കികൾക്ക് എല്ലാവരേയും വേണം. ഇതിനോട് ചേർന്നു നിൽക്കുന്ന എല്ലാ രാഷ്ട്രീയ പ്രസ്ഥാനങ്ങളേയും, എല്ലാ പരിസ്ഥിതി കൂട്ടായ്മകളെയും മത-സാമുദായിക സംഘടനകളേയും മലമുഴക്കികൾ വിശ്വാസത്തിലെടുക്കും. അതിൽ മുൻതൂക്കമോ, പക്ഷഭേദമോ ഇല്ല.

മലമുഴക്കികൾ പേരിനപ്പുറത്തേക്ക് ഏറക്കുറെ അദൃശ്യരാണ്. കാരണം മലമുഴക്കികൾ എന്നത് ഒരു സംഘട എന്നതിലുപരി മഹത്തായ ഒരാശയമാണ്.. സ്വദേശത്തും വിദേശത്തുമായി ഒട്ടനവധി പേർ ഈ ആശയത്തോട് ചേർന്നു നിൽക്കുന്നു.. അവരിരിക്കുന്ന ഇടങ്ങളിൽ നിന്നുകൊണ്ടുതന്നെ ഈ പോരാട്ടങ്ങൾക്ക് ഊർജ്ജം പകരുന്നു, ബന്ധങ്ങൾ നൽകുന്നു, നിയമസഹായം നൽകുന്നു, വാക്കുകൾ നൽകുന്നു, സ്നേഹം നൽകുന്നു. ഇതിൽ വിവിധ രാഷ്ടീയ-മത സംഹിതകളിൽ അടിയുറച്ചു വിശ്വസിക്കുന്നവരുണ്ട്. പക്ഷേ, ആ ചെരുപ്പുകൾ പാറയുടെ ചുവട്ടിൽ ഊരിവെച്ചിട്ടേ അവർ മുകളിലേക്ക് കയറാറുള്ളൂ.

മലമുഴക്കികൾ പഞ്ചായത്തിനെതിരല്ല.. ഇന്ത്യൻ ഭരണഘടനയും, പഞ്ചായത്തീരാജും ഞങ്ങൾ വായിച്ചു പഠിച്ചിട്ടുണ്ട്. അതിൽ നിർവ്വചിച്ചിരിക്കുന്ന 'പഞ്ചായത്ത്' ഞങ്ങളുടെയും സ്വപ്നമാണ്. മലമുഴക്കികളിലെ ആർക്കും നാളെ നേതാവാകണ്ട.. വാർഡ് മെമ്പറോ, പഞ്ചായത്ത് പ്രസിഡന്റോ, MLA യോ ഒന്നും ആകണ്ട. ആകണമായിരുന്നെകിൽ എല്ലാ പ്രസ്താവനകളിലും, പോസ്റ്റുകളിലുമൊക്കെ ഞങ്ങളുടെ പേരും, ഫോട്ടോയുമൊക്കെ നിറഞ്ഞു നിന്നേനേ. അതുകൊണ്ട് അധികാരക്കസേരകളിലിരിക്കുന്നവർക്ക് പേടിവേണ്ട. പാറമുതലാളിമാരുടെ കാശിന്റെ തിളക്കം ഞങ്ങളെ ഭ്രമിപ്പിക്കില്ല.. അതിൽ വീഴാനായിരുന്നെങ്കിൽ പണ്ടേയ്ക്കുപണ്ടേ ആവാമായിരുന്നു. അതുകൊണ്ടുതന്നെ അവർ റിക്കോർഡു ചെയ്തു സൂക്ഷിച്ചിരിക്കുന്ന സംഭാഷണങ്ങളും, ഹിഡൺ ക്യാമറാ ഫൂട്ടേജുകളും ഞങ്ങളുടെ ഉറക്കംകെടുത്തില്ല..

മലമുഴക്കികൾ ഇവിടെയുണ്ടാകും.. ഇവിടെത്തന്നെയുണ്ടാകും.. രാഷ്ട്രീയക്കസേരയിൽ തുടരാനായി മാത്രം കപട പ്രകൃതിസ്നേഹത്തിന്റെ കുപ്പായം തുന്നിയാണ് ഈ പോരാട്ടത്തിൽ ആരെങ്കിലും അണിചേർന്നതെങ്കിൽ രാഷ്ട്രീയഭേദമെന്യേ അത് പിച്ചിച്ചീന്തപ്പെടും. തിന്നാൻ വിളമ്പിവെച്ച ചോറിൽപ്പോലും പാറപ്പൊടി ചുവയ്ക്കുന്ന ഒരു ജനതയുണ്ടിവിടെ.. ആ ജനങ്ങൾ ഒറ്റക്കെട്ടായി യോഗ്യരായ പ്രതിനിധികളെ ഉയർത്തിക്കൊണ്ടുവന്നു നിർത്തുകയാണെങ്കിൽ, ഉറപ്പായും മലമുഴക്കികൾ വരുംരാഷ്ട്രീയത്തിൽ ഇടപെടുക തന്നെ ചെയ്യും. കാരണം നല്ല മനുഷ്യരിലൂടെയാണ് പ്രകൃതി നിലനിൽക്കുന്നത് ; നല്ല പ്രകൃതിയിലൂടെയാണ് മനുഷ്യൻ നിലനിൽക്കുന്നത്.

#മലമുഴക്കികൾ

23/07/2018

അഭിനന്ദനങ്ങൾ ❤️ നമ്മുടെ നാടിനു വേണ്ടി നമുക്കൊരുമിച്ചു ആത്മാർത്ഥതയോടെ പ്രവർത്തിക്കാം.

Navadhara Arts And Sports Club, Poomaruthikuzhy യുടെ 2018-19 പ്രവർത്തന വർഷത്തെ ആദ്യത്തെ യോഗം ഇന്നലെ വൈകിട്ട് 4 മണിക്ക് പൂമരുതിക്കുഴി ജംഗ്ഷനിൽ വച്ചു നടന്നു. അടുത്ത ഒരു വർഷത്തേക്കുള്ള ഭാരവാഹികളെ യോഗം ഐക്യകണ്ഠേന തിരഞ്ഞെടുത്തു. കമ്മിറ്റി ഭാരവാഹികളെ കൂടാതെ വാർഷികാഘോഷത്തിനുള്ള സംഘാടക സമിതിയെയും യോഗം തിരഞ്ഞെടുത്തു.

08/07/2018

അണിയറ പ്രവർത്തകർക്ക് ആശംസകൾ❤️

വെയിൽ നാളത്തിൽ പുഞ്ചിരി തൂകുന്ന മരുതി പൂവിന്റെ മണമുള്ള നാട്.. ഈറൻ മേഘങ്ങൾ തഴുകി തലോടുന്ന മാമലകളുടെ നാട്.. ഗ്രാമീണ നന്മകൾ കൊണ്ട് സമ്പന്നമായ നമ്മുടെ സ്വന്തം പൂമരുതിക്കുഴിയെപ്പറ്റി Navadhara Arts And Sports Club, Poomaruthikuzhy നിങ്ങളുടെ മുൻപിലേക്കത്തിക്കുന്ന വീഡിയോ ഗാനം ഉടൻ പുറത്തിറങ്ങുന്നു..

ഷെഫീക്കും അഖിലും രചിച്ചു ഷെഫീക്ക് സംഗീതം നൽകിയ ഗാനം ആലപിച്ചിരിക്കുന്നത് രഞ്ജിത്ത് തട്ടാക്കുടി ആണ്. ഷെഫീക്ക് സംവിധാനം നിർവഹിച്ചിരിക്കുന്ന വീഡിയോ ആൽബത്തിന്റെ നിർമാണം നിർവഹിച്ചിരിക്കുന്നത് ഷെഫീക്കും അഖിലും ചേർന്നാണ്. കളമശ്ശേരി നാരായണ സ്റ്റുഡിയോയിൽ റെക്കോർഡിങ് പൂർത്തിയായ ഗാനം ഉടൻ വീഡിയോ രൂപത്തിൽ നിങ്ങൾക്ക് മുന്നിലേക്കെത്തും. വീഡിയോ ആൽബത്തിന്റെ പോസ്റ്റർ ഡിസൈൻ ചെയ്തിരിക്കുന്നത് അക്ഷയ് സന്തോഷ് ആണ്.

04/05/2018

അഭിനന്ദനങ്ങൾ😍✌️

SSLC പരീക്ഷയിൽ മുഴുവൻ വിഷയങ്ങൾക്കും A+ നേടി പൂമരുതിക്കുഴിയുടെ യശസ്സ് വാനോളമുയർത്തിയ സജാതിനു അഭിനന്ദനങ്ങൾ😍✌️💪

20/02/2018

ജോലിക്കിടെ ഉണ്ടായ അപകടത്തെ തുടർന്ന് ഇരു കാലുകളും മുറിച്ചു തിരുവനന്തപുരം മെഡിക്കൽ കോളേജിൽ ചികിത്സയിൽ കഴിയുന്ന പ്രിയ സഹോദരൻ ബെന്നി മാത്യുവിന് വേണ്ടി പൂമരുതിക്കുഴി-തട്ടാക്കുടി പ്രദേശത്തെ നല്ലവരായ ജനങ്ങളുടെ സഹായത്തോടെ സ്വരൂപിച്ച 2 ലക്ഷം രൂപ ബെന്നിയുടെ അക്കൗണ്ടിൽ നിക്ഷേപിച്ചു. സുമനസ്സുകൾക്ക് നന്ദി. വീണ്ടും പ്രാർത്ഥിക്കുക.സഹായിക്കുക.

19/02/2018

അപകടത്തിൽ പരിക്കേറ്റ് ഇരുകാലുകളും നഷ്ടപ്പെട്ട് ചികിത്സയിൽ കഴിയുന്ന ബെന്നി മാത്യു നു വേണ്ടി ചികിത്സാ ധനസഹായത്തിനു നേതൃത്വം നൽകുന്ന തട്ടാക്കുടി പൂമരുതിക്കുഴി നന്മ ബാലസംഘം കുട്ടികൾ.

18/02/2018

സുഹൃത്തുക്കളെ,
ജോലിക്കിടെ ഉണ്ടായ അപകടത്തെ തുടർന്ന് ശസ്ത്രക്രിയയ്ക്ക് വിധേയമായി ഇരു കാലുകളും മുറിച്ചു മാറ്റിയ ഈ സഹോദരനു വേണ്ടി ഞങ്ങൾ സുമനസുകളുടെ സഹായം തേടുന്നു.

നേരിട്ടും ബാങ്ക് അക്കൗണ്ട് വഴിയും കഴിയുന്ന സഹായങ്ങൾ ചെയ്യുക.

Bank Account Details:

Benny Mathew
SBI Kalanjoor Branch
Account Number: 67354948636
IFSC Code: SBIN0070663

ദയവായി ഈ പോസ്റ്റ് ഷെയർ ചെയ്തു മറ്റുള്ളവരിലേക്കും എത്തിക്കുക.

05/02/2018

പൂമരുതിക്കുഴിയുടെ സ്വന്തം നവധാരയുടെ ചുണക്കുട്ടന്മാർക്ക് അഭിനന്ദനങ്ങൾ💪💪

കഴിഞ്ഞ ആഴ്ച വിവിധ ടീമുകളുമായി നടന്ന സൗഹൃദ ഫുട്ബോൾ മത്സരങ്ങളിൽ Poomaruthikuzhy Navadhara Arts And Sports Club, Poomaruthikuzhyക്കു മിന്നുന്ന വിജയം.

1. പാടം സ്റ്റേഡിയത്തിൽ വെച്ച് നടന്ന മത്സരത്തിൽ പാടം ടീമിനെ 1-0നു നവധാര തോല്പിച്ചു. നവധാരക്കു വേണ്ടി kannan വിജയഗോൾ നേടി.

2.മാങ്കോട് സ്കൂൾ ഗ്രൗണ്ടിൽ വെച്ചു നടന്ന മത്സരത്തിൽ പുലമൺ സ്‌ട്രൈക്കേഴ്സിനെ 4-2നു നവധാരയുടെ ചുണക്കുട്ടന്മാർ തകർത്തു.
നവധാരക്കു വേണ്ടി കണ്ണൻ,ഷിബിൻ,ഡിക്ക്സൻ,വൈശാഖ് എന്നിവർ ഗോളുകൾ നേടി.

3. കൂടൽ സ്റ്റേഡിയത്തിൽ നടന്ന മത്സരത്തിൽ കൂടൽ ടീമിനെ 3-1നു നവധാരയുടെ ചുണക്കുട്ടന്മാർ തകർത്തു.
നവധാരക്കു വേണ്ടി കണ്ണൻ ഇരട്ട ഗോളുകൾ നേടിയപ്പോൾ വൈശാഖും വല കുലുക്കി.

നവധാരയുടെ ചുണക്കുട്ടന്മാർക്ക് അഭിനന്ദനങ്ങൾ ✌️💪