26/05/2021
ഒരു ഹെൽത്ത് ഇൻഷുറൻസ് ആവശ്യമാണെന്നതിൽ ഇനിയും സംശയമുണ്ടോ?
ഒരു സർജറി ആവശ്യമായി വരുമ്പോൾ പലരും എന്നെ വിളിക്കാറുണ്ട്. ഒരു ഹെൽത്ത് പോളിസി ഒപ്പിച്ചെടുക്കാൻ വല്ല വഴിയും ഉണ്ടോ എന്ന് അന്വേഷിക്കാനാണ് വിളിക്കുന്നത്. എന്ത് വഴി?! പലർക്കും ഒരു കാര്യം അറിയില്ല. അതായത് ആരോഗ്യം ഉള്ളപ്പോൾ മാത്രമേ ഹെൽത്ത് ഇൻഷ്വർ ചെയ്യാൻ കഴിയൂ. രോഗം വന്നാൽ അത് ലഭിക്കില്ല. മറ്റൊരു വിധത്തിൽ പറഞ്ഞാൽ, ഹെൽത്ത് ഇൻഷ്വറൻസ് ആവശ്യമില്ലാത്ത സമയത്താണ് നാം വാങ്ങേണ്ടത്. എന്തുകൊണ്ടെന്നാൽ ആവശ്യമുള്ള സമയത്ത് അത് ലഭിക്കില്ല എന്നർത്ഥം.
ചിലർ ചോദിക്കും, ഹെൽത്ത് ഇൻഷ്വറൻസ് ലാഭമോ നഷ്ടമോ എന്ന്. അങ്ങനെ ചോദിച്ചാൽ പലർക്കും നഷ്ടം എന്ന് പറയാം. പക്ഷെ എന്തിനാണ് ഒരു വർഷം ആരോഗ്യ വിഷയത്തിൽ ഒരു നഷ്ടം നാം സഹിക്കുന്നതെന്നു പലരും ശരിക്കും ചിന്തിക്കുന്നില്ല. താങ്ങാൻ കഴിയാത്ത ഭീമമായ ഒരു ചെലവ് വരാതിരിക്കാനാണ് നാം ചെറിയ ഒരു നഷ്ടം സഹിക്കുന്നത്. അപ്പോൾ പണത്തിന്റെ കാര്യത്തിൽ ടെൻഷൻ ഇല്ലാതാകുന്നു.
ചിലർ കരുതുക, തങ്ങൾ യുവാക്കളായതിനാൽ പ്രായമാകുന്നതിന് മുമ്പ് പോളിസി എടുത്താൽ മതിയല്ലോ എന്നാണ്. എന്നാൽ ആസ്പത്രിയിലാകാൻ എല്ലാവർക്കും പ്രായമാകേണ്ടതുണ്ടോ എന്ന് ദിനേന നാം കാണുന്ന മറ്റുള്ളവരുടെ അനുഭവങ്ങളിൽ നിന്ന് ചിന്തിക്കേണ്ടതാണ്. പകർച്ച വ്യാധികൾ അല്ലാത്ത ചില രോഗങ്ങൾക്ക് (ഉദാ:- കാൻസർ, ഹൃദ്രോഗം, മാനസികം, പ്രമേഹം മുതലായവ) മൂന്നിൽ ഒരു ഭാഗം കാരണമാകുന്നത് പാരമ്പര്യം (family history) ആണെന്നത് ശരിയാണ്. എന്നാൽ അത് ⅓ മാത്രമേ വരുന്നുള്ളൂ. മൂന്നിൽ രണ്ട് ഭാഗം കേസുകളും family history കാരണം അല്ല - ഹൃദ്രോഗവും പ്രമേഹവും ഒഴികെ (ഈ രണ്ട് അസുഖങ്ങളും പകുതിയിൽ അധികവും പട്ടാമ്പര്യമാണെന്ന് ഡോക്ടർമാർ പറയുന്നു). ആകസ്മികമായി ഒരു ആക്സിഡന്റ് വരില്ലെന്ന് ആർക്കാണറിയുക? Accident ൽ നിന്ന് ആരോഗ്യം വീണ്ടെടുക്കുവാൻ എത്ര ലക്ഷം രൂപ വേണ്ടി വരുമെന്നും ആർക്കും ഊഹിക്കാവുന്നതല്ല.
15 ദിവസം പ്രായമായ ശിശു മുതൽ 65 വയസ്സിനുള്ളിൽ വരെ പ്രായമുള്ളവർക്ക് cash less (പണം നൽകാതെ) ചികിത്സ ലഭ്യമാകുന്ന വിവിധ ഹെൽത്ത് പോളിസികൾ ഇപ്പോൾ ലഭ്യമാണ്. 65 വയസ്സ് പൂർത്തിയാകുന്നതിനു മുമ്പ് പോളിസി എടുത്തവർക്ക് മരണം വരെ അത് റിന്യൂ ചെയ്തുകൊണ്ട് തുടരാവുന്നതാണ്.
ഫാമിലി പോളിസികളും, വ്യക്തിപരമായ പോളിസികളും ഉണ്ട്.
65 മുതൽ 75 നുള്ളിൽ വരെ പ്രായമുള്ളവർക്ക് വേണ്ടി senior citizen's പോളിസിയും ലഭ്യമാണ്. എന്നാൽ senior citizen പോളിസി ഉടമകൾക്ക് പൂർണ്ണ ചെലവ് കമ്പനി വഹിക്കില്ല. 30% ചെലവ് കോ പേയ്മെന്റ് ആയി നാം നൽകേണ്ടി വരും.
അറിഞ്ഞിരിക്കേണ്ട ചില കാര്യങ്ങൾ:-
1.പുതുതായി പോളിസി എടുക്കുന്നവർക്ക് Waiting Period കഴിഞ്ഞാൽ മാത്രമേ ഇൻഷ്വറൻസ് പരിരക്ഷ ലഭിക്കുകയുള്ള. അത് ഇനി പറയുംപ്രകാരം ആണ്.
a)ആകസ്മികമായി വരുന്ന രോഗങ്ങൾക്ക് 30 ദിവസം കഴിയണം (Accident case ന് waiting period ഇല്ല)
b) ദീർഘകാലം കൊണ്ട് രൂപപ്പെടുന്ന രോഗങ്ങൾക്ക് 2 വർഷം (ഉദാഹരണം: അർശസ്, അസ്ഥി സംബന്ധമായ രോഗങ്ങൾ, ENT problems, ഗർഭാശയ സംബന്ധമായ അസുഖങ്ങൾ, ഭ്രാന്ത്, കിഡ്നി സ്റ്റോൺ മുതലായവ)
c) പോളിസി എടുക്കുന്നതിനു മുമ്പ് നിലവിലുള്ള അസുഖങ്ങൾക്ക് 4 വർഷം.
ക്ലെയിം അനുവദിക്കാത്ത സംഗതികൾ:-
സൗന്ദര്യ വർധക സർജറികൾ, സുന്നത്ത് കർമ്മം, ജന്മനായുള്ള വൈകല്യങ്ങൾ, പല്ല് ചികിത്സ (അപകടം ഒഴികെ) മുതലായ സംഗതികൾക്ക് പരിരക്ഷ നൽകില്ല.
പ്രസവ കേസുകൾക്ക് ചെലവ് വഹിക്കുന്നതും വഹിക്കാത്തതുമായ പോളിസികൾ ഉണ്ട്.
എത്രയും വേഗം പോളിസി എടുക്കലാണ് ബുദ്ധിയെന്ന് മുകളിൽ പറഞ്ഞ കാര്യങ്ങളിൽ നിന്ന് മനസിലാക്കാം.
Non claim bonus, Automatic restoration, free medical check up, Ambulance charges, Day care procedure, Pre hospitalisation & post hospitalisation expenses മുതലായ വിഷയങ്ങൾ ഇതിൽ വിവരിക്കാൻ സ്ഥല പരിമിതി അനുവദിക്കുന്നില്ല. അതൊക്ക വിശദമായി അറിയിക്കാം.
എന്ത് കൊണ്ട് Health Insurance വേണം?
എല്ലാ പ്രധാന ആശുപത്രികളും ഉടനടി ക്ലെയിം സെറ്റിൽമെൻറ് നടത്തുന്നു. ചില കമ്പനികളെ പോലെ യഥാസമയം പരിരക്ഷ നൽകാതെ രോഗി പണം നൽകേണ്ട അവസ്ഥ Health Insurance Card ഉള്ളവർക്ക് വരുന്നില്ല.
ഹെൽത്ത് ഇൻഷ്വറൻസ് സംബന്ധമായി എല്ലാ സംശയങ്ങൾക്കും ബന്ധപ്പെടുക:
Call/Whatsapp : 9645544884
