https://www.facebook.com/101887968409728/

Punjab Investment Consultancy, Jalandhar (2026)

07/04/2026

ਮੈਨੂੰ ਇੱਕ ਸਵਾਲ ਕੀਤਾ ਜਾਂਦਾ ਵੀ ਭਾਜੀ SIP ਕਿਉਂ, LUMP SUM ਕਿਉਂ ਨਹੀਂ?

ਤੁਸੀਂ ਇਹੋ ਜਿਹੇ ਹਾਲਾਤਾਂ ਚ ਜਦ ਪਤਾ ਨੀ ਕਲ੍ਹ ਕੀ ਹੋਣਾ ਇਕੱਠੇ ਪੈਸੇ ਲਾਓਗੇ, ਬੱਸ ਪੈਸੇ ਇਕੱਠੇ ਕਰਕੇ ਬੈਠੇ ਰਹੋਗੇ.

ਕੁੱਝ ਸੱਜਣ ਪੇਜ਼ ਤੇ ਕਹਿੰਦੇ ਆ ਵੀ ਉਨ੍ਹਾਂ ਨੂੰ ਪਤਾ ਸੀ ਵੀ Bottom ਕਦ ਆਉਣੀ ਤੇ ਉਨ੍ਹਾਂ ਨੇ ਸਾਰਾ ਪੈਸਾ Bottom ਦੇ ਆਸ ਪਾਸ ਹੀ ਲਾਇਆ, ਮੈਨੂੰ ਲੱਗਦਾ ਉਹ ਅਗਲੇ ਅੰਬਾਨੀ ਅਡਾਨੀ ਹੋਣਗੇ.

ਇੱਕ ਅੰਕੜਾ ਜੋ ਮੈਂ ਕਦੇ ਵੇਖਿਆ ਹੀ ਨਹੀਂ ਸੀ, ਅਗਰ ਤੁਸੀਂ 2008 ਵਾਲੇ DECLINE ਤੋਂ ਪਹਿਲੇ ਨਿਵੇਸ਼ ਕੀਤਾ ਸੀ ਤਾਂ ਤੁਹਾਡੇ ਪੈਸੇ ਦੁਗਣੇ ਹੋਣ ਨੂੰ 10 ਸਾਲ ਲੱਗੇ ਪਰ ਅਗਰ ਤੁਸੀਂ ਉਸੇ ਪੈਸੇ ਦੀ SIP ਕੀਤੀ ਹੁੰਦੀ ਤਾਂ ਤੁਹਾਡੇ ਪੈਸੇ 3.5 ਗੁਣਾਂ ਹੁੰਦੇ 😭. ( ਇਹ ਅੰਕੜਾ ਲੱਗਭਗ ਠੀਕ ਏ ਪਰ ਪੂਰੀ ਤਰ੍ਹਾਂ ਠੀਕ ਏ ਮੈਂ ਨਹੀਂ ਕਹਿ ਸਕਦਾ ਕਿਉਂਕਿ ਮੈਂ ਵੀ ਕਿਸੇ LINKEDIN ਪੇਜ਼ ਤੋਂ ਹੀ ਲਿਆ ਏ )

SIP ਮੱਤਲਬ ਪੈਸੇ ਤੁਹਾਡੇ ਖਾਤੇ ਚੋਂ ਗਏ, ਤੁਸੀਂ ਖਰਚ ਨੀ ਸਕਦੇ, ਬੱਚਤ ਹੋ ਗਈ.

SIP ਮੱਤਲਬ ਕੋਈ ਜ਼ੋਰ ਨੀ ਬੱਸ ਆਪਣੇ ਆਪ ਤੁਹਾਡੇ ਪੈਸੇ ਲੱਗੀ ਜਾ ਰਹੇ ਨੇ ਤੁਸੀਂ ਬੱਸ ਬੈਠੇ ਹੋ ਅਰਾਮ ਨਾਲ, ਤੇ SIP ਦੇ ਸਬੰਧ ਚ ਸਭ ਤੋਂ ਕਮਾਲ ਦੀ ਗੱਲ ਇਹੀ ਆ ਕਿ ਇੱਕ ਵਾਰ ਸ਼ੁਰੂ ਕਰਨ ਤੋਂ ਬਾਅਦ ਤੁਸੀਂ ਕੁੱਝ ਨੀ ਕਰਨਾ ਹੁੰਦਾ.

ਅਖੀਰ ਚ ਜੰਗ ਵਾਰੇ ਜਦ ਤੱਕ ਖ਼ਤਮ ਨੀ ਹੁੰਦੀ ਤੱਦ ਤੱਕ ਇਹ ਖ਼ਤਮ ਹੋਈ ਨਹੀਂ ਮੰਨੀ ਜਾਊਗੀ.

ਕੱਚਾ ਤੇਲ 6-7 ਮਹੀਨੇ ਮਹਿੰਗਾ ਰਹਿ ਸਕਦਾ ਸ਼ਾਇਦ ਇਸ ਤੋਂ ਵੀ ਲੰਬਾ ਤੇ ਇਹ ਬਾਜ਼ਾਰ ਨੂੰ ਕੁੱਝ ਹੱਦ ਤੱਕ ਪ੍ਰਭਾਵਿਤ ਕਰੇਗਾ ਪਰ ਕਿੰਨਾ ਕੁ ਕਰੇਗਾ ਕੁੱਝ ਨੀ ਕਹਿ ਸਕਦੇ.

ਅਖੀਰ ਤੇ ਬੱਸ ਬੈਠੇ ਰਹੋ ਜੋ ਹੈ ਉੱਨੂੰ ਫੜ ਕੇ ਤੇ ਜੋ ਖਰੀਦ ਸਕਦੇ ਹੋ ਖਰੀਦੀ ਜਾਓ.

23/03/2026

ਕਾਫੀ ਮਾੜਾ ਸਮਾਂ ਚੱਲ ਰਿਹਾ ਮਾਰਕੀਟ ਚ ਇਸ ਸਮੇਂ.

ਕਾਫੀ ਦਰਦਨਾਕ ਹਾਲਤ ਨੇ.

ਇਸ ਮੌਕੇ ਅਗਰ ਕੁੱਝ ਨਵਾਂ ਮਾਰਕੀਟ ਚ ਪਾ ਸਕੋ ਤਾਂ ਬਹੁਤ ਵਧੀਆ.

ਪਰ ਸਭ ਤੋਂ ਜ਼ਰੂਰੀ ਹੈ ਅਰਾਮ ਨਾਲ ਬੈਠਣਾ, ਬੱਸ ਅਰਾਮ ਨਾਲ ਬੈਠਣਾ.

ਤੇ ਤਦ ਤੱਕ ਬੈਠੇ ਰਹਿਣਾ ਜਦ ਤੱਕ ਸਭ ਕੁੱਝ ਠੀਕ ਨਹੀਂ ਹੋ ਜਾਂਦਾ.

14/03/2026

ਇਰਾਨ ਜੰਗ ਤੇ ਆਪਣੇ ਪੋਰਟਫਾਲਿਓ

ਰੌਲਾ ਬਹੁਤ ਏ, ਮੈਂ ਤੁਹਾਨੂੰ ਮਸਲਾ ਸਮਝਾਉਣ ਦੀ ਕੋਸ਼ਿਸ਼ ਕਰ ਰਿਹਾ.

ਇਰਾਨ ਚਾਹੁੰਦਾ ਏ ਕਿ ਉਹ ਪਰਮਾਣੂ ਹਥਿਆਰ ਬਣਾ ਲਵੇ, ਯੂਰੇਨੀਅਮ ਦੀ ਸੁਧਾਈ ਕਰ ਰਿਹਾ ਤੇ ਅੰਦਾਜ਼ਾ ਏ ਵੀ ਏਨੀ ਕੁ ਸੋਧਿਆ ਯੂਰੇਨੀਅਮ ਇਰਾਨ ਲੈਕੇ ਬੈਠਾ ਵੀ ਬੰਬ ਬਣਾ ਲਊਗਾ ਜਾਂ ਵਾਲੀ ਛੇਤੀ ਮੱਤਲਬ 5-7 ਮਹੀਨੇ ਚ ਉਸ ਲੈਵਲ ਤੇ ਪਹੁੰਚ ਜਾਊਗਾ.

ਨਾਰਥ ਕੋਰੀਆ ਕੋਲੇ ਬੰਬ ਆ ਓਹਨਾ ਵੱਲ ਕੋਈ ਮੂੰਹ ਨੀ ਕਰਦਾ ਸੋ ਇਰਾਨ ਦੀ ਇਸ ਵੇਲੇ ਇਹ ਮਜਬੂਰੀ ਬਣੀ ਹੋਈ ਏ ਵੀ ਬੰਬ ਬਣਾ ਲਈਏ.

ਸ਼ੀਆ ਸੁੰਨੀ ਤੇ ਯਹੂਦੀਆ ਦੇ ਆਪਸੀ ਰਿਸ਼ਤੇ ਪਹਿਲਾਂ ਹੀ ਕਾਫੀ ਉਲਝੇ ਹੋਏ ਨੇ ਅਮਰੀਕਾ ਨੇ ਉਹ ਹੋਰ ਵੀ ਉਲਝਾ ਦਿੱਤੇ ਨੇ. ਇਰਾਨ ਹਮਾਸ ਹੇਜ਼ਬੁਲਾ ਤੇ ਹਾਊਥੀਆ ਰਾਹੀਂ ਅਸਿੱਧੇ ਤਰੀਕੇ ਨਾਲ ਲੜ ਰਿਹਾ ਏ ਇਜਰਾਇਲ ਤੇ ਬਾਕੀ ਸੁੰਨੀ ਮੁਲਖਾਂ ਨਾਲ.

ਇਹ ਹੈ ਪਿੱਛੋਂਕੜ ਇਸ ਜੰਗ ਦਾ.

ਟਰੰਪ ਨੇ ਹਮਲਾ ਕਰਕੇ ਵਾਲੀ ਅਜੀਬ ਜਿਹੀ ਹਾਲਤ ਪੈਦਾ ਕਰ ਲਈ.

ਟਰੰਪ ਨੂੰ ਕੀ ਲੱਗਦਾ ਸੀ ਮੈਨੂੰ ਚੰਗੀ ਤਰ੍ਹਾਂ ਨੀ ਪਤਾ ਪਰ ਜੋ ਉਹ ਚਾਹੁੰਦਾ ਸੀ ਇਰਾਨ ਨੇ ਓਹਦਾ ਉਲਟ ਕੀਤਾ.

ਟਰੰਪ ਨੂੰ ਲੱਗਦਾ ਸੀ ਵੀ 5-7 ਦਿਨ ਚ ਇਰਾਨ ਵਾਲੇ ਸ਼ਾਤ ਹੋ ਜਾਣਗੇ ਤੇ ਮੈਂ ਉਨ੍ਹਾਂ ਤੋਂ ਧੱਕੇ ਨਾਲ ਕੁੱਝ ਨਾਂ ਕੁੱਝ ਤਾਂ ਮੰਨਵਾ ਹੀ ਲਊਂਗਾ.

ਪਰ ਇਰਾਨ ਬਿਲਕੁੱਲ ਉਲਟ ਚੱਲ ਰਿਹਾ ਉਹ ਕੇਵਲ ਲੜ ਹੀ ਨੀ ਰਿਹਾ ਸਗੋਂ ਉਨੇ ਹੋਰਮੁਜ਼ ਦਾ ਰਾਹ ਵੀ ਬੰਦ ਕਰਤਾ, ਏਥੇ ਪੂਰੀ ਗੇਮ ਬਦਲ ਗਈ.

ਦੁਨੀਆ ਦਾ 20% ਕੱਚਾ ਤੇਲ ਇਥੋਂ ਦੀ ਲੰਘਦਾ, ਤੇ ਇਸਦਾ 1/3 ਹਿੱਸਾ ਦੁਬਈ ਤੇ ਸਾਊਦੀ ਬਾਈਪਾਸ ਕਰ ਜਾਣਗੇ.

ਜਦ ਤੇਲ ਦੀ ਸਪਲਾਈ ਘੱਟ ਗਈ ਤਾਂ ਤੇਲ ਮਹਿੰਗਾ ਹੋ ਜਾਊਗਾ, 100 USD ਤੋਂ ਉੱਪਰ ਤੇਲ ਜਾਣ ਦਾ ਮੱਤਲਬ ਆ ਮਹਿੰਗਾਈ.

ਮਹਿੰਗਾਈ ਦਾ ਮੱਤਲਬ ਏ REPO ਰੇਟ ਵਧਣਗੇ, ਇਹਦੇ ਨਾਲ FD ਦੇ ਰੇਟ ਵਧਣਗੇ ਤੇ ਇਹਦੇ ਨਾਲ ਸਟਾਕ ਘੱਟ ATTRACTIVE ਹੋ ਜਾਣਗੇ (ਇਵੇਂ ਕਿਵੇਂ ਹੋਊਗਾ ਥੋੜ੍ਹਾ ਗੁੰਝਲਦਾਰ ਮਸਲਾ ਏ )

ਭੂਤਕਾਲ ਚ ਸਾਡੇ ਕੋਲੇ ਇਹੋ ਜਿਹੇ ਤਿੰਨ ਮੌਕੇ ਸੀ

ਯੂਕਰੇਨ ਦੀ ਲੜਾਈ ਕੁੱਝ ਖਾਸ ਨੀ ਹੋਇਆ ਕਿਉਂਕਿ ਕਾਫੀ ਘੱਟ ਤੇਲ ਫਸਿਆ ਸੀ ਤੇ ਸਾਊਦੀ ਤੇਜੀ ਨਾਲ ਉਤਪਾਦਨ ਵਧਾ ਗਏ ਗੇਮ ਏਡੀ ਲੰਬੀ ਨੀ ਉਲਝੀ.

ਜਦੋਂ ਇਰਾਕ ਨੇ ਕੁਵੇਤ ਤੇ ਹਮਲਾ ਕੀਤਾ ਸੀ, ਘੰਟਿਆ ਚ ਇਰਾਕ ਨੂੰ ਕੁੱਟਕੇ ਅਮਰੀਕੀ ਸਭ ਕੁੱਝ ਖੋਲ ਗਏ ਸੀ 90-91 ਚ.

ਸਭ ਤੋਂ ਖਤਰਨਾਕ ਸੀ OIL EMBARGO ਉਦੋਂ ਵੀ ਲਫੜਾ ਇਜਰਾਈਲ ਦਾ ਹੀ ਪਿਆ ਸੀ ਤੇ 10 ਸਾਲ ਦੁਨੀਆਂ ਭਰ ਦੇ ਬਾਜ਼ਾਰ 10 ਸਾਲ ਮੰਦੇ ਚ ਰਹੇ ਸੀ. Oil Embargo ਦਾ ਮੱਤਲਬ ਸੀ ਮੁਸਲਿਮ ਤੇਲ ਉਤਪਾਦਕ ਮੁਲਖਾਂ ਨੇ ਅਮਰੀਕਾ ਨੂੰ ਤੇਲ ਵੇਚਣ ਤੋਂ ਨਾਹ ਕਰਤੀ. ਅਮਰੀਕਾ ਚ ਮਹਿੰਗਾਈ ਵੱਧ ਗੀ ਤੇ GDP ਵਾਧੇ ਦੀ ਦਰ ਘੱਟ ਗਈ. ਵਾਲੀ ਬੁਰੀ ਹਾਲਤ ਹੋ ਗਈ ਅਮਰੀਕਾ ਦੀ ਅਰਥ ਵਿਵਸਥਾ ਦੀ. ਉਸ ਸਮੇਂ ਮਤਲਬ 1969 ਤੋਂ 1983 ਤੱਕ ਮਾਰਕੀਟ retrun 0 ਸੀ!!

ਸੋ ਇਹ ਹਾਲਤ ਸਭ ਤੋਂ ਖਤਰਨਾਕ ਏ.

ਪਰ ਏਥੇ ਦੋ ਅਹਿਮ ਮੁੱਦੇ ਨੇ ਜੋ ਸਮਝਣੇ ਜ਼ਰੂਰੀ ਨੇ.

ਪਹਿਲਾ ਅਮਰੀਕਾ ਤੇ ਇਰਾਨ ਕਦੀ ਨਹੀਂ ਚਾਹੁੰਦੇ ਕੀਂ ਜ਼ਮੀਨੀ ਜੰਗ ਲੱਗੇ, ਕਿਉਂਕਿ ਅਮਰੀਕਾ ਲਈ ਜੰਗ ਬਹੁਤ ਮਹਿੰਗੀ ਹੋਊਗੀ ਤੇ ਅਮਰੀਕਾ ਦੀ ਅਰਥ ਵਿਵਸਥਾ ਏਨਾ ਤਾਪ ਨੀ ਝੱਲ ਸਕਦੀ ਤੇ ਇਰਾਨ ਲਈ ਇਹ ਉਨ੍ਹਾਂ ਦੇ ਇਸਲਾਮਿਕ ਲੋਕਰਾਜ ( ਮੌਕੇ ਦੀ ਸਰਕਾਰ ) ਲਈ ਬਹੁਤ ਖਤਰਨਾਕ ਹੋ ਸਕਦਾ.

ਸੋ ਅਗਰ ਇਹ ਸੋਚੀਏ ਤਾਂ ਜੰਗ ਜਲਦੀ ਮੁੱਕਣੀ ਚਾਹੀਦੀ ਏ.

ਪਰ ਜੰਗ ਚ ਇਵੇਂ ਨੀ ਹੁੰਦਾ ਵੀ ਤੁਸੀਂ ਜੋ ਸੋਚ ਕੇ ਤੁਰੇ ਸੀ ਉੱਥੇ ਹੀ ਗੱਲ ਮੁਕਾ ਲਾਓਗੇ. ਮੇਰੇ ਦਿਮਾਗ ਚ 3-4 ਉਧਾਰਨਾਂ ਨੇ ਜੋ ਪਿੱਛਲੀ ਸਦੀ ਚ ਇਵੇਂ ਗਈਆਂ ਜਿਵੇੰ ਕਿਸੇ ਨੂੰ ਆਸ ਨੀ ਸੀ. ਪਹਿਲੀ ਵਿਸ਼ਵ ਜੰਗ ਦੂਜੀ ਵਿਸ਼ਵ ਜੰਗ ਵੀਤਨਿਆਮ ਚ ਇਹ ਏਡੀ ਵੱਡੀ ਜੰਗ ਦਾ ਹਿਸਾਬ ਲਾ ਕੇ ਜੰਗਾ ਨੀ ਛੇੜੀਆਂ ਗਈਆਂ ਸੀ.

ਇਹ ਦੋ ਨੁਕਤੇ ਧਿਆਨ ਚ ਰੱਖਣੇ ਜ਼ਰੂਰੀ ਨੇ ਬਹੁਤ ਜ਼ਰੂਰੀ ਨੇ.

ਸੋ ਮੈਨੂੰ ਇਸ ਵੇਲੇ ਥੋੜ੍ਹਾ ਡਰ ਲੱਗ ਰਿਹਾ ਕਿ ਜੰਗ ਦਾ ਖਿਲਾਰਾ ਵਧੂਗਾ ਅਮਰੀਕਾ ਇਜ਼ਰਾਇਲ ਤੇ ਇਰਾਨ ਤਿੰਨਾਂ ਦੀ ਲੀਡਰਸ਼ਿਪ ਸਿਆਣੀ ਨਹੀਂ ਲੱਗ ਰਹੀ. ਚੀਨ ਵੀ ਇੱਕ ਰੋਲ ਖੇਡ ਸਕਦਾ ਏ ਪਰ ਇਸ ਵਾਰੇ ਮੈਂ ਕੁੱਝ ਨੀ ਕਹਿ ਸਕਦਾ, ਟਾਪੂ ਤੇ ਹਮਲਾ ਕਰਕੇ ਟਰੰਪ ਨੇ ਚੀਨ ਨੂੰ ਜਾਂਦੇ ਤੇਲ ਤੇ ਰੋਕ ਲਾਉਣ ਦੀ ਕੋਸ਼ਿਸ਼ ਕੀਤੀ ਏ, ਇਹ ਵੀ ਉਲਝਣਵਾਜ਼ੀ ਨੂੰ ਵਧਾ ਸਕਦਾ ਏ.

ਸਿਰਫ ਇੱਕ ਪੱਖ ਚੰਗਾ ਵਾਪਰ ਰਿਹਾ ਏ ਕਿ ਯੂਰੋਪ ਟਰੰਪ ਦਾ ਵਿਰੋਧ ਕਰ ਰਿਹਾ ਏ. ਮੱਤਲਬ ਜੰਗ ਨੂੰ ਘੁੱਟਣਾ ਸੌਖਾ ਰਹੂਗਾ ਕਿਉਂਕਿ ਅਮਰੀਕਾ ਨੂੰ ਪਤਾ ਏ ਵੀ ਯੂਰੋਪ ਚੀਨ ਨਾਲ ਨਹੀਂ ਫਸ ਰਿਹਾ ਕਿਤੇ ਯੂਰੋਪ ਨਾਲ ਫਸਣਾ ਬੈਲੰਸ ਨਾ ਬਦਲ ਦੇਵੇ ਯੂਰੋਪ ਚੀਨ ਵੱਲ ਨਹੀਂ ਜਾਊਗਾ ਪਰ ਹੋ ਸਕਦਾ ਇਸੇ ਚੱਕਰ ਚ ਯੂਰੋਪ ਅਮਰੀਕਾ ਨੂੰ ਇਕੱਲਾ ਛੱਡ ਜਾਵੇ ਪਰ ਇਹ ਮੁੱਦਾ ਅੱਜ ਦੀ ਲੜਾਈ ਚ ਉੱਨਾ ਸੋਚਣਾ ਜ਼ਰੂਰੀ ਨਹੀਂ ਏ.

ਹਰ ਪਲ ਆਪਾਂ oil embargo ਵਾਲੀ ਹਾਲਤ ਜਾਂ ਅਮਰੀਕਾ ਦੇ ਇਰਾਨ ਤੇ ਜ਼ਮੀਨੀ ਹਮਲੇ ਵੱਲ ਵੱਧ ਰਹੇ ਆਂ, ਇਹਦਾ ਮੱਤਲਬ ਇਹ ਨੀ ਆ ਵੀ ਇਹ ਵਾਪਰ ਜਾਊਗਾ. ਇਸ ਗੱਲ ਦੀ ਸੰਭਾਵਨਾ ਬਹੁਤ ਘੱਟ ਆ ਵੀ ਜੰਗ ਲੰਬੀ ਚੱਲੇ ਪਰ ਦੂਜਾ ਨੁਕਤਾ ਜੰਗ ਕਦੋਂ ਹੱਥ ਚੋਂ ਨਿੱਕਲ ਕੇ ਵੱਡੀ ਹੋਜੇ ਓਹਦਾ ਵੀ ਕੁੱਝ ਨੀ ਪਤਾ.

ਇਸ ਸਮੇਂ ਆਪਣੇ ਸਟਾਕ ਵੇਚਣੇ ਮਹਾਂ ਬੇਵਕੂਫ਼ੀ ਹੋਊਗੀ ਵਜ੍ਹਾ ਇਹ ਆ ਮੈਨੂੰ ਨਹੀਂ ਲਗਦਾ ਕਿ oil embargo ਵਾਲੀ ਹਾਲਤ ਆਊਗੀ ਤੇ ਅਗਰ ਉਹ ਹਾਲਤ ਆਉਂਦੀ ਏ ਤਾਂ FD ਚ ਸਟਾਕਾਂ ਨਾਲੋਂ ਤੁਹਾਡਾ ਵੱਧ ਨੁਕਸਾਨ ਹੋਣਾ, ਇਹ ਗੱਲ ਸਮਝਣੀ ਬਹੁਤ ਜ਼ਰੂਰੀ ਏ. ਮੈਂ ਇਸ ਚੀਜ਼ ਤੇ ਇੱਕ ਪੂਰੀ ਪੋਸਟ ਲਿਖੂਗਾ ਇੱਕ ਦੋ ਦਿਨ ਚ ਹੀ. OIL EMBARGO ਵਾਲੀ ਹਾਲਤ ਚ FD ਕਰਾਉਣ ਦਾ ਮੱਤਲਬ ਪੈਸਿਆਂ ਨੂੰ ਅੱਗ ਲਾਉਣ ਬਰਾਬਰ ਹੋਜੂ ਤੇ ਘਰ ਕੈਸ਼ ਰੱਖਣਾ ਮੇਰੀ ਸਮਝ ਤੋਂ ਬਾਹਰ ਦੀ ਚੀਜ਼ ਆ.

ਗੋਲ੍ਡ ਵਾਰੇ ਮੈਂ ਕੋਈ ਕੁਮੈਂਟ ਨੀ ਕਰ ਸਕਦਾ ਇਹ ਮੇਰੀ ਸਮਝ ਚੋਂ ਬਾਹਰ ਦੀ ਚੀਜ਼ ਆ.

Keep Calm Keep Investing ਤੇ Keep Cash

08/03/2026

ਅਸੀਂ ਬੰਦਾ ਪਹਿਲਾਂ ਮਾਰਦੇ ਆ ਤੇ ਕਸੂਰ ਬਾਅਦ ਚ ਪੁੱਛਦੇ ਆ, ਮਾਰਕੀਟ ਜਦੋਂ ਸਟਾਕ ਕੁੱਟਣ ਤੇ ਆਉਂਦੀ ਏ ਇਵੇਂ ਹੀ ਕੁੱਟਦੀ ਏ, ਕੋਈ ਵਜ੍ਹਾ ਹੋਵੇ ਨਾਂ ਹੋਵੇ ਬੱਸ ਕੁੱਟੀ ਜਾਓ.

ਕੁੱਝ ਸਟਾਕ ਏਨੇ ਕੁੱਟ ਰੱਖੇ ਆ ਵੀ ਲਓ ਰੱਬ ਦਾ ਨਾਮ.

ਅੱਜ ਕਲ੍ਹ ਕਰੋਨਾ ਤੋਂ ਬਾਅਦ ਸਭ ਤੋਂ ਖਤਰਨਾਕ ਹਾਲਤ ਬਣੇ ਹੋਏ ਨੇ.

ਇਹ ਸਮਾਂ ਥੋੜ੍ਹਾ ਔਖਾ ਹੋ ਸਕਦਾ ਏ ਲੰਘਉਣਾ ਕਿਉਂਕਿ ਇਸ ਸਮੇਂ ਮੈਨੂੰ ਵੀ ਮਾਨਸਿਕ ਤੌਰ ਤੇ ਦਿੱਕਤ ਦਾ ਸਾਹਮਣਾ ਕਰਨਾ ਪੈ ਰਿਹਾ ਪਰ ਮੈਨੂੰ ਪਤਾ ਏ ਕਿ ਇਹ ਸਮਾਂ ਲੰਘ ਜਾਊਗਾ ਕਿਉਂਕਿ ਕਰੋਨਾ ਵਾਲਾ ਵੀ ਲੰਘਿਆ ਸੀ ਤੇ ਫਿਰ ਯੂਕਰੇਨ ਵਾਲੇ ਲਫੜਾ ਵਾਲਾ ਵੀ.

ਮੈਂ ਭਵਿੱਖਵਾਣੀ ਚ ਯਕ਼ੀਨ ਨਹੀਂ ਕਰਦਾ ਪਰ ਅਗਲੇ ਕੁੱਝ ਹਫਤੇ ਕਾਫੀ ਉਥਲ ਪੁਥਲ ਭਰੇ ਜਾ ਸਕਦੇ ਆ. ਇਸ ਗੱਲ ਦੀ ਕੋਈ ਗਾਰੰਟੀ ਨਹੀਂ ਕਿ ਇਵੇਂ ਹੋਵੇਗਾ ਹੀ ਹੋਵੇਗਾ ਪਰਇਸ ਸਮੇਂ ਮਾਨਸਿਕ ਤੌਰ ਤੇ ਖੁਦ ਨੂੰ ਬਹੁਤ ਤਗੜੇ ਰਹਿਣ ਦੀ ਲੋੜ ਆ.

ਇੱਕ ਸਾਧਾਰਨ ਗੱਲ ਦਿਮਾਗ ਚ ਰੱਖੋ ਦੁਨੀਆ ਹਮੇਸ਼ਾਂ ਇਵੇਂ ਦੀ ਨਹੀਂ ਰਹੂਗੀ, ਟਰੰਪ ਹਮੇਸ਼ਾ ਲੜਦਾ ਨਹੀਂ ਰਹਿ ਸਕਦਾ.

ਯੂਕਰੇਨ ਦੇ ਖਤਰਨਾਕ ਦੰਗਲ ਤੋਂ ਬਾਅਦ ਵੀ ਮਾਰਕੀਟ ਚੜੀ ਸੀ, ਏਥੇ ਵੀ ਇਹੀ ਹੋਊਗਾ ਪਰ ਕੁੱਝ ਸਮਾਂ ਲੱਗੂਗਾ.

ਅਖੀਰ ਤੇ ਇਹ ਜੰਗ ਆਰਥਿਕ ਜਗਤ ਤੇ ਸ਼ੇਅਰ ਬਾਜ਼ਾਰ ਦਾ ਅੰਤ ਨਹੀਂ ਏ, ਆਰਥਿਕ ਜਗਤ ਤੇ ਸ਼ੇਅਰ ਬਾਜ਼ਾਰ ਜਿਓੰਦੇ ਰਹਿਣਗੇ ਹੋ ਸਕਦਾ ਕੁੱਝ ਸਮੇਂ ਲਈ ਤੁਹਾਨੂੰ ਇਹ ਲੱਗੇ ਕਿ ਇਨ੍ਹਾਂ ਦਾ ਅੰਤ ਨੇੜੇ ਆ ਪਰ ਅਸਲ ਚ ਇਨ੍ਹਾਂ ਦਾ ਕਦੇ ਵੀ ਅੰਤ ਨੀ ਹੋਣ ਲੱਗਾ.

ਪੋਸਟ ਦੇ ਅੰਤ ਚ ਚਾਰਲੀ ਦਾ ਇੱਕ ਕੋਟ “If you soldier through, you can get through almost anything. It’s your only option. You can’t bring back the dead. You can’t cure the dying child. You can’t do all kinds of things. You have to soldier through it. If you have to walk through the streets, crying for a few hours a day as part of the soldiering through — go ahead and cry away. But you can’t quit. You can cry, but you can’t quit.”

ਪੰਜਾਬੀ ਅਨੁਵਾਦ

"ਜੇ ਤੁਸੀਂ ਹਿੰਮਤ ਨਾਲ ਡਟ ਕੇ ਸਹਾਰ ਲਓ, ਤਾਂ ਤੁਸੀਂ ਲਗਭਗ ਹਰ ਚੀਜ਼ ਵਿਚੋਂ ਲੰਘ ਸਕਦੇ ਹੋ। ਇਹ ਤੁਹਾਡੇ ਕੋਲ ਇਕੱਲਾ ਹੀ ਰਸਤਾ ਹੈ। ਤੁਸੀਂ ਮਰੇ ਹੋਇਆਂ ਨੂੰ ਵਾਪਸ ਨਹੀਂ ਲਿਆ ਸਕਦੇ। ਤੁਸੀਂ ਮਰਦੇ ਬੱਚੇ ਨੂੰ ਠੀਕ ਨਹੀਂ ਕਰ ਸਕਦੇ। ਤੁਸੀਂ ਹਰ ਚੀਜ਼ ਨਹੀਂ ਕਰ ਸਕਦੇ। ਤੁਹਾਨੂੰ ਇਹ ਸਭ ਕੁਝ ਸਹਾਰਨਾ ਹੀ ਪੈਣਾ ਹੈ। ਜੇ ਇਸ ਸਭ ਨੂੰ ਸਹਾਰਨ ਦੇ ਹਿਸ्सੇ ਵਜੋਂ ਤੁਹਾਨੂੰ ਹਰ ਰੋਜ਼ ਕੁਝ ਘੰਟੇ ਰੋਂਦੇ ਹੋਏ ਗਲੀਆਂ ਵਿੱਚ ਤੁਰਨਾ ਪਏ — ਤਾਂ ਸ਼ੌਂਕ ਨਾਲ ਰੋ ਲਓ। ਪਰ ਤੁਸੀਂ ਹਾਰ ਨਹੀਂ ਮੰਨ ਸਕਦੇ। ਤੁਸੀਂ ਰੋ ਸਕਦੇ ਹੋ, ਪਰ ਹਾਰ ਨਹੀਂ ਮੰਨ ਸਕਦੇ।”

ਇਹ ਗੱਲ ਚਾਰਲੀ ਉਸ ਸਮੇਂ ਨੂੰ ਯਾਦ ਕਰਦਿਆਂ ਆਖਦਾ ਏ ਜਦੋਂ ਓਹਦਾ 5 ਸਾਲ ਦਾ ਪੁੱਤ ਕੈਂਸਰ ਨਾਲ ਮਰ ਰਿਹਾ ਸੀ, ਘਰ ਵਾਲੀ ਤਲਾਕ ਦੇ ਰਹੀ ਸੀ ਤੇ, ਵਕੀਲ ਦੇ ਤੌਰ ਤੇ ਉਹ ਫੇਲ ਹੋ ਰਿਹਾ ਸੀ, ਇੱਕ ਅੱਖ ਤੋਂ ਅੰਨ੍ਹਾ ਹੋ ਰਿਹਾ ਸੀ ਤੇ ਉਸ ਅੱਖ ਚ ਤੇਜ਼ ਦਰਦ ਸੀ, ਆਰਥਿਕ ਤੌਰ ਤੇ ਵਾਜਾ ਵੱਜ ਚੁੱਕਾ ਸੀ ਓਹਦਾ.

01/03/2026

ਅਮਰੀਕਾ ਨੇ ਕੀਤਾ ਇਰਾਨ ਦਾ ਰਾਸ਼ਟਰਪਤੀ ਕਤਲ

ਤੇਲ ਚੜੂਗਾ ਕੋਈ ਸ਼ੱਕ ਨੀ ਮਾਰਕੀਟ ਹਿੱਲੂਗੀ ਕੋਈ ਸ਼ੱਕ ਨਹੀਂ.

ਪਰ ਇਸ ਘਟਨਾਕਰਮ ਵਾਰੇ ਸੋਚਣਾ ਕਿਵੇਂ ਆ ਓਹਦੇ ਵਾਰੇ ਦੋ ਕੁ ਸ਼ਬਦ.

ਇਸ ਸਾਰੇ ਘਟਨਾਕਰਮ ਚ ਸਿਵਾਏ ਤੇਲ ਦੇ ਕੱਖ ਨੀ ਹੈਗਾ 😂.

ਅਮਰੀਕਾ ਦਾ ਮੋਟੋ ਏ ਲੋਕਤੰਤਰ ਦਾ ਨਿਰਯਾਤ ਤੇ ਮੱਧ ਪੂਰਬ ਚ ਇੱਕੋ ਇੱਕੋ ਲੋਕਤੰਤਰ ਏ ਚਾਹੇ ਨਾਮ ਦਾ( ਤੁਸੀਂ ਜਿਵੇੰ ਚਾਹੋ ਸੋਚ ਸਕਦੇ ਹੋ) ਇਰਾਨ 😂, ਪਰ ਕੋਈ ਨਾਂ ਮੌਕਾ ਦੇਖ ਕੇ ਅਸੂਲ ਬਦਲ ਲਏ ਜਾਂਦੇ ਨੇ.

ਇਰਾਨ ਅਮਰੀਕਾ ਦਾ ਕੁੱਝ ਨੀ ਕਰ ਸਕਦਾ, ਇਰਾਨ ਸਿਰਫ ਦੋ ਕੰਮ ਕਰ ਸਕਦਾ ਏ Strait Of Homruz ਨੂੰ ਬੰਦ ਕਰ ਸਕਦੇ ਤੇ ਅਮਰੀਕਾ ਦੇ ਸਾਥੀ ਮੁਲਖਾਂ ਜਿਵੇੰ ਸਾਊਦੀ ਦੁਬਈ ਆਦਿ ਤੇ ਹਮਲਾ ਕਰ ਸਕਦਾ ਏ.

Starit of homruz ਬੰਦ ਕਰਨ ਦਾ ਮੱਤਲਬ ਦੁਨੀਆਂ ਦੇ 20% ਕੱਚੇ ਤੇਲ ਦਾ ਨਿਰਯਾਤ ਬੰਦ ਹੋਣਾ, ਵੱਡਾ ਝਟਕਾ ਹੋਊਗਾ ਦੁਨੀਆਂ ਲਈ ਪਰ ਇਰਾਨ ਲਈ ਉਸ ਤੋਂ ਵੀ ਵੱਡਾ, ਇਰਾਨ ਕਿਹੜਾ ਲੂਣ ਵੇਚ ਕੇ ਚਲਾਉਂਦੇ ਆ ਵੇਚਦੇ ਤਾਂ ਉਹ ਵੀ ਤੇਲ ਈ ਆ. ਇਰਾਨ ਲਈ ਰਿਸ੍ਕ ਇਹ ਵੀ ਚੀਨ ਉੱਨਾ ਦੇ ਤੇਲ ਤੇ ਨਿਰਭਰ ਆ ਤੇ ਇਵੇਂ ਕਰਕੇ ਚੀਨ ਨੂੰ ਵੀ ਖਿਜ਼ਾ ਲਊਗਾ.

ਧੱਕੇ ਨਾਲ ਇਰਾਨ ਕਿੰਨੇ ਦਿਨ strait ਬੰਦ ਕਰ ਸਕਦਾ ਕੋਈ ਨੀ ਕਹਿ ਸਕਦਾ ਇੱਕ ਦਿਨ ਦੋ ਦਿਨ ਹਫਤਾ ਮਹੀਨਾ ਪਰ ਜਿਆਦਾ ਲੰਬਾ ਨੀ ਜਦੋਂ ਅਮਰੀਕਾ ਆਪਣੀ ਪੂਰੀ ਨੇਵੀ ਲੈਕੇ ਆ ਗਿਆ ਫਿਰ ਔਖਾ ਹੋਜੂ ਇਰਾਨ ਲਈ ਇੱਕ ਗੋਲਾ ਸੁੱਟਣਾ ਵੀ.

ਦੁਬਈ ਸਾਊਦੀ ਅਰਬ ਤੇ ਹਮਲੇ ਨਹੀਂ ਕਰੂਗਾ ਜਮੀਨੀ ਲੜਾਈ ਮੁੱਲ ਲੈਣ ਬਰਾਬਰ ਹੋਜੂ ਤੇ ਅਮਰੀਕੀ ਬਹੁਤ ਮਾਹਰ ਨੇ ਵਾਕਿਆ ਹੀ ਮਾਹਰ ਨੇ ਜਮੀਨੀ ਲੜਾਈਆ ਦੇ ਕਿਉਂਕਿ ਪਹਿਲਾਂ ਰੱਡਾਰ ਨੂੰ ਨਾਂ ਦਿਖਣ ਵਾਲੇ ਜਹਾਜਾਂ ਨਾਲ ਤੁਹਾਡੀ ਥਲ ਸੈਨਾ ਕੁੱਟਣਗੇ ਫਿਰ ਕਹਿਣਗੇ ਆਜੋ ਲੱੜੀਏ 😂.

ਅਗਲੀ ਚੀਜ਼ ਇਹ ਆ ਇਹ ਦੋਵੇ ਕੰਮ ਕਰਨ ਦਾ ਮੱਤਲਬ ਆ ਇਸ ਵੇਲੇ ਦੇ ਇਰਾਨੀ ਰਾਜਸੀ ਤੰਤਰ ਨੂੰ ਦਾਓ ਤੇ ਲਾਉਣਾ. ਇਰਾਨ ਦੀ ਸਰਕਾਰ ਦੀ ਹਾਲਤ ਬਹੁਤ ਪਤਲੀ ਏ, ਤੇ ਜਦੋਂ ਮੁਲਖ ਵੰਡ ਹੋਏ ਹੋਣ ਫਿਰ ਜੰਗਾ ਬਾਹਰਲੇ ਮੁਲਖਾਂ ਨਾਲ ਨੀ ਲੜੀਆ ਜਾਂਦੀਆਂ ਫਿਰ ਗ੍ਰਹਿ ਯੁੱਧ ਲੜੇ ਜਾਂਦੇ ਆ.

ਪਰ ਇੱਕ ਆਖਰੀ ਸੰਭਾਵਨਾ ਏ ਜੱਟਾਂ ਵਾਲੀ ਅੱਜ ਤੂੰ ਹੈਨੀ ਜਾ ਮੈਂ ਹੈਨੀ ਤੁਸੀ ਕੰਜਰੋ ਸਾਡਾ ਮੁੱਖੀ ਮਾਰਿਆ ਸਾਡੇ ਚਾਹੇ ਕੱਖ ਨਾਂ ਰਹੇ ਇੱਕ ਦੋ ਤਾਂ ਤੁਹਾਡੇ ਜ਼ਰੂਰ ਮਾਰਾਂਗੇ.

ਇਹ ਸਭ ਤੋਂ ਖਤਰਨਾਕ ਹਾਲਤ ਨੇ, ਏਨਾ ਹਾਲਾਤਾਂ ਚ ਤੁਹਾਨੂੰ ਜਾਂ ਮੈਨੂੰ ਤਾਂ ਕੁੱਝ ਨੀ ਹੋਣਾ ਬੱਸ ਤੁਹਾਡਾ ਤੇਲ 150 ਨੂੰ ਹੋਜੂ ਪਰ ਮਾਰਕੀਟ ਦੇ ਬੀਂਡੇ ਬੋਲ ਜਾਣਗੇ. ਪਰ ਜਦੋਂ ਇਰਾਨ ਤੇ ਅਮਰੀਕਾ ਕਬਜ਼ਾ ਕਰ ਲੂ ਜੇ ਨੌਬਤ ਆਈ ਤਾਂ ਉਹ ਕਰ ਲੈਣਗੇ ਔਖਾ ਕੰਮ ਏ ਪਰ ਕਰ ਲੈਣਗੇ. ਰੂਸ ਯੂਕਰੇਨ ਚ ਉਲਝਿਆ ਏ ਉਵੇਂ ਵੀ ਟਰੰਪ ਤੇ ਪੁਤਿਨ ਯਾਰ ਬੇਲੀ ਲਗਦੇ ਨੇ ਮੈਨੂੰ ਤਾਂ ਤੇ ਦੂਜਾ ਚੀਨ ਏਨਾ ਦਮ ਦਿਖਾਉ ਕਿ ਸਿੱਧਾ ਇਰਾਨ ਦੀ ਮਦਦ ਤੇ ਆਉ ਔਖਾ ਬਾਬਾ ਨਾਂ ਤਾਂ ਉਨ੍ਹਾਂ ਦੀ ਇਵੇਂ ਦੀ ਹਿਸਟਰੀ ਏ ਇਵੇਂ ਕਰਨ ਦੀ ਤੇ ਅਮਰੀਕਾ ਤੇ ਚੀਨ ਇਵੇਂ ਪੰਗਾ ਲੈਣ ਏਡੇ ਮੂਰਖ ਨਹੀਂ ਨੇ.

ਗੋਲਬਲ ਸਿਸਟਮ ਸਾਰਾ ਬਦਲ ਜਾਊਗਾ ਤੇ 2027 ਦੇ ਅਖੀਰ ਤੱਕ ਤੁਸੀਂ ਲਗਾਤਾਰ SIP ਕਰਦੇ ਰਹੇ ਤਾਂ 2028 ਚ ਤੁਸੀਂ ਕਹੋਗੇ ਵੀ ਮੈਂ ਉਦੋਂ ਏਨੇ ਘੱਟ ਕਿਉਂ ਲਾਏ ਸੀ.

ਖੈਰ ਹੁਣ ਸੋਚਣਾ ਤੁਸੀਂ ਹੈ ਕੀ ਕਰਨਾ ਏ ਪਰ ਤੁਹਾਨੂੰ ਵਾਲੀ ਚਿੰਤਾ ਕਰਨ ਦੀ ਲੋੜ ਨਹੀਂ ਏ ਕਿਉਂਕਿ ਤੁਹਾਨੂੰ ਜਾਨ ਦਾ ਖਤਰਾ ਤਾਂ ਬਿਲਕੁੱਲ ਨਹੀਂ ਪਰ ਮਾਲ ( ਸ਼ੇਅਰ ਬਾਜ਼ਾਰ ) ਦੇ ਵੀ ਪੱਕੇ ਨੁਕਸਾਨ ਦਾ ਕੁੱਝ ਖਾਸ ਖਤਰਾ ਨਹੀਂ ਏ.

ਹੁਣ ਤੁਸੀਂ ਆਪਣੀ ਗੱਡੀ ਪਿੱਛੇ ਪੱਕੇ ਕੈਨੇਡਾ ਵਾਲੇ ਲਿਖਾਉਣ ਨਾਲੋਂ ਪੱਕੇ SIP ਵਾਲੇ ਲਿਖਾ ਸਕਦੇ ਹੋ.

10/02/2026

ਕਰਜ਼ੇ ਹੇਠ ਦਬੇ ਇਸ ਪਰਿਵਾਰ ਵਿੱਚ ਤਿੰਨ ਕੁੜੀਆਂ ਦੀ ਮੌਤ ਸਿਰਫ਼ ਇਕ ਘਟਨਾ ਨਹੀਂ, ਸਗੋਂ ਲੰਬੇ ਸਮੇਂ ਦੀ ਮਨੋਵਿਗਿਆਨਕ ਪੀੜ ਅਤੇ ਘਰੇਲੂ ਅਸਥਿਰਤਾ ਦਾ ਨਤੀਜਾ ਦਿਖਾਈ ਦਿੰਦੀ ਹੈ। ਗ਼ਾਜ਼ੀਆਬਾਦ ਵਿੱਚ ਪੱਖੀ (12), ਪ੍ਰਾਚੀ (14) ਤੇ ਨਿਸ਼ਿਕਾ (16) ਨੇ ਨੌਂਵੇਂ ਮੰਜ਼ਿਲ ਤੋਂ ਛਾਲ ਮਾਰ ਕੇ ਜਾਨ ਦੇ ਦਿੱਤੀ; ਪਿਤਾ ‘ਸਟਾਕਬ੍ਰੋਕਰ’ ਸੀ ਤੇ ਉਸ ਉੱਤੇ ਲਗਭਗ 2 ਕਰੋੜ ਦਾ ਕਰਜ਼ਾ ਸੀ, ਜਿਸ ਕਰਕੇ ਉਹ ਧੀਆਂ ਦੇ ਫ਼ੋਨ ਵੀ ਬਿਜਲੀ ਦਾ ਬਿੱਲ ਭਰਨ ਲਈ ਵੇਚ ਚੁੱਕਾ ਸੀ ਅਤੇ ਕਰਜ਼ੇ ਦੇ ਬੋਝ ਕਰਕੇ ਉਹਨਾਂ ਨੂੰ ਕੋਵਿਡ ਤੋਂ ਬਾਅਦ ਵੀ ਸਕੂਲ ਨਹੀਂ ਭੇਜਿਆ ਗਿਆ। ਤਿੰਨ ਵਿਆਹ, ਪੰਜ ਬੱਚੇ ਅਤੇ ਤਿੰਨ ਪਤਨੀਆਂ ਸਮੇਤ ਨੌਂ ਜਣੇ 3BHK ਫਲੈਟ ਦੇ ਇਕੋ ਕਮਰੇ ਵਿੱਚ ਸੌਂਦੇ ਸਨ, ਜਿਸ ਨਾਲ ਘਰ ਦਾ ਮਾਹੌਲ ਭੀੜ, ਤਣਾਓ ਅਤੇ ਅਸੁਰੱਖਿਆ ਨਾਲ ਭਰਿਆ ਰਹਿੰਦਾ ਸੀ। ਇਸ ਤਰ੍ਹਾਂ ਦੇ ਘਰ ਵਿੱਚ ਬੱਚਿਆਂ ਨੂੰ ਨਾ ਭਵਿੱਖ ਦੀ ਸਾਫ਼ ਤਸਵੀਰ ਮਿਲਦੀ ਹੈ ਤੇ ਨਾ ਹੀ ਜਜ਼ਬਾਤੀ ਸਹਾਰਾ, ਜਿਸ ਨਾਲ ਉਹਨਾਂ ਦੇ ਅੰਦਰ ਬੇਬਸੀ ਅਤੇ ਨਿਰਾਸ਼ਾ ਵਧ ਸਕਦੀ ਹੈ।

ਮਨੋਵਿਗਿਆਨਕ ਤੌਰ ‘ਤੇ ਕਰਜ਼ਾ ਮਾਪਿਆਂ ਵਿੱਚ ਲਗਾਤਾਰ ਚਿੰਤਾ, ਸ਼ਰਮ ਅਤੇ ਚਿੜਚਿੜੇਪਣ ਪੈਦਾ ਕਰਦਾ ਹੈ, ਜੋ ਸਿੱਧਾ ਬੱਚਿਆਂ ਦੇ ਮਨ ਉੱਤੇ ਪੈਂਦਾ ਹੈ; ਉਹ ਆਪਣੇ ਆਪ ਨੂੰ ਬੋਝ ਸਮਝਣ ਲੱਗਦੇ ਹਨ, ਖ਼ਾਸਕਰ ਜਦੋਂ ਉਨ੍ਹਾਂ ਦੀ ਪੜ੍ਹਾਈ ਅਤੇ ਆਮ ਕੌਮੀਂ ਉਮਰ ਦੇ ਸੁਖ–ਸਾਧਨ ਰੁਕ ਜਾਂਦੇ ਹਨ। ਤਿੰਨੋ ਕੁੜੀਆਂ ਕੋਰੀਅਨ ਗੇਮਾਂ, ਕੇ–ਡ੍ਰਾਮਿਆਂ ਅਤੇ ਕੇ–ਪਾਪ ਵਿੱਚ ਬਹੁਤ ਰੁਚੀ ਰੱਖਦੀਆਂ ਸਨ, ਅਤੇ ਜਦੋਂ ਮਾਪਿਆਂ ਨੇ ਉਨ੍ਹਾਂ ਦੇ ਫ਼ੋਨਾਂ ‘ਤੇ ਰੋਕ ਲਾਈ ਅਤੇ ਇੱਕ ਫ਼ੋਨ ਵੇਚ ਦਿੱਤਾ, ਤਾਂ ਉਹਨਾਂ ਦਾ ਇਹ ਇਕੱਲਾ ਮਨੋਵਿਗਿਆਨਕ ਸਹਾਰਾ ਵੀ ਟੁੱਟ ਗਿਆ; 30 ਸਫ਼ਿਆਂ ਦੀ ਡਾਇਰੀ ਵਿੱਚ ਉਨ੍ਹਾਂ ਨੇ ਇਸ ਕਟੌਤੀ ਤੋਂ ਬਾਅਦ ਆਪਣੀ ਨਿਰਾਸ਼ਾ ਦਰਜ ਕੀਤੀ ਸੀ। ਕਿਸ਼ੋਰ ਅਵਸਥਾ ਵਿੱਚ ਦਿਮਾਗ ਅਜੇ ਵਿਕਾਸਸ਼ੀਲ ਹੁੰਦਾ ਹੈ, ਫੈਸਲੇ ਜ਼ਿਆਦਾ ਜਜ਼ਬਾਤੀ ਹੁੰਦੇ ਹਨ ਅਤੇ ਸਮੱਸਿਆਵਾਂ ਹਮੇਸ਼ਾ ਲਈ ਲੱਗਦੀਆਂ ਹਨ; ਇਸ ਤਣਾਓ, ਕਰਜ਼ੇ, ਘਰੇਲੂ ਅਫ਼ਰਾਤਫ਼ਰੀ ਅਤੇ ਫ਼ੋਨ ਜ਼ਬਤ ਹੋਣ ਨੇ ਇਕੱਠੇ ਹੋ ਕੇ ਤਿੰਨਾਂ ਭੈਣਾਂ ਨੂੰ ਇਸ ਅਤਿਵਾਦੀ ਕਦਮ ਤੱਕ ਧੱਕ ਦਿੱਤਾ, ਜਿਸ ਨੂੰ ਗਰੁੱਪ ਸੁਇਸਾਈਡ ਦੀ ਮਨੋਵਿਗਿਆਨਕ ਦ੍ਰਿਸ਼ਟੀ ਨਾਲ ਵੀ ਸਮਝਿਆ ਜਾ ਸਕਦਾ ਹੈ।

09/02/2026

ਇੱਕ ਕਾਫੀ ਅਜੀਬ ਜਿਹੀ ਗੱਲ ਏ ਇਨਵੈਸਟਿੰਗ ਦੇ ਸਬੰਧ ਚ ਤੁਹਾਨੂੰ ਪਤਾ ਏ ਸਭ ਤੋਂ ਜ਼ਰੂਰੀ ਕੀ ਏ ਪਰ ਤੁਸੀਂ ਓਹਦੇ ਤੇ ਫੋਕਸ ਨਹੀਂ ਕਰ ਪਾਉਂਦੇ.

ਮੰਨ ਲਓ ਤੁਸੀਂ ਇੱਕ ਹੋਟਲ ਕੰਪਨੀ ਦੇਖ ਰਹੇ ਹੋ ਇਹਦੇ ਚ ਸਭ ਤੋਂ ਜ਼ਰੂਰੀ ਚੀਜ਼ ਏ ਵੀ ਕੰਪਨੀ ਦੇ ਹੋਟਲ ਕਿੰਨੀ ਵਧੀਆ ਲੋਕੇਸ਼ਨ ਤੇ ਨੇ. ਸਰਵਿਸ ਕਿਵੇਂ ਦੀ ਏ ਬਾਕੀ ਚੀਜਾਂ ਏਨੀਆ ਜਿਆਦਾ ਪ੍ਰਭਾਵਸ਼ਾਲੀ ਨਹੀਂ ਹੋਣਗੀਆਂ ਜਿੰਨੀ ਲੋਕੇਸ਼ਨ ਪਰ ਦਿਮਾਗ ਇਸ ਚੀਜ਼ ਤੇ ਨੀ ਟਿੱਕਦਾ ਸਰਵਿਸ ਰੂਮ ਰੈਂਟ ਤੇ ਕਿੰਨੇ ਕਮਰੇ ਭਰੇ ਰਹੇ ਤੇ ਜ਼ੋਰ ਵੱਧ ਦਿੱਤਾ ਜਾਂਦਾ ਕਿਉਂਕਿ ਲੋਕੇਸ਼ਨ ਦਾ ਅੰਦਾਜ਼ਾ ਲਾਉਣਾ ਬਹੁਤ ਔਖਾ ਏ ਤੇ ਬਾਕੀ ਚੀਜ਼ਾਂ ਤੁਹਾਨੂੰ ਅੰਕੜਿਆ ਚ ਦਿੱਖ ਜਾਣਗੀਆਂ ਪਰ ਲੋਕੇਸ਼ਨ ਨਹੀਂ.

ਤੁਸੀਂ ਕਦੇ ਵੀ ਕਿਸੇ ਵੀ analyst ਦੀ ਹੋਟਲ ਵਾਰੇ ਗੱਲਬਾਤ ਦੇਖ ਲਿਓ ਉਹ ਕਹੂਗਾ ਹੋਟਲ ਵਧੀਆ ਜਗ੍ਹਾ ਤੇ ਨੇ ਪਰ ਪੂਰਾ ਜ਼ੋਰ ਅੰਕੜਿਆ ਤੇ ਲਾਊ. ਮੈਂ ਵੀ ਅੱਜ ਕਲ੍ਹ ਹੋਟਲ ਸੈਕਟਰ ਦੇਖ ਰਿਹਾ ਅਜੇ ਸ਼ੁਰੂ ਹੀ ਕੀਤਾ ਪਰ ਮੇਰੇ ਵਾਸਤੇ ਨਾਮੁਮਕਿਨ ਲੱਗ ਰਿਹਾ ਲੋਕੇਸ਼ਨ ਦਾ ਅੰਦਾਜ਼ਾ ਲਾਉਣਾ.

ਇੱਕ ਹੋਰ ਬੜੀ ਅਜੀਬ ਜਿਹੀ ਚੀਜ਼ ਏ Oyo Make MyTrip ਆਦਿ ਨੇ non luxury ਹੋਟਲ ਇੰਡਸਟਰੀ ਨੂੰ ਵਾਲਾ ਕੰਪੀਟੀਟਿਵ ਕਰਤਾ ਮੱਤਲਬ ਸਭ ਰੇਟ ਤੁਹਾਡੇ ਸਾਹਮਣੇ ਆ ਕੋਈ ਪਰਦਾ ਨਹੀਂ, ਰਹਿੰਦੀ ਖੂੰਦੀ ਕਸਰ uber ਨੇ ਕੱਢਤੀ ਕੋਈ ਨਾਂ ਤੁਸੀਂ ਅਗਰ ਸ਼ਹਿਰ ਦੇ ਬਾਹਰੀ ਹਿੱਸੇ ਚ ਵੀ ਹੋ uber ਤੁਹਾਨੂੰ ਜਿੱਥੇ ਜਾਣਾ ਲੈਜੂ.

ਪਰ ਮੋਹਨ ਸਿੰਘ ਓਬਰਾਏ ( ਪਿੱਛੋਂਕੜ ਸ਼ਇਦ ਰਾਵਲਪਿੰਡੀ ਤੋਂ ਸੀ ਤੇ ਇੱਕ ਸਿੱਖ ਖੱਤਰੀ ਫੈਮਿਲੀ ਤੋਂ ਸੀਗ੍ਹੇ )ਹੁਣਾ ਦੀ EIH ਅੱਜ ਵੀ ਬੜੀ ਸ਼ਾਨ ਨਾਲ ਕਮਾਈ ਕਰ ਰਹੀ ਏ TATA ਦੀ INDIAN HOTELS ਵੀ ਵਧੀਆ ਕਰ ਰਹੀ ਏ ਦੋਵੇਂ luxury ਚ ਹੀ ਨੇ, ਮੈਂ ਇਹ ਸੈਕਟਰ SAMHI HOTELS ਨੂੰ ਸਮਝਣ ਲਈ ਸ਼ੁਰੂ ਕੀਤਾ ਏ ਵੇਖਦੇ ਆ ਕੁੱਝ ਪੱਲੇ ਪੈਂਦਾ ਕਿ ਨਹੀਂ.

Mutual Fund ਦੀ ਵੀ ਹਾਲਤ ਕੁੱਝ ਕੁੱਝ ਹੋਟਲ ਇੰਡਸਟਰੀ ਵਾਲੀ ਹੀ ਏ ਮੈਟਰ ਇਹ ਕਰਦਾ ਵੀ ਭਵਿੱਖ ਚ ਕਿਵੇਂ ਦੀ return ਦਊਗੀ ਤੇ ਸਾਡੇ ਕੋਲੇ ਕੋਈ ਅੰਕੜਾ ਨਹੀਂ ਏ ਇਸ ਗੱਲ ਦਾ ਅੰਦਾਜ਼ਾ ਲਾਉਣ ਦਾ, ਮਤਲਬ ਵਾਕਿਆ ਹੀ ਭਵਿੱਖ ਦਾ ਪਤਾ ਨਹੀਂ ਲੱਗ ਸਕਦਾ.

ਮੈਂ ਇਸ ਵਿਸ਼ੇ ਤੇ ਕੁੱਝ ਹੋਰ ਲਿਖਾਂਗਾ ਕਿ ਭਵਿੱਖ ਦਾ ਅੰਦਾਜ਼ਾ ਕਿਉਂ ਲਾਉਣਾ ਮੁਸ਼ਕਿਲ ਤੇ ਕੀ ਹੱਲ ਹੋ ਸਕਦਾ ਇਸਦਾ ਪਰ ਕੋਈ ਸਾਫ ਅੰਕੜੇ ਜਾਂ ਤਰੀਕਾ ਨਹੀਂ ਏ ਦਿਮਾਗ ਚ ਤੇ ਸ਼ਾਇਦ ਕਦੇ ਵੀ ਨਹੀਂ ਹੋਊਗਾ. ਪਰ ਫਿਰ ਵੀ ਕਿਸੇ ਵੇਲੇ ਇੱਕ ਕੋਸ਼ਿਸ਼ ਕਰਾਂਗਾ ਇਸ ਸਮੱਸਿਆ ਨੂੰ ਸਮਝਣ ਚ ਤੁਹਾਨੂੰ ਕੁੱਝ ਮਦਦ ਕਰ ਸਕਾਂ.

02/02/2026

ਨਿਰਮਲ ਤਾਈ ਨੇ ਸੁੱਟਿਆ ਸ਼ੇਅਰ ਬਾਜ਼ਾਰ ਰੂਪੀ ਦੇਂਤ

ਨੋਟ:- BJP ਵਾਲੇ ਅਗਰ ਇਹ 2027 ਵਾਲੀ ਪੰਜਾਬ ਚੋਣ ਚ ਸਲੋਗਨ ਵਰਤਣਾ ਚਾਹੁਣ ਤਾਂ ਮੈਨੂੰ ਕੋਈ ਇਤਰਾਜ ਨਹੀਂ ਏ.

ਬਜਟ ਆਇਆ ਤੇ ਚਲਾ ਗਿਆ.

STT ਵੱਧ ਗਿਆ ਤੇ ਬਾਜ਼ਾਰ ਇਵੇਂ ਰੋ ਰਿਹਾ ਜਿਵੇੰ ਮੋਦੀ ਨੀ ਨੇ Capital Gain Tax 12.5% ਤੋਂ 90% ਕਰ ਦਿੱਤਾ ਹੋਵੇ 😭.

ਫੰਡ ਮੈਨੇਜਰ ਆਪਣੀਆ ਸ਼ੁਰਲੀਆ ਛੱਡ ਰਹੇ.

ਤੇ ਮੈਨੂੰ ਇਹ ਨੀ ਸਮਝ ਆ ਰਹੀ ਵੀ ਏਨਾ ਡਰ ਕਾਸਦਾ ਲੱਗ ਰਿਹਾ ਮਾਰਕੀਟ ਨੂੰ, ਇੱਕੋਨਮੀ ਵਧੀਆ ਕਰ ਰਹੀ ਏ ਬਜਟ ਸੋਹਣਾ ਏ, fiscal deficit ਘਟਾ ਲਿਆ.

ਸਰਕਾਰ ਨੇ ਆਪਣਾ ਇਨਵੈਸਟਮੈਂਟ ਬਜਟ ਲੱਗਭਗ 10% ਵਧਾ ਲਿਆ.

ਹੋਰ ਹੁਣ ਮਾਰਕੀਟ ਨੂੰ ਪਤਾ ਨੀ ਕੀ ਛਿੱਕੂ ਚਾਹੀਦਾ ਸੀ.

ਤੁਹਾਡੇ ਮੁਲਖ ਸੀ ਏਕੋਨੋਮੀ ਬਹੁਤ ਚੰਗੀ ਹਾਲਤ ਚ ਏ, ਟਰੰਪ ਕਿਤੇ ਨੀ ਮੋਦੀ ਨਾਲ ਲੜਨ ਆਉਣਾ ਲੱਗਾ, ਸਾਲ ਖੰਡ ਚ ਸਭ ਠੀਕ ਹੋ ਜਾਊਗਾ.

ਇੱਕ ਤੁਹਾਨੂੰ ਇਹ ਦੁੱਖ ਲੱਗਦਾ ਹੋਊ ਵੀ ਹਾਏ ਜਮ੍ਹਾ bottom ਤੇ ਖਰੀਦ ਨੀ ਸਕੇ ਤੁਸੀਂ ਚਿੰਤਾ ਨਾਂ ਕਰੋ ਮੈਂ ਤੁਹਾਡੇ ਨਾਲ ਇਥੋਂ ਤੱਕ ਏਥੇ ਤਾਂ warren buffet ਵੀ ਤੁਹਾਡੇ ਨਾਲ ਹੀ ਸੀ. ਉਹ ਵੀ ਕਦੇ ਐੱਨ bottom ਤੇ ਨਹੀਂ ਖਰੀਦ ਸਕਿਆ ਹਮੇਸ਼ਾਂ ਖੁੰਝਦਾ ਰਿਹਾ ਥੋੜ੍ਹਾ ਬਹੁਤ ਦੇਖ ਲਓ ਕਿੰਨੇ ਪੈਸੇ ਆ ਓਹਦੇ ਕੋਲੇ.

ਬਾਜ਼ਾਰ ਉਸ ਦਿਨ ਚੜਣਾ ਸ਼ੁਰੂ ਨੀ ਹੋਣਾ ਜੀਸ ਦਿਨ ਤੁਹਾਨੂੰ ਸੂਰਜ ਵਾਂਗ ਲੋ ਦਿਖੀ ਬਾਜ਼ਾਰ ਉਸ ਦਿਨ ਚੜਣਾ ਸ਼ੁਰੂ ਹੋਣਾ ਜਦੋਂ ਅੱਜ ਲੰਘੇ ਕੱਲ ਨਾਲੋਂ ਘੱਟ ਹਨੇਰੇ ਨਾਲ ਭਰਿਆ ਪਿਆ ਸੀ.

ਅੱਛਾ ਮੈਨੂੰ ਇੱਕ ਗੱਲ ਹੋ ਯਾਦ ਆ ਗਈ ਮੈਨੂੰ ਕਈ ਸਿਆਣੇ ਬੰਦੇ ਕਹਿੰਦੇ ਸੀ ਵੀ NIFTY 25,000 ਤੋਂ ਥੱਲੇ ਨੀ ਜਾਂਦੀ ਲਓ ਜੀ ਅਗਲੀ ਨੇ ਦਸਤਾ ਵੀ ਮੈਨੂੰ ਕੋਈ ਨੀ ਬੰਨ੍ਹ ਸਕਦਾ ਮੈਂ ਜਿੱਥੇ ਮਰਜ਼ੀ ਜਾਊਗੀ.

ਖੈਰ ਚਿੰਤਾ ਨਾਂ ਕਰੋ ਕੁੱਝ ਦਿਨ ਜਾਂ ਕੁੱਝ ਮਹੀਨੇ ਹੋਰ ਇਵੇਂ ਕਾਲੇ ਜਾਣਗੇ.

ਲੰਘ ਜਾਊਗਾ ਸਭ ਮੇਰੀ ਇਹ ਤੀਜੀ ਮੰਦੀ ਏ ਲੰਘ ਜਾਊਗੀ.

ਜਾਂਦੇ ਜਾਂਦੇ ਤੁਹਾਨੂੰ ਇੱਕ ਗੱਲ ਦੱਸ ਦਵਾਂ ਹੌਂਸਲਾ ਦੇਣ ਨੂੰ ਜਦੋਂ ਹੜਾ ਵਾਲੇ ਹਾਲਾਤ ਸੀ ਬਰਸਾਤਾਂ ਚ ਇੱਕ ਮੰਤਰੀ ਸਾਹਿਬ ਦਾ ਟਵੀਟ ਸੀ ਵੀ ਹੜ ਆ ਸਕਦੇ ਆ ਤਗੜੇ ਹੋਜੋ. ਖੈਰ ਡੇਰਾ ਬਾਬਾ ਨਾਨਕ ਵਾਲੇ ਜਦ ਰਾਵੀ ਨੇ ਮਾਰ ਕਰ ਦਿੱਤੀ ਸੀ ਇਹ ਉਦੋਂ ਅਜੇ ਤਗਡੇ ਹੀ ਹੋ ਰਹੇ ਸੀ. ( ਨੋ ਪੋਲੀਟੀਕਲ ਕੂਮੈਂਟ ਪਲੀਸ)

ਦੋਵੇਂ ਮੌਸਮ ਵਿਗਿਆਨੀ ਫੇਸਬੁੱਕ ਪੇਜਾਂ ਵਾਲੇ ਕਹਿ ਰਹੇ ਸੀ ਵੀ ਰਾਹਤ ਦੀ ਆਸ ਆ ਅੱਜ ਤੋਂ, ਮੈਨੂੰ ਏਨਾ ਦੋਵਾਂ ਦਾ ਇਹ ਪਤਾ ਸੀ ਵੀ ਅਗਰ ਦੋਵੇਂ ਬਾਈ ਇੱਕੋ ਗੱਲ ਕਹਿ ਰਹੇ ਨੇ ਵੀ ਗਲਤੀ ਹੋਣ ਦੀ ਸੰਭਾਵਨਾ ਘੱਟ ਏ, ਉਸ ਦਿਨ ਮੈਂ ਵੀ ਮੌਸਮ ਵਿਗਿਆਨੀ ਬਣਨ ਦਾ ਫੈਸਲਾ ਕੀਤਾ ਜੋ ਉਨ੍ਹਾਂ ਦੋਵਾਂ ਨੇ ਕਿਹਾ ਸੀ ਉਹ ਮੈਂ ai ਨਾਲ ਵੈਰੀਫਾਈ ਕੀਤਾ ਤੇ ਖੁਦ ਮੌਸਮ ਵਿਗਿਆਨੀ 😂ਬਣ ਕੇ ਭਵਿੱਖਬਾਣੀ ਕੀਤੀ ਵੀ ਮੀਂਹ ਹਟਣਾ ਵਾਲੇ ਆ.

ਵੈਸੇ ਵੀ ਪੰਜਾਬ ਕੇਹੜਾ ਐਮਾਜ਼ਾਨ ਚ ਸ਼ਿਫਟ ਹੋ ਗਿਆ ਸੀ ਜਿਹੜੇ ਮੀਂਹ ਹਟਣੇ ਨਹੀਂ ਬੱਸ ਊਂ ਹੀ ਦਿਮਾਗ ਥੋੜ੍ਹਾ ਘੁੰਮ ਗਿਆ ਸੀ.

ਸੋ ਹੁਣ ਮੇਰੀ ਤੁਹਾਨੂੰ ਇਹ ਸਲਾਹ ਆ ਵੀ ਤੁਸੀਂ ਵੀ ਚੈੱਕ ਕਰੋ ਵੀ ਏਡੇ ਕੁ decline ਤੋਂ ਬਾਅਦ ਕੀ ਹੁੰਦਾ,ਹੁੰਦਾ.

ਭੂਤਕਾਲ ਦੇ decline ਦੇਖੋ ਤੇ ਉਨ੍ਹਾਂ ਤੋਂ ਬਾਅਦ ਦੀ return ਦੇਖੋ.

ਅਗਰ ਤੁਹਾਨੂੰ ਲਗਦਾ ਵੀ ਕਮਾਈ ਮਾਰਕੀਟ ਚੋਂ ਨਹੀਂ ਹੁੰਦੀ ਸੋਨਾ ਚਾਂਦੀ ਚੋਂ ਹੁੰਦੀ ਏ ਤਾਂ ਤੁਸੀਂ ਏਨਾ ਦੇ ਭਰਾ ਤਾਂਬਾ ਜੀ ਨੂੰ ਖਰੀਦ ਕੇ ਰੱਖਣ ਲਈ ਸ਼ੇਡ ਪਾ ਸਕਦੇ ਹੋ 😅.

20/01/2026

ਸਾਬਕਾ ਮੁੱਖ ਮੰਤਰੀ ਦਾ ਕਤਲ ਤੇ ਸ਼ੇਅਰ ਮਾਰਕੀਟ
ਟਰੰਪ ਦੀ ਬਦਮਾਸ਼ੀ ਤੇ ਇੱਕ ਪ੍ਰੇਮ ਕਹਾਣੀ ਦੇ ਖਤਰਨਾਕ ਸਿੱਟੇ

ਰਮਦਾਸ ਪਿੰਡ ਦੇ ਇੱਕ ਮੁੰਡੇ ਨੇ ਸੰਗ ਢੇਸੀਆ ਦੀ ਕੁੜੀ ਨਾਲ ਕੋਈ 1950-52 ਚ ਪ੍ਰੇਮ ਵਿਆਹ ਕਰਾਇਆ ਸੀ, ਸੰਗ ਢੇਸੀਆ ਫਿੱਲੌਰ ਲਾਗੇ ਆ ਤੇ ਰਾਮਦਾਸ ਅੰਮ੍ਰਿਤਸਰ ਪਾਕਿਸਤਾਨ ਗੁਰਦਾਸਪੁਰ ਦੇ ਬਾਰਡਰ ਤੇ ਆ.

ਮੁੰਡੇ ਕੁੜੀ ਦੀ ਬਣੀ ਨੀ ਇੱਕ ਦਿਨ ਸੰਗ ਢੇਸੀਆ ਵਾਲੇ ਕਹਿੰਦੇ ਵੀ ਮੁੰਡਾ ਆ ਕੇ ਗੱਲ ਨਿਬੇੜ ਜੇ ਉਹ ਗੱਲ ਨਿਬੇੜਨ ਗਿਆ ਮੁੜ ਕੇ ਨੀ ਆਇਆ.

ਕਹਿੰਦੇ ਵੀ ਕੁੜੀ ਦੇ ਟੱਬਰ ਨੇ ਮੁੰਡਾ ਕਤਲ ਕਰਤਾ.

ਇਸੇ ਚੱਕਰ ਚ ਪੰਜਾਬ ਦੇ ਮੁੱਖ ਮੰਤਰੀ ਕੈਰੋਂ ਸਾਹਿਬ ਦਾ ਕਤਲ ਹੋ ਗਿਆ.

ਹੁਣ ਉਹ ਕਤਲ ਕਿਵੇਂ ਹੋਇਆ ਸੀ ਇਹ ਪਤਾ ਕਰਨ ਲਈ ਕੋਈ AI APP ਭਰੋ ਤੇ ਮੇਰੀ ਏਨੀ ਕੁ ਪੋਸਟ ਕਾਪੀ ਪੇਸਟ ਮਾਰ ਦਵੋ ਤੁਹਾਨੂੰ ਪੂਰੀ ਕਹਾਣੀ ਸਮਝ ਆਜੂ.

ਹੁਣ ਗੱਲ ਕਿਸੇ ਪਾਸੇ ਦੀ ਕਿਸੇ ਪਾਸੇ ਜਾ ਲੱਗੀ ਵੀ ਲਵ ਯੂ ਨੇ ਪੰਜਾਬ ਦਾ ਹੁਣ ਤੱਕ ਦਾ ਸਭ ਤੋਂ ਬੇਹਤਰੀਨ ਮੁੱਖ ਮੰਤਰੀ ਮਰਾਤਾ.

ਖੈਰ ਸਾਹਿਬਾ ਦੇ ਭਰਾਵਾਂ ਦੀ ਬਣਨ ਤੇ ਪੀਲੂ ਨੇ ਕਿਸੇ ਲਿਖਤਾ ਤੇ ਗਾਇਕਾਂ ਨੇ ਮਿਰਜਾ ਬਣਨ ਚ ਕੋਈ ਕਸਰ ਨੀ ਛੱਡੀ ਪਰ ਇਸ ਪ੍ਰੇਮ ਕਹਾਣੀ ਚ ਹੋਏ ਮੁੱਖ ਮੰਤਰੀ ਸਾਹਿਬ ਦੇ ਕਤਲ ਵਾਰੇ ਟਾਵੇ ਟਾਵੇ ਨੂੰ ਹੀ ਪਤਾ ਮੱਤਲਬ ਉਸ ਜਮਾਨੇ ਦੇ ਬੁੱੜਿਆ ਨੂੰ ਵੀ ਪਤਾ ਇਸ ਗੱਲ ਦਾ ਜੇ ਨਹੀਂ ਯਕ਼ੀਨ ਆਉਂਦਾ ਤਾਂ ਪੁੱਛ ਲਿਓ ਵੀ ਕੈਰੋਂ ਕਾਸਤੋਂ ਮਾਰਿਆ ਸੀ.

ਕੁੱਝ ਕੁੱਝ ਇਹੋ ਜਿਹੇ ਹਾਲ ਇਸ ਵੇਲੇ ਸ਼ੇਅਰ ਬਾਜ਼ਾਰ ਨੇ ਮੇਰੇ ਤੁਹਾਡੇ ਕਰੇ ਹੋਏ ਨੇ. ਟਰੰਪ ਗਰੀਨ ਲੈਂਡ ਚ ਘਰ ਪਾਉਣ ਨੂੰ ਫਿਰਦਾ ਏਥੇ ਮਾਰਕੀਟ ਨੇ ਬੰਬੇ ਚ ਘਰ ਬਣਾ ਕੇ ਵੇਚਣ ਵਾਲੀ ਕੰਪਨੀ ਇਵੇਂ ਸੁੱਟ ਰੱਖੀ ਏ ਜਿਵੇੰ ਟਰੰਪ ਸਾਹਿਬ ਕਹਿਣ ਲੱਗੇ ਹੁੰਦੇ ਆ ਵੀ ਮੇਰਾ ਅਗਲਾ ਨਿਸ਼ਾਨਾ Raymond ਮਿਲ਼ ਦੀ ਜਮੀਨ ਹੈ.

ਖੈਰ ਇਹ ਸੀ ਹਾਸਾ ਮਜ਼ਾਕ ਇੱਕ ਦੋ ਗੱਲਾਂ ਸਮਝਣੀਆ ਬਹੁਤ ਜ਼ਰੂਰੀ ਨੇ ਟਰੰਪ ਨੇ ਜਿਨ੍ਹਾਂ ਕਾਨੂੰਨਾਂ ਸਹਾਰੇ ਦੁਨੀਆ ਚਚੱਲ ਰਹੀ ਸੀ ਜਮ੍ਹਾ ਉਨ੍ਹਾਂ ਦੀਆਂ ਧੱਜੀਆਂ ਉਡਾਉਣੀਆ ਸ਼ੁਰੂ ਕੀਤੀਆ ਨੇ ਤੇ ਇਹ ਗੱਲ ਥੋੜੀ ਖਤਰਨਾਕ ਹੈ. ਮੱਤਲਬ ਜਿਸ ਸਿਸਟਮ ਨਾਲ ਦੁਨੀਆਂ ਦਾ ਤਾਣਾ ਬਾਣਾ ਚੱਲ ਰਿਹਾ ਓਹੀ ਠੋਕ ਰੱਖਿਆ ਏ ਟਰੰਪ ਨੇ.

ਇੱਕ ਹੋਰ ਡੂੰਘੀ ਚੀਜ਼ ਏ ਟਰੰਪ ਦੇ ਸਬੰਧ ਚ ਉਹ ਇੱਕ ਡੀਲ ਨੂੰ ਇਕੱਲੀ ਨੂੰ ਦੇਖਦਾ ਮੱਤਲਬ ਉਹ ਐਂ ਨੀ ਸੋਚਦਾ ਵੀ ਜੇ ਮੈਂ ਗਰੀਨ ਲੈਂਡ ਤੇ ਕਬਜ਼ਾ ਕਰੂ ਤਾ ਮੈਂ ਰੂਸ ਨੂੰ ਯੂਕਰੇਨ ਤੇ ਕਬਜ਼ਾ ਕਰਨੋ ਮੈਂ ਹਟਾਉਣ ਦਾ ਹੱਕਦਾਰ ਨੀ. ਮੱਤਲਬ ਮੇਰਾ ਕੁੱਤਾ ਟੋਮੀ ਤੇ ਤੁਹਾਡਾ ਕੁੱਤਾ ਕੁੱਤਾ.

ਪਰ ਟਰੰਪ ਤਾਨਾਸ਼ਾਹ ਨਹੀਂ ਏ ਓਹਦਾ ਸਮਾਂ ਵੀ ਨਿੱਕਲ ਜਾਊਗਾ ਇੱਕ ਸਾਲ ਨਿੱਕਲ ਗਿਆ.

ਹੋ ਸਕਦਾ ਏ ਵੀ ਹੁਣ ਇਹ ਮਾਰਕੀਟ ਵਾਲਾ ਡਰਾਮਾ ਥੋੜ੍ਹਾ ਲੰਬਾ ਚੱਲੇ, ਮੱਤਲਬ 10-12 ਮਹੀਨੇ ਹੋਰ, ਵੀ ਵੱਧ ਵੱਧ ਤੋਂ ਏਡਾ ਕੁ ਲੰਬਾ ਹੀ ਚੱਲ ਸਕਦਾ ਏ. ਏਡਾ ਲੰਬਾ ਇਸ ਲਈ ਕਿਉਂਕਿ ਏਨੇ ਕੁ ਸਮੇਂ ਚ valuation ਹੋਰ ਠੀਕ ਹੋ ਜਾਣਗੀਆਂ ਤੇ FII ਉਵੇਂ ਭੱਜੇ ਆਉਣਗੇ ਜਿਵੇੰ ਖੰਡ ਨੂੰ ਦੇਖ ਕੀੜੀਆਂ.

ਭਾਰਤ ਦੀ ਅਰਥ ਵਿਵਸਥਾ ਕਾਫੀ ਮਜਬੂਤ ਏ ਮੈਂ ਇਹ ਗੱਲ ਮੈਂ ਤੁਹਾਨੂੰ ਇੱਕ ਅਰਥ ਸ਼ਾਸਤਰੀ ਦੇ ਤੌਰ ਤੇ ਕਹਿ ਰਿਹਾ ਨਾਂ ਕੇ ਜਜ਼ਬਾਤੀ ਹੋਕੇ. ਸੋ ਕੱਖ ਨੀ ਹੁੰਦਾ ਟਰੰਪ ਸਾਹਿਬ ਦੇ ਲਫ਼ੜਿਆ ਦਾ, ਹੋਰ ਤਾਂ ਹੋਰ IT ਸਭ ਤੋਂ ਵੱਧ ਨਿਰਭਰ ਅਮਰੀਕਾ ਤੇ ਉਹ ਕਹਿੰਦੇ ਵੀ 2026 ਸਾਡੇ ਲਈ ਚੰਗਾ ਜਾਊਗਾ.

ਸੋ ਐਵੇ ਵਾਲੀ ਪ੍ਰਵਾਹ ਨਾਂ ਮਾਰੋ.

ਪ੍ਰੇਸ਼ਾਨੀ ਹੋ ਰਹੀ ਹੋਵੇਗੀ, ਮੈਨੂੰ ਹੀ ਨਹੀਂ ਸਭ ਨੂੰ ਹੋ ਰਹੀ ਹੋਵੇਗੀ ਪਰ ਕੋਈ ਗੱਲ ਨੀ ਲੰਘ ਜਾਊਗਾ ਇਹ ਸਮਾਂ ਵੀ, ਐਵੇ ਡਰ ਕੇ MF STOCK ਵੇਚ ਨਾਂ ਲਿਓ.

ਇੱਕ ਗੱਲ ਦਾ ਧਿਆਨ ਰੱਖਯੋ ਵੀ ਇਹ ਬਹੁਤ ਵੱਡਾ ਵਹਿਮ ਆ ਵੀ FD SAFE ਆ, FD SAFE ਆ ਪਰ ਜੇ ਤੁਹਾਡੇ ਸਟਾਕ ਜ਼ੀਰੋ ਹੋ ਗਏ ਤਾਂ ਤੁਹਾਡੀ FD ਵੀ ਇੱਕ ਕਾਗਜ਼ ਦਾ ਟੁਕੜਾ ਹੀ ਰਹਿ ਜਾਊਗੀ, ਇੱਕ ਬਲਾ ਹੈ ਜਿਸਤੇ ਇਸ ਸਭ ਦਾ ਕੋਈ ਅਸਰ ਨੀ ਹੁੰਦਾ ਉਹ ਹੈ ਸੋਨਾ.

ਪਰ ਮੰਦੀ ਦੇ ਅਸਰ ਚ ਸੋਨਾ ਚਾਂਦੀ ਚਮਨਪ੍ਰਸ਼ ਖਾਣ ਦਾ ਕੋਈ ਵਾਲਾ ਫਾਇਦਾ ਨਹੀਂ ਏ. ਖੈਰ ਤੁਸੀਂ ਲੋੜ ਮੁਤਾਬਿਕ ਖਾ ਸਕਦੇ ਹੋ ਪਰ ਟੁੱਟ ਕੇ ਨੀ ਪੈਣਾ ਸੋਨਾ ਚਾਂਦੀ ਚਮਨਪ੍ਰਸ਼ ਨੂੰ ਕਿਉਂਕਿ ਕਬਜ਼ ਵੀ ਹੋ ਸਕਦੀ ਹੈ.

ਹੁਣ ਅਗਲੀ ਰਮਦਾਸ ਨਾਲ ਜੁੜੀ ਹੋਈ ਹੀ ਗੱਲ ਏ ਵੀ ਮੈਂ ਇੱਕ ਜਦੋਂ ਕਰੋਨਾ ਤੋਂ ਬਾਅਦ ਅਗਲਾ ਪੀਕ ਲੱਗਾ ਸੀ ਮੈਂ ਉਦੋਂ ਰਮਦਾਸ ਹੀ ਪੋਸਟਡ ਸੀ ਤੇ ਇੱਕ ਪਿੰਡ ਆ ਪੰਜ ਗਰਾਈਆਂ ਵਾਹਲਾ, ਉਥੇ ਦੇ ਇੱਕ ਬੰਦੇ ਦਾ ਗੋਲ੍ਡ ਲੋਨ ਖਰਾਬ ਸੀ ਤੇ ਮੈਨੂੰ ਬੰਦਾ ਲੱਭਾ ਨੀ ਪਿੰਡ ਜਾ ਕੇ ਮੈਂ ਓਹਦੀ ਫੋਟੋ ਦਿਖਾ ਕੇ ਕਿਸੇ ਨੂੰ ਪੁੱਛ ਲਿਆ ਵੀ ਇਹ ਕੌਣ ਉਹ ਕਹਿੰਦਾ ਕੀਂ ਗੱਲ ਆ ਮੈਂ ਕਿਹਾ ਵੀ ਟੂਮਾ ਗਹਿਣੇ ਰੱਖ ਲੋਨ ਲਿਆ ਤੇ ਹੁਣ ਭੁੱਲ ਗਿਆ. ਦੂਜੇ ਦਿਨ ਅਗਲਾ ਨਾਲ਼ੇ ਤਾਂ ਟੂਮਾਂ ਲਈ ਕੇ ਗਿਆ ਪੈਸੇ ਦੇਕੇ ਤੇ ਮੈਨੂੰ ਵੀ ਚੰਗੀ ਖਰੀ ਖੋਟੀ ਸੁਣਾ ਕੇ ਗਿਆ ਵੀ ਪਿੰਡ ਕਿਉਂ ਦੱਸ ਕੇ ਆਏ ਵੀ ਮੈਂ ਟੂਮਾਂ ਗਹਿਣੇ ਰੱਖੀਂਆ ਸੀ. ਇਸੇ ਬੰਦੇ ਨੇ ਘਰਦੀ ਦੇ ਨਾਵੇ ਲਿਮਟ ਬਣਾ ਕੇ NPA ਕਰ ਰੱਖੀਂ ਸੀ ਪੰਜਾਬ ਐਂਡ ਸਿੰਧ ਬੈਂਕ ਚ ਓਹਦਾ ਏਨੂੰ ਕੋਈ ਫਰਕ ਨੀ ਸੀ.

ਇਹ ਕਹਾਣੀ ਇਹ ਦੱਸਣ ਲਈ ਸੁਣਾਈ ਏ ਵੀ ਸਾਡੀ ਮਾਨਸਿਕਤਾ ਚ ਸੋਨਾ ਕਿੰਨਾ ਗਹਿਰਾ ਵਸਿਆ ਹੋਇਆ ਏ, ਪਰ ਚਾਂਦੀ ਦੀ ਇਹ ਹਾਲਤ ਨੀ ਆ. ਸੋ ਚਾਂਦੀ ਵਾਰੇ ਜਰੀ ਕੁ ਗੁਹ ਵਾਚ ਕੇ.

ਖੈਰ ਪੋਸਟ ਵਾਲੀ ਵੱਡੀ ਤੇ ਊਟ ਪਟਾਂਗ ਹੋ ਗੀ ਕੋਈ ਵਾਲਾ ਮੱਤਲਬ ਨੀ ਐਵੇ ਸੁਪਰਮੈਨ ਦੇ ਕੱਪੜੇ ਹੁਲਕ ਨੂੰ ਪਾਉਣ ਵਾਲਾ ਹਿਸਾਬ ਆ.

ਆਖਰੀ ਚ ਵੀ ਮੇਰੀ ਕੋਈ ਹੋਰ id ਨਹੀਂ ਕੋਈ ਹੋਰ ਗਰੁੱਪ ਨਹੀਂ, ਮੈਂ ਕਿਸੇ ਗਰੁੱਪ ਚ add ਹੋਣ ਲਈ ਨੀ ਕਹਿੰਦਾ ਕੋਈ ਪੈਸੇ ਨੀ ਮੰਗਦਾ.

ਕਿਤੇ ਐਂ ਨਾਂ ਹੋਜੇ ਵੀ ਇੱਕ crypto ਵਾਲੇ ਨੂੰ ਇੰਫੋਨੇ ਕਹਿੰਦੇ ਆ ਵੀ ਗਿਫ਼੍ਟ ਹੋਇਆ ਸੀ ਕਿਤੇ ਮੇਰੇ ਨਾਂ ਤੇ ਕੋਈ ਇਵੇਂ ਦਾ ਕੰਮ ਨਾਂ ਕਰਜੇ.

ਮੈਨੂੰ ਕਾਫੀ ਡਰ ਲੱਗਦਾ ਏ ਵੀ ਕਿਤੇ ਇਵੇਂ ਨਾਂ ਵਾਪਰ ਜੇ, ਇਸ ਕੰਮ ਤੋਂ ਬੱਚਣ ਲਈ ਤੁਹਾਡਾ ਸਾਥ ਜ਼ਰੂਰੀ ਏ.

11/01/2026

ਡੀਮਾਰਟ ਅਤੇ ਰਾਧਾਕ੍ਰਿਸ਼ਣ ਡਾਮਾਨੀ – ਚਿੱਟਾ ਬਾਬੂ

ਰਾਧਾਕ੍ਰਿਸ਼ਣ ਡਾਮਾਨੀ, ਜਿਸ ਨੂੰ **'ਰਿਟੇਲ ਕਿੰਗ'** ਕਿਹਾ ਜਾਂਦਾ ਹੈ, ਨੇ 2002 ਵਿੱਚ ਡੀਮਾਰਟ ਸ਼ੁਰੂ ਕੀਤਾ। ਉਹ ਪਹਿਲਾਂ ਸਟਾਕ ਮਾਰਕੀਟ ਵਿੱਚ ਬਹੁਤ ਸਫਲ ਸੀ ਅਤੇ ਹਰਸ਼ਦ ਮਹਿਤਾ ਵਰਗੇ ਟਰੇਡਰ ਨਾਲ ਲੜਿਆ ਵੀ ਸੀ।

ਆਈਡੀਆ ਕਿੱਥੋਂ ਆਈ?
ਡਾਮਾਨੀ ਨੇ 1999 ਵਿੱਚ ਅਪਨਾ ਬਜ਼ਾਰ (ਸਹਿਕਾਰੀ ਡਿਪਾਰਟਮੈਂਟ ਸਟੋਰ) ਦਾ ਫ੍ਰੈਂਚਾਈਜ਼ ਚਲਾਇਆ, ਪਰ ਉਸ ਨੂੰ ਉਸਦਾ ਬਿਜ਼ਨਸ ਮਾਡਲ ਪਸੰਦ ਨਾ ਆਇਆ। ਉਸ ਨੇ ਖੁਦ ਦਾ ਨਵਾਂ ਮਾਡਲ ਬਣਾਇਆ – ਘੱਟ ਕੀਮਤ, ਵੱਡੇ ਸਟੋਰ, ਘੱਟ ਖਰਚ*l। ਇਹ Walmart ਵਰਗੇ ਅੰਤਰਰਾਸ਼ਟਰੀ ਰਿਟੇਲ ਮਾਡਲ ਤੋਂ ਪ੍ਰੇਰਿਤ ਸੀ, ਨਾ ਕਿ ਕਿਸੇ ਭਾਰਤੀ ਕੰਪਨੀ ਤੋਂ 'ਚੋਰੀ'। ਪਹਿਲਾ ਸਟੋਰ ਪਵਾਈ, ਮੁੰਬਈ ਵਿੱਚ ਖੋਲਿਆ ਗਿਆ।

ਡੀਮਾਰਟ ਦੀ ਤਾਕਤ ਕੀ ਹੈ?
- ਪ੍ਰਾਪਰਟੀ ਆਪਣੀ: ਡੀਮਾਰਟ ਸਟੋਰ ਖਰੀਦਦਾ ਹੈ, ਕਿਰਾਏ ਤੇ ਨਹੀਂ ਲੈਂਦਾ। ਇਸ ਨਾਲ ਲੰਬੇ ਸਮੇਂ ਦਾ ਖਰਚ ਘੱਟ।
- ਘੱਟ ਕੀਮਤ, ਘੱਟ ਖਰਚ: ਘੱਟ ਐਡਵਰਟਾਈਜ਼ਿੰਗ, ਸਾਧਾਰਨ ਦੁਕਾਨਾਂ, ਵਪਾਰੀਆਂ ਨੂੰ 11 ਦਿਨਾਂ ਵਿੱਚ ਪੈਸੇ।
- ਹੌਲੀ ਗ੍ਰੋਥ: 2010 ਤੱਕ ਸਿਰਫ਼ 25 ਸਟੋਰ, ਹੁਣ 330+ ਸਟੋਰ। 2017 ਵਿੱਚ IPO ਕੀਤਾ।
- ਮਾਰਕੀਟ ਕੈਪ: 3 ਲੱਖ ਕਰੋੜ ਤੋਂ ਵੱਧ। ਭਾਰਤ ਦੀ ਸਭ ਤੋਂ ਮੁਨਾਫ਼ੇ ਵਾਲੀ ਰਿਟੇਲ ਚੇਨ।

ਡਾਮਾਨੀ ਨੇ ਇੱਕ ਸਿੰਪਲ ਆਈਡੀਆ ਨੂੰ ਬਿਹਤਰੀਨੀ ਤਰੀਕੇ ਨਾਲ ਚਲਾਇਆ। ਓਹਦੀ ਤਾਕਤ ਓਹਦੀ ex*****on ਸੀ.

ਨਿੱਜੀ ਜਿੰਦਗੀ ਚ ਵੀ ਉਹ ਪੈਸੇ ਨੂੰ ਲੈਕੇ ਬਹੁਤ ਸਾਵਧਾਨੀ ਨਾਲ ਚਲਦਾ ਏ ਤੇ ਇਵੇਂ ਹੀ ਉਹ DMart ਨੂੰ ਲੈਕੇ ਸੀ.

ਬੱਸ ਇਹੀ ਓਹਦੀ ਕਾਮਜਾਬੀ ਦਾ ਰਾਜ਼ ਏ.

10/01/2026

ਅਮਿਤਾਭ ਬਚਨ ਵੀ ਕੰਗਾਲ ਹੋਇਆ ਸੀ?

ਹਾਂ, ਇਹ ਗੱਲ ਸਹੀ ਹੈ ਕਿ ਅਮਿਤਾਭ ਬਚਨ ਇੱਕ ਸਮੇਂ ਕੰਗਾਲੀ ਦੀ ਹਾਲਤ ਵਿੱਚ ਪਹੁੰਚ ਗਏ ਸਨ। 1990 ਦੇ ਅਖੀਰ ਵਿੱਚ ਉਹਦੀ ਕੰਪਨੀ ABCL (Amitabh Bachchan Corporation Ltd)ਬੁਰੀ ਤਰ੍ਹਾਂ ਡੁੱਬ ਗਈ।

ਕੀ ਹੋਇਆ ਸੀ?
- ABCL ਫ਼ਿਲਮਾਂ ਬਣਾਉਣ, ਡਿਸਟ੍ਰੀਬਿਊਸ਼ਨ ਅਤੇ ਇਵੈਂਟ ਮੈਨੇਜਮੈਂਟ ਕਰਦੀ ਸੀ।
- 1997 ਵਿੱਚ ਮਿਸ ਵਰਲਡ ਇਵੈਂਟ ਵਿੱਚ ਭਾਰੀ ਘਾਟਾ ਹੋਇਆ।
- 1999 ਤੱਕ ਕੰਪਨੀ **90 ਕਰੋੜ ਰੁਪਏ ਦੇ ਕਰਜ਼ੇ** ਹੇਠ ਦੱਬ ਗਈ ਅਤੇ ਬੈਂਕਰਪਟ ਘੋਸ਼ਿਤ ਹੋ ਗਈ।

ਹਾਲਤ ਕਿੰਨੀ ਗੰਭੀਰ ਸੀ?
- ਬੈਂਕਾਂ ਨੇ ਉਹਦਾ ਬੰਗਲਾ **'ਪ੍ਰਤੀਕਸ਼ਾ'** ਜ਼ਬਤ ਕਰਨ ਦੀ ਕੋਸ਼ਿਸ਼ ਕੀਤੀ।
- 55 ਤੋਂ ਵੱਧ ਕੋਰਟ ਕੇਸ ਚੱਲ ਰਹੇ ਸਨ।
- ਕਰਜ਼ਦਾਰ ਘਰ ਦੇ ਬਾਹਰ ਖੜੇ ਹੋ ਜਾਂਦੇ ਸਨ।
- ਨਾ ਫ਼ਿਲਮਾਂ ਮਿਲ ਰਹੀਆਂ ਸਨ, ਨਾ ਪੈਸੇ।

ਕਿਵੇਂ ਬਚੇ?
- 2000 ਵਿੱਚ ਕੌਨ ਬਣੇਗਾ ਕਰੋੜਪਤੀ ਹੋਸਟ ਕਰਨ ਨਾਲ ਕਮਬੈਕ ਸ਼ੁਰੂ ਹੋਇਆ।
- ਫਿਰ ਮੋਹੱਬਤੇਂ ਫ਼ਿਲਮ ਵਿੱਚ ਕੰਮ ਕੀਤਾ।
- ਐਡਜ਼, ਛੋਟੇ ਰੋਲ ਅਤੇ ਹਰ ਕੰਮ ਕਰਕੇ ਕਰਜ਼ਾ ਚੁਕਾਇਆ।

ਕਈ ਪੁਰਾਣੇ ਸਿੰਗਰ ਜਿਨ੍ਹਾਂ ਦੀ ਕਿਸੇ ਸਮੇਂ ਤੂਤੀ ਬੋਲਦੀ ਸੀ ਉਹ ਵੀ ਅੱਜ ਕਲ੍ਹ ਨਿੱਕੀਆ ਮੋਟੀਆ ਨੌਕਰੀਆ ਕਰ ਰਹੇ ਨੇ.

ਨਿੱਕੂ ਨੇ ਵੀ ਏਨੇ ਕਮਾਏ ਅਖੀਰ ਨੂੰ ਬਾਬੇ ਕੋਲੇ ਜਾ ਕੇ ਰੋਣਾ ਪੈ ਗਿਆ.

ਦੂਜੇ ਪਾਸੇ ਮੈਂ ਏਦਾਂ ਦੇ ਬੰਦਿਆਂ ਨੂੰ ਵੀ ਜਾਣਦਾ ਜਮੀਨ ਮਸਾਂ 3-4 ਕਿੱਲੇ ਹੀ ਸੀ ਨਿਆਣੇ ਪੜਾਏ ਵੀ ਵਧੀਆ ਵਿਆਹੇ ਵੀ ਤੇ ਸਿਰ ਇੱਕ ਰੁਪਏ ਦਾ ਵੀ ਕਰਜ਼ ਨਹੀਂ ਸੀ ਕਦੇ.

ਨੌਕਰੀਆ ਤੋਂ ਰਿਟਾਇਰਡ ਬੰਦੇ ਦੇਖੇ ਆ ਜਿਨ੍ਹਾਂ ਨੂੰ ਰਿਟਾਇਰਮੈਂਟ ਦੇ ਦੋ ਸਾਲ ਬਾਅਦ ਵੱਡੇ ਵੱਡੇ ਲੋਨ ਲੈਣੇ ਪੈ ਜਾਂਦੇ ਆ.

ਮੁੱਕਦੀ ਗੱਲ ਇਹ ਵੀ ਜੋ ਆ ਰਿਹਾ ਤੁਸੀਂ ਉਨੂੰ ਕਿਵੇਂ ਸੰਭਾਲ ਰਹੇ ਹੋ ਉਹ ਜਿਆਦਾ ਮੈਟਰ ਕਰਦਾ ਨਾਂ ਕਿ ਇਹ ਕਿ ਤੁਸੀਂ ਕਿੰਨਾ ਕਮਾ ਰਹੇ ਹੋ.

Punjab Investment Consultancy

07/04/2026

23/03/2026

14/03/2026

08/03/2026

01/03/2026

10/02/2026

09/02/2026

02/02/2026

20/01/2026

11/01/2026

10/01/2026

Address

Telephone

Website

Alerts

Shortcuts

Share

Category