14/10/2016
Global Hunger Index यानि विश्व भूख सूचकांक विवरण सँ देशक छवि पाताल लोक पहुँच गेल। विश्व केर 118 विकासशील देशक रिपोट में अपन देशक स्थान 97 रहल माने नीचा सँ एकैशम स्थान। देशक मोटामोटी 38% नेना भुटका केर भरि पेट भोजन नहि भेटैत अछि। विज्ञापन सभ में भारत चाहे बेमिसाल आ अति सुन्नर देश होय मुदा तथ्यात्मक दृष्टि में भारत एखनहुँ 19 कारोड़ भुक्खड़क देश थिक आओर यएह सत्य थिकैक। आन देशक फोटू देखिकय हम सभ द्रवित भ जाएत छी सीरिया रवांडा, नाइजीरिया आ आरो बहुते रास देश जतय भुखमरी चरम पर थिक मुदा अपनहि देशक स्थिति पर किनको ध्यान नहि छनि? अफसोच सँग शरम आ दुखक बात अछि जे विश्व भूख सूचकांक में हमर देशक स्थिति #रवांडा आ #नाइजीरिया सँ सेहो गेल गुजरल अछि।
प्रगतिक चाहे हम जतेक ढोल पिट लीS मुदा हमरा सबहक स्थति #नेपाल आ #बंगलादेश सँ सेहो गेल गुजरल अछि। #फिजी आ #मंगोलिया सनक देशक स्थिति हमरा सभ सँ बहुत सुन्दर अछि। आँखि में कोनो चमक नहि सटकल पेट पचकल गाल, आँखि मात्र रोटिक के सिबा आरो कोनो चीज के नहि चिन्हैत छैक आ एकरे भूख कहैत छैक। विश्व भूख सूचकांक भारतीय राजनितिक लाजक हृदयविदारक दस्ताबेज थिक। रिपोटक मोताबिक भारतक सभ तेसर नेना भुटका कुपोष्णक शिकार अछि, 38.7% नेना पूरा भोजन नहि कय पबैत अछि आ भारतक कुल आवादीक 15% तँ भखले सुतैत अछि। आ एहन सच्चाई सँ हमर सरकार आँखि नुकौने रहैत छथि।
आब जखन अंतर राष्ट्रीय नीति खाद्य संस्थान ( ISPRI ) रिपोट उजागर कएलक तखन हमरा सबहक विकासक पहियाक सत्यबोध भेल। विसवास नहि हएत मुदा सत्य में दुनिया में सभसँ बेसी भुक्खड़ भारत देश में थिक। फ्राँस आ इटलिक पूरा जनसँख्या जतेक छैक ओतेक लोक भारत में भुखले सुतैत अछि। नित्य भुखले सुतय बाला लोकक संख्या 19 करोड़ थिक। यूरोपीय देश आ अमेरिका के छोड़िए दीय, एशिया में सेहो हमर स्थति बहुत खराप अछि। बूझि नहि अहि देशक नीति निर्माता लोक 19 करोड़ लोक के भुखले छोड़ि प्रगतिक गुड्डी कोना उड़ा लैत छथि? चाइनाक स्थिति हमरा सँ 68 स्थान ऊपर 29 सम स्थान पर थिकैक। हं एक बात सँ हम अपन करेजा ठंडा आ मोन शांत कय सकैत छी जे #पाकिस्तानक स्थिति हमरो सँ बेसी खराप थिकैक।
दुनियाक कुल जनसँख्याक दू तिहाई सँ बेसी लोक भारत में भुखले सुतय पर विवश छैक। देश सुपर पावर बनबाक सपना देखि रहल अछि मुदा सबाल ई जे 19 करोड़ भुक्खल लोक सँ भरल देश सुपर पावरक विषय में सोचियो कोना सकैछ? सुनय में आयल अछि जे राफेल अएलाक बाद भारतीय वायु सेना चीन सँ बेसी शक्तिशाली भ जाएत, बुलेट ट्रेनक गति सँग देश हवा सँ बात करत, आधार कार्ड बनिते सभटा दुःख दरद छू मंतर भ जाएत? जँ ई सत्य थिकैक तखन कियो कहि सकै छी जे 19 करोड़ भुक्खल लोक कोन देशक थिक। जकर पेट भुक्खल छैक, जकर शरीर पर वस्त्र नहि, जकर मोन दुखी होय जकरा कोनो काज नहि बस तन पर लँगोट बान्हि देश सँ मात्र रोटिक बाट जोहि रहल अछि।
विश्व भूख सूचकांक भारतीय राजनीतिक दुर्दशाक पोल खोलिकय राखि देल अछि। आखिरकार 70 वरखक लोकतंत्रक उत्कर्ष पर हमरा सभहक इतराए हेतु टटका में #सर्जिकल_स्ट्राइक, #गोबरक_फेस_पैक आ #मौसक_कुड़िया अछि। अतेक बड़का जनसँख्याक उपेक्षा कय केहन देश बना रहल छथि? सरकार रिपोट सँ जखन लज्जित नहि छथि तखन सोचब आ समाधान करब तँ दुरक बात भेल? कियो तथ्य नहि राखि रहल छथि जे ई कोन इंडिया थिक जतय लाखो किसान गरदनि में डोरी लगाकय, आगि लगाकय, पोखरि इनार में कूदिकय कालक गाल में समा जाएत अछि? केहन ई देश अछि जतय नेना सभ स्कूली बस्तरक स्थान पर कन्हा पर बोरी लS काज पर निकलि जाएत अछि? ई कोन देश अछि जकर युवाक हड्डी धरि बेरोजगारी चूसि लैत अछि?
प्रधानमंत्री जी स्वयं घोषणा कएलाह जे हमरा भूख सँ गरीबी सँ अशिक्षा आ अव्यवस्था सँ लड़बाक अछि की हम सत्त में अहि बाट पर आगू बढ़ि रहल छी? भाषण में ओना बड्ड नीक लागैत छैक मुदा सत्य ई की हम भूख सँ नहि लड़ि रहल छी? सबाल वर्तमान सरकारक या वर्तमान प्रधानमंत्रीक नहि थिक सबाल एक वा दोसर राजनितिक विचारधाराक नहि थिक? सबाल ई अछि जखन 2030 में वैश्विक स्तर पर पूरा दुनिया भूख मुक्त होमय पर उत्सव मनबैत होयत तखन हम कतय ठाड़ रहब? ध्यान राखब भोजन फेक या बरबाद करब सँ पहिने जे पड़ोस में लाखक लाख नेना भूखल पेट होयत?
#अभियान_भूख_मुक्त_भारत
जय मिथिला जय मैथिल जय भारत जय माँ जानकी
Copied: Rambabu Singh
Rohit Yadav Baiju Bawra
