The Cherpalcheri Co-operative Urban Bank Ltd

24/01/2026

20/10/2025

ബാങ്കിൻറെ ടൗൺ ബ്രാഞ്ചിൻ്റെ പ്രവർത്തനം ഇടപാടുകാർക്ക് മെച്ചപ്പെട്ട സേവനം നൽകുന്നതിന് വേണ്ടി ചെർപ്പുളശ്ശേരി ഡോ. ശാന്തകുമാർ ക്ലിനിക്കിനു സമീപത്തേക്ക് മാറിയതിന്റെ ഔദ്യോഗിക ഉദ്ഘാടനം ബഹു ഷൊർണൂർ നിയോജകമണ്ഡലം എംഎൽഎ ശ്രീ. മമ്മിക്കുട്ടി അവർകൾ നിർവഹിച്ചു. ചെർപ്പുളശ്ശേരി നഗരസഭ ചെയർമാൻ പി രാമചന്ദ്രൻ, ചെർപ്പുളശ്ശേരി സഹകരണ ആശുപത്രി ചെയർമാൻ ശ്രീ കെ ബി സുഭാഷ്, ചെർപ്പുളശ്ശേരി സർവീസ് സഹകരണ ബാങ്ക് പ്രസിഡൻറ് പി. ഷാജി, ബാങ്കിൻറെ മുൻ ചെയർമാൻ ശ്രീ ബാലകൃഷ്ണൻ മാസ്റ്റർ, പാർട്ടിയുടെ ഏരിയ സെക്രട്ടറി കെ നന്ദകുമാർ, ബാങ്കിൻറെ ചെയർമാൻ അഡ്വക്കേറ്റ് എം മോഹനൻ, വൈസ് ചെയർമാൻ ശ്രീ മനോഹരൻ, ബാങ്കിൻറെ ജനറൽ മാനേജർ ശ്രീ വി സി ഉണ്ണികൃഷ്ണൻ, മാനേജിംഗ് ഡയറക്ടർ ശ്രീ ജോസ് കെ പീറ്റർ തുടങ്ങി നിരവധി രാഷ്ട്രീയ സാംസ്കാരിക പ്രവർത്തകർ, ബാങ്ക് ഡയറക്ടർമാർ, ബോർഡ് ഓഫ് മാനേജ്മെൻറ് അംഗങ്ങൾ, സഹകാരികൾ, ബാങ്കിൻറെ ഇടപാടുകാർ എന്നിവർ പരിപാടിയിൽ സംബന്ധിച്ചു.

20/10/2025

26/09/2025

ചെർപ്പുളശ്ശേരി കോ ഓപ്പറേറ്റീവ് അർബൺ ബാങ്കിൻറെ വർഷിക ജനറൽബോഡി 26-09-2025 ന് വൈകുന്നേരം 4 മണിക്ക് ബാങ്ക് ഹാളിൽ നടന്നു. കഴിഞ്ഞ സാമ്പത്തിക വർഷത്തിൽ മൂന്നു കോടി മുപ്പത്തഞ്ചു ലക്ഷം രൂപയുടെ അറ്റാദായംനേടിയതായി ബാങ്ക് ചെയർമാൻ അഡ്വ എം മോഹനൻ ബാങ്കിന്റെ എൺപത്തിയെട്ടാം വാർഷിക പൊതുയോഗത്തിൽ അറിയിച്ചു. ബാങ്ക് നടപ്പ് സാമ്പത്തിക വർഷത്തിൽ പുതിയ നിക്ഷേപ -വായ്പാ പദ്ധതികൾ ആവിഷ്കരിച്ചു നടപ്പിലാക്കുന്നുണ്ട്. റിസർവ് ബാങ്ക് ഓഫ് ഇന്ത്യ നിഷ്‌ക്കർഷിക്കുന്ന എല്ലാ വ്യവസ്ഥകളും പാലിച്ചു കൊണ്ട് പ്രവർത്തിച്ചു കൊണ്ടിരിക്കുന്ന ചെർപ്പുളശ്ശേരി അർബൺ ബാങ്കിൻ്റെ പ്രവർത്തനങ്ങൾക്ക് എല്ലാവരുടേയും പിന്തുണ അഭ്യർത്ഥിച്ചു.ബാങ്ക് ഹാളിൽ നടന്ന ചടങ്ങിൽ വൈസ് ചെയർമാൻ എം മനോഹരൻ, മറ്റു ഡറക്ടർമാർ മാനേജിംഗ് ഡയറക്ടർ ജോസ്. കെ. പീറ്റർ, ജനറൽ മാനേജർ വി സി ഉണ്ണികൃഷ്ണൻ,ബോർഡ് ഓഫ് മാനേജ്മെന്റ് അംഗങ്ങൾ എന്നിവർ സംസാരിച്ചു.

04/07/2025

സംസ്ഥാന സഹകരണ വകുപ്പിന്റെ മികച്ച സഹകാരിക്കുള്ള റോബർട്ട് ഓവൻ പുരസ്കാരം ലഭിച്ച ശ്രീ. പി. എ. ഉമ്മറിന് അഭിനന്ദനങ്ങൾ.

01/07/2025

ചെർപ്പുളശ്ശേരി കോ-ഓപ്പറേറ്റീവ് അർബ്ബൻ ബാങ്കിന്റെ നേതൃത്വത്തിൽ 2024-25 അദ്ധ്യയന വർഷത്തിൽ 10,12 ക്ലാസ്സുകളിൽ മുഴുവൻ വിഷയങ്ങളിലും എ പ്ലസ് നേടി ഉന്നത വിജയം കരസ്ഥമാക്കിയ ബാങ്കിൻറെ പ്രവർത്തന പരിധിയിലുള്ള
വിദ്യാർത്ഥി - വിദ്യാർത്ഥിനികളെ അനുമോദിച്ചു.Shining Stars 2K25 എന്ന പേരിൽ സംഘടിപ്പിച്ച പരിപാടി ഒറ്റപ്പാലം എം.എൽ.എ. ശ്രീ. . പ്രേംകുമാർ ഉദ്ഘാടനം ചെയ്തു.ബാങ്ക് ചെയർമാൻ അഡ്വ. എം. മോഹനൻ അധ്യക്ഷതവഹിച്ച യോഗത്തിൽ സുപ്രസിദ്ധ എഴുത്തുകാരനും ലൈഫ് കോച്ചുമായ ശ്രീ പി എം എ ഗഫൂർ പ്രഭാഷണം നടത്തി. ചെർപ്പുളശ്ശേരി മുൻസിപ്പൽ ചെയർമാൻ ശ്രീ. പി. രാമചന്ദ്രൻ, നെല്ലായ ഗ്രാമപഞ്ചായത്ത് പ്രസിഡണ്ട് ശ്രീ കെ അജേഷ് , വല്ലപ്പുഴ ഗ്രാമപഞ്ചായത്ത് പ്രസിഡണ്ട് ശ്രീ എൻ കെ അബ്ദുൾ ലത്തീഫ്, ബാങ്ക് വൈസ് പ്രസിഡണ്ട് ശ്രീ. എം. മനോഹരൻ, മാനേജിംഗ് ഡയറക്ടർ ജോസ് കെ പീറ്റർ, ജനറൽ മാനേജർ വി.സി. ഉണ്ണികൃഷ്ണൻ, ഡയറക്ടർമാരായ ശ്രീ സി. അനന്തു, ശ്രീ. പി.ധനേഷ് എന്നിവർ സംസാരിച്ചു.