16/11/2022
প্ৰতিমাহৰ ১০ তাৰিখে নিয়মীয়াকৈ পাৰিতোষিক লাভ কৰিব পঞ্চায়তীৰাজ প্ৰতিষ্ঠানৰ নিৰ্বাচিত সদস্যসকলে
মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াৰ পৌৰহিত্যত আজিৰ কেবিনেটত গ্ৰহণ কৰা সিদ্ধান্ত সমূহ হৈছেঃ -
✳️ পঞ্চায়তীৰাজ প্ৰতিষ্ঠানৰ নিৰ্বাচিত সদস্যসকলে নিয়মিত ভাৱে প্ৰতিমাহৰ ১০ তাৰিখে তেওঁলোকৰ পাৰিতোষিক সমূহ পাব আৰু এই ধনৰাশি তেওঁলোকৰ নিজ নিজ বেংক একাউন্টত পোনপটীয়াকৈ জমা কৰা হ'ব ৷ উল্লেখ্য যে, এই পাৰিতোষিকৰ বাবে ষষ্ঠ অসম ৰাজ্যিক বিত্তীয় আয়োগৰ দ্বাৰা আৱণ্টিত পুঁজিৰ ধন ব্যৱহাৰ কৰা হ'ব ৷
✳️ ইয়াৰ ফলত ৫০% মহিলা সদস্যৰে পৰিপূৰ্ণ সৰ্বমুঠ ২৬,৭৮৪ গৰাকী পঞ্চায়তীৰাজ প্ৰতিষ্ঠানৰ সদস্য উপকৃত হ'ব ৷ তেওঁলোকৰ পাৰিতোষিকৰ বাবদ প্ৰতিমাহে ৬.৬৮ কোটি টকা প্ৰদান কৰা হ'ব ৷ যাৰফলত বছৰি ব্যয় হ'ব মুঠ ৮০.২১ কোটি টকা ৷
কেবিনেটৰ আজিৰ সিদ্ধান্তৰ বাবে মাননীয় মুখ্যমন্ত্ৰী ডাঙৰীয়াৰ লগতে কেবিনেটৰ সদস্যসকলক পঞ্চায়ত আৰু গ্ৰামোন্নয়ন মন্ত্ৰী হিচাবে মই আন্তৰিক ধন্যবাদ জনাইছোঁ ৷
