02/05/2025
കേരള സർക്കാർ സഹകരണ വകുപ്പും കൺസ്യൂമർഫെഡുമായി ചേർന്ന് ആലപ്പുഴ ഗവൺമെന്റ് സർവന്റ്സ് സഹകരണ ബാങ്കിന്റെ ആഭിമുഖ്യത്തിൽ ആലപ്പുഴ കണ്ണൻ വർക്കി പാലത്തിന് സമീപം ഉള്ള കയർ ക്രാഫ്റ്റ് ഷോറൂമിൽ ജില്ലാതല സ്കൂൾ മാർക്കറ്റ് ആരംഭിച്ചു.
ബാങ്ക് പ്രസിഡന്റ് ജിജോ ജോസഫ് അധ്യക്ഷനായ ചടങ്ങിൽ അമ്പലപ്പുഴ എം എൽ എ എച്ച് സലാം ഉദ്ഘാടനം നിർവഹിച്ചു. നഗരസഭാധ്യക്ഷ കെ കെ ജയമ്മ ആദ്യ വില്പന നിർവഹിച്ചു. സഹകരണ ജോയിന്റ് രജിസ്ട്രാർ വി കെ സുബിന മുഖ്യ പ്രഭാഷണം നടത്തി. കൺസ്യൂമർഫെഡ് മാർക്കറ്റിംഗ് മാനേജർ ദിലീപ് കുമാർ റിപ്പോർട്ട് അവതരിപ്പിച്ചു. ബാങ്ക് വൈസ് പ്രസിഡന്റ് പി എസ് സുമേഷ്, സഹകരണസംഘം അസിസ്റ്റന്റ് രജിസ്ട്രാർ (പ്ലാനിങ്) ഷിബു ഒ ജെ, സഹകരണസംഘം അസിസ്റ്റന്റ് രജിസ്ട്രാർ അനിൽകുമാർ വി സി, സിലീഷ് സി, പി ഡി ജോഷി, ഭരണസമിതി അംഗങ്ങളായ ഇന്ദിര കെ, മനോജ് ടി, സുശീല പി, സിബി പി ടി, ജോളി കുട്ടൻ ജെ, ബിജുരാജ് എസ്, സതീഷ് കൃഷ്ണ ആർ, മിനിമോൾ വർഗീസ്, നിഷ നീലാംബരൻ, മുഹമ്മദ് റഫീഖ് എസ്, ദീപ എൽ, എന്നിവർ ആശംസകൾ അർപ്പിച്ചു. ബാങ്ക് സെക്രട്ടറി ആർ ശ്രീകുമാർ കൃതജ്ഞത പറഞ്ഞു . ത്രിവേണി നോട്ടുബുക്കുകൾ അടക്കം എല്ലാവിധ സ്കൂൾ സാമഗ്രികളും എം ആർ പി യിലും വളരെയധികം വിലക്കുറവിൽ സ്കൂൾ മാർക്കറ്റിൽ നിന്നും ലഭിക്കും.
