28/08/2026
व्यंकटेशच्या यशस्वी वाटचालीचे आधारस्तंभ.. चेअरमन मा. श्री. कृष्णा मसुरे सर..
प्रत्येक गोष्टीचा सर्व बाजूंनी विचार करणारे, कोणत्याही परिस्थितीला शांत आणि संयमाने हाताळणारे, मितभाषी, प्रेरणादायी मार्गदर्शक आणि सर्वांचे लाडके चेअरमन मा. श्री. कृष्णा मसुरे सर यांना आज वाढदिवसानिमित्त अनंत शुभेच्छा..
'व्यंकटेश मल्टीस्टेट' नावाचे सहकाऱ्यांसोबत मिळून लावलेलं छोटेसे रोपटे आज त्यांच्या सक्षम नेतृत्वाखाली एका वटवृक्षाचा आकार घेत आहे. व्यंकटेशच्या प्रगतीच्या या यशस्वी प्रवासात त्यांच्या दूरदृष्टीचा आणि कार्यक्षमतेचा मोलाचा वाटा आहे. सहकार व बँकिंग क्षेत्रातील नवीन बदलांचा स्वीकार करत, आधुनिकतेसोबतच 'विश्वास' आणि 'उत्कृष्ट सेवा' यांना प्राधान्य देऊन संस्थेला अधिक सक्षम व भक्कम करण्यासाठी ते सातत्याने प्रयत्नशील असतात. त्यांच्या नेतृत्वाखाली व्यंकटेश मल्टीस्टेटने फक्त व्यवसायाची व्याप्ती वाढवली नाही, तर सभासद, ग्राहक आणि संपूर्ण समाजाशी विश्वासाचे नाते अधिक दृढ केले आहे. कारण, 'व्यंकटेश' हाच ध्यास आणि 'व्यंकटेश' हाच त्यांचा श्वास असून हीच निष्ठा त्यांच्या प्रत्येक कार्याचा खरा पाया आहे..
समाजाच्या गरजा ओळखून त्यानुसार विविध समाजोपयोगी उपक्रम राबवण्यावर त्यांचा नेहमीच भर राहिला आहे. शेतकरी बांधवांच्या उत्पन्नवाढीसाठी कृषी मेळाव्यांचे आयोजन असो, वा गो-संवर्धनाच्या कार्याला अधिक व्यापक स्वरूप देण्याचा निर्णय असो, स्वर्ग रथ सेवेच्या सुविधेचा आरंभ असो, त्यांच्या प्रत्येक कार्यातून समाजाच्या सर्वांगीण विकासाची तळमळ दिसून येते. यासोबतच, अधिकारी व कर्मचारी वर्गातील गुण आणि क्षमता ओळखून त्यांना योग्य संधी देत अनेकांचे आयुष्य घडवण्यातही त्यांचे मोलाचे योगदान आहे.
प्रत्येक सहकाऱ्याला सोबत घेऊन पुढे जाण्याची त्यांची ही कार्यपद्धती संपूर्ण व्यंकटेश परिवारासाठी सदैव प्रेरणादायी आहे. येणारे नवीन वर्ष त्यांच्या आयुष्यात उत्तम आरोग्य, सुख, समाधान आणि उत्तुंग यश घेऊन येवो. तसेच, त्यांच्या दूरदृष्टीला व नेतृत्वाला नवी उंची मिळो आणि व्यंकटेशच्या यशाचा हा प्रवास असाच वेगाने पुढे जात राहो, हीच श्री व्यंकटेश चरणी प्रार्थना..
