26/06/2024
તારીખ ૨૫/૦૬/૨૦૨૪ ના રોજ ત્રિવિધ પ્રાસંગિક પ્રસંગો જેમાં રખિયાલ બ્રાન્ચનું ઉદ્દઘાટન,સખી ક્રેડિટ સોસાયટીની વાર્ષિક સાધારણ સભા અને ડૉ યોગેશ મૈત્રક ષસ્ટીપૂર્તિ- જ્ઞાન દિવસની ઉજવણી સાથે વિમેન એમ્પાવરમેન્ટ કોર્પોરેશન અને સખી ક્રેડિટ સોસાયટી દ્વારા ખૂબ સુંદર અને સફળતા પૂર્વક અમદાવાદમાં રખિયાલ વિસ્તારમાં આવેલ વસાહતમાં કરવામાં આવી
આ ત્રિવિધ સમારોહમાં CSB બેંક ના ક્લસ્ટર હેડ માનશ્રી સૌરભ શર્માજી,અમદાવાદની પ્રહલાદનગર શાખાના હેડ માનશ્રી આલોક દુગ્ગર,અન્ય શાખાઓના હેડ, ડૉ બી આર.આંબેડકર ક્રેડિટ સોસાયટી ફેડરેશનના ચેરમેન માનશ્રી અમૃતલાલ પરમાર, વેક સખી ના પદાધિકારીઓ, ઇન્વેસ્ટર્સ, વિવિધ સમાજના આગેવાનો સખી મંડળ અને બચત મંડળની સખીઓ, પરિવારજનો, પરિજનો દીકરીઓ વગેરે ઉપસ્થિત રહ્યા હતા
સૌપ્રથમ સવારે ૧૦.૩૦ કલાકે અદ્યતન ફર્નિચર અને CBS on-line પ્લેટફોર્મ સાથેની રખિયાલ શાખાનું ઉદ્દઘાટન ઉપસ્થિત મહેમાનો અને મહાનુભાવો દ્વારા કરવામાં આવ્યું ત્યારબાદ ૧૧.૩૦ કલાકે પાંચમી વાર્ષિક સાધારણ સભા અને જ્ઞાન દિવસની ઉજવણી કરવામાં આવી. વાર્ષિક સાધારણ સભામાં સભાસદોએ ઉત્સાહપૂર્વક ભાગ લઈ તમામ એજન્ડાની ચર્ચામાં ભાગ લઈને સર્વાનુમતે પસાર કરેલ.
આજના સમારોહમાં ૧૨.૫૦%વ્યાજ આપતી "દીકરી મારી વ્હાલપની થાપણ" યોજના આકર્ષણનું કેન્દ્ર હતી જેમાં ઉપસ્થિત તમામ સભાસદોએ ઉત્સાહપૂર્વક ભાગ લઈને મોટા ભાગના સભાસદોએ તેઓની દીકરીઓ માટે રોકાણ કરીને યોજનાને વધાવી લીધી. સખી તરફથી પણ પ્રત્યેક દીકરીને રુ ૨૫૦૦ અને ૧૦૦૦ ની ૧૨.૫૦% વ્યાજવાળી FD ભેટ સ્વરૂપે આપવામાં આવી હતી.
CSB બેંક તરફથી ઉપસ્થિત તમામ અધિકારીઓએ યોજનાઓને સમર્થન આપીને બેંક તરફથી સખી ક્રેડિટ સોસાયટીની ટર્મ લોન સહિતની તમામ મદદની ખાત્રી આપેલ જ્યારે અન્ય રોકાણકારોએ પણ મહિલા આત્મસન્માન નિધિ(MAAN) યોજના અને સભાસદ આત્મસન્માન નિધિ(SAAN) યોજનામાં રોકાણ કરેલ જ્યારે સખીઓએ સ્વર્ણિમ સખી યોજનાને પણ વધાવી લીધેલ.
સમારોહના અંતે સુરુચિ ભોજન કરીને વેક સખીના લોકો અને જ્ઞાન દિવસની યાદગીરી વાળી વોલ કલોક ભેટ રૂપે મેળવી તમામ સભાસદો છૂટા પડેલ.
#સખીમંડળ #સખીબેંક #મહિલાસશક્તિકરણ #બેંક
