02/03/2025
Latergram 之 2024年度回顧 續集...
-
慈善💕
4月同6月返左內地剪綵
係我行GP同埋我第一次做教練嘅時候一齊捐嘅兩個小學
終於完工👏🏻 見到啲小朋友嘅笑容 的確係幾滿足嘅💕
同埋話說本身我以為我地捐呢啲農村學校出身嘅小朋友
長大咗之後最多喺城市做一份普通工作 純粹叫做唔使再喺農村咁窮...
但NGO朋友同我哋講 佢做咗幾十年 親眼睇住呢啲農村小朋友
有部份 係升讀咗清華北大呢啲名校 有啲更加去咗啲知名公司做高管...
其實聽到呢度 我係覺得好感動...我地小小嘅力量 幫到佢地
到佢哋自己有能力嘅時候 再幫助返其他人
真正體會到咩叫「生命影響生命」🥹
透過教育 真真正正每一個生命都有所不同 見到希望...
9月返左龍總嘅中學 佢成長嘅地方...
佢用我個名命名捐左個獎學金 所以返左去做訪問同分享
好感恩今日嘅我地有能力去貢獻
同校長傾偈 佢話呢個年代嘅學生
不缺乏物質 但心靈卻更空虛...好似好難快樂...
其實...都的確係咁...所以有時都會諗 究竟有啲乜嘢我哋可以做更多？
10月 我地籌備咗好耐嘅歌賦山獅子會終於正式成會
全香港其中一個最年青最有活力嘅男女會...
喺呢個過程中好多挑戰同學習 好感恩信任我嘅獅友
期待一齊做更多服務、擦出更多火花✨
12月用兩個小朋友嘅名義 捐咗一間內地學校嘅水井
亦都係因為同NGO傾計先知道
依家仲有啲小朋友係會冇水用 成個月都冇得沖涼😢
-
個人/學習🙆🏻♀️
1月嗰陣去左滑雪 係我人生第一次單板+由山頂滑落嚟 成就解鎖🔓
然後我親愛的GP49 1月畢業了 又完成左一次教練生涯
5月獲邀去左一間中學度做金融業嘅分享
每次踏進校園 都好懷念青春嘅時光😂
5月仲去左珠海 人生第一次落場打golf 又一個成就解鎖😚
7月買左人生第一架跑車 458 spider🕷
不過真係...體驗過擁有過就好😂 使用率好低 都係family car舒服lol
8月開始左ACCMCC嘅教練學課程
可惜去到第四單元因為上堂時間撞晒 最後要extend...25年再續😗
11月去左轉韓國旅行 終於有時間休息下😂
其實今年仲參加左個golf比賽 不過真係冇時間練☹️
-
總括而言
今年我覺得係好有波幅有壓力有挑戰 同時好有成長嘅一年
我會形容今年係 生完兩個小朋友之後正式復出嘅第一年
好多新嘗試新探索 睇吓有咩新機遇適合自己嘅一年
今年真係好忙好攰 但係希望鋪澱好咗啲嘢
嚟緊一年可以擺返多啲時俾屋企同自己
同埋今年都係斷捨離嘅一年...更加知道自己想要咩
勇敢忠於自己 覺得自己睇人睇事通透左 待人處事成熟左
如果問我點解咁追求自我成長
我諗最低層嘅原因 係我係一個終極追求自由嘅人
以前追求嘅 係physically嘅自由 但係慢慢會領悟到 人有貪嗔痴
只有內在成長 先會得到真正嘅自由...咁當然仲有好多進步嘅空間啦
但願新一年 我們都可以成為自己更喜歡的人💕
Bye 2024👋🏻
