收數公司

Home
Hong Kong
Kowloon
收數公司

Debt Hunter是香港領先的專業收數公司，自2009年起提供一站式收數及商業風險管理服務，協助企業有效控制商業風險，降低損失。

Debt Hunter為聯合信用管理有限公司（UCM）的專業服務品牌，UCM是香港領先的收數公司，自2009年起專注於維護中小型企業的合法權益和健全的商業環境。

我們透過「合法 × 行為洞察 × 大數據」三維策略，成功協助超過10,000家企業回收逾期賬款，始終堅持「合法追收」與「解決爭議」雙軌並行的服務理念。

作為經驗豐富的專業收數公司，我們運用心理學、科技和法律知識，在嚴格遵守法律的同時，為客戶追回最大欠款。

我們擅長處理各種商業糾紛，包括因「延誤」和「品質問題」引起的商賬糾紛、反追償個案，以及高風險行業如批發、建築領域的案件。

我們擁有20多位經驗豐富的專業收數人員，能夠迅速到訪欠債人所在位置，採用多種合法有效方法協助客戶與欠債人進行談判，以保證高回收率。

24/02/2026

【致「18VIP」偽冒者：關於貴團隊智力與業務水平之公開評估報告】

踏入2026年大年初八，本公司全體同仁原已準備就緒，以專業姿態迎接新一年的商業挑戰。孰料新春伊始最先找上門的，竟是一場令人啼笑皆非的「智力下限展示會」。

今晨起，本公司接獲公眾反映，指收到署名為「DebtHunter」的無來電顯示短訊，言辭粗劣，聲稱要為某個名不見經傳的網上博彩平台「18VIP」追討欠款，更附帶所謂的「網上曝光」等荒謬威嚇。更令人失笑的是，絕大部分收到此等「午夜凶鈴」的市民皆清白無辜，從未涉足該平台。對於貴詐騙集團如此拙劣的「精準營銷」與資料搜集能力，本公司實在深表同情。盲人摸象尚且能觸及皮毛，閣下這種大海撈針式的群發，除了為電訊商貢獻微薄收入外，究竟意義何在？

為免貴集團日後繼續在業界貽笑大方，本公司出於對弱勢群體的憐憫，特此為你們進行免費的業務指導：

1. 門當戶對的常識
本公司（Debt Hunter）素來立足於高端之 B2B（企業對企業）商業帳款追收領域，服務對象皆為正規企業。對於「18VIP」這類見不得光的網上外圍賭局，本公司從來不屑一顧。我們實在無法理解，究竟是何等的妄想症，才會令閣下誤以為一家專業的資產管理公司，會淪落到為你們的非法賭檔作「爛頭卒」？這不僅是對本公司商譽的碰瓷，更是對「收數」這門專業的褻瀆。

2. 基礎閱讀理解的欠缺
此乃最令人拍案叫絕之處。本公司早於上月已白紙黑字發佈聲明（ https://www.facebook.com/DebtHunterHK/posts/pfbid02Jtfv29nbCnt5FxLzGzmVEtNfQbNwowgUYuSNUfL7P5e1pdoqukCgjrNFxUUazx3Ul?rdid=uq35eWz2tjtziA6H # ），明言我們在處理案件時，採取絕對的「隱名」作業模式——真正的 Debt Hunter，絕不會向欠債人自報家門。閣下倒好，生怕別人不知道這是一場騙局，竟明目張膽地以「DebtHunter」作為寄件人名稱。此舉猶如刺客在行刺前先恭敬地遞上名片，愚不可及。強烈建議貴集團負責人，在策劃下一場騙局前，先為員工撥出預算，報讀小學程度的閱讀理解課程。

致各位尊貴的市民及客戶：

若閣下的手機彈出上述署名為「DebtHunter」的威嚇短訊，請毋須理會。這不過是某些底層騙徒在新年期間因開工不足、又缺乏專業技能而發出的無能狂怒。請將其視作一則荒誕的笑話，閱後即刪。

謹請銘記本公司之防騙鐵律：但凡在追討過程中自稱是「Debt Hunter」的，百分之百是騙徒。

本公司對此等低級的偽冒行為保留一切法律追究權利。如有任何疑慮，歡迎致電本公司官方熱線 +852 3996 7917。我們很樂意為您展示，何謂真正的專業與體面。

#防騙教育 #智商是個好東西

Debt Hunter
2026年2月24日

17/02/2026

各行各業都祝大家客似雲來、接單接到手軟。但作為專業嘅收數公司，Debt Hunter 今日要送個最「趕客」，但保證全港老闆聽到都最開心嘅祝福俾大家！

我哋祝大家：
🌟 馬年生意長做長有，啲客個個自動自覺、準時找數！
🌟 壞帳清零，現金流極度健康！
🌟 今年絕對、絕對唔需要搵我哋 Debt Hunter 幫手！ 🚫💸

做生意「現金流就係生命線」，我哋深明被拖數、扣數、甚至客仔「潛水」嗰種無奈同勞氣。所以最好就係大家日日和氣生財，順風順水！

不過商場如戰場，萬一你身邊嘅行家朋友（你🤭）真係遇到啲面皮厚、攤長條數嚟玩嘅難搞 Case，記得唔好自己激親。交俾我哋幫眼，Debt Hunter 一定會攞出百分百專業，合法、合理咁幫你收復失地，做你最強嘅後盾！🛡️

祝全港中小企老闆：
馬到功成 🏇
貨如輪轉 📦
出入平安 🧧
齊齊爆數大豐收！💰

#收數專家 #大年初一 #馬年行大運 #信用管理

15/01/2026

【嚴正聲明】關於提防偽冒及本公司作業模式之釐清

致各界客戶及公眾人士：

近日留意到坊間有不法分子偽冒正規資產管理（收數）公司向市民進行詐騙。雖然 Debt Hunter（下稱「本公司」）目前未有發現針對欠債人的冒充個案，但鑒於過往曾有騙徒冒充本公司職員向「委託人」騙取費用，為防患於未然，並保障公眾利益，本公司特此作出嚴正聲明及業務釐清：

1. 對欠債人：本公司採取「隱名」作業模式

這是識別真偽的最關鍵特徵。Debt Hunter 絕不會向欠債人透露本公司名稱。

- 我們發出的所有追討信件或訊息，只會顯示即貴公司/債權人的名稱。

- 【防騙重點】：如果你是欠債人，而收到有人自稱是「Debt Hunter」的職員向你追數，該對方百分之百是騙徒，請立即報警或停止對話。

2. 業務範疇：專注 B2B 帳款追收

本公司專注處理 B2B（商對商）的商業帳款追收。

- 在私人貸款領域，我們僅接受少數財務機構委託。

- 我們絕不處理任何網貸或不知名放債人的案件。如閣下之債務不屬於上述範疇，卻收到聲稱來自本公司的追討，必屬偽冒。

3. 資金流向安全提示

無論是對委託人還是欠債人，本公司絕不使用任何個人銀行戶口（Personal Bank Account）收取款項。所有款項往來均需經由公司註冊戶口或直接存入債權人指定帳戶。

4. 呼籲

我們強烈譴責任何利用本公司良好商譽進行詐騙的行為。本公司已設有專責團隊監察市場狀況，一旦發現侵權或詐騙行為，必將採取法律行動追究到底。

如有任何人士對來電者身分、收到的文件或「Debt Hunter」名義有任何懷疑，請即致電本公司官方熱線 +852 3996 7917 核實，切勿輕信不明來歷的指示。

Debt Hunter
2026年1月15日

05/11/2025

【從東方之珠到「雞棚」天堂？投資者/供應商防騙實戰指南】

以前講起香港，大家都會聯想到東方之珠、購物天堂、金融中心。但去到2025年，一講起香港，相信越嚟越多人會諗起——「雞棚」。

「雞棚」本來係指古時候偷雞賊用嚟捉雞嘅一個臨時陷阱裝置，而唔係真正嘅養雞雞舍。呢個結構設計得極其簡易，唔需要複雜材料，只需幾條竹同樹枝，用樹枝撐起半圓形嘅竹棚，棚底放啲碎米誘餌，製作時間可能只需幾分鐘。當雞被吸引而走入去嘅時候，偷雞賊就會拉走樹枝，竹棚就會跌落嚟將雞困住。「雞棚」嘅設計本質上係「唔穩固」嘅，因為佢嘅目的就係要容易跌落嚟，從而困住目標（雞）。呢種暗中設局嘅方式後來就被引申成「搭雞棚」，意思係有人設計圈套，準備呃人。

想像吓，有人突然宣佈開「革命性」初創公司，聲稱有國際投資者撐腰，市場潛力無限。租靚寫字樓、請年輕團隊，大肆宣傳：社交媒體狂出post、KOL直播、辦roadshow派禮品，誇大回報率高達300%，透過眾籌或私募誘中產、退休人士、年輕白領投資幾萬甚至幾百萬。

但「雞棚」本質唔穩固，開業幾個月即因「資金斷裂」結業，拖欠租金、貨款、服務費、裝修費、廣告費。公司執笠，員工冇糧出，需申請破險基金。有限公司有限責任，股東唔使個人負責。呢班「老闆」早早轉移咗資產，繼續開名車、住豪宅、食米芝蓮，轉頭又喺另一個地方重施故技，搭過個新「雞棚」。警方話證據唔夠，頂多當商業糾紛處理。你敢公開話佢哋係老千？小心人哋反手告你誹謗，賠錢賠時間。

----------------------------------------

盡早釐清問題所在，賬齡越短，成功追收率越高
請盡速聯絡我哋開始追收程序：+852 3996 7917
我哋嘅網頁：https://www.debt-hunter.com/

收數公司做法係點？喺香港搵收數公司要注意啲咩？
https://www.debt-hunter.com/blog/2023011301
#收數 #收數公司

----------------------------------------

【拒絕做「雞」入棚：4招教你識破老千圈套】

要避免落入「雞棚」式騙局，無論你係投資者定係供應商，都需要保持警惕，多查背景，唔好只聽棚佬吹水。以下係幾個實用方法，識破「雞棚」：

1. 公司查冊：確認公司實力
去公司註冊處網站查公司註冊日期、股東、董事、地址同財務報告。如果公司新成立（少過一年）、註冊資本低、地址只係虛擬辦公室，就要小心。查埋年度申報表（NAR1），睇有冇準時提交或罰款記錄。

2. 訴訟查冊：睇有冇欠債史
可以請律師或收數公司（如Debt Hunter）查公司或董事嘅法庭記錄，特別留意拖欠貨款、破產或合約糾紛。假如發現多宗欠薪或欠租案件，證明佢哋唔可靠。

3. 可疑特徵：識別紅旗
訂單可疑：大額訂單但無訂金、要求延長賬期、或用私人戶口轉賬，就係警告。
宣傳過火：聲稱「國際合作」但查唔到證據，團隊背景模糊，或急催交貨但拖付款。
壓力手法：「機會有限，錯過就冇」，唔俾時間你評估考慮，但一問細節就閃爍其詞。

4. 識人術：觀察行為
留意老闆「魅力」過盛但避談細節，如問「付款計劃」就轉話題。利用貪婪或恐懼（如「市場緊俏」）催你供貨。查埋社交媒體，睇有冇負評或假好評。

避免「雞棚」最重要係「唔貪、唔急、多查」。香港越嚟越多呢啲騙局，但只要大家提高意識，就唔會咁易變成「雞」入棚。記住，真正好客唔怕你查，騙子先怕你驗證。

27/08/2025

收數公司做法係點？點樣先至合法又有效？無論你係個人定中小企，遇到被人拖數，一定想知收數公司種類、手法同收費模式。今次詳細解構香港收數公司常見分類、追數流程、收費類型，仲附上實戰Tips同常見陷阱，幫你避開風險，搵到合適服務。

【收數公司種類：香港常見4類，優缺點分析】
香港收數公司大致分為4類，根據服務對象同手法唔同：

1. 銀行專用收數公司
主要服務銀行、信用卡公司或大型金融機構。手法標準化，靠打電話、寄信追數。適合簡單嘅欠款，但對複雜個案無力，成功率較低。
優點：流程規範
缺點：缺乏靈活性

2. 商業用收數公司
專為中小企設計，會先分析文件、調查欠債人背景，制定個人化計劃。手法靈活，包括上門談判、調解，成功率較高。重點係合法，會簽合約保障雙方。
優點：專業度高
缺點：委託人可能需參與調解（有爭議嘅情況下）

3. 非法收數公司
多數有社團背景，為大耳窿（非法放債人，例如電話數）或外圍賭博集團收數。手法極端，包括淋紅油、恐嚇、打人，絕對犯法！用呢類唔單止冇保障，仲可能引來法律問題。
優點：冇（唔建議）
缺點：高風險

4. 詐騙型收數公司
以呃錢為目的，吹噓100%成功，先收巨額訂金，之後消失。有人俾咗幾萬蚊起動費，結果條數追唔到，錢又冇咗。
優點：冇（唔建議）
缺點：純騙局

⚠ Tips：選擇前，先上網查詢公司背景同評價。合法公司係會有齊曬商業登記同合約。

【收數公司做法：步驟詳解，常見手法曝光】

合法公司有自己嘅合規步驟，確保高效又合規。以下係常見流程：

1. 背景調查欠債人
調查欠債人信用紀錄、資產、家庭工作背景，搵出痛點。呢步關鍵，因為知彼知己，成功率高。

2. 電話及寄信追數
電話聯絡欠債人，提醒還款；寄信加強壓力。加上一啲說話技巧，而唔係格硬嚟，效果更好。

3. 上門追數
如果欠債人唔理，派員上門會面，了解情況並談判。強調禮貌專業，絕無恐嚇。

4. 聯絡相關人士
聯絡欠債人家人、朋友或合作伙伴，施加適當壓力。但嚴守私隱專員公署監管要求，唔會過火。

5. 調解及制定還款協議
欠債人願意傾，就安排調解。用談判技巧，制定分期計劃，確保盡快收錢。

6. 進階手法：科技及數據分析
部分公司用AI分析數據，預測最佳追數時機，效率提升。相比傳統靠個人經驗判斷，更客觀。

⚠ Tips：有啲公司用非法手段，例如喺網上公開欠債人資料，容易被欠債人反擊，甚至觸犯法例。搵收數公司時，記住一定要問清楚大概會用咩手法去追，確保合法先至穩陣。

----------------------------------------

盡早釐清問題所在，賬齡越短，成功追收率越高
請盡速聯絡我哋開始追收程序：+852 3996 7917
我哋嘅網頁：https://www.debt-hunter.com/

收數公司做法係點？喺香港搵收數公司要注意啲咩？
https://www.debt-hunter.com/blog/2023011301
#收數 #收數公司

----------------------------------------

【點解要搵收數公司？】

自己追數特別麻煩，容易被欠債人影響情緒，甚至工作安排。委託收數公司可以專業施壓，搵出痛點，提高成功率。有公司試過用律師信追數，結果被對方反擊，浪費幾年時間同幾十萬費用。

【收數公司收費模式：2大類型，點揀先最抵？】

收數公司收費分2種，根據情況選擇：

1. 定額收費
先俾固定金額（幾千至幾萬），無論成敗都要俾。
優點：接洽過程較直接同快速
缺點：公司唔夠積極，成功率可能低

2. 按比例收費
根據追回金額比例收費（20%至50%），不成功不收費。
優點：公司積極，客戶零風險
缺點：逾期賬齡、可聯程度同爭議度影響收費比例

⚠ Tips：雖然有收費透明嘅公司，但隱藏收費十分常見，一定要問清楚。

【總結：香港收數公司指南】

香港收數公司選擇眾多，但記住優先合法、安全。遇到壞賬時，先評估自己情況，再搵合適嘅收數公司。

15/08/2025

做生意最怕遇到拖數客人，但原來點樣「追」先最有效，好多人仲係一頭霧水。今日就同大家拆解4種追數模式，等你知道點樣先可以將血汗錢追返嚟！

1. 慳錢至上型：貪平隨時倒蝕
「搵最平嗰間收數公司就算啦」
- 常見於大公司機械化流程，前線同財務部完全脫節
- 搵啲報價最平嘅收數公司，但通常得電話催收服務
殘酷現實：回收率低到可憐，隨時追唔返仲要倒貼

2. 臨急抱佛腳型：錯過黃金期
「公司冇生意先一次過追曬啲舊數」
- 現金流斷鏈先至發癲咁追數
- 多數追緊超過1年嘅「殭屍賬」
殘酷現實：逾期180日以上，成功追到機會不足20%

----------------------------------------

盡早釐清問題所在，賬齡越短，成功追收率越高
請盡速聯絡我哋開始追收程序：+852 3996 7917
我哋嘅網頁：https://www.debt-hunter.com/

收數公司做法係點？喺香港搵收數公司要注意啲咩？
https://www.debt-hunter.com/blog/2023011301
#收數 #收數公司

----------------------------------------

3. 情緒主導型：浪費子彈
「個客串親我，一於搞大佢」
- 追數原因係個人恩怨而唔係客觀風險
- 資源集中喺「乞人憎但細額」嘅客度
殘酷現實：忽略真正緊急嘅大額欠款，反而浪費資源

4. 專業分段型：系統化處理
「30日內自己追，過期即交俾收數公司」
- 將欠款金額、賬齡、客戶關係等因素量化評估
- 賬齡愈長愈果斷，按壞賬週期決定優先次序
聰明做法：用客觀風險評分，集中火力搞大額高風險case

你嘅心態決定追數成敗
即刻檢視公司應收賬款，按賬齡分類，制定你嘅「追數SOP」：
- 0 - 14日：郵件 + 電話友善提醒
- 15 - 30日：財務主管親自查詢 + 提供分期方案
- 超過30日：凍結新訂單 + 強制轉交收數公司

記住，有效追數唔係鬥兇狠，而係鬥策略。與其事後補鑊，不如建立預防機制（例如清晰付款條款 + 定期對賬），從源頭減少壞賬風險！

29/07/2025

喺Threads見到有人分享成功「收數」故事，覺得好吸引，心諗有個朋友爭緊自己幾萬蚊唔還，於是就主動聯絡「收數佬」。點知原來係騙局，俾人呃咗幾萬蚊前期費用，最後條數冇追到，仲隨時犯法。

香港收數公司雖然冇正式嘅發牌制度，但佢哋受多個機構間接監管，例如金管局同地監局，確保催收過程合法同道德。但正正因為收數俾公眾嘅固有印象屬於偏門，騙徒就乘機冒充收數公司呃人。

【騙徒犯案手法大揭秘】

講到收數騙案，騙徒通常喺社交平台如Threads、Instagram或Facebook開始佈局。佢哋會頻繁分享所謂嘅成功「收數」經歷，扮成專家同粉絲互動，建立信任。受害者多數係年輕人，大部份想追討私人欠款、投資欠款，就主動WhatsApp查詢騙徒。呢個時候，騙徒嘅WhatsApp只係「接案人」，會即刻轉介俾所謂「行動組」成員。行動組會報價，通常幾千蚊前期費用，即係「調查費」、「踩線費」等等，之後就好似正規收數公司咁從欠款拆賬，你要考慮？佢哋會狂Chur你。

一旦你同意，騙徒就要求你影低身份證同住址證明，要你將啲前期費用轉賬去一啲不明個人銀行戶口。為咗增加可信度，佢哋會安排「會計」出假Invoice，上面可能會冒充真實收數公司資料。如果你問佢哋同呢間公司嘅關係，佢哋會話自己係職員，甚至Send埋「委託合約」俾你簽。俾咗錢之後，騙徒會扮開始追收，叮囑你唔好聯絡欠債人。一至兩個星期後，佢哋又聲稱搵到欠債人，但要求你再俾幾萬蚊「看守費」，話要防止欠債人逃走。

你再俾錢之後，騙徒好快就會話收到全數，約你見面交收現金。但喺交收前一個鐘，佢哋會作故事話同事架車上有紅油同武器俾警方拉咗，欠款扣咗喺警署。然後會出一張冒充真實律師樓嘅授權書要你簽，話你授權嗰間律師樓「代表」去警署領錢，而嗰個「代表」都係假嘅。仲有，佢哋會出一張假嘅商業合約要你簽，話你向某公司訂產品，支付咗相當欠款金額嘅訂金，用嚟向警方證明係商業欠款。你簽完，佢哋會話同事要上庭，要你再俾多幾萬蚊出嚟，喺呢個時候醒覺已經太遲。

成個過程，你都冇見過真人，淨係可以WhatsApp Call（用正常電話打唔通，大部份「號碼已停用」），騙徒團隊分工合作，步步引你入局。唔係拍戲，現實就好多人中招。

----------------------------------------

盡早釐清問題所在，賬齡越短，成功追收率越高
請盡速聯絡我哋開始追收程序：+852 3996 7917
我哋嘅網頁：https://www.debt-hunter.com/

收數公司做法係點？喺香港搵收數公司要注意啲咩？
https://www.debt-hunter.com/blog/2023011301
#收數 #收數公司

----------------------------------------

【唔小心隨時誤墮法網？】

好多時受害人因為心急想收數，簽咗啲假文件，可能無意中涉嫌刑事罪行。如果你簽咗假授權書或商業合約，偽造文件去「證明」欠款係商業性質，呢個可能觸犯欺詐罪（《盜竊罪條例》第16A條）或製造虛假文書（《刑事罪行條例》第71條）。另外，騙徒要求你轉賬去一啲不明個人銀行戶口，呢啲行為可能涉嫌洗黑錢（《有組織及嚴重罪行條例》第25(1)條）或相關罪行。

更可怕係，你已經影低咗身份證同住址證明俾騙徒，如果騙徒亂咁用你嘅個人資料，可能用你名義借大耳窿，可能用你資料呃下一個受害人（曾有受害人喺另一單騙案變咗「律師樓代表」）。咁你覺得呢樣嘢有幾危險？會唔會即刻報警求助？

我哋見過好多受害者事後後悔，因為佢哋原本只想追返條數，點知收唔到仲變咗嫌疑犯。呢個部分想提醒大家，合法收數途徑有好多，例如搵正規收數公司，或者去小額錢債審裁處，亦都可以出律師信。保持警惕，先保護自己唔好誤墮法網。

【3招教你識別騙徒】

1. 查核公司背景：你可以Google公司名，睇下相關資料，核對一下你搵嗰位「收數專員」嘅電話係咪同公司官網相乎，或打去核實身份，提防假冒。亦都可以入去稅務易 > 查詢商業登記號碼，睇下呢間公司係咪有商業登記先。

2. 留意收費模式：正牌收數公司通常唔會收大筆前期費用，佢哋多數從成功追討嘅欠款抽佣金。如果你被要求轉賬俾個人戶口，又要俾「調查費」或「看守費」，九成係騙局。

3. 睇清楚文件先好簽：簽署任何文件前要睇清楚，唔好亂簽不明文件，因為騙徒提供嘅有機會係虛假文書，簽咗可能誤墮法網。

記住，合法途徑永遠係王道，唔好貪快中伏。保護自己，從今日開始，唔好俾騙徒有機可乘。

22/07/2025

【堅守誠信，嚴打假冒欺詐】

敬啟者：

近日，本公司察覺有不法分子（不限於「收數佬的故事」、「KK啟強追收」、「啟強中心」）假借Debt Hunter之名，從事欺詐活動，包括仿冒我們的WhatsApp帳號、Facebook粉絲專頁及聯絡方式，向公眾索取預付款項或提供虛假服務。這些人士抄襲我們的公開資料，並利用不明個人戶口要求轉賬，此等行徑公然違背法律，企圖損害客戶權益及行業聲譽。

我們在此鄭重宣告，對此類欺詐集團的陰險圖謀，我們將以鐵腕手段應對。這些不法之徒妄圖借用他人商譽斂財，卻暴露了其短視與愚昧。

為保障您的權益，請務必僅通過以下官方渠道聯絡Debt Hunter。我們從不使用不明個人戶口收款，並嚴格保密客戶資料。任何其他渠道均屬假冒，請提高警惕，切勿輕信。

官方網頁：https://www.debt-hunter.com
官方電郵：[email protected]
官方電話：+852 3996 7917
官方WhatsApp：+852 9503 1196
官方WeChat ID：debthunterhk
官方Facebook：https://www.facebook.com/DebtHunterHK
官方Instagram：https://www.instagram.com/DebtHunterHK
官方YouTube：https://www.youtube.com/

若您有任何疑問或察覺假冒跡象，請即時致電我們或通過官方WhatsApp查詢。

特此聲明。

Debt Hunter

21/07/2025

【澄清聲明】

敬啟者：

本公司近日再接獲多宗投訴，發現仿冒專頁，現嚴正聲明如下：

1. Facebook 專頁 "Debt Hunter 香港收數"（連結：https://www.facebook.com/profile.php?id=61578220088480）於 2025年7月16日創建，絕非本公司授權之官方頁面。

2. 聲稱代表本公司的電話號碼 +852 6505 1729 ，其使用者與本公司不存在任何僱傭或合作關係。

3. 該專頁盜用本公司商標及業務名稱，已構成：
- 惡意商譽侵害
- 虛假業務陳述
- 刑事詐騙嫌疑

鄭重提醒公眾，本公司：
- 從未透過WhatsApp頭像顯示商標進行追收
- 所有委託均須簽署書面協議
- 絕不會要求客戶轉賬至個人戶口

本公司已對此等惡意冒用行為保留追究法律責任的權利，並提醒公眾提高警惕，避免受騙。如有任何疑問，請透過本公司官方渠道與我們聯繫核實。

我們感謝大眾對此事的關注與支持，並將繼續努力維護本公司品牌聲譽。

本公司保留法律追究權利。

特此聲明。

Debt Hunter

14/07/2025

【澄清聲明】

敬啟者：

本公司近日接獲多宗投訴，有人以電話號碼 +852 4642 6759、+852 4626 3364 及 +852 5287 4850 註冊的 WhatsApp 賬號，冒用本公司品牌及名義進行活動。在此，我們鄭重聲明如下：

1. 以上電話並非本公司所屬之電話號碼，上述號碼的使用者與本公司毫無關聯。
2. 該等電話號碼所註冊的 WhatsApp 賬號，冒用本公司品牌及名義，包括盜用本公司名稱及Logo，其行為嚴重損害本公司聲譽。
3. 本公司重申，我們作為一家合法的收數公司，嚴格遵守相關法律和行業規範，並不會採取不正當或低劣的方式進行追討欠款。尤其是，我們絕不會使用本公司Logo作為WhatsApp頭像進行任何收數行為，請勿輕信。

本公司已對此等惡意冒用行為保留追究法律責任的權利，並提醒公眾提高警惕，避免受騙。如有任何疑問，請透過本公司官方渠道與我們聯繫核實。

我們感謝大眾對此事的關注與支持，並將繼續努力維護本公司品牌聲譽。

本公司保留法律追究權利。

特此聲明。

Debt Hunter

08/04/2025

條數終於好辛苦收返嚟，但班伙記成個禮拜淨係追數唔使開工，值得嗎？將啲時間同精神都放落班「賴皮狗」身上，同潛在新生意擦身而過，又值得嗎？當客仔間流傳嘅唔再係品牌口碑，而係你囈契弟求人俾錢嘅事蹟——今日就講一下，點解搵收數公司幫手咁重要。

【自己追數 = 自揭底牌？】

當你親自拎住張單拍門，個客第一反應唔係「對唔住」，而係「呢間公司係咪就執笠？」。收數佬上門就完全唔同反應——第三方公事公辦，客仔見到專業團隊反而會驚：「嘩！原來佢哋嚟真㗎！」
有間五金廠試過自己追20萬貨款，結果：

- 會計姐姐日日打電話變潑婦
- 司機送貨變「恐嚇」
- 拖足半年最後收得$20,000

搵收數公司？可能7日搞掂全數入袋，仲慳返兩個員工嘅戰鬥力。

【自己追數：原來你每日倒緊錢落海？】

1. 計時薪公式
追數專員時薪$50 vs 老細時薪$500
追10個鐘 = $500 vs $5,000
追10個鐘 × 20日 = $10,000 vs $100,000
「請人追數平過自己出手？呢條數你識唔識計？」

2. 機會成本
會計主任忙追數 = 冇人理應收帳
業務經理變催收專員 = 少接3單生意
「你估追數淨係蝕時間？蝕嘅係成盤生意！」

3. 爛帳雪球效應
拖1個月：收回率78%
拖半年：暴跌至32%
「早啲搵人幫手追，收多10萬——時間就係金錢」

----------------------------------------

盡早釐清問題所在，賬齡越短，成功追收率越高
請盡速聯絡我哋開始追收程序：+852 3996 7917
我哋嘅網頁：https://www.debt-hunter.com/

收數公司做法係點？喺香港搵收數公司要注意啲咩？
https://www.debt-hunter.com/blog/2023011301
#收數 #收數公司

----------------------------------------

【老細嘅生存法則】

「人哋去揼骨，你就去揼石；人哋抓龍筋，你就搬鋼筋」——呢個係無數老闆嘅血淚史。

當你仲喺度：
- 諗緊收數公司抽30%好貴
- 驚客仔會唔高興
- 覺得「下個月實找啦」

現實係：
- 30%夠請成隊追數專員跟足3個月
- 客仔驚收數佬多過驚你
- 拖多一個月隨時變廢紙

【聰明追數 = 保住商譽 + 保住現金流】

老細你今日有兩個選擇：
A. 繼續做免費「債務管理員」
B. 搵專業人士幫你追數兼教客仔做人

記住：你蝕緊嘅唔止係錢，係可以陪仔女睇戲嘅時間、可以接新單嘅機會、可以瞓得安樂嘅夜晚。下次見到收數公司報價單，問自己：「我嘅1小時值$500定$50？」做生意最貴嘅成本，永遠係老細嘅時間同精神——呢啲嘢，收數公司幫你慳到盡。

Address

觀塘道418號創紀之城五期16樓12B室
Kowloon

Telephone

+85239967917

Website

https://www.debt-hunter.com/

Alerts

Be the first to know and let us send you an email when 收數公司 posts news and promotions. Your email address will not be used for any other purpose, and you can unsubscribe at any time.

Want your business to be the top-listed Finance Company in Kowloon?