http://linkedin.com/in/caroline-ho-995476191

Comete, Unit 401, 4/F, AIA Tower, 734 King's Road, Quarry Bay, Hung-k'an (2026)

11/03/2024

保險人的內心世界——第三十四集
你有冇聽真說話的能耐？

由細到大
我哋都被教育——唔好講大話
但係從來冇人教過我地點去接受真心說話

最近
喺飛機度睇左「毒舌大狀」
原來呢個世界有D人係可以成個團隊教你去篇製大話
我有好深感受

我地其實真係每日都被謊言包圍
真真假假，有時真係連自己都呃埋
到呃埋自己
就連假話都變成真話

每年年頭
相信你地都會開會問下咩目標
好喇！問問下
你上線就會——啪！邊個想做MDRT! COT ! TOT!!
然後⋯⋯你！你！你！做乜唔舉手！點解唔想做！
點解唔commit!!!
喺呢個時候
「好！做！做！做！跑！」
呢一種群眾壓力式舉手
保險公司開會真係屢見不鮮

大部分leader 對耳只會open to ——想聽嘅答案
但係往往忽略左喺其他人嘅感受
或者作為一個leader
又可唔可以反思下自己
點解呢個同事冇信心？覺得自己冇能力？
你又有冇反思下
自己點解唔可以讓對方坦白？

喺各大成功學入面
都係話：將所有問題，當成自己問題嘅理論下
咁即係話
有時就係因為自己接受能力可以再濶D，強D
對方可以對自己坦白
咁你先真真正正帶佢去佢想去嘅地方
而唔係自己想佢去邊度

保險公司嘅上線
從來都唔俾報酬下線嘅人
你有能耐成為一個leader
係因為你可以令佢更識做生意
帶佢哋去更高嘅領域

你又有冇試過被舉手？
你PM我好喇
Comment 留言，一陣俾leader 見到就G G
🤣🤣交流下

01/03/2024

保險人的內心世界——第三十三集
我係你嘅財務醫生🤔

話說
今日聯合醫院發生左醫療事故
要開記者招待會交代事件
嗱！
好多同業們都會話自己係一個財務策劃嘅醫生
咁而家發生財務策劃事故
都要上東張西望架

當然
業內有好多好比醫者父母心嘅保險agent
但係相比發生醫療事故
財務策劃事故卻係每天都發生緊

其實我覺得
開錯單
殺傷力係唔會比
開錯藥
殺傷力低

一個係身體所受嘅痛苦
一個係心理上受嘅痛苦

嗱！有好多agent 成日都話要向上社交
成日出入D有錢佬地方
去認識D有錢人
咁但係D有錢人又做乜要向下社交呢？
嗱呢個我下次再講

但係
我哋就係成日都諗
勁有錢嗰啲人咪整張大大大單
一嘢搞掂乜乜T
好喇
到個勁勁有錢人可能淨係做張醫療保險
好少佣金嗰啲
心入面就會有好多聲音
覺得自己未挖到最深
etc….

當誠哥都係帶緊星晨錶
咁一個好有錢嘅人淨係做張醫療保險係咪真係好唔合理呢？

其實比起醫生
我覺得我哋更加似一個型像顧問
有時會襄成時裝災難
如果你用心去襯衫
王菲最近用 Longchamp 袋
咪都係咁有型

如果你可以剔除自己雜念
人人都可以係Titi Kwan

29/02/2024

保險人的内心世界——第三十二集
自動吸客體質？🤔

話說
我有位同事
佢都cold call 好叻㗎
不過！佢set 左個目標
就係想做多D warm 🤭
佢喺cold call 都遇到唔少質素好好嘅客
佢成日都好想將呢D客要變成warm

我打個比喻
其實我覺得佢好似玩緊Tinder🤣
Match 到，出到嚟有feel
玩一兩次就冇下文
🤣🤣🤣🤣🤣🤣🤣🤣
但係偏偏條友想搵長遠關系

首先
我自己覺得呢個比喻打得幾好
如果你都覺可以㩒個like 比我
當鼓勵下D我的幽默

即係話，其實呢位同事
當佢追求到「數量」
而家更想追求「質量」
即係話，呢位玩Tinder閱女無數既少男
想落葉歸根，安定落嚟
但係發現自己唔識點同女仔安定相處
或者佢根本唔明，鍾意安穩嘅女仔需要D乜

其實有時，我地日日見客
坐喺你對面呢位客人
點解唔想同自己有長遠合作關係呢？
又或者自己做左D乜令呢段關係成為過眼雲煙
點樣可以at least 做到一個人地成日都諗起你
或者再想見到你嘅人？

如果去到呢度
你以為我會講D老生常談
乜乜乜好好了解你個客呀
問問題呀
去上課程呀
咁你就錯喇！
🤣🤣🤣🤣🤣
因為呢個世界有咁多億人
我覺得同人相處根本上係冇公式
在乎於你有冇「心」

同埋，首先要接受自己唔係同世界上每個人都夾
當然有D人本身天生就係人緣好
但係搵長期穩定客戶
同搵令一半一樣
無非都係——你喜歡我，我都喜歡你！

所以最重要係
知道自己係咩人
知道自己想搵咩人！

希望各位同業可以早日領略
早日脫離保險界Tinder
日日有referral

比起日日有closing
我更喜歡日日有opening

廣結善緣真係好重要❤️

23/10/2023

保險人的內心世界——第三十一集

吸客系統的迷思？

近呢兩年「吸客系統」呢幾個字係非常吸睛！
相信大家都唔會有異議
其實反觀返呢件事
到底搵新客真係好難？
定係保險agent唔鍾意搵客？
定係啲客唔鍾意你搵佢？

只要建立好一個攞referral嘅方法
你就係你自己嘅吸客系統

其實成件事係好簡單
只係咁啱佢哋講開保險，有諗起你
當然，佢同你相處得開心
或者同你傾保險傾得好好
佢覺得好舒服
或者往後嘅服務真係好滿意
佢會更加願意去介紹你出去

其實人係好鍾意介紹嘢出去
YouTube Channel都係介紹化妝品，嘢食，買嘢
人係好鍾意介紹
亦都好鍾意有人會鍾意自己介紹嘅嘢

你朋友想去食自助餐嘅時候
你會同佢講上次去邊度食自助餐幾好食／抵唔抵食
你朋友同佢啲friend講開保險嘅時候
佢就好自然會介紹你出去

亦都好現實地
有時我哋真係要追目標嘅時候
都會開口去問
但呢一個時候
你係咪一個喺佢心目中值得幫你一把嘅人？

這是一個我們值得深思的問題
歡迎你PM我交流一下！

18/09/2023

保險人的內心世界——第三十集

「世界與你無關」

經過三年的疫情
唔可以出街，唔可以出街食飯
好彩地沒有打倒我哋
經歷左呢三年
好彩地有一班無論高高底底
都會用最適合我嘅方法去陪伴我

同「自己」相處時間多咗
我意識到
現今社會，出嚟做嘢
追求嘅嘢唔同左
有陣時可能就係一種「同行」嘅感覺

可能你身邊都會有一個人事業有成
TOT Blah blah blah 日日請緊人

世界上沒有最成功
我唯一關心嘅係：你可以令我去到幾成功？
或者我未係最成功
不過可能我識得用適合你嘅方法
去陪你行
保險策劃，事業跑道上

如果你都想感受一下
所有Achievement 都有你喺入面
我不是歡迎你加入我的團隊
而是加入「我們」的團隊
世界從此與你有關🤭

04/09/2023

保險人的內心世界——第二十九集

「一幅深刻嘅畫面」

唔知大家有冇一個畫面
嗰個畫面係你以為再睇返
你仍然都會有好深感受？

呢一張相，係其中一個我好深刻嘅畫面
係呀！上海落雪，仲要係雨雪
其實四五年前，我成日以為上海氣候同香港差唔多
當時好想開發上海嘅市場
所以久唔久就會上去碰下運氣

我仲好記得
訂咗一間好慳錢嘅酒店
Check in 完，落去好求其食左一肉夾膜
就開始去搵D朋友
我開頭以為，地上有小小積雪
即係地面唔係好凍啦
點知原來唔係咁玩法
又雪又雨
係好凍！
仲要未識用APP call車⋯⋯
我行左好遠好遠去搭地鐵
同朋友食完飯之後
返到酒店就發燒🤣
我將所有衫著曬上身，先可以瞓到
我仲好記得當時我帶住嗰本書
「The Magic Of Thinking BIG」
我知道每一個同業都有一個只有自己先最深感受嘅
耕耘期
唔知你又有冇一個每次都會令你好深感受嘅畫面？

30/08/2023

保險人的內心世界——第二十八集

「心靈健康，可以吃下更多智慧」

最近完成咗兩件事
滿足感滿滿
心靈健康達到五粒星🔥
有興趣知道
歡迎你私訊我
同你分享吓
如果你擔心轉會
會令到你嘅客戶變成孤兒單
你更加要PM我
可能會刷新左你嘅認知

滿足了心靈之後
呢期又想學下啲新嘅銷售模式及策略
發現原來已經進入咗數碼世代咁耐
呢幾年要做top sales
已經要不停咁改變進步

今日同一位Buddy 檢視下最近嘅自己
一輪互相鞭策之後
再睇吓枱面，今日收到訂咗嘅書
好似冥冥中有一啲主宰
提示你要快啲睇晒呢炸嘢

只要你可以擴大自己嘅盛載空間
呢個宇宙就會比更多嘅嘢你

29/08/2023

保險人的內心世界——第二十七集

「好鍾意幫人？」

呢句嘢
其實好似Just do it 咁
一見到就會諗起Nike
一見到：幫到人又幫到自己
彷彿已經變咗保險業口號

但係其實諗深一層
有邊個行業唔係又幫到人又幫到自己？
例如：的士司機每日都送你去你想去嘅地方
而同時佢都賺取咗收入
打工嘅人，其實都為佢哋嘅老闆嘅夢想
付出努力，成就左他人，然後再賺取自己嘅收入

咁好啦，如果有人向你請教
你以為咁樣係單向嘅付出？
純粹係伸出援手？
咁就大錯特錯
其實你每答一個問題
都係鞏固緊你喺呢一方面嘅知識
有時候
向你討教嘅人
並唔係蠢過自己
而係呢一個人覺得你可以幫佢解決呢個問題

我哋經常都話：
好問題。建立好關係。
大概就係呢一種火花

如果細心一啲去睇呢件事
向你提問嘅人
其實係比緊一個機會你去了解佢唔明白啲乜嘢
所以好好感激與不同的人一齊學習成長嘅機會

平時你有冇透過問題去了解你嘅客戶？
歡迎PM分享

28/08/2023

保險人的內心世界——第二十七集

「那些陪伴我達到MDRT的Americano」

又差唔多到最後一季喇！
我建議你可以喺呢個page 碌到最前
呢個page 嘅最前
喺呢個page嘅起源係鼓勵大家可以咬實牙關
珍惜最後達到MDRT嘅十幾日

第一年入行
差好鬼遠
我仲好記得係2017年12月31號
我坐喺太古坊Simply life
我知道自己做唔到
好唔開心
嗰杯Americano嘅味道
我仍然好記得
我同自己講
我要記住呢一刻嘅苦

去到第二年
我每日早餐都會飲一杯Americano
去提醒自己呢種「苦」

每一個唔夠瞓嘅早上
飲完杯Americano
同自己講一句：我十年後一定會多謝今日嘅自己

今天，我已經可以每朝比多$4
飲Cold Brew
我會多謝五年前的自己
然後都繼續會講：十年後我都會多謝今日嘅自己

你朝早有冇D自我對話？
歡迎你同我分享😍

26/08/2023

保險人的內心世界——第二十六集

「身邊的小天使」

三年前
疫情來臨的歷史一刻
上天派左一個小天使嚟我屋企
佢就係我個姨甥女

嗰一日，作為阿姨嘅我
表示非常深刻
當時正處於疫情襲擊香港頭幾日
我仲記得係年三十晚
我求個護士俾你出院
過你人生第一個農曆新年

之後我哋屋企就起左驚天大變化
有時你會蝦公公婆婆
有時你會蝦我叫我做鼻屎姨姨
有時你會激到你阿媽（我家姐）扎扎跳
有時見到你貼到週圍貼紙
仲有畫牆🙄

我亦學會左每個小朋友性格都有佢獨特性
我哋全家人都不停學習點樣陪伴你成長
點樣了解你多啲

其實對我嘅啟示左D咩呢？

有一位朋友
佢個女，由細到大都名校
到大個左仲去英國讀大學
諗住鋪好條路
但係佢竟然話：
「其實我唔應該要佢成為我想佢成為嘅人」
「我寧願要呢二十幾年，同佢有更多開心嘅回憶」
因為過去，佢認為讀書應該點，都強硬地加諸喺佢小朋友身上。錯過左好多本來可以有更好嘅回憶

呢個故事，我佢相信日後回想起呢啲逼迫做功課，溫書，其實都係某種可愛嘅回憶

正如我哋選擇保險團隊
你會唔會都想選擇一個會耐心明白你心中嘅成功
幫助你心入面得到想要嘅嘢呢？

三十五集之前
最佳留言
可獲贈「快思慢想」乙本
See You !
期待出嚟同你飲杯咖啡傾吓你嘅保險生涯

25/08/2023

保險人的内心世界——第二十五集

「我的智者朋友」

話說最近去左廣州湊下熱鬧
去左學滑雪
我領略到2件事
同一位好耐冇見嘅朋友一齊去
喺漫長嘅巴士途中
咁梗係傾偈啦

我問佢：你記唔記得六年前你叫我多D幫人呀？
😱：你竟然記得呀？
😏：係呀！我真係有咁做呀！
😱：咁你會越嚟越好運！

個原理就係，透過幫助人，其實係為自己消除左D「孽」
所以其實被你幫忙過的每一位都係你嘅小天使
令你嘅世界快樂地，幸福地運轉。

另一樣嘢就係
我book 左2個鐘滑雪教練
去到第二個鐘，我不停失平衡跌倒
教練話：你而家先係真正學習緊！
（頭一個鐘係咁扯住佢🤣BTW佢D馬扎得好穩，教得好好，冇嫌棄我🤣）

人生就係咁，在不停地跌跌撞撞中搵到自己的平衡！

23/08/2023

保險人的內心世界——第二十四集

「如何使用多巴胺？」

有冇試過有一啲一閃而過嘅念頭
例如學一個語言，或者完成一個目標？
點解往往都係得個諗字？
係咪唔識點利用自己嘅動機？
到底點先可以將自己嘅「動機」轉化為「行動」？

唔知大家有冇聽過一啲成功人仕嘅故事？
Steve Jobs 曾經好窮
李嘉誠以前係穿膠花
從前卑微嘅佢地
係點樣打造左一個無堅不摧嘅完美基礎比佢哋自己？
原來係因為：
由最低層開始，幾乎創造左無限享受的小小成功的機會！
所以啟動你動機嘅密碼：小小成功

當我地見到自己有進步嘅時候分泌出嚟嘅多巴胺！

如果你都想要持之以恆嘅動力
每日review 自己
睇吓自己有乜嘢做得好過琴日丫！

Comete

11/03/2024

01/03/2024

29/02/2024

23/10/2023

18/09/2023

04/09/2023

30/08/2023

29/08/2023

28/08/2023

26/08/2023

25/08/2023

23/08/2023

Address

Telephone

Website

Alerts

Contact The Business

Shortcuts

Share

Category