17/03/2022
大家加油! 💪💪
【為抗疫再出一分力！全面支援接載患有疾病嘅確診者之「抗疫的士」司機】
第五波確診數字仍然高企，患有其他疾病嘅確診者，更需要安全嘅方式往返其住所同政府醫院或指定診所覆診或接受治療！AXA安盛全力支援的士業界，即日起為 XAB的士車隊負責接載有需要覆診或接受治療嘅確診者之「抗疫的士」司機，提供免費保障，為的士司機打氣，更令佢地可以安心投入抗疫工作！
由即日至6月13日，參加咗呢個指定「抗疫的士」計劃嘅司機，如不幸確診將免費獲得「確診現金保障」、「確診住院現金保障」及「因新型冠狀病毒病身故賠償」，當中確診住院現金保障更涵蓋合資格嘅確診者隔離設施，減輕一旦確診而帶來嘅經濟負擔。
接載患有疾病嘅確診者之「抗疫的士」司機保障計劃內容如下：
1️⃣確診現金保障（一筆過）：5,000港元
2️⃣確診住院現金保障（涵蓋合資格之新型冠狀病毒病確診者隔離設施）：每天500港元（最多14天）
3️⃣因新型冠狀病毒病身故賠償：100,000港元
是次保障計劃適用於XAB指定車隊，受條款及細則約束。
