28/10/2021
|🤩8個最強慳錢絕招大公開！|
點解可以慳到錢？唔做月光族？其實就好靠決心坐言起行，再配合下我哋教你個方法，跟住做🥳🥳好快就會儲到人生之中嘅第一桶金❣️
1️⃣返工帶飯
- 如果屋企可以幫手準備飯/自己有時間準備，一定要帶飯！因為有兩個好處：1. 可以整自己鍾意嘅菜，健康D😆 2. 可以慳到好多錢，假設出邊食一餐$50，一個月返24日，咁就慳到$1200，一年慳$14400！！
2️⃣其他飲品代替咖啡/手搖
- 現時都市人返工放假都鍾意一日一杯咖啡/手搖，每杯平均$40，其實飲得多都唔太健康，如果戒呢個習慣，每個月慳到$960，唔想咁極端，可以買其他飲品代替$10內，原來一個月都慳到$720。
3️⃣購物前先三思
我哋買嘢真係會好容易，因為有信用卡，因為購物慾會控制我哋，造成過分消費，甚至造成浪費，所以買之前先諗返個問題：
1. 呢樣嘢係咪必需品？
2. 有冇迫切性？
3. 自己經濟係咪負荷到？
呢三個問題會幫助我哋理性消費！
4️⃣每月自動轉賬
- 想要成功儲到錢，必須要狠心同決心，我哋可以去銀行設立自動轉賬，一出糧就轉30%人工去儲蓄戶口，然後剪卡，咁就唔會用到入邊啲錢，迫自己儲錢！
5️⃣善用信用卡積分
- 好多人都話唔好用信用卡，但如果係理性消費，信用卡可以幫助到我哋好多問題，包括大額金額帶黎既方便。首先我哋要取消多餘嘅信用卡，以減低年費支出；其次係我哋一啲必需品例如水、電、煤、租都可以用信用卡支付，入邊儲到嘅積分可以換Couple / Cash Rebate，小數怕長計，一年可以換到幾百-千蚊discount😆但最緊要懂得節制！
6️⃣檢查月結單
- 好多人都冇檢查月結單習慣，但往往魔鬼在細節，因為好多無形嘅支出就會喺月結單上顯示，而某啲嘅支出係我哋都唔察覺，甚至乎忘記咗；例如一啲嘅會籍、分期支付、訂閱等等，檢查係咪需要，如果冇需要就取消咗佢！
7️⃣限制支出
- 想要唔洗突錢？只要限制自己金額支出就可以，每個月先儲錢之外，只留一筆約人工30%支出比自己用，如果洗爆咗唔可以洗儲蓄戶口啲錢，咁樣可以令到自己更加慳錢，小心用錢，諗更加多方法去節流同開源！
8️⃣改變社交習慣
- 現時社交多姿多彩，好多唔同嘅高消費活動，如果你嘅社交圈子係屬於高消費咁你就要小心，因為人哋唔能夠消費唔代表自己能夠負荷到，適量控制娛樂同社交，節省額外支出，又或者可以更改一啲唔同嘅興趣同社交，一樣可以擴闊圈子同慳錢👍🏻
其實仲有好多方法可以慳到錢，不過都係果句，你想將來慳到錢定係而家慳到錢？諗係唔會令到我哋多左錢，最緊要係「行動」‼️依家就行動啦😎
#香港女生 #香港男生 不是 #情侶 #日常 #理財 #投資 #投資理財 #錢 #儲錢 #管理 #霸道理財 #財務自由 #自由 #正能量 #搞笑 #開心 #香港🇭🇰 #香港 #香港旅遊 #打工 #儲蓄 #儲蓄方法 #消費 #理性消費 #有錢人 #慳錢 #財富 #致富 #潛力 #月光族
