https://www.facebook.com/104520338418113/

按揭達人 Mortgage Master

Home
Hong Kong
Hong Kong
按揭達人 Mortgage Master

按揭達人為客戶提供免費的按揭貸款轉介服務，包括安排銀行為客戶提供物? 我們的專業按揭顧問團隊有著豐富的行業經驗，同時亦掌握著最新的按揭市場資訊，因此我們能充分了解客戶的不同財務需要或投資策略，針對個人需要推介最合適的按揭貸款計劃。

透過按揭達人轉介，您可同時掌握多家銀行及財務機構的按揭計劃及最新優惠詳情。

20/07/2021

【⚠️ 全城至抵回贈注意 ⚠️】按揭達人為您行多步 💯♥️

睇睇其他銀行/按揭中心同按揭達人嘅優惠啦：

1️⃣ 匯豐 / 中銀 / 恆生 > 4M Loan size

💥 HSBC：H+1.3%~H+1.31% cap P-2.5% = 2.5%
1% cash rebate
💥 中銀：H+1.3% cap P-2.5% = 2.5%
1% cash rebate
💥 恆生：H+1.3% cap P-2.5% =2.5%
1% cash rebate

✨ 按揭達人提供獎賞 0.1% + $1,000 現金 ✨

2️⃣ BEA > 4M 新買 + 按保
H+1.3% cap P-2.75% =2.5%

✨ 按揭達人提供獎賞 0.35% + $500 現金 ✨

3️⃣ 渣打 > 4M
H+1.3% cap P-2.75% =2.5%
0.8%-1% cash rebate

✨ 按揭達人提供獎賞 0.1% + $1,000 現金 ✨

4️⃣ ICBC > 4M loan size
H+1.3% cap p-2.75% = 2.5%
1% cash rebate

✨ 按揭達人提供獎賞 0.18% + $500 現金 ✨

😍 按揭達人為各位客戶行多一步，提供 0.23% 回贈 + $500 😍

#全城至抵回贈 #為您行多步
#按揭達人 #按揭 #首按 #二按

05/07/2021

大家可能以前都有聽過村屋冇得按揭呢樣野，但其實村屋係可以按揭，唔洗一炮過俾曬嫁🏡🏡🏡！
不過村屋按揭相對都有返一啲限制，例如正常私樓可以按到9成，政府資助房屋可以高達9成半添，但係村屋800萬以下最高只能做到八成半按揭，800萬至900萬最高只能做到八成至八成半，所以首期可能就要多少少喇🤏🏻。
不過村屋而家相對較市區樓平，作為上車盤都係一個唔錯嘅選擇👍🏼👍🏼。

#樓宇 #按揭 #樓宇按揭 #借錢 #村屋 #村屋按揭 #全費

04/07/2021

吓😱😱😱!!?乜信貸評級咁重要㗎!!?咁點先可以去提升返個評級呀😨？

1️⃣準時還錢🕙
天字第一號重要！！因為所有嘅信貸評級最緊要就係呢樣，人地最緊要就係睇你有冇還錢同有冇準時還錢，所以無論你係供緊樓🏠、車🚙，定係信用卡交卡數💳，都要準時交返，因為就算你遲一日交個評級都會有紀錄，仲要一留留足5️⃣年，所以一定一定要切記準時交數❗

2️⃣唔好短期內借太多借貸，或者開太多信用卡💳
因為如果個信貸報告見到你短期內借好多錢💰，有可能俾銀行或者借貸人見到呢啲紀錄會覺得你呢一排需要好多錢，ie.呢排唔多掂，財政有可能
唔穩健，未能如期還款嘅風險高左💸💸，有可能就會調低你信貸評級或者係用一個高啲嘅利率借錢俾你嫁喇💸💸所以就算其實你唔係咁需要錢，其實係貪啲卡嘅申請優惠都唔好亂咁嚟🙅🏻‍♂️。但係完全唔申請信用卡唔借錢又唔得喎，因為你完全唔借就姐係冇reference 睇，對佢地嚟講風險一樣唔細🥀。

3️⃣合理分配使用信貸額💳
因為你使用嘅信貸額度都係會直接影響評級嘅。舉個例，如果你成世淨係得一張信用卡💳，個信用額係10000蚊，你而家用左8000蚊，你就
姐係用左你自己嘅80%信用額，which is 十分之危險。因為通常建議用嘅信用額唔好多過上限嘅50%，最好就係35%或以下。你有兩個做法：一係一炮過清曬條數，一係可以試吓申請多張卡去加返大自己嘅信貸額上限💳💳。假設你申請多一張信用額10000蚊嘅信用卡💳，咁你個信貸額咪即刻變左用左40%而唔係80%📈，因為個基數由10000升左做20000蚊。呢一個方法係可以幫你刷返嘅條數，但係都要切記唔好整太多張卡同埋準時還款，如果唔係就會踩中上面兩個陷阱嫁喇😨！

#樓宇 #按揭 #樓宇按揭 #信貸評級 #信貸額 #借錢 #利率 #提升 #還錢

03/07/2021

【按揭達人小教室👨🏻‍🏫--信貸評級篇】

之前有講過信貸評級，不如我地又講吓咩係信貸評級啦🅰️。
信貸評級係一個公開對你嘅信用嘅評分，信貸資料庫會追蹤你嘅個人資料👦🏻、信貸賬戶資料💳（包括當前嘅信貸使用情況及還款記錄）、公開記錄（如有關債務追討嘅訴訟、破產及清盤呈請），並列出最近兩年曾審閱你嘅信貸報告成員，主要係由你唔同嘅借貸同還款紀錄去決定你呢個人可唔可信，會唔會遲還款🕙，唔還🙅🏻‍♂️，甚至係破產🔨。而呢個紀錄係所有借錢俾你嘅機構都會睇，而佢嘅評級係由A-J。咁究竟用嚟做咩嘅呢？呢個評級除左決定借唔儲同借幾多俾你之外，仲會因應你嘅評級去決定你借錢嘅利率，A級可以低至5%，J級可以高達45%嫁😨！

#買樓 #借錢 #信貸 #信貸額 #樓宇按揭 #按揭 #樓宇 #利率 #利息 #信貸評級

02/07/2021

【按揭達人小教室👨🏻‍🏫--擔保篇(4)】

既然做擔保有咁多唔好處，咁點解仲會有人肯做擔保呢？
之前幾篇都有提過，而家政府出左樓市辣招🥵，如果你名下本身就有一層樓嘅話，你有機會要俾幾成嘅印花稅俾政府💸。而通常用擔保人方式供樓嘅會係兩公婆，佢地想有多過一個物業但又唔想俾咁多稅，而佢地本身都係一齊供樓，甚至有聯名戶口，咁本身如果兩個都身家清白，姐係收入穩定同信貸評級正正常常嘅，就有可能用呢個方法去供樓，交少啲稅，之後先再加返個名上去。

#買樓 #借錢 #信貸 #擔保 #按揭 #樓宇按揭 #信貸額 #樓宇 #印花稅 #稅務

01/07/2021

【按揭達人小教室👨🏻‍🏫--擔保篇(3)】

擔保條數點計嫁🧮？
如果有擔保人嘅話，個按揭成數嘅計算係會將擔保人嘅信貸評級同信用額同借貸人加埋一齊去計嘅。簡單啲嚟講，如果你本身入息$10000蚊一個月，現時政策嚟講你一個月可以供嘅錢唔可以多過$5000蚊，但如果你有個人幫你做擔保，佢都係月入$10000, 咁銀行就會用月入$20000呢個基數去睇借唔借俾你，同時將兩個人嘅信貸評級都合併考慮。

而借出嚟嘅成數，銀行會因為你用左擔保人而下調一成。姐係未用高成數按揭保險之前嘅上限係6成，你而家最多只可以借到5成。如果你想用高成數按揭保險借多啲，你最多都係只可以借到8成，而且做你擔保嘅人必須係同你同住嘅直系親屬，審核會非常之嚴謹。而且，如果借貸人供款拖欠還款，擔保人嘅信貸評級都會受到影響📉。

#買樓 #借錢 #信貸 #擔保 #信貸評級 #按揭 #樓宇按揭 #保險 #壓力測試

30/06/2021

【按揭達人小教室👨🏻‍🏫--擔保篇(2)】

咁做擔保人又係咪真係就咁簽個字就叫擔保左呢📜？
就肯定唔係嘅。其實做擔保人有好大嘅代價要付返。因為你係佢嘅擔保人，所以其實如果借貸人本人還唔到個款項，其實就會變左做你去孭條數💰。而且，假設你自己都有層樓想做按揭嘅話，佢計你本人嘅信貸額嘅時候，如果你做左人地嘅擔保人，你幫佢頂嗰條數嘅信貸額係會直接扣落你自己度。舉個例子，你本身可以負擔按揭500萬嘅樓，如果你近親搵左你做擔保人，去擔保佢100萬嘅按揭，咁到你自己做按揭嘅時候銀行會扣返，話你剩係負擔到400萬嘅樓。所以大家做擔保人嘅時候都要諗清楚呀🤔

#買樓 #借錢 #擔保 #按揭 #樓宇按揭 #還款 #壓力測試 #信貸 #信貸額

29/06/2021

【按揭達人小教室👨🏻‍🏫--擔保篇】

今日會同大家講吓咩係擔保👨🏻‍🏫。所謂擔保就係當買家本人嘅財力不足以應付物業按揭時，會依靠另一位較具財政實力人士協助擔保上會，俾佢可以成功做到按揭去買樓。因為之前有講過，做按揭係要做壓力測試嘅，如果加完壓測嘅錢過左你嘅收入某一個比率呢，銀行就會批少啲甚至唔批按揭俾你🏠。所以就會用一個過到壓測嘅人去保證你供得起咁。而一般嘅按揭擔保人同申請人須為近親關係，未婚夫婦亦可以當作近親，但要向銀行作出聲明。同時，當借款人沒有能力履行債務責任，即是未能還款時，「擔保人」就要承擔其還款責任🪨。

#買樓 #按揭 #樓宇按揭 #擔保 #借錢 #還款 #壓力測試

28/06/2021

【按揭達人小教室👨🏻‍🏫--補地價篇(2)】

上篇講左咩係補地價啦，咁補係點補法嘅呢？🤔
呢度有條簡單算式俾大家參考吓：
補價 = 補價時之市值 x [(購入時之十足市值－購入時樓價) / 購入時之十足市值] x 100%
簡單啲嚟講，其實政府每次賣資助房屋嘅時候都會公佈個折扣率，而呢個樓價折扣率大部分時間就係個地價嘅價錢。你要補地價就係將你而家層樓個市值乘返政府俾你個折扣率就得嫁喇😀👍🏼

#按揭 #買樓 #樓宇 #按揭 #政府 #資助房屋 #綠置居 #綠表 #白表 #公屋 #買賣 #補地價

27/06/2021

【按揭達人小教室👨🏻‍🏫--補地價篇】

上次有提過補地價，咁究竟咩係補地價呢？💲💲
眾所周知其實買塊地返嚟係要錢嘅，姐係啲政府賣地有時幾多十億成交之類。咁唔同嘅土地用途會令到同一塊地有唔同嘅價值。而如果你個地轉左用途之後令到塊地嘅價值升左，你係要補返啲錢俾政府去補償佢用低價賣地俾你嘅損失嘅。咁但係資助房屋塊地本身就係政府嘅，而佢起出嚟嘅房屋就會免左個地價等一啲冇咁有錢嘅人都可以有得買樓置業。📉💲💲

#按揭 #買樓 #樓宇 #按揭 #政府 #資助房屋 #綠置居 #綠表 #白表 #公屋 #買賣 #補地價

26/06/2021

【按揭達人小教室👨🏻‍🏫--綠置居買賣篇】

上次有講到綠置居🏡按揭，今次講埋綠置居買賣啦🤓
上次都有講到其實綠置居係屬於政府嘅資助房屋，所以如果你買完又想出售或者轉讓都有好多限制嫁！今日我地就嚟講吓啲限制啦！🙅🏻‍♂️

如果你想買入綠置居兩年內賣返出去，你就要申請將單位賣俾房委會。房委會唔會回購單位，但係會認可你去搵啲買家返嚟提名佢地做買家。如果你最後喺6個月內都係搵唔到買家，又或者提名成功後4個月內都轉讓唔到層樓，你就可以補完地價再去公開市場賣樓，或者再申請過個提名。留意返，你賣出嘅價只可以係你買入嘅價，呢個階段賣都冇得賺。🙅🏻‍♂️

如果係3-5年內你想賣，你可以喺居屋第二市場自己出價賣個單位予房委會提名嘅綠表購買資格證明書持有人。又或者可以好似上面咁樣賣俾房委會，但今次可能有得賺，因為個售價會參考現時市值再按比率咁折扣完先再賣俾個新買家。🙆🏻‍♂️

如果過左5年期限，你只需要補返個地價就可以公開市場賣走個單位。唔想補地價就可以喺公屋第二市場自由買賣個單位而唔洗經政府。🙆🏻‍♂️🙆🏻‍♂️🙆🏻‍♂️

#按揭 #買樓 #樓宇 #按揭 #政府 #資助房屋 #綠置居 #綠表 #白表 #公屋 #買賣

Address

九龍馬頭圍道39號紅磡商業中心A座12樓1211B室
Hong Kong

Telephone

+85290685642

Website

facebook.com

Alerts

Be the first to know and let us send you an email when 按揭達人 Mortgage Master posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 按揭達人 Mortgage Master:

Shortcuts

Want your business to be the top-listed Finance Company in Hong Kong?