04/11/2025
საჯარო მიმართვა საბანკო ანგარიშების აღდგენაზე!
შპს "სფერო ინვესტმა" საჯაროდ განაცხადა, რომ 2025 წლის ივლისის თვეში მას საბანკო ანგარიშებზე წვდომა შეუზღუდა "თიბისი ბანკმა", ბანკის შიდა პოლიტიკიდან გამომდინარე (ყოველგვარი მიზეზისა და საფუძვლის დასახელების გარეშე). "სფერო ინვესტს" არ აქვს / არ ქონია სესხი არცერთ ბანკში.
ბანკის მიერ კომპანიის ფულადი მიმოქცევის შეზღუდვამ გამოიწვია შეუქცევადი პროცესები კომპანიისთვის, რაც საბოლოოდ აზარალებს როგორც "სფერო ინვესტის" სხვადასხვა პროდუქტებით მოსარგებლე მოქალაქეებს, ასევე კომპანიას.
მივმართავთ საქართველოს ეროვნულ ბანკს და "თიბისი ბანკს", დაუყოვნებლივ აღუდგინოს წვდომა "სფერო ინვესტს" საბანკო ანგარიშებზე და მისცეს ფინანსური ტრანზაქციების შესრულების შესაძლებლობა. წინააღმდეგ შემთხვევაში, "სფერო ინვესტი" იძულებული იქნება დაიწყოს სამართლებრივი დავები ბანკის წინააღმდეგ ეროვნულ და საერთაშორისო დონეზე, მათ შორის, ინფორმაციის მიწოდებით საერთაშორისო ფინანსური ინსტიტუტებისათვის, რაც დააზარალებს ქვეყნის საფინანსო სექტორს და შეამცირებს ნდობას ქართული ბანკების მიმართ.
იმედს ვიტოვებთ, ბანკები გააცნობიერებენ და გულისხმიერებით მოეკიდებიან ჩვენ მოთხოვნას!
"სფერო ინვესტის" ადმინისტრაცია.
