28/05/2026
სტანდარტ ფინანსის მენეჯმენტი დაესწრო Microfinance Centre-ის 28-ე ყოველწლიურ კონფერენციას, რომელიც 19-21 მაისს ალბანეთში, ქალაქ დურესში გაიმართა, ალბანეთის ეროვნული ბანკის მხარდაჭერით.
Microfinance Centre წარმოადგენს საერთაშორისო სოციალური ფინანსების ერთ-ერთ წამყვან ქსელს, რომელიც ევროპის და ცენტრალური აზიის მასშტაბით 140-ზე მეტ ორგანიზაციას აერთიანებს. წლევანდელ ფორუმში მონაწილეობდა 46 ქვეყნის 500-ზე მეტი წარმომადგენელი.
კონფერენციის მთავარი თემები იყო თანამედროვე ფინანსური სექტორისთვის განსაკუთრებით მნიშვნელოვანი მიმართულებები - კლიმატის ცვლილება, დიჯიტალიზაცია, ხელოვნური ინტელექტის ინტეგრაცია, მდგრადი დაკრედიტება და მწვანე დაფინანსება.
სამუშაო პანელებზე განხილული იყო მიკროსაფინანსო სექტორის განვითარების ახალი ხედვები, საერთაშორისო პრაქტიკა და ის გამოწვევები, რომლის წინაშეც თანამედროვე ფინანსური ინსტიტუტები დგანან.
სტანდარტ ფინანსისთვის მსგავსი საერთაშორისო პლატფორმებში მონაწილეობა მნიშვნელოვანია არა მხოლოდ გამოცდილების გაზიარებისთვის, არამედ თანამედროვე ფინანსური ტენდენციების აქტიურად გაზიარებისა და პროფესიული განვითარების მიმართულებით.
კომპანიის მონაწილეობა კიდევ ერთხელ უსვამს ხაზს სტანდარტ ფინანსის სტრატეგიულ მიზანს - იყოს განვითარებაზე ორიენტირებული, თანამედროვე ფინანსურ პროცესებში აქტიურად ჩართული და საერთაშორისო გამოცდილებაზე დაფუძნებული ორგანიზაცია.
