Desta Group

11/09/2026

🌼✨ ርሑስ ሓዱሽ ዓመት 2019 ዓ.ም! ✨🌼

እንቋዕ ካብ ዘመነ ማርቆስ ናብ ዘመነ ሉቃስ ብሰላም ኣብፅሐና፣ ኣብፅሐኹም! ❤️

ንክቡራት ዓማውልና፣ መሻርኽቲ ስራሕናን መላእ ህዝብናን፣ ሓዱሽ ዓመት 2019 ዓ/ም ዓመተ ሰላም፣ ፍቕሪ፣ ሓጎስ፣ ምዕባለ ክኾነልና ንምነ። 🙏✨

🏨 ደስታ ቢዝነስ ግሩፕ | ደስታ ሆቴልን ቱሪዝምን

ኣብ ሓዱሽ ዓመት 2019 እውን ከም ወትሩ፣ ጽሬት፣ ምቾትን ስሉጥን ኣገልግሎትን ተመክሮን ብምቕራብ ንኽቡራት ዓማውልናን በጻሕትናን ብልዑል ክብሪ ክንቕበል ኢና።

🌿 ሓዱሽ ዓመት፣ ሓዱሽ ተስፋ፣ ሓዱሽ ተመክሮ!

🌼 ርሑስ በዓል ቅዱስ ዮሃንስን ሓዱሽ ዓመት 2019 ዓ/ም! 🌼

🏨 ደስታ ቢዝነስ ግሩፕ | ደስታ ሆቴልን ቱሪዝምን


🌼🌼 🌼ደስታ በርሀ ኣካቢ ቦርድ🌼🌼🌼

09/09/2026

📍ገጢሙና ዘሎ ድርቂ ንምምካት ሓገዝ ምሩፅ ዘርኢ || ካብ ዓሳያ ትህቦስ ዓሳ ከመይ ከምዝግፈፍ ኣምህሮ እዩ እሞ...ዶ/ር ኢያሱ ኣብርሃ
-----

09/09/2026

እዘን ዝተውሃባና ሓገዝ ብኣገባቡ ዘሪእና ክንጥቀመለን ይግባእ-ሓገዝ ሙሩፅ ዘርኢ ዝተገበረሎም ሓረስቶት ራያ ዓዘቦ።

09/09/2026

ደስታ ቢዝነስ ግሩፕ ብምኽንያት ድርቂ ዝገበሮ ሓገዝ ካልኦት ሰብ ሃፍቲ እውን ክስዕብዎ ንፅውዕ- ዋና ኣማሓዳሪ ዞባ ደቡብ ትግራይ ኣይተ ዝናቡ ገ/መድህን

09/09/2026

ኣብ ጎኒ ሕብረተሰብና ኮይንና ዝከኣል ኩሉ እናተሓጋገዝና እቲ ፀገም ክንሓልፎ ኢና።

ኣይተ ተኽላይ ደስታ
ማነጂንግ ዳይሬክተር ደስታ ቢዝነስ ግሩፕ

ኣይተ ተኽላይ ነዚ ዝሓበሩ ትማሊ ኣብ ወረዳ ራያ ዓዘቦ ንሓረስቶት ሓገዝ ምሩፅ ዘርኢ ሓገዝ ኣብ ዝገበርሉ እዩ።

08/09/2026

📍 “ሓረስታይና እናተፀገመ ስኽ ኢልና ኣይንርእን!”—ደስታ ቢዝነስ ግሩፕ 1.3 ሚልዮን ቕርሺ ዝዋግኡ 80 ኩንታል ምሩፅ ዘርኢ ኣበርኪቱ።
🌱🌱🌱🌱🌱🌱
ራያ ዓዘቦ፣- ኣብ ዞባ ደቡብ ትግራይ ኣጋጢሙ ዘሎ ሓደጋ ድርቂ ኣብ ሓረስቶት ዓብዪ ስግኣት እናፈጠረ ኣብ ዘለሉ ደስታ ቢዝነስ ግሩፕ ልዕሊ 1.3 ሚልዮን ቕርሺ ዝተዓደገ ልዕሊ 80 ኩንታል ምሩፅ ዘርኢ ዕፉን ብሓገዝ ንሓረስቶት ወረዳ ራያ ዓዘቦ ኣበርኪቱ።

ማነጂንግ ዳይሬክተር ደስታ ቢዝነስ ግሩፕ ኣይተ ተኽላይ ደስታ፣ ከም ደስታ ቢዝነስ ግሩፕ እቲ ኣጋጢሙ ዘሎ ድርቂ ኣብ ምምካት ናይ ባዕሉ እጃም ንምብርካት ዛጊዶ ኣብ ከባቢ እቲ ኢንሸስትመንት ሕርሻ ዝርከቡ ንዝርከቡ 47 ሓረስቶት ተጠቀምቲ መስኖ ማይ ከምዝገበሮም ሓቢሮም።

እቲ ሎሚ ዝተገበረ ሓገዝ ምሩፅ ዘርኢ ድማ ደስታ ቢዝነስ ግሩፕ ነቲ ክገብሮ ዝፀንሐ ምስ ሓረስቶት እናተሓጋገዝካ ናይ ምልማዕ ስራሕቲ መቐፀልታ ኮይኑ፣ እዚ ዕማም ብቀፃሊ እውን ተጠናኺሩ ክቕፅል ምዃኑ ኣይተ ተኽላይ ሓቢሮም።

ዋና ኣመሓዳሪ ዞባ ደቡብ ትግራይ ኣይተ ዝናቡ ገ/መድህን ብወገኖም ደስታ ቢዝነስ ግሩፕ ዝገበሮ ሓገዝ ንኢዶም ኣብቲ ዞባ እናተጋደደ ዝመፅእ ዘሎ ሓደጋ ድርቂ ብሓባራዊ ፃዕሪ ንምስጋር ድማ ሰብ ሃፍቲ ጥንኩር ሓገዝ ክገብሩ ፀዊዖም።

“ዝባኽን ማይን መሬትን ክህሉ የብሉን፤ እንስሳትና ቀለብ ክረኽባ ይግባእ። ብኽነት ክንኪ፣ ቁጠባ ድማ ክድንፍዕ ይግባእ” እውን ኢሎም ኣይተ ዝናቡ ገ/መድህን።

ኣብ ቢሮ ልምዓት ሕርሻን ሃፍቲ ተፈጥሮን ላዕለዋይ ኣማኻሪ ምክልኻል ድርቂን ምብራኽ ማእቶትን ዶ/ር ኢያሱ ኣብርሃ ብወገኖም እቲ ገጢሙ ዘሎ ደርቂ ከቢድ ብምዃኑ መንግስቲ፣ ትካላት ገበርቲ ሰናይን ግዱሳት ሰብ ሃፍትን ተፅዕኖ ድርቂ ንምቕናስ ዝገብርዎ ሓገዝ ኣገዳሲ ምዃኑ ገሊፆም።

ደስታ ቢዝነስ ግሩፕ ዝገበሮ ናይ ምሩፅ ዘርኢ ሓገዝ፥ ሓረስታይ ንሎሚ ጥራይ ዘይኮነስ፣ ንፅባሕ ክዘርእ፣ ከባፅሕን እንደገና ክቐውምን ዝሕግዝ ዘላቒ ደገፍ እዩ ዝበሉ ዶ/ር ኢያሱ ካልኦት እውን ክስዕብዎ ብምሕባር ብስርዓት ተዘሪኤን ኣብ ረብሓ ክውዕላ ከምዝግባእ ዶ/ር ኢያሱ ኣብርሃ ነቶም ሓረስቶት ኣገንዚበምዎም።

ብተወሳኺ፣ ህዝቢ እውን ዘለዎ ዓቕሚ ብቆጣባይን ውግንና ዝመልኦን መንገዲ ክጥቀመሉ ከምዝግባእ ኣገንዚቦም።

ተጠቀምቲ እቲ ሓገዝ ዝኾኑ ሓረስቶት ብወገኖም፣ እቲ ዝተገበረ ሓገዝ ኣመስጊኖም ዝተጀመረ ባህሊ ዓርሰ-ምትሕግጋዝ ድማ ተጠናኺሩ ክቕፅል ፀዊዖም ኣለው።

እቲ ሓገዝ ብፍላይ ኣብ ጥቓ መስኖ ንዝርከቡ ሓረስቶት ተበፃሒ ክኸውን ዝተገበረ ኮይኑ፣ ብቕልጡፍ ብምዝራእ ተፅዕኖ ድርቂ ንምቕናስን ምህርቲ ንምርካብን ዕድል ንምፍጣር ዝዓለመ ምዃኑ ተገሊፁ።

ዘላቒ መፍትሒ ድርቂ ብሓገዝ ጥራይ ዘይኮነስ፣ ብሓባራዊ ሓላፍነት፣ ዓርሰ-ምትሕግጋዝን ቀጻሊ ደገፍን ክርጋገፅ ይግባእ።

ደስታ ቢዝነስ ግሩፕ!

08/09/2026

📍ደስታ ቢዝነስ ግሩፕ: ኣብ ራያ ዓዘዎ ሓገዝ ምሩፅ ዘርኢ ሂቡ።
----
ደስታ ቢዝነስ ግሩፕ ኣብ ወረዳ ራያ ዓዘዎ ገጠሙ ዘሎ ድርቂ ስዒቡ 80 ኩንታል ምሩፅ ዘርኢ ዕፉን ሓገዝ ሂቡ።

07/09/2026

Tomato



D B Africa Trading PLC

26/08/2026